Tibwaan te Euangkerio ae Kaokaki
Tera ti arana “aia mwakuri kain te aro ni mitinare” tiaki te buroukuraem ma te anua n tangira ao n anga ara ibuobuoki nakoia tabeman irarikira.
I.
Ni kaania tokin Ana mwakuri te Tia Kamaiu iaon te aba, Iesu Kristo, e tuangiia Ana reirei: “Ma ngaia ae kam na nako ni kakiritiania botanaomata ni kabaneia” (Mataio 28:19) ao “Kam na nako n aba ni kabane, n tataekina te euangkerio nakoia kain aonaaba ni kabaneia” (Mareko 16:15). Ni kabane Kiritian a kabaea n ongotaeka nakon tuangakia n tibwaa te euangkerio ma ni kabane. A mwaiti aika arana te weteaki aei “mwakoron te mwakuri ae korakora.”
Ngke Unimwaane Neil Anderson e kabwarabwara n te tetere ngke ingabong, Aomata aika Itiaki ni kaitira ni bong aikai ngaiia ibuakoia koraki ake a tauraoi nakon te katabeaki ae korakora aei. Ti bon riai , bukina te Atua e tangiriia Natina ni kabane ao bwa inanon te kabanea ni bong aikai E a tia ni kaoki reitan kakawakin te atatai ao te mwaaka ni kakabwaiaia ni kabane. Te Tia Kamaiu e reireniira n tangiriia tarira ma mwanera, ao ti karinea te reirei anne man tibwaa koauan ao rongorongon te euangkerio ae kaokaki “ibuakoia aaba ni kabane, reeti, neewe and aomata” (D&C 112:1). Aio mwakoron kakawakina bwa tera ae nanonaki n riki bwa Aomata aika Itiaki ni boong ni kaitira. Ti nooria bwa te raka ni kimwareirei. Tera rakan riki te kimwareirei nakon tibwauan te koaua ae akea tokina ma natin te Atua?
N te bong aei iai mwaitin bwaai ni mwakuri n tibwaan te euangkerio are aki reke n te roro ngkoa. Ti karekei TV, intanete, ao mwaitin bwaai ni kanako rongorongon iaon te intanete. Iai iroura mwaitin kakawakin rongorongo are a ibuobuoki ni kabwarabwara te euangkerio ae kaokaki. Iai iroura aomata aika kakawaki n te Ekaretia n aaba aika mwaiti. Iai iroura rikirakeia mwaitia mitinare. Ma ti kamanenai bwaai ni mwakuri aikai are e na iai mwiina ae riai? I kakoaua bwa angiin ara kaeka a na kaangai tiaki. Ti kukurei n riki ni moana kakoroan nanon katabeara ae akea tokina ni katanoata te euangkerio ae kaokaki ni kabanea te aonaaba.
A mwaiti iango aika a tamaroa bwa ko na kanga n tibwaua te euangkerio are e na mwakuri irouia tatabeman inanon titeiki ke aaba. Mangaia are, bukina ngaira te Ekaretia ae tabangaki n te aonaaba, I tangiria n taetae iaon iango are e na mwakuri n taabo nako, man unite aika boou ni moan kateana, man butimwaean katei ngkai nakon ana euangkerio Iesu Kristo nakon katei ao aaba ake aaki iraorao nakon te aro. I tangiria n taekin iango ake ko kona n tibwaia ma aomata ake a tauraoi aia onimaki iroun Iesu Kristo n aroia naba aomata ake a tuai n ongo Arana, ma aomata ake a rauaki ma butiraoin maiuiia ma aomata ake a rang ukeuke ni karikirakei aroia.
Tera N na kona n taekinna n ibuobuoki n tibwaua te euangkerio, e ngae ngke tera aroarom? Ti kainanoa aia ibuobuoki kain te aro ni kabane, ao ni kabane membwa a konaa ni ibuobuoki, ngkai e mwaiti mwakuri ni karaoaki n tibwauan te euangkerio ae kaokaki ma aaba, reeti, neewe, ma aomata ni kabane.
Ti ataia bwa karaoan aia mwakuri mitinare irouia kain te aro e bon riai nakon kakoroan bukin te rairaki ao te kateimatoaki. Beretitenti Thomas S. Monson e taku: “Ngkai aio te tai ibukiia kain te aro ao mitinare ni botii aia mwakuri korakora … [ao] mwakuri inanon ana o ni kurebe ni uotiia aomata Nakoina. E katauraoa anga ibukira n tibwa kawain te euangkerio aika mwaiti, ao E na buokiira n ara mwakuri ngkana ti mwakuri inanon te onimaki ni kakoroa bukin Ana mwakuri.”1
Tibwauan te euangkerio, te euangkerio ae kaokaki bon maiura ni mwakuri ni Kiritian ao rakara. Unimwaane Elder Quentin L. Cook e kaurigiira: “Mwakuri ni mitinare bon ti aki teuana man te 88 ni kii iaon te piano are n tabetai ekatangaki; bon te koote ae kakawaki are e kakukurei tangina ni kan kakatangaki n reitinako rinanon maiura ngkana ti tangiria n tiku n rau ma ara motinnano nakon te Kiritian ao ana euangkerio Iesu Kristo.”2
II.
Iai tenua bwaai are ni kabane kain te aro ana kona ni karaoia n buoka tibwaan te euangkerio, n aki tarai aroaron maekaia ao aia mwakuri. Ngaira ni kabane ti riai ni karaoa aikai.
Te Moan ti kona n tataro ni kabane ibukin kukurein te nano n ibuobuoki ma kakawakin mwakoron te mwakuri ni kamaiu. Ni kabane mwakuri korakora e moanaki man te nano ni kukurei..
Te Kauoua, ti kona ngaira ni kawakin tuua. Kakaonimaki, ongotaekaia kain te aro bon moan aia kakoaua ni kariaia koauan kaokan te euangkerio ao bonganan koakan te euangkerio. Kakawakina riki, kain te aro aika onimaki a na karekea Tamneina n taainako ni kawakiniia ngkana a ukora irakin tibwauan korakoran te mwakuri n ana euangkerio Iesu Kristo ae kaokaki.
Te Katenua, ti kona n tataro ibukin te kairi iaona bwa tera are ti kona ni karaoia n aroarora ibon iroura n tibwaua te euangkerio ma tabeman. Aio e kaokoro nakon te tataro ibukiia mitinare ke tataro ibukiia tabeman kona ni karaoia. Ti riai n tataro ibukin tera ti kona karaoia, ibon iroura. Ngkana ti tataro, ti riai n uringa bwa tataro akanne ibukin aron te kairi e na kaekaaki n raonaki ma te motinnano—te bwai ae aranaki ni koroboki aika tabu “nano ni koaua” ke “nanomi ni kabane.” Ngkana e reke te nano ni koaua ni mwakuri iaon te kairi are ko karekea, berita nakon te Uea E na anganiko te kairi n taetae nakon temanna n taekan te euangkerio, ko na karaoia.
Ti kainanoa ana kakawakin te Uea ibukin taai aika onoti ibukiia tabeman aomata, ao tabeman aki, tauraoi ni karekea ikotan koauan te euangkerio ae kaokaki. Ti riai n aki motikia mai nanora bwa antai aika tauraoi ni karekea te euangkerio ao antai ae a aki. Te Uea e atai namakin n te nano irouia ni kabane Natina, ao ngkana ti tataro ibukin te kairi, E na buokiira ni kakaeiia aomata E ataia bwa antai “n tauraoi n ongoraeakina te taeka” ( Aramwa 32:6 ).
Ni katabeau n au mwakuri bwa ana Abotoro te Uea, I tuangiia ni kabane kain te aro ao utuu inanon te Ekaretia n tataro ibukiia ni kuneia aomata n tauraoi ni karekea ana euangkerio ae kaokaki Iesu Kristo. Unimwaane M. Russell Ballard e a tia n anga te reirei ae kakawaki aei, ma are I kariaia. “Kakoaua te Uea. Boni Ngaia te Tia Kawakin tiibu ae Raoiroi. E kinaia Ana tiibu. … Ngkana ti aki irekereke (ma te mwakuri), mwaitiia ake ana riai n ongo rongorongon Kaokan Bwaai a na bon aki reke aia tai n ongo … Te moan reirei e bebete—tataro, boni iroum ao inanon am utu, ibukin aia tai mitinare.” 3 Ngkana ti kaota raoi ara onimaki ni karekei taai aikai a bon roko ma akean “imanonoaia ke … kaekaana akea bureia. A na bebete n aron mwiin ara tangira ibukiia tarira ma mwaanera.” 4
I ataia e koaua aei. I reita au berita ma onimakinan te Uea ibukin ana buoka, ti na kawakinaki, kairaki, ao ni karekea korakoran te tangira ni kimwareirei n te mwakuri akea tokina. Ti roko ma te atatai bwa te tokanikai n tibwaua te euangkerio bon kaoiia aomata ma te tangira ao naano ae koaua ni buokiia, e aki taraaki bwa tera aia kaeka.
III.
Aikai tabeua bwaai are ti kona ni karaoi n tibwaua te euangkerio n nakoraoi.
-
Te Moan: Ti kainanoia n uringa bwa “aomata a reiakinna n te tai are a tauraoi n reiakinna, aki n te tai are ti a tauraoi n reireiniia.”5 Tera ti are ti kukurei inanona, aron kakawakin rakan n anga reirei n te Ekaretia ae kaokaki, n arona aki tabeman kukurei iai. Tabeman ake a tangira mwiina iaon te reirei n te tua onimaki, tiaki te tua. Ngke aia taratara ke te taneiai n ana euangkerio Iesu Kristo ae kaokaki n ringa maiuiia, a namakina te Tamnei ao a moanna ni kukurei inanon te reirei. A na kukurei naba ngkana a ukoukora rakan te kimwareirei, kaaniakiia nakon te Atua, ke te atatai ae tamaroa bwa tera bukin te maiu. 6 Ngaia are, ti riai n taratara raoi ao n tataro mwaaka ni ukoria ni kinaa bwa e na kanga titirakinan temanna te aomata taekan kan kukureina n ongora n reiakinna riki. Aio e nakon bwaai aika mwaiti, n aron temanna te aomata n aroarona ae mena inanona ngkai ao irekerekera ma teuane ke neienne. Aio te bwai ae tamaroa ni maroroakinaki n te kauntira, kooram, ao te Bootaki n Aine.
-
Te Kauoua: Ngke ti taetae nakoia tabeman, ti tangiri n uringa bwa te kakao n reiakinna riki taekan Iesu Kristo ao Ana euangkerio e bon angaraoi nakon te kakao n reiakina riki taekan ara Ekaretia.7 Ti tangiriia aomata ni kabane n rairaki nakon te euangkerio. Anne bon te katabeaki ae korakora n Ana Boki Moomon. Te aomata e na rikirake ana namakin n taekan ara Ekaretia imwiin rairakina nakon Iesu Kristo, a aki moan kaotiia. Mwatiia a bon aki kan kakoaua te ekaretia akean te atatai ni kan karekea ana tangira te Tia Kamaiu. Moanibwaia karaoan akanne ake a riai ni karaoaki ni katiaaki.
-
Te Katenua: Ngkana ti ukoria ni kaota te euangkerio ae kaokaki nakoia aomata, ti riai ni karaoia ni kawaina are e koaua ao ni kaota te tangira ae kaineti ibukiia n tatabemaniia. E riki ngkana ti kataia ni buokiia tabeman ma aia kaangaanga are a tia n ataia ke ngkana ti a mwakuri ma ngaiia ni ibuobuoki inanon aia komunite, n aron kabebetean rawawataia, tabe ibukiia ake a kainano ma ane e kai nanona ke karikirakea tamaroan te maiu nakoia tabeman.
-
Te Kaaua: Ara mwakuri korakora n tibwaa te euangkerio e riai n aki tianaki nakoia aomata ake a riki bwa raoraora ao ake a kaman irekereke ma ngaiia. Inanon te Olympic 2016 ti reiakinna taekan te LDS turaiwa n te taekiti i Rio de Janeiro are uoti katooton Ana Boki Moomon aika itua taetae aika kaokoro ao e anganiia ake ana butimwaia. E bon aranna bwa te “taekiti ni kabutiia mitinare.” E taku, “Kawain Rio de Janeiro … bon [au] marae ni mition.”8
Clayton M. Christensen, e karekea te taneiai ni kukurei ngke te mitinare, e taekinna bwa “uabwi te ririki n nako, ti karekea te taratara bwa akea te reitaki ae nano imarenara n irekereke ao te bwai ae e na riki bwa te aomata anne e na kukurei n reiakina taekan te euangkerio.”9
-
Te Kanimaua: Bitiobiriki n te Uoote a kona ni bairea te bootaki n toa ae onoti nakoia kain te aro ake a butiaki n kairiia aomata ake a kukurei n reiakina te euangkerio. Membwa n te Uoote a na aki tabara ni kairiia aia aomata ake a kinaiamaaki nakon te bootaki n toa bukina a na kakoaua raoi bwa kanoan te bootaki e na baireaki raoi ni karekea te kukurei ao n tei ibukin te Ekaretia naba.
-
A mwaiti aanga tabeua n tibwauan te euangkerio. Te katooto n tain te tiamwa ae nako I karekea te reta ae kakukurei mairoun te aine ae kain te aro ae boou are e reiakina te euangkerio n te tai ae rang maan iroun raoraona ngkoa n te reirei ae temwaane ngke e tareboonia n ongora taekan aorakina are e taneiai inanona. E koreia: “I rang kukurei man te kawai are e kaotirakea nakoiu. Imwin tabeua [te] namwakaina te reirei mairouia mitinare, I bwabetitoaki. Maiu ngkanne e rikirake imwin anne.”10 Ti ataia ni kabane bwa a mwaiti ake maiuiia a karikirakeaki man te euangkerio are e kaokaki. Ngaira ti anga baira ni buokiia?
-
Te Kaitiua: Kain ara aro aika kairake’ a baabane nanoia ao ni mwaatai ma te reitaki ni kanako rongorongo nakoiia n aanga aika onoti ni buokiia ake a kukurei inanon te euangkerio. Ngke e kabwarabwara kaotin te Tia Kamaiu nakoia Nibwaite, Moomon e koreia, “Ekaraoa te mwakuri n ibuobuoki nakoia natiia aomata … , ao e kabwarai neweia … bwaaonga ni kona n taetae” (3 Nibwaai 26:14). Te bong aei I katautau bwa ti na taekina “bwa ana kabwarai aia [teeketi aobua] bwa aonga n taetae.” Naako iai, te roronrikirake!
Tibwauan te euangkerio bon tiaki te karawawata ma onean mwiina te kimwareirei. Tera ti aranna “membwa n te mwakuri ni mitinare” bon tiaki te burokuram ma te anua n tangira ao anga baira n ibuokiia koraki ake irarikira. Bon aanga ni kakoaua bwa ti na kanga n namakina taekan ana euangkerio te Tia Kamaiu ae kaokaki. Ngke Unimwaane Ballard n reirei, “Moan kakawakin te kakoaua n rairakira ao e kanga ara namakin n taekan te euangkerio inanon maiura bon kukureira ni kan tibwaia ma tabeman.”11
I kakoaua Iesu Kristo, bon Ngaia te Oota ao Maiuin te Aonaaba (taraa 3 Nibwaai 11:11). Ana euangkerio ae kaokaki e kaotai kawaira inanon te maiu n rabwata. Ana mwakuri ni Kamaiu e anganiira koauan te maiu imwin te mate ao te korakora nakon te reitinako ni maiu. Ao Ana mwakuri ni Kamaiu e anganiira ara tai nakon kabwaraan ara bure ao, iaan ana babaire ni kamaiu te Atua ae mimitong, ke te maiu akea tokina, “ana kabanea ni korakora ni bwaintangira te Atua” (D&C 14:7). N aran Iesu Kristo, amen.