2010–2019
Ku E Lo Bira Fuerte Tambe
òktober 2016


Ku E Lo Bira Fuerte Tambe

Mi ta resa ku nos lo lanta na nos yamada pa hisa otronan pa prepará nan pa nan sirbishi glorioso.

Mi ta sinti bendishoná pa ta den e reunion aki ku esnan ku tin e saserdosio di Dios. E deboshon, e fe, i e sirbishi generoso di e kurpa aki di hòmbernan i muchanan hòmber ta un milager moderno. Mi ta papia awe nochi na poseedornan di saserdosio, mas mayor i mas yòn, uní den sirbishi di henter kurason na Señor JesuCristo.

Señor ta duna Su poder na esnan den tur ofisionan di saserdosio ku ta sirbi dignamente den nan debernan di saserdosio.

Wilford Woodruff, komo Presidente di Iglesia, a deskribí su eksperensia den e ofisionan di e saserdosio:

“Mi a skucha e promé predikashi ku mi a yega di tende den e Iglesia aki. E siguiente dia mi a wòrdu boutisá. … Mi a wòrdu ordená un Maestro. Mi mishon a kuminsá di biaha. … Mi a bai henter mi mishon komo un Maestro. … Na e konferensia mi a wòrdu ordená un Saserdote. … Despues ku mi a wòrdu ordená un Saserdote mi a wòrdu manda … riba un mishon na e parti zùit di e pais. Esaki tabata na hèrfst di 1834. Mi tabatin un kompañero ku mi, i nos a kuminsá sin plaka ni material skirbí. Mi a biaha mi so pa un distansia largu i a prediká e Evangelio, i mi a boutisá hopi ku mi no por a konfirmá den Iglesia, pasobra mi tabata solamente un Saserdote. … Mi a biaha algun tempu predikando e Evangelio promé ku mi a wòrdu ordená un Elder. …

“[Awor] mi tabata un miembro di e Diesdos Apòstelnan pa sinkuentikuater aña. Mi a biaha ku e quorum ei i otronan awor pa sesenta aña; i mi kier bisa na e asamblea aki ku mi tabata mes sostené pa e poder di Dios miéntras mi tabatin e ofisio di un Maestro, i spesialmente miéntras sirbiendo den e hòfi di wendrùif komo un Saserdote, ku mi tabata komo un Apòstel. No tin diferensia den esei tanten nos ta hasi nos deber.”1

E posibilidat spiritual maravioso ei di no tin diferensia ta sugirí den e Señor Su deskripshon di e Saserdosio Aaróniko komo un “anekso” di e Saserdosio Melchizedek.2 E palabra anekso ta nifiká ku e dos ta konektá. E konekshon ei ta importante pa asina e saserdosio por bira e forsa i bendishon e por ta, den e mundu aki i pa semper, pasobra e “ta sin kuminsamentu di dia òf fin di aña.”3

E konekshon ta una simpel. E Saserdosio Aaróniko ta prepará hòmbernan hoben pa un konfiansa asta mas sagrado.

“E poder i outoridat di esun mas haltu, òf Saserdosio Melchizedek, ta pa tene e yabinan di tur e bendishonnan spiritual di e iglesia—

“Pa tin e privilegio di risibí e misterionan di e reino di shelu, pa tin e shelunan habri na nan, pa tuma parti den e asamblea general i iglesia si e Primogénito, i pa gosa e komunion i presensia di Dios e Tata, i Jesus e mediadó di e kombenio nobo.”4

E yabinan ei di saserdosio ta kompletamente praktiká pa solamente un hòmber na tempu, e Presidente i sumo saserdote presidí di Señor Su Iglesia. E ora ei, pa e Presidente su delegashon, kada hòmber ku tin e Saserdosio Melchizedek por wòrdu duná ku outoridat i e privilegio pa papia i aktua den e nòmber di e Todopoderoso. Tin infinidat na e poder ei. E ta deal ku bida i morto, ku famia i e Iglesia, ku e gran naturalesa di Dios Su mes i Su obra eterno.

Señor ta preparando e poseedor di e Saserdosio Aaróniko pa bira un elder sirbiendo ku fe, poder, i gratitut den e glorioso Saserdosio Melchizedek.

Pa eldernan, gratitut profundo lo ta esensial pa hunga boso parti den e sirbishi di saserdosio kompletu. Bo lo kòrda bo dianan komo un diákono, maestro, òf saserdote ora esnan ku tin e saserdosio mas haltu ta aliansa na bo pa hisa i enkurashá bo den bo biahe di saserdosio.

Kada poseedor di e Saserdosio Melchizedek tin memorianan asina, pero e sentido di gratitut por ta a disminuí ku e añanan. Mi speransa ta pa lombra di nobo e sentimentu ei i ku esei e determinashon pa duna na tur ku bo por e mesun tipo di yudansa ku bo a yega di risibí.

Mi ta kòrda un obispo ku a trata mi manera si mi tabata kaba loke mi tabatin potensial pa bira den poder di saserdosio. El a yama mi un Djadumingu ora mi tabata un saserdote. El a bisa e tabatin mester pa mi ta su kompañero pa bishita algun miembronan di nos bario. El a hasié zona manera mi tabata su úniko speransa pa éksito. E no tabatin mester di mi. E tabatin konseheronan ekselente den su obispado.

Nos a bishita un biuda sin plaka i hambrá. E tabata kier pa mi yud’é toka su kurason, ret’é pa traha i usa un presupuesto, i priminti’é ku e por a lanta pa ta den un posishon no solamente pa kuida su mes pero tambe pa yuda otronan.

Nos a bai despues pa konsolá dos muchanan muhé bibando den un situashon difísil. Ora nos a sali di einan, e obispo a bisa mi trankilamente, “E muchanan ei lo nunka lubidá ku nos a bin serka nan.”

Na e siguiente kas, mi a wak kon el a invitá un hòmber ménos aktivo pa bolbe na Señor pa di konvensé ku e miembronan di bario tabatin mester di dje.

E obispo ei tabata un poseedor di Saserdosio Melchizedek ku a hisa mi bista i duna mi un empuhe pa ehèmpel. El a siña mi pa tin e poder i e kurashi pa bai kualke kaminda den e sirbishi pa Señor. El a laga nos pa hopi tempu kaba pa su rekompensa, pero ainda mi ta kòrd’é pasobra el a aliansa abou pa hisa mi ariba ora mi tabata un poseedor di Saserdosio Aaróniko sin eksperensia. Despues mi a siña ku el a wak mi riba un kaminda futuro di saserdosio di responsabilidatnan mas grandi, e tempu ei leu di mi mesun vishon.

Mi tata a hasi meskos pa mi. E tabata un poseedor di e Saserdosio Melchizedek eksperensiá i sabí. Un biaha un Apòstel a lidi’é pa skirbi un nota kòrtiku tokante e evidensia sientífiko pa e edat di e tera. El a skirbié kuidadosamente, sabiendo ku algun ku por ta les’é tabatin un sentimentu fuerte ku e tera tabata hopi mas yòn ku e evidensia sientífiko ta sugirí.

Ainda mi ta kòrda mi tata dunando mi loke el a skirbi i bisando mi, “Hal, bo tin e sabiduria spiritual pa sa si mi mester manda esaki na e apòstelnan i profetanan.” Mi no por kòrda hopi di loke e papel a bisa, pero mi lo karga pa semper ku mi e gratitut mi a sinti pa e gran poseedor di Saserdosio Melchizedek ku a wak den mi sabiduria spiritual ku mi no por a wak.

Un anochi, algun aña despues ku mi a wòrdu ordená un Apòstel, e profeta di Dios a yama mi i a puntra mi pa lesa algu ku a wòrdu skirbí tokante doktrina di Iglesia. El a gasta henter anochi lesando e kapítulonan di un buki. El a bisa ku un harí chikí, “Mi no por kaba di lesa esaki. Abo lo no por deskanso miéntras ku mi ta trahando.” I e ora el a usa kasi mesun palabranan mi tata a usa añanan promé: “Hal, bo ta esun ku mester lesa esaki. Bo lo sa si e ta bon pa publik’é.”

E mesun patronchi di e poseedor di Saserdosio Melchizedek hisando bistanan i dunando konfiansa a bini un anochi na un festival di spich ouspisiá pa Iglesia. Na 17 aña di edat, mi a wòrdu puntra pa papia na un oudiensia largu. Mi no tabata sa kiko nan a spera di mi. Mi no a wòrdu duná un suheto, i asina mi a prepará un diskurso ku tabata mas ayá ku loke mi tabata sa tokante e evangelio. Ora mi tabata papiando, mi a realisá ku mi a hasi un eror. Ainda mi por kòrda ku despues ku mi a papia, mi tabatin un sentimentu tristu di a faya.

E siguiente i diskursante final tabata Elder Matthew Cowley di e Quorum di e Diesdos Apòstelnan. E tabata un gran diskursante—stimá den Iglesia. Mi ta kòrda ainda mirando e di mi sintá banda di e podio.

El a kuminsá den un stèm poderoso. El a bisa ku mi spich a pon’é sinti ku e tabata na un bon konferensia. El a hari ora el a bis’é. Mi sentimentunan di fayo a laga mi i a wòrdu reémplasa pa konfiansa ku mi un dia lo bira loke el a parse di pensa mi tabata kaba.

E memoria di e anochi ei ainda ta pone mi skucha kuidadosamente ora un poseedor di Saserdosio Aaróniko ta papia. Pasobra di loke Elder Cowley a hasi pa mi, semper mi ta spera ku mi lo tende e palabra di Dios. Poko biaha mi ta desapuntá i hopi biaha asombrá, i mi no por yuda pero sonrie manera Elder Cowley a hasi.

Hopi kosnan por yuda fortalesé nos rumannan menor pa lanta ariba den e saserdosio, pero nada lo ta mas poderoso ku nos yudansa den nan desaroyo di e fe i konfiansa ku nan por trèk di e poder di Dios den nan sirbishi di saserdosio.

E fe i konfiansa ei no lo keda ku nan for di un solo eksperensia di ta wòrdu hisá pa asta e poseedor di Saserdosio Melchizedek mas talentoso. E abilidat pa trèk riba e podernan ei mester wòrdu kultivá pa hopi ekspreshonnan di konfiansa for di esnan ku ta mas eksperensia den e saserdosio.

E poseedornan di Saserdosio Aaróniko semper lo mester enkurashamentu diario i asta orario i korekshon for di Señor Su mes pa e Spiritu Santu. Esei lo ta disponibel na nan ora nan ta skohe pa keda digno di dje. E lo dependé di nan eskohonan ku nan lo hasi.

P’esei nos mester siña pa ehèmpel i pa testimonio ku e palabranan di e gran lider di Saserdosio Melchizedek Rei Benjamin ta berdadero.5 Nan ta palabranan di amor papiá den e nòmber di Señor, kende su saserdosio esaki ta. Rei Benjamin ta siña kiko ta rekirí di nos pa keda sufisiente puru pa risibí e enkurashamentu i e korekshon di Señor:

“I finalmente, mi no por bisa boso tur e kosnan pa medio di kua boso por kometé piká; pasobra tin diferente kamindanan i manera te asta asina hopi ku mi no por konta nan.

“Pero esaki mi por bisa boso, ku si boso no wak boso mes, i boso pensamentunan, i boso palabranan, i boso echonan, i warda e mandamentunan di Dios, i sigui den e fe di loke boso a skucha tokante e binida di nos Señor, asta te na fin di boso bida, boso tin ku peresé. I awor, o hòmber, kòrda, i no peresé.”6

Nos tur ta konsiente di e ardiente flechanan chikitu di e enemigu di rektitut ku ta wòrdu manda manera un bientu teribel kontra e poseedornan di saserdosio yòn nos ta stima tantu. Na nos, nan ta parse manera e guereronan yòn i flaku, kende a yama nan mes e yunan di Helaman. Nan por sobreviví, manera e guereronan yòn ei a hasi, si nan ta mantené nan mes sigur, manera Rei Benjamin a urgi nan pa hasi.

E yunan di Helaman no a duda. Nan a bringa yen di kurashi i a bira konkistadónan pasobra nan a kere den e palabranan di na mamanan.7 Nos ta komprendé e poder di e fe di un mama amoroso. Mamanan ta proveé e gran apoyo ei na nan yunan hòmber awe. Nos poseedornan di e saserdosio por i mester pone aserka na e apoyo ei ku nos determinashon pa kontestá e karga ku manera ku nos ta kombertí, nos ta pa alkansá abou pa fortalesé nos rumannan.8

Mi orashon ta pa kada poseedor di Saserdosio Melchizedek lo akseptá e oportunidat ofresé pa Señor:

“I si kualke hòmber entre boso ta fuerte den e Spiritu, laga e tuma huntu ku ne esun ku ta debil, ku e por wòrdu edifiká den tur mansedumbre, ku e lo bira fuerte tambe.

“Pa asina, tuma ku boso esnan ku ta ordená na e saserdosio menor, i manda nan dilanti bo pa traha sitanan, i pa prepará e kaminda, i pa yena sitanan ku boso boso mes no por yena.

“Mira, esaki ta e manera ku kua mi Apòstelnan, den dianan ansiano, a edifiká mi iglesia na mi.”9

Boso lidernan di saserdosio i tatanan di poseedornan di Saserdosio Aaróniko por traha milagernan. Boso por yuda Señor yena e rangonan di eldernan fiel ku hòmbernan hóben ku ta akseptá e yamada pa prediká e evangelio i hasié ku konfiansa. Boso lo mira hopi ku boso a hisá i enkurashá keda fiel, kasa dignamente den e tèmpel, i riba nan bùrt, hisa i prepará otronan.

E no lo tuma programanan nobo di aktividat, materialnan di siñansa mehorá, òf media sosial mihó. E no lo rekirí mas ku loke boso tin awor. E huramentu i e kombenio di e saserdosio ta duna bo poder, outoridat, i direkshon. Mi ta resa boso lo bai kas i studia kuidadosamente e huramentu i kombenio di e saserdosio, den sekshon 84 di Doktrina i Kombenionan.

Tur di nos ta spera ku mas hòmbernan hóben lo tin eksperensianan manera Wilford Woodruff, kende komo un poseedor di Saserdosio Aaróniko a siña e evangelio di JesuCristo ku poder ku ta kombertí.

Mi ta resa ku nos lo lanta na nos yamada pa hisa otronan pa prepará nan pa nan sirbishi glorioso. Mi ta gradisí di henter mi kurason e hendenan maravioso ku a hisa mi i a mustra mi kon pa stima i hisa otronan.

Mi ta testifiká ku Presidente Thomas S. Monson tin tur e yabinan di e saserdosio riba tera na e tempu aki. Mi ta duna mi testigu ku e, durante un bida di sirbishi, tabata un ehèmpel pa nos tur di alkansá pa hisa otronan komo un poseedor di e Saserdosio Melchizedek. Mi ta personalmente gradisidu pa e manera el a hisa ami i a mustra mi kon pa hisa otronan.

Dios e Tata ta biba. Jesus ta e Cristo. Esaki ta Su Iglesia i reino. Esaki ta Su saserdosio. Mi sa esei pa mimes pa e poder di e Spiritu Santu. Den e nòmber di Señor JesuCristo, amen.