Jerbal

Iien em̧m̧anm̧ōn eo n̄an jipan̄ ej juon iaan kōjeram̧m̧an ko reļļap an ro uwaan Kabun̄ in. ² Irooj ekar ba, “Eļan̄n̄e kom̧ij iakwe Eō kom̧ij aikuj jerbal n̄an Eō,”³ im jej jerbal n̄an E ilo ad jerbal n̄an ro jet.⁴

Ilo ad jerbal, jej epaakeļo̧k Anij.⁵ Jej jeļa kake E ilo jekjek ko me kōj ilo bar jet jekjek jab maron̄. Tōmak eo ad ilo E ej eddōkļo̧k. Ban ko ad em̧ōj likūt ilo kōļmānļo̧kjeņ. Mour ej erom kanooj lem̧ōņōņō. Iakwe eo ad n̄an ro jet ekajoorļo̧k, barāinwōt kōņaan eo ad n̄an jerbal. Jān wōt jekjek in kōjeram̧m̧ane, jej erom enan̄in āinwōt Anij, im ej em̧m̧anļo̧k ad kōppopo n̄an jepļaakļo̧k n̄an Ippān.⁶

Āinwōt an Būreejtōn Marion G. Romney kar katakin: ”Jerbal ejjab juon men eo jej kōttōpare ilo laļ in bwe jen bōk jim̧we eo n̄an mour ilo aeboojoj eo an al. Jerbal ej lukkuun in ōn eo me ej āje juon mour eo eutiejtata ilo aiboojoj eo an aļ .”⁷

Jerbal ilo Kabun̄ in, kōn menin, emaron̄ naaj mālijjon̄ eļan̄n̄e kajjitōk ippād bwe jān kōm̧m̧ane men ko remenin kamijak n̄an kōj, eļan̄n̄e jenaaj jino n̄ate jerbal, ak eļan̄n̄e kūr kōj n̄an kōm̧m̧ane jet men me jejjab ilo jino in lo ad reel ie.

Ejjab to jen kiiō ikar bōk juon jerbal kāāl. Ikar jerbal ilo Africa Southeast Area eo. Ekar kanooj kam̧ōņōņō n̄an jerbal ijo Kabun̄ in ejaad in kāāl im kar ejaake wōt, im kōm kar iakwe Rikwojarjar ro. Innām kar kūr bwe in jepļaak n̄an jeban Kabun̄ in, im ilo m̧ool, ekar dik aō m̧ōņōņō. Oktakin ijjitōn̄ in eaar bōktok jet men ko jab jeļā kaki.

Juon bon̄ ālkin ļōmņak kōn oktak eo ej pojān bōk jikin, iaar ettōņake kake jim̧m̧an-jim̧m̧aō Joseph Skeen. Iaar jeļā jān jōōnōļ eo an bwe ke e im lio pāleen, Maria, kar em̧m̧akūt n̄an Nauvoo, eaar ikdeelel n̄an jerbal, kōn menin eaar pukōtļo̧k Rikanaan Josep Smith im kajjitōk ekōjkan an maron̄ jipan̄. Rikanaan eo eaar jilkinļo̧k e n̄an jerbal ilo jikin kallib eo im jiron̄ e n̄an kōm̧m̧an ijo em̧m̧ān tata emaron̄e, kōn menin eaar kōm̧m̧ane. Eaar jerbal io jikin kallib eo an Smith ro.⁸

Ikar kōļmānļo̧kjeņ kōn jeram̧m̧an eo bwe Joseph Skeen ekar bōk ilo an kar bōk jerbal eo an ilo wāween in. Ejab to ikar kūle bwe ejja jeram̧m̧an in wōt epād ippa, āinwōt adwōj kōm̧m̧an. Aolep kūr ko ilo Kabun̄ in rej itok jān Anij—n̄an ippān rijerbal ro An jitōn̄ er.⁹

Ikar en̄jake juon kapen ilo jetōb ejeno̧lo̧k bwe kūr eo aō ekāāl eaar im̧we. Ej aorōk bwe jān kōm̧m̧ane ekkejel jab in—bwe kūr ko ad ilo m̧ool rej itok jān Anij kōn ritōl ro an ilo priesthood eo. Ālkin en̄jake in, m̧wil eo m̧wilū eaar oktak, im iaar obrak kōn juon ikdeelel eo em̧wilaļ n̄an jerbal. Ij kam̧m̧oolol kōn kōjeram̧m̧an eo an ukweļo̧k im kōn oktak in bōro eo aō. Ij iakwe kūr eo aō ekāāl.

Men̄e eļan̄n̄e jej ļōmņak bwe kūr ko ad ilo Kabun̄ in raar ļōmņak ko an ritōl eo ad ilo priesthood ak bwe ej itok n̄an kōj kōnke ejjeļo̧k bar juon ekōņaan bōke, jenaaj jeram̧m̧an ilo ad jerbal. Bōtaab n̄e jej kūle pein Anij ilo kūr eo ad im jerbal kōn aolepān būruwōd, elōn̄ļo̧k kajoor rej itok n̄an jerbal eo ad, im jej erom ro rem̧ool rikarejeran Jisōs Kraist.

Kakūrm̧ool kūr ko ej aikuji tōmak. Ālkin wōt an Josep kar jino jerbal ilo jikin kallib eo, e im Maria kar jino nan̄inmej. Eaar ejjeļo̧ aerro jāān im kar ilubwilijin ruwamejet ro. Eaar juon iien epen n̄an er. Ilo jōōnōļ eo an, Josep eaar je, “Kōm kar jerbal wōt [im] dāpdep wōt ilo Kabun̄ in kōn tōmak eo edik ippām, men̄e devil eo eaar kajieon̄ kakkure kōm im ukōt likļo̧k kōm.”¹⁰

N̄a, koba ļo̧k ippān buki ro jet bwijjin, naaj indeeo kam̧m̧oolol bwe Joseph im Maria raar jab oktak likļo̧k. Kōjeram̧m̧an ko rej itok ilo ad kōjparok kūr ko im eddo ko ad im dāpdep kōn aolep tōmak eo ewōr ippād.

Ijeļā kajien juon rūkaki in Gospel Doctrine eo eaar ļōn̄aj ro uwaan kūlaj eo an ilo an katakin, bōtaab eaar jab aolep iien jōkjōk eo in. Ālkin koba tok ilo Kabun̄ in, liin eaar bōk juon kūr n̄an katakin ilo Būraimere. Liin eaar en̄jake bwe ejjeļo̧k an kar kapeel ko ikkijien katakin, bōtaab kōnke liin eaar jeļā aorōk in jebral, liin eaab bōke. Mijak eaar m̧ōkaj an anjo̧ ioon, im liin eaar bōjrak an kobaļo̧k bwe en jab aikuj katakin. Kam̧oolol eo in, rūkaki in katakin m̧ōko eo an eaar jeļā an jab kobaļo̧k, eaar lo̧lo̧k, im kar bar karuwainenik. Bisop eo im ro uwaan ward eo kar jipan̄ e. Āliktata, kōn ļapļo̧k in tōmak, liin eaar jino katakin ajri ro. Ilo an kar kōjerbal pedped ko kiiō katakin ilo Teaching in the Savior’s Way, Irooj eaar kōjeram̧m̧an kijejeto ko an liin im liin eaar erom juon rūkaki ekapeel.¹¹

Lukkuun paotok in em̧m̧aan im kōrā eo ilo aolepādwōj ej kabbwer kōj n̄an jekpen ņae kōj make jān jerbal kōn wun ko āinwōt “Ijjab pojak in jerbal; eļap ļo̧k ijo ij aikuj katak,” “Im̧ōk im aikuj in kakkūje,” “Eļap aō rūtto—ej iien eo in an ro jet,” ak “Ekanooj ļap aō poub.”

Ro jeiū im jatū, bōk im kakūrm̧ool juon kūr ej juon jerbal in tōmak. Jemaron̄ lōke ilo ta eo rikanaan eo ad, Būreejtōn Thomas S. Monson, ālij katakin: “Jabdewōt eo Irooj ej kūr, Irooj ej karōkbōbe” im “N̄e jej pād ilo jerbal eo an Irooj, jej lokjak n̄an jipan̄ eo an Irooj.”¹² Men̄e jej pād ilo tōrjān jon̄an ak jab tōre jān jon̄an, men̄e jekanooj im mijak ak kanooj jālimo, Irooj ekōņaan bwe jān pojak, itok limo, im jerbal.

Ijjab elolo kōkaļļe ko rej kwaļo̧k bwe Būreejtōn Monson im ro m̧ōttan ilo Būreejtōnji eo Kein Kajuon im Doulul eo an Jon̄oulruo Rijilōk ro ekanooj ļap aer poub ak kanooj m̧ōk. Rej waanjon̄ak eo ilo juon wāween eim̧we kajoor eo me ej itok n̄an mour ko ad ilo ad kōjerbal tōmak, bōk kūr ko, im kakūrm̧ooli kōn kallim̧ur im wujlepļo̧k. Rej “door [aerer] ilo wheel eo”¹³ elōn̄ iiō ko ļo̧k, im rej wōnm̧aanļo̧k wōt n̄an iuun m̧aanļo̧k, m̧aanļo̧k, im lōn̄ļo̧k.

Aaet, rej jerbal ilo kūr ko raorōk, bōtaab aolep kūr ak ijjitōn̄ ej aorōk. Būreejtōn Gordon B. Hinckley, rikanaan eo m̧oktaļo̧k im Būreejtōn eo an Kabun̄ in kar ba: “Jej aolep ippān doon ilo kijejeto in eļap. … Eddo eo am̧ ilo laajrak in jerbal eo am̧ an aorōk in wōt eddo eo aō ilo laajrak in jerbal eo aō. Ejjeļo̧k kūr ilo kabun̄ in edik ak ejjab aorōk.”¹⁴ Aolep kūr raorōk.¹⁵

Jān ļōn̄jak lōn̄ļo̧k ilo tōmak, “door [aerad] ilo wiiļ in,” im kōm̧akūt “jerbal in eaorōk m̧aanļo̧k.”¹⁶Jān “likūt ilo koba in,” ippān kōrā eo enaaj jinō etiljek Dorothy. Āinwōt jemjān jemjati, jān jeral.

Eļan̄n̄e kwoj kōņaan bwe raan eo an bisop eo ak branch būreejtōn eo en em̧m̧an, kajjitōk ippān kajjitōk ko, “Ekōjkan aō maron̄ jipan̄?” Ia eo Irooje ekōņaan bwe in jerbal ie?” Ilo an jar im ļōmņak kōn eddo ko am̧ make, baam̧le eo, im jerbal, enaaj im̧we n̄an lewaj juon kūr ejejjet. Ilo am̧ kōjeno̧lo̧k, kwonaaj bōk kōjeram̧m̧an priesthood eo n̄an jipan̄ eok wejepedik. Kwon naaj jeram̧m̧an! Aolep ro uwaan rej aikuji er, im aolep ro uwaan rej aikuji juon iien em̧m̧an n̄an jerbal.¹⁷

Jisōs Kraist, ad Waanjon̄ak eļap, kar leļo̧k mour eo An n̄an jerbal eo an Jemen. Ilo Ko̧o̧njeļ eo Eļap m̧okta jān an laļ in kar ejaak, Jisōs, kar kālet im kapiti jān jino in, baļintier, “N̄a e, jilkinļo̧k Eō.”¹⁸ Ilo kōm̧m̧ane āindein, Eaar lukkuun in erom eo rikarejerad aolep. Kōn Jisōs Kraist im kajoor eo jej bōk kōn Pinmuur eo An, jeamron̄ barāinwōt jerbal. Enaaj jipan̄ kōj.¹⁹

Ij lewaj aō iakwe in bōro n̄an kom̧ ro me remaron̄ jerbal ilo Kabun̄ in ilo wāween ko jeļā kake kōnke kōn jōkjōk ko an juon make bōtaab eo ej mour kōn mour eo an ilo juon jitbōn jerbal. Ij jar bwe kwonaaj jeram̧m̧an ilo kijejeto ko am̧. Ij barāinwōt kwaļo̧k kam̧m̧oolol ro me rej kōļapļo̧k kūr ko wiik in im wiik in laļ, barāinwōt ro ejjab to naaj bōk kūr ko n̄an jerbal. Aolep jipan̄ ko im karmejete ko rej aorōk, eļap tata kōn E eo jej jerbal n̄an e. Aolep ro rej jerbal renaaj bōk jouj eo an Anij.²⁰

Jekdo̧o̧n ta ewi dettad ak jōkjōk, kōm̧m̧an bwe jerbal en ad “riaron̄ron̄.”²¹ Jerbal ilo kūr eo am̧. Jerbal ilo kūr eo am̧, jerbal e juon mijen, jerbal n̄an jinōm̧. Jerbal n̄an juon ruwaimejet. Jerbal n̄an eo iturum̧. Baj jerbal.

Kōm̧m̧an bwe Irooj en kōjeram̧m̧an kōj ilo kijejeto ko ad n̄an jerbal im erom rikaļoor ro rem̧ool an Jisōs Kraist.²² Ij kam̧ool bwe E emour im ej tōl jerbal in. Ilo etan Jisōs Kraist, amen.