Kuht Ac Som Nuh Yurin Suc?

Yac pucspucs somlah ah sucu luhk ah ac nga muhtwacta nuh Israel. Sie sin mwe esam wowo luhk ke muhtwacta se lasr ah pa sie muhtwacta nuh infuckihl se lucng fin acn Jerusalem, sie acn etweyuck ke Kuhfa Sahflah sac.

Ke kuht tu ke acn sac ah, nga riti nuh selos ke John 17, ma Jisus El siyuck sin Pahpah Tuhmwacl ke mwet tuhma lutlut Lal ah:

“Nga pruhe kaclos … tuh elos fah ma sefanna, oacna ke nga kom ma sefanna. …

“Nga tia pre kaclos inge mukena, a nga oayapa pre kaclos su lulalfongi keik ke sripen fahkak lalos;

“Tuh elos nukewa fah ku in ma sefanna; Papa, lela elos in muta in kut, oana ke kom muta in nga ac nga in kom, lela elos in ma sefanna.”¹

Nga puhla moklweyuck na upac ke riti kahs inge ac sukyucyak sifacna pruhe ke acn muhtahl sac ac nga kuh in ma sefanna pacl nuh kwewa yurin sucu luhk ac yurin Pahpah tuhmuhk Lucng ac yurin Wen Nahtuhl.

Kuhpahsr sacohk lasr yurin sucu, kawuck lasr, ac Leum, ac Alu Fohlohkyak Lal pa inmahsrlon ma ma yohk srihpac emet ke moul uh. Ke srihpen kuhpahsr inge arulacna yohk srihpac, elos enenuh in sekoyuck, karihngihnyuckyang, ac ahkwoyeyuck.

Sie sramsram emtucng emet ke ma suhmuhslah uh sikyak ke “puhs sin mwet tuhma lutlut luhn [Leum] ah” upac nuh se in eis luti ac mwe luti Lal, ac elos “folokla, ac walked no more with him.”²

Ke mwet tuhma lutlut inge som, Jisus El forwacng nuh sin Mwet Singucul Luo ah ac siyuck, “Ya kowos lungse pac som?”³

Peter el topuk:

“Leum, kut ac som nu yurin su? kas ma ase moul ma pahtpat oasr yurum.

“Ac inge kut lulalfongi ac etu lah kom pa El su Mutal su tuku sin God me.”⁴

Ke pacl sacna, ke mwet sahyac uh lohacng nuh ke ma elos koflah eis uh, Mwet Sap ah sulaclah in lohacng nuh ke ma elos luhlahlfongi ac etuh, ac ke ma sikyak uh, elos ahkacsmakihnyeyuck ke Kraist.

Tok, ke lwen in Pentecost, Mwet Singucul Luo ah eis mwe sang luhn Nguhn Muhtahl. Elos eklac fokoko ke mwe loh lalos ke Kraist ac muhtwacwacack in kahlwem yohk ke luti luhn Jisus ah.

Lwen mihsenge uh tiac eklac. Nuh sin kuhtuh, solsol luhn Kraist in luhlahlfongi ac kalweni na in fokoko—kuh upac in eis. Kuhtuh mwet tuhma lutlut uh tikuclkucl in kahlwem ke masap kuh luti kahlwem luhn Alu uh. Mwet sahyac uh sokwack elyah ke ma mahtuh luhn Alu uh kuh sesuwohs luhn kuhtuh mempucr ac mwet kol uh, pacl somlah ac pacl inge. Kuhtuh pac sahyac sokwack upac in moulkihn sie alu ma enenuh kihsackuhnlah. Sahflah, kuhtuh luhman “semuhtwengyak ke oruh wo uh.”⁵ Ke srihpac inge ac ma sahyac uh, kuhtuh mempucr ke Alu uh nuhkanlah ke luhlahlfongi lalos uh, nuhnkuh fin sahp elos tiac enenuh in ukwe mwet suc “folokla, ac tia sifilpac welul” Jisus ah.

Fin kuhtwena suwos tikuclkucl ke luhlahlfongi lowos an, ngwac siyuck pacna kihsen siyuck Peter el siyuck ah: “[Kowos] ac som nuh yurin suc?” Kowos fin sulaclah in sukwac wi kuh som liki Alu luhn Jisus Kraist luhn Mwet Luhlahlfongi ke Lwen-sahflah fohlohkyak uh, kowos ac som nuh yurin suc? Meac kowos fah oruh? Sulaclah in “tiac sifil wi” mempucr ke Alu uh ac mwet kol sollac luhn Leum fah oraclah ma ke pacl loeloes ma koflah kahlwemkihnyuck pacl nuh kwewa ingena. Ac kuh in oasr kuhtuh mwe luti, kuhtuh masap, kuhtasrihk ma mahtuh ma oruh kom in tiac insese ke luhlahlfongi lowos an, ac kowos kuh in puhla lah inkacnek sefanna in ahkwoyelah ma upac sacn insiom pa in “tilac fahsr” yurin Mwet Luhlahlfongi uh. Kowos fin moul loes oacna nga, kowos fah akihlen muh ma uh kwacna sifacna ahkwoyeyucklac. Sie nuhnak kuh fwackyuck moklweyuck kuh in kahsruh ahkuhtweyac sie ma suhfal. Esam, Fohlohkyak sac el tiacna ma se ma sikyak, tuh ac kalweni in yohkwelihk.

Nimet sislah ma pwacye yohk ahkkahlwemyeyuck sel Mwet Pahluh Joseph Smith ah. Tiac tui in rit, motko, ac kapsra mwe luti luhn Kraist lun Puk luhn Mormon uh.

Tiac tahfonglac in sang pacl fal nuh sin Leum ke srihke suwohswohs in kahlwem ke ma Leum El fahkwack ah. Oacna kawuck sacohk ac wiyuck orekma mah se luhk, Elder Neal A. Maxwell, el fahk sie pacl ah, “Kuht tiac enenuh in pahngon … muh ke srihpen kuht koflah ahkuhtweyac ma se uh ac koflah ahkuhtweyucki.”⁶

Oruh met liki kowos oraclah sulaclah sensen ke ma luhn nguhn in som, nga ahkkweye kowos in tui ac nuhnkuh ahkwoyac met liki fuhlweack kuhtwena ma ma uskowosme nuh ke luhlahlfongi lowos ke Alu fohlohkyak luhn Jisus Kraist pacl se emet ah. Tui ac nuhnkuh ke ma kowos puhla inge ac efuh kowos puhla. Nuhnkuh ke pacl ma Nguhn Muhtahl uh oruh mwe loh nuh suwos ke ma pwacye ma pahtpaht uh.

Kowos ac som nuh oyac in sokwack mwet sahyac ma akacsruhi luhlahlfongi lowos sifacna, Pahpah ninac luhngse Inkuhsrao, suc luti kuht ohiyac in fohlohk nuh ye Muhtahlos ma pahtpaht?

Kowos ac som nuh oyac in lutiyuck ke Mwet Lahngo suc pa kawuck sacohk lowos, suc tiac kweok muhkwena ke ma koluk lowos tuhsruhk oacyacpac kweok ke “kain waek ac ongaiyac ac mwe sruhf nuhkwewa” tuh “insiyacl in sesseslah ke pahkotwen, fal nuh ke mahno, tuh Elan kuh in etuh fal nuh ke mahno lah El ac kahsruh fuhkah mwet Lal fal nuh ke mas lalos,”⁷ weacng, ma nga muh, maskihn wacngihnlac luhn luhlahlfongi uh?

Kowos ac som nuh oyac in lutlut yohk ke plwacn luhn Pahpah Lucng nuh ke engan ac mihs ma pahtpaht lasr, sie plwacn ma sesseslah ke kuh, luti, ac kolyuck wolacna nuh ke moul in ikoac ac ma pahtpaht lasr uh? Esam, plwacn in molwelah uh use moul in mahno uh kalmac, srihpac, ac kolyuck.

Kowos ac som nuh oyac in sokwack sie u in Alu koanong ac moklweyuck fokoko ma lutiyuck kowos ac ahkkweyeyuck sin mukul ac muhtwacn suc kwacfweacng yohk in kuhlwacnsapuh Leum ke kuhlwacnsapwe kowos ac sucu lowos an?

Kowos ac som nuh oyac in sokwack mwet pahluh ac mwet sap moul, suc pahng sin God in usot nuh suwos siepac kahsruh nuh ke kahs in kahsruh, etuh, ahkkweye, ac moklweyuck nuh ke ma upac ke lwen lasr uh?

Kowos ac som nuh oyac in sokwack mwet suc moulkihn ma yohk srihpac ac wo ma kowos kuh in akacsruhi ac kena tahfwelah nuh sin tuhlihk nuhtuwos kuh nuhtin nuhtuwos?

Ac kowos fah som nuh oyac in puhlakihn engan ma tuhkuh ke akwuck in molwelah ac olwelah ke tempuh uh?

Tamuhlwel ac tahmtahel, in eis ac moulkihn wosasuc luhn Kraist kuh in upac. Ma upac se pacl nuh kwewa, ac fah upac pacl nuh kwewa. Moul uh kuh in oacna mwet fan finohl fanuhk soko inkacnek oactu ac upac. Ma enenuh se na in kais kuhtuh pacl tui ke inkacnek uh ac srukyac mohngohsr, in sifil ahkwoye inkacnek lasr uh, ac in sifil nuhnkwaclah muhi lasr uh. Tiac mwet nuh kwewa enenuh in tui ke inkacnek uh, tuh wacngihn ma koluk kac in oruh oacna ke ohiyac lom uh enenuh. Pwacyena, ac kuh in sie ma wo nuh sin mwet suc eis ma wowo kac nohfohn ke pacl wowo in sifil ahksasucyacloslac ke kof in moul ke wosasuc luhn Kraist.

Sensen uh tuhkuh ke sie mwet sulaclah in fahsr tuhlac liki inkacnek ma kol nuh ke sahk in moul.⁸ Kuhtuh pacl uh kuht kuh in lotwelah, lutlutkihn, ac etuh, ac kuhtuh pacl uh kuht enenuh in luhlahlfongi, muhngnguh, ac finsrakkihn.

Ke sahflahiyac ah, kais sie sesr enenuh in topuk kihsen siyuck luhn Mwet Lahngo: “Ya kowos lungse pac som?”⁹ Kuht nohfohn enenuh in suk top lasr sifacna nuh ke siyuck soko an. Nuh sin kuhtuh, top uh fihsrwacsr; nuh sin kuhtuh sahyac, ma na upac se. Ngwac tiac oruh muh nga etuh lah efuh luhlahlfongi uh tuhkuh fihsrwacsr nuh sin kuhtuh likina mwet sahyac uh. Nga tarilacna pwacye in etuh lah top uh oasr pacl nuh kwewa, ac kuht fin suk—suk na pwacye ke inse pwacye ac ke insiyowos nohfohn—kuht fah pacl sa sokwack top nuh ke siyuck lasr uh ke kuht kalweni ke inkacnek luhn wosasuc uh. Ke orekma luhk, nga nuh etuh mwet suc som liki na fohlohk tukun ma upac luhn luhlahlfongi lalos ah.

Finsrak sacohk luhk pa kuht in fah suli sie luhpah luhlahp sin tuhlihk nuhtin God in konwacack ac fahsr na ke inkacnek luhn wosasuc uh elos in kuh pac in “ipeis ke fukun sahk, ma luhngkihnyuck yohk liki fukun sahk nuhkwewa sahyac.”¹⁰

Nguhsr ahsor luhk uh pa kuht in fah ahkkweye, lwelah, etuh, ac luhngse mwet suc tikuclkucl ke luhlahlfongi lalos. Kuht tiac enenuh in muhlkuhnlah tamuhlwel ac tahmtahel wiyacsr uh. Kuht nohfohn oasr ke acn siena ke inkacnek uh, ac kuht enenuh in luti sie sin sie in fal.

Oacna ke kuht enenuh in ahkkahlwemye luhngse ke pain mwet sasuc uh, oruh pac kuht enenuh in yuckihn ac ahkkweye mwet suc oasr siyuck la ac muhnahslah luhlahlfongi lalos.

In orekmakihn siepac kahs oacpacna, nga pruhe tuh oacna sie mwet ma nuhnkuh in som liki “Oak Mahtuh Zion,” ma God ac Kraist oasr ke em uh, fah tui ac nuhnkuh ahkwoyac met liki kowos som.

Nuhnak muhnahs etuh lah finne ac oasr pahkah upac ke eng ac noa ma puok oak uh, Mwet Lahngo El oasr loac ac El kuh in kai eng uh ke sap Lal “Misla, tui.” Nuh ke pacl sacn, kuht enenuh in tiac sahngweng, ac kuht enenuh luhlahlfongi fokoko ac etuh lah “finne eng uh ac noa uh elos aksol pac.”¹¹

Tamuhlwel ac tahmtahel, nga olwelah nuh suwos ke inen Leum lah El fah tiacna sislah Alu Lal ac lah El fah tiacna sislah oacna sie sesr. Esam top lal Peter nuh ke kihsen siyuck ac kahs luhn Mwet Lahngo ah:

“Leum, kut ac som nu yurin su? kas ma ase moul ma pahtpat oasr yurum.

“Ac inge kut lulalfongi ac etu lah kom pa El su Mutal su tuku sin God me.”¹²

Nga fahkwack lah “fah wacngihn sie ine sahyac ac ituckyang kuh kuhtwena inkacnek kuh ohiyac ma molwelah kuh in tuhkuh nuh yurin tuhlihk nuhtin mwet, ke inen Kraist muhkwena.”¹³

Nga fahkwack pac lah Jisus Kraist El pahngon mwet sap ac mwet pahluh Lal ke lwen mihsenge lasr uh ac fohlohkohnwack Alu Lal ke mwe luti ac ma sap in sie acn sef nuh ke pahkah, ac liki ma koluk ma pwacyena fah tuhkuh finte facluh auliyak ac fohlohk nuh Yohrohl.¹⁴

Ac nga sifilpac fahkwack lah Leum “El suli elos nuhkwewa in tuhkuh nuh Yohrohl ac ipeis ke wolacna Lal; ac wacngihn kuhtwena mwet El sruhnga suc tuhkuh nuh Yohrohl, sralsral ac fasrfasr, srohoh ac sukohsohk, mukul ac muhtwacn; … mwet nuhkwewa in oacna sie nuh sin God.”¹⁵

Jisus pa Mwet Lahngo ac Mwet Molwelah lasr, ac wosasuc fohlohkyak Lal fah kol kuht fohlohk sef nuh ye muhtuhn Pahpah tuhmasr Lucng kuht fin muhtana ke inkacnek luhn wosasuc uh ac ukwe falkacl. Nga fahkwack luhlahlfongi ke ma inge ke inen Jisus Kraist. Amen.