2010–2019
O Ki Grandi ta e Plan di Nos Dios!
òktober 2016


O Ki Grandi ta e Plan di Nos Dios!

Nos ta rondoná pa rikesa asina impreshonante di lus o bèrdat ku mi ta puntra mi mes ku nos ta apresiá di bèrdat loke nos tin.

Nos ta bendishoná pa reuní atrobe den e konferensia mundial bou di direkshon i liderato di nos kerido profeta Thomas  S. Monson. Presidente nos ta stima i ta sostené bo ku hinter nos kurason!

Durante mi bida profeshonal komo piloto, mi tabata dependé pa un gran parti riba e presishon i konfiabilidat di sistemanan komputarisá, pero kasi nunka mester a traha ku mi propio kòmpiuter. Den mi trabou di ofisina, komo ehekutivo, mi tabatin asistentenan i sekretarionan ku amabilidat tabata yuda mi ku e tareanan.

Tur esaki a kambia na diesnuebe nobentikuater, ora mia wòrdu yamá komo Outoridat General. Mi yamamentu tabata konsistí di hopi oportunidat maravioso, pero tambe e tabata inkluí un gran parti di trabou di ofisina pa Iglesia—mas ku ami por a pensa ku ta posibel.

Pa mi sorpresa, e hèrmènt di mas importante riba mi trabou tabata e kòmpiuter personal.

Pa promé biaha den mi bida, mi mester a sumergí den e mundu straño, místiko i inkomprendibel.

For di kuminsamentu, e kòmpiuter i ami no tabata e mihó amigunan.

Hendenan téknikamente ábil tabata trata pa siña mi kon pa usa e kòmpiuter. Literalmente na tabata para tras di mi, ku nan mannan lihé ofer di skouder, ku nan dedenan moviendo lihé segun nan tabata tek manera un sinfonia riba e teklado.

“Ba wak?” nan lo bisa orguyo. “Ta asin’aki bo ta hasié”

Mi no tabata wak. E tabata un interkambio hopi difísil.

Mi kurva di aprendizahe tabata mas bien un muraya di blòki.

A tuma hopi tempu, ripitishon, pasenshi, no poko speransa i fe, masha hopi sosten di mi kasa; i hopi liter di un limonada di dieta, ku lo mi no menshoná su nòmber.

Awor, bintidos aña despues, mi ta rondoná di teknologia di kòmpiuter. Mi tin un email, un kuenta di Twitter, i un página di Facebook. Mi tin un selular inteligente, un tablet, un laptop, i un kámara digital. I, maske ku mi abilidatnan tékniko no por kompará ku esun di un mucha di shete aña, pa un hende den su setenta i algu, mi ta hasiendo e bon.

Pero mi a nota algu interesante. Mas ábil mi bira ku teknologia, mas mi ta faya pa apresi’é.

Pa gran parti di historia humano, e komunikashon ta bai ku e spit di kabai. Mandando un mensahe i haña e kontesta por a tuma hopi dia i asta hopi luna. Awendia nos mensahenan ta biaha míles di kilometer den airu òf míles di meter bou di osean pa yega na un hende e otro banda di mundu, i si tin un retraso di asta un par di sekònde, nos ta rabia i bira inpasiente.

Ta parse ku ta den e naturalesa humano, ku ora ku nos bira familiar ku algu, asta algu maravioso i impreshonante, nos ta pèrdè nos sentido di asombro i trata esaki komo algun komun.

Nos Ta Tuma Kosnan Spiritual komo sin Balor?

No balorando nos teknologia i servisionan moderno por ta un asuntu relativamente chikí. Pero, ku tristesa, tin biaha nos ta tuma e mesun aktitut pa ku e doktrina eterno i ku ta krese e alma di e evangelio di JesuCristu. Den e Iglesia di jesuCristunos a wòrdu duná asina tantu. Nos ta rondoná dor di un rikesa asina impreshonante di lus i bèrdat ku mi ta puntra mi mes si di bèrdat nos ta apresiá loke nos tin.

Pensa riba e promé disípulonan, ku tabata kana i papia ku e Salbador durante Su ministerio terenal. Imaginá boso e akshon di grasia i reverensia ku mester a inundá nan kurason i yena nan mente ora nan a mir’É lantá for di e tumba, ora nan a fula su heridanan den su mannan. Nan bidanan a kambia pa semper!

Pensa riba e promé Santunan di e dispensashon aki, ku tabata konosé e Profeta Jose Smith i a tend’e prediká e evangelio restourá. Imaginá bo kon nan mester a sinti pa sa ku e velo entre shelu i tera atrobe a sker, tirando lus i konosementu riba e mundu for di nos hogar selestial ariba.

Pero mas ku tur kos, pensa riba kon abo a sinti ora pa e promé biaha bo a kere i komprondé ku bo ta realmente un yu di Dios; ku JesuCristu boluntariamente a sufri pa bo pikanan pa asina bo por ta limpi atrobe; ku e poder di e saserdosio ta real i por mara abo i bo sernan kerí pa tempu i tur eternidat; ku awendia tin un profeta bibu na mundu. Esaki no ta maravioso i asombroso?

Konsiderando tur esaki, kon por ta posibel ku nèt nos no ta eksitá di asistí nos servisionan di adorashon na Iglesia? Òf di ta kansá di lesa e Skritura sagrado? Mi ta suponé ku esaki ta posibel  solamente si nos kurason lo a stòp di sinti i eksperensiá gratitut i asombro pa e donnan sagrado i sublime ku Dios a konsedé na nos. Bèrdat ku ta kambia bida ta dilanti nos wowonan i na nos punta di dede, pero tin biaha nos ta sonámbulo riba e kaminda di disípulado. Demasiado biaha nos ta laga nos mes wòrdu distraí dor di imperfekshonnan di nos rumannan, na lugá di sigui e ehèmpel di nos Maestro. Nos tin nos pia riba un kaminda yen di djamanta, pero apénas nos por distinguí esaki nan for di otro piedra ordinario.

Un Mensahe Familiar

Tempu mi tabata un mucha hóben, mi amigunan tabata puntra mi tokante mi religion. Hopi biaha mi li kuminsá di splika e diferensianan, manera e Palabra di Sabiduria. Otro biaha mi lo enfatisá e similitutnan ku otro religion Cristian, Nada di esaki lo impreshoná nan masha tantu. Pero ora mi tabata papia riba e gran plan di felisidat ku nos Tata Selestial tin pa nos komo Su yunan, mi ta gara nan atenshon.

Mi ta kòrda [kon mi tabata] trata di pinta e plan di salbashon riba un bòrchi pretu den un klas di nos kapia na Frankfurt, Alemania. Mi tabata pinta sírkulonan ku ta representá e bida premortal, terenal, i e regreso na nos Mayornan Selestial despues di e bida aki.

Komo un tinager, mi tabata stima masha tantu mes pa kompartí e mensahe eksitante aki. Ora mi splika e prinsipionan aki den mi propio palabranan simpel, mi kurason la yena te basha ku gratitut na Dios ku ta stima Su yunan, i un Salbador ku ta redimí nos tur for di morto i fièrnu. Mi tabata asina orguyoso di e mensahe aki di amor, goso i speransa.

Algun di mi amigunan lo bisa e mensahe aki ta zona familiar, maske ku kosnan asina nunka a wòrdu siñá den nan edukashon religioso. Ta manera ku semper nan tabata sa ku e kosnan aki ta bèrdat, manera ku ami meramente tabata mustra lus riba algu ku semper tabatin rais profundo den nan kurason.

Nos Tin [e] Kontestanan

Mi ta kere kada ser humano ta karga den su kurason un sorto di pregunta fundamental tokante bida mes. Di unda mi ta bin? Dikon mi ta aki nan? Kiko lo pasa despues di morto?

E tipo di preguntanan aki a wòrdu puntrá dor di mortalnan for di kuminsamentu di tempu. Filósofonan, eskribanan, i ekspertonan a pasa nan bida i fortuna buskando e kontestanan.

Mi ta gradisí ku e evangelio restourá di JesuCristu tin e kontestanan pa mayoria pregunta kompliká den bida. E kontestanan ta wòrdu siñá den e Iglesia di JesuCristu di e Santunan di e Delaster Dianan. Nan ta bèrdat, simpel i stret i fásil pa komprondé. Nan ta inspirá, i nos ta siña nan na nos muchanan di tres aña den klas di “rayitos del sol”.

Rumannan. Nos ta sernan eterno, sin kuminsamentu i sin fin. Semper nos a eksistí.1 Nos ta literalmente yunan spiritual di Mayornan Selestial ku ta divino, inmortal. [i] omnipotente.

Nos ta bin di un korte selestial di e Señor nos Dios. Nos ta di e kas real di Elohim, e Dios di Mas Haltu. Nos a kana ku n’E den nos bida premortal. Nos a Skuch’É papia, a testigu di Su mahestat, [i a] siña Su kamindanan.

Abo i ami a partisipá den un Gran Konseho kaminda nos Tata stimá a presentá Su plan na nos – ku nos lo bin na mundu, risibí un kurpa mortal, siña pa skohe entre bon i malu, i progresá den manera ku di otro manera no lo tabata posibel.

Ora nos a pasa dor di e velo i a drenta e bida mortal, nos tabata sa ku nos lo no kòrda e bida anterior. Lo bai tin oposishon i atversidat i tentashon. Pero tambe nos tabata sa ku hañando un kurpa mortal tabata di importansia impresindibel pa nos. O, kuantu nos a spera ku nos lo siña lihé pa hasi e eskohonan korekto, risistí tentashon di Satanas, i eventualmente regresá na nos Mayornan stimá den Shelu.

Nos tabata sa ku nos lo peka i kometé eror – kisas asta algun ku ta serio. Pero tambe nos tabata sa ku nos Salbador JesuCristu, a komprometé pa bin na mundu, biba un bida sin pika, i boluntariamente pone su bida den un sakrifisio eterno. Nos tabata sa ku si nos duna nos kurason na Dje, konfia den Dje, i lucha ku tur nos energia di nos kurason pa kana den su pasonan di disípulado, nos lo por wòrdu laba [i bira limpi], i un atrobe drenta den presensia di nos Tata stimá den Shelu. Asina ta, ku fe den e Ekspiashon di JesuCristu, abo ku ami a aseptá, dor di nos liber albedrio, Tata Selestial Su plan.

Asina ta, ku fe den e sakrifisio di JesuCristu, abo ku ami a aseptá, dor di nos propio boluntat, e plan di nos Tata selestial.

Ta p’esei nos ta akinan riba e planeta bunita mundu aki --- pasó Dios a ofresé nos e oportunidat, i nos a skohe pa asept’é. Nos bida mortal, sinembargo, ta solamente temporal i lo kaba ku e morto di nos kurpa físiko. Pero e esensia di ken abo ku ami ta, lo no bai destruí. Nos spiritunan lo kontinuá bibando i wardando e Resurekshon—un regalo grátis pa tur dor di nos Tata Selestial stimá i Su yu JesuCristu.2. Na Resurekshon nos spiritu i kurpa lo wòrdu reuní, liber di doló i imperfekshonnan físiko.

Despues di Resurekshon, lo bin un dia di Huisio. Kaminda tur [hende] eventualmente tur lo wòrdu salbá i heredá un reino di gloria., esnan ku a konfia den Dios i buska pa sigui Su leinan i ordenansanan lo heredá bida den eternidatnan ku nos no por imaginá nos mes e gloria i e mahestat abrumador.

E Dia di Huisio lo ta un dia di miserikòrdia i amor—un dia kaminda kurasonnan kibrá ta wòrdu saná, kaminda lágrimanan di tristesa ta wòrdu remplasá ku lágrimanan di gratitut, kaminda tur kos ta wòrdu drecha.3

Si, tambe lo tin hopi tristesa pa motibu di piká. Si lo bai Rumannan tin duele i asta angustia pasó di nos fayonan, nos bobedat, i nos kabesura ku a kousa nos pa faya oportunidatnan pa un futuro mas briante.

Pero mi tin konfiansa ku no solamente nos lo ta satisfasé, ku e huisio di Dios; tambe nos lo ta asombrá i yená pa su grasia infinito, miserikòrdia, generosidat, i amor pa nos, Su yunan. Si nos deseonan i obranan ta bon, si nos tin fe den e Dios bibu, e ora ei nos por wak dilanti riba loke Moroni a yama “e tribunal agradabel di e gran Yehova, e Hues Eterno.”4

Pro Tanto Quid Retribuamus

Mi rumannan stimá, mi amigunan kerí, esaki no ta yena nos kurason i mente ku maravia i atmirashon pa kontemplá e gran plan di felisidat ku nos Tata Selestial a prepará pa nos? E no ta yena nos ku goso inmenso pa sa i e futuro glorioso ku ta prepará pa tur ku ta spera riba e Señor?

Si nunka bo a sinti e tipo di maravia i goso aki, mi ta invitá bo pa buska, studia, i skudriñá e bèrdatnan simpel i profundo di e evangelio restourá. “Laga e solemnidat di eternidat sosegá den bi mente.” 5 Laga nan testifiká na bo di e plan divino di salbashon.

Si bo a yega di sinti e kosnan aki anteriormente, mi ke puntra bo, “ Bo por sinti asina awor aki?”6

Resientemente mi tabatin e oportunidat pa biaha bai Belfast, na Irlanda del Norte. Einan, Mi a nota e eskudo di Arma di Belfast ku e lema “Pro tanto quid retribuamus,” òf “Kiko nos lo duna bèk pa asina tantu?”7

Mi ta invitá kada un di nos pa konsiderá e pregunta aki? Kiko nos lo duna bèk pa e fluho di lus i bèrdat [ku] Dios a drama riba nos?

Nos Tata stimá simplemente a puntra [a nos biba e bèrdatnan ku nos a risibí, pa nos sigui e kaminda ku El a proveé. P’esei laga nos tuma kurashi i konfia den e guia di e Spiritu. Laga nos den palabra i den hecho kompartí ku nos ruman e mensahe asombroso, i inspiradó di Dios Su plan di felisidat. Ku nos motibu [lo] ta nos amor pa Dios i pa Su yunan, pasó nan ta nos rumannan. Esaki ta e kuminsamentu di loke nos por hasi pa duna bèk pa asina tantu.

Un dia “tur rudia lo dobla, i tur lenga lo konfesá: ku Dios Su kamindanan ta hustu i su plan ta perfekto.8 Pa abo ku mi, laga e dia ta awe. Laga nos proklamá, ku Jacob di antaño, “O kon grandi e plan di nos Dios!”9

Di esaki mi ta testifiká, ku profundo gratitut pa nos Tata Selestial, lagando boso mi bendishon, den e nòmber di JesuCristu, amèn.