Akacsruhi Wosasuc Fohlohkihnyuckyak se

Apkuhran nuh ke sahflahiyacn luti Lal fin facluh Mwet Lahngo lasr, Jisus Kraist, sapkihn mwet tuhma lutlut Lal: “Ke ma inge kowos som nu yurin mwet in mutunfacl nukewa fin faclu, ac oru tuh elos in mwet tumuk lutlut” (Matthew 28:19) ac “Kowos som nu fin faclu nufon, ac fahkak Pweng Wo nu sin mwet uh nukewa” (Mark 16:15). Mwet Kristin nuh kwewa in oruh sap inge in akacsruhi wosasuc nuh sin mwet nuh kwewa. Puhs pahngon ma se inge “sap kuh se.”

Petsac

Mwet Lahngo El luti kuht in luhngse

Oacna Elder Neil L. Andersen el ahkuhtweyac ke toeni ke lututacng ah, Mwet Luhlahlfongi ke Lwen Sahflah pa inmahsrlom mwet esaclosyang ke pwacye nuh ke kunohkohn yohk se inge. Kuht enenuh na mweyen kuht etuh lah God el luhngse tuhlihk nuh kwewa nahtuhl na ke lwen sahflah inge El fohlohkohnwack kuhtuh pac etwacack ac kuh yohk srihpac in ahkinsewowoye nohfohn. Mwet Lahngo el luti kuht in luhngse nohfohn oacna mukul ac muhtwacn wiyacsr, ac kuht ahkfuhlwactye luti sacn in akacsruhi mwe loh ac pweng ke wosasuc fohlohkyak se inmahsrlon muhtuhn facl, sucu, kahs, ac mwet uh (liye D&C 112:1). Pa inge sie ip yohk srihpac ke kalmacn in sie mwet luhlahlfongi ke lwen sahflah. Kuht nuhnkuh muh suwohs na engan se. Meac kuh in engan liki in akacsruhi ma pwacye netok nuh sin tuhlihk nuhtin God uh?

Mihsenge oasr sesr mwe kahsruh pucspucs in akacsruhi wosasuc ma wacngihn ke we met ah. Oasr TV, Internet, ac kain atac ke petsac. Puhs yohrohsr pweng wolacna ma kahsruh sruhmuhn ke wosasuc fohlohkihnyuckyak se. Oasr etweyacn Alu uh ke muhtuhnfacl pucspucs. Oasr yohkwelihk ke pihsac na puhs se ke missionaries uh. Tuhsruhk lah kuht orekmakihn kahsruh inge kwewa ke ohiyac ma ac oraclah ma kuh in oreklac an? Nga luhlahlfongi muh inkaiyacsr ac fahk muh moh. Kuht kena oraclah wo in ahkpwacyeyelah kunohkohn srihsrsrihsri nuh sesr lucng me in fahkwelihk wosasuc fohlohkihnyuckyak se nuh fin facluh nohfohn.

Puhs nuhnak wowo ke in akacsruhi fuhkah wosasuc uh ma ac wo ke kais sie stek kuh acn. Ne ohinge, mweyen kuht sie Alu fin facluh nohfohn, nga ke sramsramkihn sie nuhnak ma ac wo ke acn nuh kwewa, ke u in Alu sasuc ac u in Alu oasr pacl loes, ke facsin ma ingena kuh in eis wosasuc luhn Jisus Kraist ac facsin ac muhtuhnfacl ma yohkwelihk sruhnga la ke alu uh. Nga ke sramsramkihn nuhnak ma kom kuh in akacsruhi wosasuc nuh sin mwet ma sulaclah in mwet luhlahlfongi ke Jisus Kraist wi mwet ma soenna lohng Inel, yurin mwet ma falkihn moul lalos ingena wi mwet ma fosrngahlah suk in ahkwoyeloslac sifacna.

Meac nga kuh in fahk ma ac kahsruh ke akacsruhi wosasuc lowos, tiac elyah ke ohiyac kom oasr kac? Kuht enenuh kahsruh luhn mempucr nuh kwewa, ac mempucr nuh kwewa kuh in kahsruh, ke srihpen puhs orekma in oruh pacl kuht akacsruhi wosasuc fohlohkihnyuckyak se yurin muhtuhnfacl nuh kwewa, kain in mwet, kahs, ac mwet nuh kwewa.

Petsac

Prestuhn Monson el kwacfe mempucr ac misineri an in tuhkweni orekma

Kuht kwewa etuh lah wi luhn mempucr ke orekma luhn misineri enenweyuck in oraclah kwewana eklac ac sruokyac na uh. Prestuhn Thomas S. Monson el fahk: “Ingena pacl luhn mempucr ac misineri in oracni kuh lalos … [ac] orekma ke imac luhn Leum in use nguhnan mwet nuh Yohrohl. El ahkoelah inkacnek nuh sesr in akacsruhi wosasuc ke ohiyac pucspucs, ac El ac kahsrwe kuht ke orekma lasr fin kuht oruh ke luhlahlfongi in ahkfalye orekma Lal.”¹

Petsac

Missionary work is not just one key

Fahkwelihk wosasuc fohlohkyak uh pa sie ip kunac ac suwohs lasr ke moul lasr nohfohn in ekihn Mwet Kristin. Elder Quentin L. Cook el ahkacsmakihnye kuht, “Orekma luhn misineri uh tiac pa na atac se ke wosasuc ma kuhtuh pacl uh kuht lohacng nuh kac uh, pa atac se ke wosasuc ma enenuh in oasr lohacng nuh kac pacl nuh kwewa ke lusen moul lasr fin ac fahsr na fal nuh ke sulaclah lasr nuh ke Mwet Kristin ac wosasuc luhn Jisus Kraist.”²

Oasr ma tolu mempucr nuh kwewa kuh in oruh in kahsruh akacsruhi ke wosasuc, wacngihn ma ke ohiyac ke muhtwacngaclos ac orekma. Kuht nuh kwewa enenuh in oruh ma inge kwewa.

Ma se met, kuht kwewa kuh in pruhe in oasr kena in kahsruh ke ip enenuh ke orekma luhn molwelah se inge. Kuh nuh kwewa muhtwacack ke kena uh.

Ahkluo, kuht kuh in sifacna liyacacng ma sap. Mempucr yohk luhlahlfongi, ahkostwen uh pa mwe loh wo emet ke tahpuhk ma pwacye ac woiyacn wosasuc fohlohkihnyuckyak se. Yohk srihpac likina, mempucr yohk luhlahlfongi la fah eis Nguhn luhn Mwet Lahngo in kuh in weluhlos in kohlohlos ke elos suk in wi orekma yohk se ke akacsruhi wosasuc fohlohkihnyuckyak se luhn Jisus Kraist uh.

Ahktolu, kuht kuh in pruhe suk pihrihkyuck ke ma kuht kuh in oruh ke ohiyac lasr kais sie in akacsruhi wosasuc nuh sin mwet sahyac. Ma se inge siena liki pruhe ke misineri kuh pruhe ke ma mwet sahyac kuh in oruh. Kuht enenuh in pruhe ke ma kuht kuh in oruh, sifacna. Ke kuht pruhe uh, kuht enenuh in esam lah pruhe ke kain in kolyuck se inge ac toplac fin orek ke sie inse pwacye—ma se ma suhmuhslah uh pahngon “kena in etuh na pwacye” kuh “ke inse pwacye”. Pruhe ke oasr sie sulaclah in oruh moklweyuck kom eis an, olwelah nuh sin Leum lah fin El mokle kom in sramsram nuh sin sie mwet ke wosasuc, kom ac oruh.

Kuht enenuh kolyuck luhn Leum mweyen ke oacna kais sie pacl kuhtuh ahkolah—ac kuhtuh tiacna—in eis kuhtuh pac ma pwacye ke wosasuc fohlohkihnyuckyak se. Kuht fah tiacna oruh nuhnuhnkuh lasr sifacna lah suc ahkolah ac suc tiac. Leum el etuh nuhnak luhn tuhlihk nuh kwewa Nahtuhl, ac fin kuht pruhe suk ke moklweyuck, El fah kahsrwe kuht konwacack mwet ma El etuh “tuh elos ahkolah in lohng kahs uh” (Alma 32:6).

Ke ip kunuck in sie Mwet Sap luhn Leum, nga kwacfe mempucr ac sucu nuh kwewa ke Alu uh in pruhe tuh Leum Elan kahsrwelos konwacack mwet ahkolah in eis pweng ke wosasuc fohlohkihnyuckyak se luhn Jisus Kraist uh. Elder M M. Russell Ballard el use kahsruh yohk srihpac se inge, suc nga insese kac: “Luhlahlfongi Leum. El pa mwet shepherd wo. El etwaclos. … Fin kuht tiac wi orekma se, puhs selos ma ac lohng pweng ke fohlohkihnyuckyak se fah wacngihn pacl wo lalos in lohng kac. … Ip yohk kac arulacna fihsrwacsr—pruhe, sifacna ac in sucu lowos, ke pacl wowo luhn misineri.”³ Ke kuht orekmakihn luhlahlfongi lasr, pacl wowo inge fah sikyak ke tiac “sap kuh … nuh kac. Elos fah fihsrwacsr in sikyak oacna sie ma sifacna sikyak ke srihpen luhngse lasr nuh sin mukul ac muhtwacn wiyacsr.”⁴

Nga etuh ma se inge pwacye. Nga sang olwelah luhk in weacng lah ke luhlahlfongi ke kahsruh luhn Leum, kuht fah kolyuck, moklweyuck, ac eis engan yohk ke orekma ke luhngse yohk srihpac ne tok se inge. Kuht ac kahlwem kac lah oraclah wo ke akacsruhi wosasuc uh ma ke suli mwet uh ke luhngse ac nuhnkuh na pwacye in muh kahsrwelos, wacngihn ma ke oruh lalos an.

Pa inge kuhtuh sin ma kuht kuh in oruh in akacsruhi wosasuc in wo:

Petsac

Mempucr aetuhi

Petsac

Mempucr muhtwacta

Petsac

Sie mwet kahsruhsr cab ke Olympics Brazil

1. Kuht enenuh in esam “lah mwet uh lutlut pacl se eltahl ahkolah in lutlut uh, tiac pacl se kuht ahkolah in lotwelos uh.”⁵ Ma kuht luhngse uh, oacna luti ke mwe luti yohk srihpac ke Alu fohlohkihnyuckyak se kwacna tiac pa kuhtuh mwet uh pwacr kac uh. Kuhtuh mwet uh luhngse ma sikyak ke mwe luti uh, tiac mwe luti sacn na. Ke elos liye ac puhlakihn ma wosasuc fohlohkihnyuckyak se luhn Jisus Kraist oruh nuh ke moul lasr uh, elos puhla Nguhn ac muhtwacwacack in luhngse mwe luti uh. Eltahl kuh pac in luhngse ke eltahl suk in yohkwelihk engan lalos, fototo nuh sin God, kuh sie kahlwem wowo ke srihpen moul uh.⁶ Ohinge, kuht enenuh in taran ac suk ke pruhe akihlen lah ac siyuckyuck fuhkah sin sie mwet ke ma el pwacr kac in luti in yohk uh. Ma se inge fah wiwina kain in ma, oacna ohiyac ma mwet sacn oasr kac pacl sacn ac kuhpahsr lasr nuh sel. Mwe sramsram na wo se pa inge in sramsramkihn ke tuhkweni ke councils, u luhn mukul, ac Rilif Sosaiti.

2. Ke kuht sramsram nuh sin mwet sahyac uh, kuht enenuh in esam lah sie solsol in lutlut kuhtuh pac ke Jisus Kraist ac wosasuc Lal ac wo liki sie solsol in luti kuhtuh pac ke Alu lasr uh.⁷ Kuht kena mwet uh in eklac nuh ke wosasuc uh. Pa inge srihpac yohk luhn Puk luhn Mormon. Sie mwet el ahkyohkye puhla lal ke Alu lasr uh tukun el eklac nuh sin Jisus Kraist; elos tiac tuhkuh met liki. Puhs suc ma ahlohloh ke alu ne ohinge oasr luhngse lalos ke Mwet Lahngo. Oruh ma uh ke tahklac la an.

3. Ke kuht sruhmuhn nuh sin mwet uh ke wosasuc fohlohkihnyuckyak se, kuht enenuh in oruh ma se ke ohiyac ma pwacye ac oruh ke nuhnak in luhngse nuh sin kais sie. Ma se inge sikyak ke kuht srihke in kahsruh mwet sahyac ke elyah oasr yohrohlos kuh pacl kuht weluhlos orekma ke mukwikwi in kuhlwacnsap ke mura uh, pa in ahkwoye kweok, kahsruh mwet suhkahsruhp ac enenuh, kuh ahkwoye moul luhn mwet sahyac.

4. Oruh lasr in akacsruhi wosasuc uh tiac enenuh in tulokihnyuck nuh sin mwet ma kawuck tari lasr ac wi kuht uh. Ke sie Olympic kuht etwacack ke sie mwet utuck taxi se ke LDS fin acn Rio de Janeiro suc us Puk luhn Mormon ma oasr kain in kahs itkohsr ac sang nuh sin mwet ma ac eis uh. El pahnglol sifacna “misineri utuck taxi se.” El fahk, “Inkacnek Rio de Janeiro … pa acn in misineri [luhk] uh.”⁸

   Clayton M. Christensen, suc oasr oruh na usrnguck la ekihn sie misineri luhn mempucr, fahk lah “ahluhkwelah yac longoul somlah ah, kuht tuh liye lah wacngihn kuhpahsr se inmahsrlon loal iyacn kuhpahsr se inmahsrlon mwet luo ac oasr motkweyac muh sie sin mwet ingacn fah insese in lutlut ke wosasuc liki ma se sahyac an.”⁹

5. Pisaprik ke ward kuh in plwacniyac sie tuhkweni in kuhfa luhn Leum ma mempucr an ac kwacfeyuck in use mwet insese in lutlut ke wosasuc an. Mempucr ke ward fah tiac ahlohloh in use mwet eltahl etuh nuh ke kain toeni se mweyen elos ac etuh na pwacye lah koanon tuhkweni sacn ac plwacniyucki wo in oraclah insese ac fahkwack Alu uh wo.

6. Puhs pac pacl wowo in akacsruhi wosasuc uh. In mwe srihkasrak, summer tari ac nga eis sie lwacta na wowo sin mempucr sasuc se suc lutlut ke wosasuc fohlohkihnyuckyak se ke sie mwet tuh weluhl kuhlahs pahnglol ke tacluhfon ah in siyuck sel ke sie mas el puhlakihn. El suhmuhslah: “Nga fwefwelac ke el ahkkahlwemyacl nuh sihk ac. Tukun mahlwem ekahsr in lutlut yurin misineri ah, nga pacptaislac. Moul luhk uh wolac pacl sac me.”¹⁰ Kuht nuh kwewa etuh puhs ma moul lalos wolac ke wosasuc fohlohkihnyuckyak se. Yac kuht saplaklac nuh selos?

7. Orekma wo ac suhmaht luhn mempucr fuhsr lasr ke mwe liyeyuck uh sang nuh selos pacl wo ma suhkwac sikyak in saplaklac in sang engan nuh sin kuhtuh pac ke wosasuc se. Ahkuhtweyac sikyang luhn Mwet Lahngo nuh sin mwet Nephi, Mormon el sihmihs, “El tuh luti ac kuhlwacnsap nuh sin tuhlihk … , ac el tuh tuhlahlihk lohohlos … tuh elos in kuh in sramsram” (3 Nephi 26:14). Mihsenge nga muh kuht ac fahk “tuhlahlihk [kihfihn paholos] tuh elos in kuh in sramsram.” Orekma, mwet fuhsr!

Petsac

Akacsruhi wosasuc uh ke text

Akacsruhi wosasuc tiac ma toasr se a mwe engan se. Ma se kuht pahngon “misineri work luhn mempucr uh” tiac prokracm se tuhsruhk sie ohiyac luhn luhngse ac saplaklac in kahsrwelos ma raunikuhtlac uh. Pacl wowo se pac in wi loh ke puhla lasr ke wosasuc fohlohkihnyuckyak se luhn Mwet Lahngo lasr. Oacna ke Elder Ballard el luti, “Ma sikyak yohk se ke eklac lasr lah kuht puhla fuhkah ke wosasuc ke moul lasr sifacna pa kena se lasr in akacsruhi nuh sin mwet sahyac uh.”¹¹

Nga fahkwack luhlahlfongi ke Jisus Kraist, suc pa Kahlwem ac Moul luhn Facluh (liye 3 Nephi 11:11). Wosasuc fohlohkihnyuckyak Lal kol kuht ke moul in ikoac uh. Iwaclah Lal use nuh sesr kahlwem se ke moul se tukun misac ac kuh se in ahkwot nuh ke moul kaul. Ac Iwaclah Lal use nuh sesr pacl wowo in eis nuhnak muhnahs ke ma koluk lasr ac, ke plwacn in molwelah wolacna luhn God, in fal in eis moul ma pahtpaht, mwe sang yohk se emet luhn God (liye D&C 14:7). Ke inen Jisus Kraist, amen.