2010-2019
O Hamare Parmeshwar ki Yojna Kitni Badi!
October 2016


O Hamare Parmeshwar ki Yojna Kitni Badi!

Hum itne zyaada ashcharyejanak raushni aur sachchaai se ghire hai ki mai sochta hoon kya hum sach mein jo hai uska kadar karte hai.

Hamara saobhaagye hai ki hum yahan is vishwabhar ke sammelan mein hamare priye bhavishyevakta aur Adhyaksh, Thomas S. Monson ke nirdeshan aur aguwaai mein ikatthit hai. Pradhaan, hum apne pure hriday se aapko prem aur samarthan dete hai!

Mere pilot hone ke vyavasaaik jiwan ke daoraan, mai computar sistamo ki durusti aur vishwaasniyeta par bahut nirbhar rehta tha par bahut kam apne khud ke computar ko istemaal karta tha. Daftar ka kaam karte samay, mere paas sahayak aur secretariyaan thi jo achchi tarah mere kaam mein sahayta karti thi.

Yeh sab 1994 mein badal gaya, jab mujhe Maha Adhikaari ki niyukti mili. Mere niyukti ke zariye kayi suhane mauke mile dekhrekh ke, magar ismein bahut saara Girjaghar ka daftar kaarye bhi tha—jitna maine kabhi mumkin na samjha tha.

Mere ashcharye mein, ek personal camputer hi mujhe mere kaam mein awwal bana sakta tha.

Jiwan mein pehli baar, mujhe is ajeeb, rahasyapurn, samajhne mein kathin duniya mein jaana pada.

Shuru se, mai aur mera computar ke beech bahut dosti nahin thi.

Jo log teknology se waakif the ne mujhe computar sikhaane ki koshish ki. Woh mere piche khade hote the, mere kandhe se jhaankte huwe, unke ungliyaan to itni raftaar keyboard par chalti thi jab woh type karte the.

“Dekha?” woh garva se kehte. “Ayse hi tum karlo.”

Maine dekha nahin. Yeh sikhna bahut kathin tha.

Mujhe to bahut dikkat hui computar sikhne ke liye.

Iske liye bahut samay, dohraana, dhaerye; bahut zyaada aasha aur vishwaas; mere patni dwara aksar yakeen dilana; aur kayi litar diet soda pina pada jiska naam mai nahin bataunga.

Ab, 22 saal baad, mai computar teknology se ghira hoon. Mere paas ek email address, ek Twitter account, aur ek Facebook paij hai. Mere paas ek smart phone, ek tablet, ek laptop, aur ek digital camera hai. Aur, jabki mere teknology ka gun ek aam saat-saal-ke bachche jaisa nahin, par ek saath-saal ke larka ke liye, mai teknology se waakif hoon.

Magar maine kuch dilchasp dekha hai. Mai teknology mein jitna nipun hua, utna hi mai uska kadar na karta hoon.

Maanav itihaas ka bhaari bhaag, vaartalaabh ghode ke raftaar jaisa tha. Ek sandesh bhejna aur jawaab paana din ya mahine lag sakte the. Aaj hamare sandesh hazaro meel aasmaan mein ya hazaron mitar samudra ke niche duniya ke dusri or kisi ke paas pahunch jaate hai, aur agar kuch hi seconds ki bhi der hui, hum pareshaan aur besabra ho jaate hai.

Shaayad yeh maanushye ka swabhaao hai: jab hamein kisi cheez ki aadat ho jaati hai, chaahe kitna chamatkaari aur ashcharyejanak ho, hum ashcharye ke ehsaas ko bhula dete aur use aam taur se lete hai.

Kya Hum Aatmik Sachchaaiyon ko Mahatwa Nahin Dete?

Hamare aaj ke teknology aur suwidhaaon ke bhaao bahut nahin hoga. Magar, dukhad hai, ki hum kabhi kabhi Ishu Maseeh ke anant aur aatma-viksit karne waale susamachaar ke prati aysa vyavahaar karte hai. Ishu Maseeh ke Girjaghar mein, hamein bahut kuch diya gaya hai. Hum itne zyaada chaoka dene waale raushni aur sachchaai se ghire hai ki mai sochta hoon kya hum sach mein jo hai uska kadar karte hai.

Un shuruaat ke chelon ke baare mein socho jinhonne Uddhaarkarta ke saath chale aur baate kiye the Unke dharti ke dekhrekh ke samay. Kalpana karo kaise unke hriday aur mann abhaar aur shraddha se bhar gaye honge jab unhonne Unko kabra se ji utha dekha, jab unhonne Unke haathon ke ghawon ko mehsoos kiya hoga. Unke jiwan kabhi pehle jaise nahin rahe honge!

Is yug ke shuruaat ke Santon ke baare mein sochiye jo Bhavishyevakta Joseph Smith ko jaante the aur unhe punahsthaapit susamachaar ko prachaar karte suna hoga. Kalpana karo unhe kaisa laga hoga yeh jaankar ki phir se swarg aur dharti ke beech ka sampark shuru ho gaya tha, hamare upar ke celestial ghar se spashtta aur gyaan undelta hua.

Par sabse mahatvapurn, yeh sochiye aapko kaisa laga jab aapne pehli baar vishwaas kiya aur samjha ki aap sach mein Parmeshwar ke ek bachche ho; ki Ishu Maseeh ne ichchapurn rup se aapke paapon ke liye kasht uthaya taaki aap phir se saaf kiye jaao; ki purohiti ki shakti vaastav mein hai aur aapko aapke priyejanon ke saath itne mazboot bandhan mein jod sakta hai is dharti par aur pure anantta tak; ki aaj dharti par ek jiwit bhavishyevakta hai. Kya yeh badhiya aur ashcharyejanak nahin?

Yeh sab ko dhyaan mein rakh kar, aysa kaise mumkin hai ki sab mein se hum log Girjaghar bhakti ke kaarikaram mein bhaag lene ki utsukta kho dein? Ya pavitra dharamshaastra padhne se thak jaaye? Mujhe lagta hai yeh tab mumkin ho sakta hai jab  sirf hamare hriday Parmeshwar ke dwara diye pavitra aur uttam uphaaron ke liye abhaar aur ashcharye anubhav karne mein sunn ho jaaye. Jiwan-badalne waale sachchaaiyaan hamare aankhon ke saamne aur paane mein aasaan, par kabhi kabhi hum chelapan ke maarg par neend mein chalte hai. Bajae Swami ke uddharan par chalne ke saathi sadasyon ke kamzoriyon ko dekh kar aksar hamara dhyaan bhatakne lagta hai. Hum heero se bhare maarg par chalte hai, par hum unke aur saadharan patharon mein antar hi nahin dekh paate.

Ek Jaana-maana Sandesh

Jab mai ek jawaan ladka tha, mere dost mujh se mere dharm ke baare mein puchte the. Aksar mai unhe asamaan baate, jaise Bhudhimaani ke Shabd, batlaane se shuru karta. Anye samay mai anye Maseehi dharmon se saamaantaon ko batlaata. Yeh sab unko na bahut bhaata tha. Magar jab mai hamare Swarg ke Pita ke khushiyaali ki yojna jo Unke bachchon yaane ki hamare liye hai ko batata, mujhe unka dhyaan milta tha.

Mujhe yaad hai uddhaar ke yojna ko apne Frankfurt, Germany ke chepal ke blackbod par banane ki koshish karna. Mai golon ko banata jo maransheel jiwan se purva, maransheelta, aur apne Swarg ke Maata-Pita ke paas lautna is jiwan ke baad ko dikhata tha.

Jab yuva bana, main is uttejit karne waale sandesh ko baatna pasand karta tha. Jab mai in siddhaanton ko apne saral shabdon mein samjhata tha, mera hriday Apne bachchon ke prati Parmeshwar ke pyaar aur ek Uddhaarkarta jisne hum sab ko mrityu aur nark se mukti dilaai ko dekh abhaari hota tha. Mujhe is pyaar, anand, aur aasha ke sandesh par itna abhimaan tha.

Mere kuch dost kehte the ki yeh sandesh jaana-maana mehsoos hota tha, bhale hi yeh sab unke dhaarmik paalan poshan mein sikhaya na gaya tha. Aysa lagta tha jaise woh hamesha se jaante the yeh sab sachcha hai, jaise ki mai sirf unke hriday mein hamesha se aur gehraai se base cheezon par raushni daal raha hoon.

Hamare paas Jawaab hai!

Mai vishwaas karta hoon har manushye apne hriday mein jiwan ke baare mein kuch zaroori sawaal liye chalta hai. Mai kaha se aaya hoon? Mai yahan kyun hoon? Marne ke baad mera kya hoga?

Ayse sawaal maransheel vyaktiyon ne samay ke shuruaat se pucha hai. Tatvagyaaniyon, shaastriyon, aur panditon ne apne jiwanon aur dhan ko luta diya jawaab ki khoj mein.

Mai abhaari hoon ki Ishu Maseeh ke sussamachaar mein jiwan ke sabse uljhe sawaal ke jawaab hai. Yeh jawaab Ishu Maseeh ka Antim-dinon ke Santon ka Girjaghar mein milta hai. Yeh sachche, saral, sidha aur samajhne mein aasaan hai. Woh prena se paaye jaate hai, aur hum use apne Sunbeam kaksha ke teen-saal ke bachchon ko sikhaate hai.

Bhaaiyo aur bahano, hum anant jiu hai, bina shuruaat aur ant ke. Hum hamesha se rahe hai. 1 Hum divye, amaransheel, aur sarvashaktimaan Swargiye Maata-Pita ke hi aatmik bachche hai!

Hum Prabhu apne Parmeshwar ke swargiye darbaar se aaye hai. Hum Elohim, jo Sabse Mahaan Parmeshwar hai ke shaahi ghar se hai. Hum apne maransheel jiwan se pehle Unke saath chale hai. Humne Unhe baate karte suna, Unki mahima dekhi, Unke tarike sikhe.

Tum aur mai ne ek Mahaan Parishad mein bhaag liya jahaan hamara priye Pita ne Apna yojna hamein diya—ki hum dharti par aaye, maransheel shareer paaye, achche aur bure ka chunao karna seekhein, aur un tariko se pragati karein jo mumkin nahin hai.

Aap aur mai jaante the ki jab hum hum parde ko paar karke aur maransheel jiwan mein aaenge, hum jaante the ki hum pehle ke jiwan ko bhool jaaenge. Wahan virodh aur durbhaagye aur behkaawe rahenge. Magar hum yeh bhi jaante the ki shareer paana sabse zaroori tha hamare liye. Oh, hamari aasha thi ki hum jald sahi chunao karna seekh lenge, bina Shaetaan ke behkaawe mein aaye, aur ant mein apne priye Swarg ke Maata-Pita ke paas laut jaaye.

Hum jaante the ki hum paap aur galtiyaan karenge—shaayad gambheer galtiyaan bhi. Magar hum yeh bhi jaante the ki hamare Uddhaarkarta, Ishu Maseeh, ne vaada kiya tha dharti par aane ka, paap-rahit jiwan bitane ka, aur apni ichcha se Apna jiwan ko ek anant balidaan se khatm karega. Hum jaante the ki agar hum apne dil ko Unhe dein, Unpar bharosa kare, aur apni aatma ki sab shakti se chelapan ke maarg par chale, hum phirse saaf hokar hamare Swarg ke Pita ke upasthiti mein jaaenge.

Isliye, Ishu Maseeh ke balidaan mein vishwaas karke, aap aur mai ne Swarg ke Pita ka yojna apne hi ichcha se swikaar kiya.

Isi liye hum yahan is sundar dharti par hai—kyunki Parmeshwar ne hamein woh saobhaagye diya, aur humne use swikaar kiya. Hamara maransheel jiwan, par, sirf antarim hai aur hamare sharirik deh ke saath khatm hoga. Magar hum kaun aur kya hai ka mol nasht nahin hoga. Hamare aatmaa jiwit rahegenge aur Punarjiwan ka intazaar karenge—ek muft uphaar hum sab ke liye hamare Swarg ke Pita aur Unke Putra, Ishu Maseeh ke or se. 2Punarjiwan ke samay, hamare aatma aur shareer tab phir se mil jaaenge, bina koi peeda aur sharirik khamiyon ke.

Punarujiwan ke baad, Nyaye ka Din aayega. Jab sab ko mukti milegi aur woh mahima ke raajye ko paaenge, jo log Parmeshwar mein bharosa karte hai aur Unke kaanoon aur dharamvidhiyon ko apnaate hai ko anantta mein jiwan milega jiski mahima nahin jaani jaa sakti hai aur bahut tejaswi.

Mujhe vishwaas hai woh ek daya aur prem ka din hoga—ek din jab tute hue dil judenge, jab abhaar ke aansu dukh ke aansu ka jagah lenge, jab sab kuch theek kiya jaaega.3

Haan, hum bhari dukh mehsoos karenge paap ke kaaran. Haan, wahan pachtawa aur tadap bhi hoga hamare paapon, murakhta, aur zidh ke kaaran jisse humne ek vishaal bhavishye ka mauka kho diya.

Magar mujhe yakeen hai ki hamein Parmeshwar ke nyaye par sirf santushti hi nahin milegi; hum haeraan aur adhik prasann bhi honge Unka hamare, Unke bachchon ke liye, aseemit upkaar, kripa, dayalupan, aur prem se. Agar hamare ichcha aur karm achche hai, agar hum mein ek jiwit Parmeshwar mein vishwaas ho, tab hum uski aasha kar sakte hai jo Moroni ne kaha “Anant Nirnanayak, mahaan Jehovah ke anandayak nyayeyalay.” 4

Pro Tanto Quid Retribuamus

Mere priye bhaaiyon aur bahanon, mere priye doston, kya tumhare dil aur mann mein achambha aur ashcharye nahin hota hamare priye Pita ke tayyaar kiye khushiyaali ki yojna ke baare mein soch kar? Kya tumhe avarnaniye anand nahin milta yeh jaankar ki jo Prabhu ka intazaar karte hai unke liye vishaal bhavishye tayyaar kiya gaya hai?

Agar tumne kabhi aysa achambha aur anand nahin mehsoos kiya, mai tumhe amantrit karta hoon punahsthaapit susamachaar dhoondhne, adhyan karne, sochne ke liye in saral par thos sachchaaiyon ke liye. “Anantta ke gambheerta tumhare mann mein niwaas karein.”5 Unhe aapko gawahi dene de uddhaar ke divye yojna ka.

Agar pehle mehsoos kiya hai, mai aaj tumse puchta hoon, “Kya is samay bhi [tum] yahi mehsoos karte ho?”6

Haal hi mein mujhe Belfast, Uttar Ireland jaane ka mauka mila. Us daoraan, maine Belfast Coat of Arms dekha, jismein yeh aadarsh waakye hai “Pro tanto quid retribuamus,” ya “Hum in sab ke badle mein kya dein?”7

Mai hum sab ko is sawaal par sochne ke liye kehta hoon. Hum Parmeshwar ke diye raushni aur sachchaai ke bhandaar ke badle kya dein?

Hamare priye Pita sirf chahata hai ki hum paaye gaye sachchaaiyon ke anusaar jiye ki hum Unke diye maarg par chale. Isliye, aao hum saahasi bane, Aatma ki maargdarshan par bharosa karein. Aao vaani se aur karm se apne bhaai bandhuwon ke saath Parmeshwar ke khushiyaali ki yojna ke ashcharye aur prerna bhare sandesh ko baante. Hamara lakshye ho Parmeshwar aur Unke bachchon ke liye hamara prem, kyunki woh hamare bhaai aur bahanein hai. Yahi woh hai jo hum un sab ke badle mein dein sakte hai.

Kisi din “har ek ghutna jhukega, aur sab jeebh apne paapon ko swikaar karenge” ki Parmeshwar ke tarike sahi hai aur Unka yojna sampurn hai. 8 Aapke aur hamare liye, woh din aaj ho. Aao hum ghoshna karein, pehle ke Jacob ke saath, “O hamare Parmeshwar ki yojna kitni badi hai!” 9

Iski mai gawaahi deta hoon hamare Swarg ke Pita ki or abhaari hokar, apna ashirvaad dete huwe, Ishu Maseeh ke naam se, amen.