Woh Awwal Changaai ka Swami

Mera ek sabse laabhdaayak mauka tha yaatra karne ka—ki duniya bhar ke mere bahano se seekhun. Isse behtar kuch nahin jo baaho mein baanh, aamne saamne, aur dil se dil milaane mein aapke saath ho sakta hai.

Ek ayse anubhav ke daoraan, ek Sahayak Sanstha neta ne pucha, “Kya kuch aysa khaas hai jis par mahilaaon ko gaur karna chahiye?”

Maine jawaab diya, “Haan!” jab mujhe Pradhaan Russell M. Nelson ka bhaashan “A Plea to My Sisters” yaad aaya. Pradhaan Nelson ne sikhlaaya, “Hamein aysi mahilaaen chahiye jinke paas Maseeh ke dharamsiddhaant ki mazboot samajh ho.” ¹

Nephi ne Maseeh ke dharamsiddhaant ko is tarah samjhaya:

“Jis dwaar se tumhe andar prawesh karna hai woh hai pashchataap aur paani dwara baptisma; aur tab aata hai agin aur PavitraAatmadwara paapo ko chama kiya jaana …

“Aur ab … mai puchta hoon kya sab kuch kiya ja chuka hai? Suno, mai tumse kehta hoon ki, Nahin; kyunki tum kewal Maseeh ke vachan anusaar aur uspar apne dridh vishwaas ke sahare, unke bachane ke mahaan samarth ke sahare hi wahan tak pahunche ho.

“Is kaaran, tum Maseeh mein dridh vishwaas rakhte huwe aasha ki akhand jyoti mein aur Parmeshwar aur sabhi manushyon se prem rakhte huwe, sadeo aage badhte chalo. Isliye, agar tum aage badhte rahe, Maseeh ke vaani ka pyaala pite rahe, aur ant tak sahansheel bane rahe, tab suno, Pita is prakaar keh raha hai: Tumhe anant jiwan milega.

“… Yahi woh raasta hai; aur dusra raasta koi nahin na to aakaash ke niche koi naam hi hai, jiske dwara manushye Parmeshwar ke raajye mein bachaya jaa sakta ho. Aur dekho, yahi Maseeh ka siddhaant hai.”²

Kyun hamein in siddhaanton ka mazboot samajh hona chahiye?

Main aksar Antim-din Sant mahilaaon se milti hoon jinhe madad ki zaroorat hoti hai, phir bhi woh Unke paas nahin jaate jo anant madad dilata hai. Woh aksar samajhna chahati hai “bada mahal” ³ talaashne se.

Jab hum Maseeh ke siddhaant ki samajh ko badhate hai, hum jald yeh jaan jaate hai ki hum “khushiyaali ki mahaan yojna” ⁴ ke gehraai ko samajhne lage hai. Hum yeh bhi pehchaante hai ki hamare Uddhaarkarta, Ishu Maseeh, yojna ke madhya mein hi hai.

Jab hum Maseeh ke siddhaant ko apne niji paristhitiyon mein aazmaana seekh lenge, hamare Uddhaarkarta ke liye hamara prem badhega. Aur hum jaanenge “ki dikhne waale antar ke bawajood, hum sab ko usi tarah ki mahaan Praeshchit ki zaroorat hai.”⁵ Hum yeh jaan paate hai ki Woh hamara buniyaad hai—“hamare Muktidaata ka chatttaan, … ek vaastavik buniyaad … ek buniyaad jahan agar [hum] ne apne makaan banaye tab [hum] kadapi nahin girenge.”⁶

Kaise yeh siddhaant hamein ashish de sakta hai jab hum shaanti aur samajh dhoondhenge aur khushi purwak apne maransheelta ke safar ko jhelenge?

Main sujhaao dena chahunga ki hum waisa kare, jaisa Nephi ne kaha, “[Maseeh] par apna dridh vishwaas ke sahare, uske bachane ke mahaan samarthye par nirbhar hokar.” ⁷ Ishu Maseeh mein hamara vishwaas hamein koi bhi chunaoti ka saamna karne ke kaabil banata hai.

Vaastava mein, hum, aksar Swarg ke Pita aur Unke Putra par apne vishwaas ko gehra hote aur unke saath hamare rishte ko mushkilon mein mazboot banata hai. Mujhe teen uddharan dene do:

Pehla, Uddhaarkarta, jo Awwal Changaai ka Swami hai, ke paas hamare hriday ko badalne ki shakti hai aur woh hamare hi paapon se paaye dukh se hamesha ki raahat deta hai. Jab Uddhaarkarta ne kunwe par Samaritan mahila ko sikhaya, Woh uske gambheer paapon ko jaanta tha. Phir bhi, “Prabhu dil ko dekhta hai,”⁸ aur Woh jaanta tha uska dil seekhna chahata tha.

Jab woh mahila kunwa par aayi, Ishu—jo jiwan ka paani hai—ne saralta se kaha, “Mujhe paani pila.” Hamare Uddhaarkarta humse bhi aysi awaaz mein baat karega jo hum pehchaanege jab hum Uske paas jaaengesaid simply—kyunki Woh hamein jaanta hai. Woh hamein hamare hi jagah par milega. Aur kyunki Woh jo hai aur jo Usne hamare liye kiya hai, Woh samajhta hai. Kyunki Usne hamara peeda saha hai, Woh hamein jiwan ka paani de sakta hai jab hum dhoondhenge. Usne yeh Samaritan mahila ko sikhlaya jab Usne kaha, “Yadi tu Parmeshwar ke vardaan ko jaanti, aur yeh bhi jaanti ki woh kaun hai jo tujh se kehta hai, ki Mujhe paani pila; to tu usse maangti, aur woh tujhe jiwan ka paani deta.” Ant mein samajhne par, mahila ne vishwaas se jawaab diya aur pucha, “He Prabhu, woh paani mujhe de, taaki mai pyaasi na houn.”

Samaritan mahila ne Uddhaarkarta ke saath is anubhav ke baad, “tab mahila apna ghada chod kar, aur shahar mein gayi, aur logon se kehne lagi,

“Aao, ek manushye ko dekho, jisne sab kuch jo maine kiya mujhe bata diya: kahi yahi to Maseeh nahin hai?”

Usne gawaahi paa li thi—usne jiwan ka paani peena shuru kar diya tha—aur usne chaaha ki woh Unke divyeta ki gawahi auron ko dein.⁹

Jab hum Unke paas vinamra aur seekhne waale dil se aayenge—bhale hi hamare dil galtiyon, paapon, aur gunaah ke bojh se dabe ho—Woh hamein badal sakta hai, “kyunki woh mahaan hai.”¹⁰ Aur badle huwe dilon se, hum, Samaritan mahila ki tarah, apne hi shaharon mein jaao—Unki gawahi dene ke liye.

Dusra, Awwal Changaai ka Swami hamein sahanubhuti aur shakti de sakta hai jab hum peeda mehsoos karenge auron ke galat kaaryon ke kaaran. Maine kayi mahilaaon ke saath baat ki hai jo bojh se dabe huwe the. Mandir se unka vaada ka maarg ek kathin safar ban chuka hai changaai ka. Woh tute huwe vaado, tute dilon, aur khoi hui saahas se kasht jhelte hai. Kayi to vaybhichaar aur taano, yaon sambandhi, aur bhauk durvyavahaar ke shikaar hai, aksar anye logon ke laton ke kaaran.

Yeh anubhavein, bhale hi unke kisi galti se nahin hai, ne kayion ko apraadhi aur sharminda kiya hai. Yeh na samajhte hue ki un shaktishaali bhaonaaon ko kaise sambhale, kayi bahane unhe dafnane ki koshish karte hai, apne hi andar kaed karke.

Aasha aur changaai chupaane se nahin milti magar hamare Uddhaarkarta, Ishu Maseeh ke raushni aur prem mein. ¹¹ Elder Richard G. Scott ne salaah diya: “Agar tum gambheer paap [se] khud mukt ho, kisi aur ke paap ka natija jhelne ki koi zaroorat nahin hai. … Tum sahanubhuti mehsoos kar sakte ho. … Phir bhi tumhe apne upar zimmedaari nahin leni hai.  … Jab tumne woh kar liya hai kisi priyejan ko madad karne ke liye, us bojh ko Uddhaarkarta ke charno mein rakh do. … Jab tum aysa karoge, na sirf tumhe shaanti milegi par tum Uddhaarkarta ki shakti mein apna vishwaas dikhaoge ki woh priyejan ke paap ke bojh ko halka kar sakta hai apne pashchataap aur aagyakarita ke zariye.”

Usne aur kaha: “Sampurn changaai tumhe Ishu Maseeh mein tumhare vishwaas aur Unke shakti aur chamta se milegi, Unke Praeshchit ke dwara, taaki anyaye aur ayogye daag se changaai mile.” ¹²

Agar tum khud ko is stithi mein paaoge, bahano, changaai ke liye lamba samay lagega. Iske liye tumhe prarthnashilta se maargdarshan aur sahi madad dhoondhna hai, jismein shaamil hai sahi purohiti rakhne waalon ki madad lena. Jab tum khul kar baate karna, sahi daere bithaana aur shaayad peshewar salaah bhi lena sikhoge. Is daoraan achcha dhaarmik swaasth rakhna zaroori hai! Apne divye pehchaan ko yaad rakho: tum Swarg ke Maata Pita ka priye putri ho. Apne Pita ke yojna par bharosa rakho. Har din Ishu Maseeh ke siddhaant ki samajh ko badhana jaari rakhe. Har din vishwaas ka upyog kare Uddhaarkarta ke jiwan ke paani ke kunwa se adhyan karne ke liye. Shakti ke endowment par nirbhar raho jo hamein siddhaanton aur vaado dwara diya gaya hai. Aur Uddhaarkarta aur Unke Praeshchit ke changaai ke shakti ko apne jiwan mein aane ka mauka do.

Teesra, woh Awwal Changaai ka Swami hamein sahanubhuti aur swikriti de sakta hai jab hum “maransheelta ke sachchaaiyon” ke peeda ko anubhav karenge,¹³ jaise durghatna, maansik bimari, rog, gehri peeda, aur maut. Mai haal hi mein ek jawaan mahila se mili hoon jiska naam Josie hai aur woh bipolar disorder se peedit hai. Yeh uske safar ka ek chota hissa hai changaai ki or jo usne mujhe bataya:

“Sabse bada nuksaan ka samay hota hai jab mera parivaar aur mai use ‘floor days’ (jo hoga so dekha jaaega) kehte hai. Uski shuruaat sabhi tanaao ko ek saath mehsoos karne ko kehte hai aur kisi bhi tarah ka awaaz, chuwan, ya raushni bardaash nahin hoti. Isse dimaag par bahut bojh padta hai. Ek din tha jo mai kabhi nahin bhulunga.

“Woh safar ke shuruaat mein tha, jisse yeh anubhav aur daraaona hua. Mujhe rona yaad hai, mere chehre par aansu beh rahe the aur mai saans lena chahati thi. Magar utna gambheer peeda bhi km hua jab maine apni maa ki peeda dekhi jo ghabraai hui thi, mujhe madad karne ki chahat mein.

“Woh bahut dukhi hui mujhe is tarah tadapte dekh kar. Magar hum nahi samajh paaye ki bhale hi stithi khatarnaak hoti jaa rahi thi, hum sirf kuch dur the chamatkaar dekhne se.

“Jaise samay beetta gaya, meri maa ne baar baar fusfusaaya, ‘Main kuch bhi kar jaaungi tumhe is peeda se mukt karne ke liye.’

“Ab tak, andhera badh gaya tha, aur jab mai jaan gayi ki ab main nahin jhel sakungi, usi samay kuch ashcharyejanak hua.

“Ek atiuttam aur ashcharye se bhara shakti achanak mere shareer mein aaya. Phir, ‘mere apne shakti se badi taaqat se,’¹⁴ maine apne maa se kaha dridh vishwaas ke saath maine jaise usko jawaab diya mere peeda ko sehne ke sawaal ka. Maine kaha, ‘Tumhe nahin karna padega; Kisi ne pehle hi kar diya hai.’”

Is khatarnaak maansik bimaari ke andhkaar se, Josie ne himmat jutaai Ishu Maseeh aur Unke Praeshchit ki gawaahi dene ke liye.

Usne puri changaai nahin paayi us din, par usne ghor andhkaar ke samay aasha ki raushni dekhi. Aur aaj, Maseeh ke siddhaant ke mazboot samajh ke sahare aur har din Uddhaarkarta ke jiwan ke paani se swasth hone ke baad, Josie apne safar par jaari hai changaai paane ki aur Awwal Changaai dene waale Swami mein vishwaas aazmaati hai. Woh auron ko bhi madad karti rehti hai. Aur woh kehti hai, “Jab andhkaar bana rehta hai, mai Unke komal daya ki yaad par nirbhar hoon. Woh ek maargdarshaane waali raushni hai jab mai kathin samay se guzarti hoon.” ¹⁵

Bahano, mai gawahi deti hoon ki—

Akele—tumhe paap se paaye dukh ke bojh ko nahin dhona hai.

Akele—tumhe auron ke galat karmo ki peeda ko nahin dhona hai.

Akele—tumhe maransheelta ke peeda bhare sachchaai ko nahin anubhav karna hai.

Uddhaarkarta niwedan karta hai:

“Kya ab tum meri or laotoge, aur pashchataap kar, aur mat parivartan karoge, jisse ki main tumhe rog mukt kar sakun?

“…  Agar tum mere paas aaoge tab tumhe anant jiwan milega. Suno, mera daya ka haath tumhari or faela hua hai, aur jo mere paas aaega …main swikaar karunga.”¹⁶

“[Woh] kuch bhi karega ise tumse dur le jaane ke liye.” Yahan tak ki, “[Usne] kar diya hai.” Ishu Maseeh, Woh Awwal Changaai ka Swami, ke naam se, amen.