Osisechakl me a Telbiil

Chelecha el kesus, e rodam, ak meluluuch el kirel a ulekrael er a Demad er a Babeluades el bo kuuchais er tia el cheldechedechak el obengkemiu.

Se er a rrak er a 1833 e a Rubak a ulechotii a uldasou el kirel a tabesul el klechad el mo er a Profet el Joseph Smith. Tia el uldasou a debetik er ngii er a 89el bliongel er a Doctrine and Covenants el ngii a dirrek el dodengelii el Llach er a Ulekerreuil a Bedenged. Ng meskid a keltukl el telkelel a kall el dongang, e olekebai er a usbechellel a mekngit el kar el ngii a kengaol el me er a bedenged.

Tirke el tir a olengesenges er a llechul a Rubak e tir a meral oltirakl er a Ulekerreuil a Bedenged a yaksok a belduut el klengeltengat, el ngii a uldimukl er ngii a ungil ukerreuil a bedengir me a uldekiala klisichel a chelsel a bedengir.¹

Diak el meketeket e ak chiliuii a meral cheldechedechal a dirk el dilubech el omeruul el kirel a ika el telbiil. A ta er a kmal oumerang er a Ikelesia el chad el, John A. Larsen, a milesiou er a taem er a World War II el mle United States Coast Guard er a bilas el USS Cambria. Se er a taem er a mekemad er a beluu er a Huriping, e a tekoi a mlei el kirel a merael el mei el delbechelir a rechad er a dub me a kamikaze el oumekemad el skoki. A tekoi a mlei el kirel a mereched el tebedall. El uaisei el USS Cambria a mla merael, a John me a retedei el keldemel a kildmokl a kloklir e ulerreched el mo er a kederang, el rengrir a kmo bo el sebechir el metik er a mlai el ngoititerir el mo er se el mong meng ulebongel el bilas el tobeda er tia el uet. Tirka el chad el ngar er tia el tobedang el bilas, el melasem el orreched el me tuobed, a mle mechesang el ngara tkul a bilas e di mle ngar ngii a temir el ometch a chekill el mo er a di reteua el chad, el kmo bo el sebechir el melemiakl el me er tia el tkul a bilas.

John, oba a kmal oberaod el rasio el lechotel er a ulkel, a miltik er ngii el mengellaeler a rsel a okeua el sak (12 m) a klemengetel el chekil, er a bita er tia el bilas el ngii a merola el bedul a ngeuaol. Ng mocha olengesechekl er ngii, chim-me a-chim, el medengei el kmo se el bolak elungil tuab a chimal, e ng sebechel el ngar ngii a techellel el di mad. Uriul er a bla le kilmeklii a telkib, e a chimal a mlo mengeald er a ringel. Ngii a mla mo mechitechut e milechesuar el kmo ng dikea el sebechel el meketeket el orreked er ngii.

El sa el kmal dikea klisichel, e ngii a mocha omdasuo el kirel a bekesel, a John a mocha lemangeler a chelsel a rengul el mo er a Dios, el melekoi er Ngii el kmo ng kmal blechoel el oltirakl er a Llach er a Ulekerreuil a Bedenged e mla kiei er a klikiid el klengar—e ngii a mocha temel el sal kmal ousbech aike el ngii a yaksok el klengeltengat.

A John a uriul e nguluuchais el kmo ng mlo merek er a nglunguchel, e mlo melechesiu er a di mle mereched el mo klou el klisichel. Ng mocha mellemolem el melemiakl e mlo sebechel di mle mereched el kilmeklii tia el chekil. Se er a becha er a tkul a bilas, e a telil a di mle osisiue diua le ble le beot er ngii a outeliil. A klengeltengat a uldekial a ulekerreuil a bedengel me a klisichel a bedengel, el ngii a yaksok er a Llach er a Ulekerreuil a Bedenged, a blo lobang. Ng milreng a sulel a Demal er a Babeluades, e a uriul er a ike el medechel el taem er a klengar er ngii, el kirel a nger er se el kmal mle soal a rengul el nglunguchel el kirel a ngesou.²

Rodam, me bo de kerekikl a bedenged me a uldesued el oltirakl a osisechakl el ngii amekedmokl er a Llach er a Ulekerreuil a Bedenged, el ngii le beskid el chedaol uldasou. Loba renguk me a reng el kubang, ak sioning er tia el kmal klebokel el klengeltengat el ngii a mengiil er kid el ua ikid el mengiil.El tia bo le uaisei, ak meluluuch el oba ngklel a Rubak el Osobel, Jesus Kristo, amen.