Te Riki Bwa Ana Tia Reirei Ara Uea Iesu Kristo

Tera ae nanonaki bwa ana tia reirei ara Uea Iesu Kristo? Ana tia reirei Iesu bon te aomata are e a tia ni bwabetitoaki ao n tauraoi ni katoka iaon teuanne ke neienne aran te Tia Kamaiu ao n Iria. Ana reirei Iesu e kekeiaki n riki n ai Arona man kawakinan Ana tua n te maiu aei, ae ti tebo ma ataein te reirei ae kan riki n ai aron ana mwatita teuanne ke neienne.

A mwaiti aomata aika a ongo te taeka tia reirei ao n taku bwa ti “taan iriiria.” Ma anuara ae itiaki n iriira te tia kamaiu ae kokoaua bon te aro n aomata. Aio e kainnanoa ae raka riki nakon te kamatebwai ao n irii karinanin katei n tatabeua nako. A maiu ana reirei bwa aonga katein Kristo n riki bwa kinakiia ae korakora, n aron te katei n tamnei.

Kakauongo nakon ana kakao te Abotoro Betero n riki bwa ana reirei te Tia Kamaiu:

“Kaota te tataningamarau ni kabanea, ao karekea te raoiroi n ami onimaki; ao te atatai n ami raoiroi;

“Ao te taubaang n ami atatai; ao taotaonan nanomi n tauani baangimi; ao tangiran te Atua n taotaonan nanomi;

“Ao kareke naba akoaia Kiritian n tangiran te Atua i roumi; ao te tangira n akoia Kiritian i roumi.”¹

N aron ae ko kona n noria, rikira bwa ana reirei te Tia Kamaiu ae korakora n tamneina e kainnanoa ae mwaiti riki nakon te bwai ae kainnanoaki. N ana bong te Tia Kamaiu, a mwaiti aika taku bwa a raoiroi n teuana ke ni maiuia riki teuana. A karaoa te bwai ae I a tia n taekinna te ongotaeka ae aki inanonano. Te katooto, a kawakin tuua man aki mwakuri n te Tabati ma a kabuakaka te Tia Kamaiu bukina bwa e kamaiu n te Tabati ae tabu.² A anga te angabwai nakoia kainnano ma a ti anga rakan aia mwane—te bwai ae aki kainnanoia ibukiia.³ A karaoa aia aki mamatam ma nanoia e aki raoiroi.⁴ A tataro ma a tangiria bwa ana nooraki irouia aomata.⁵ E taku Iesu,” bwa a Kaniia ni bwaai aika a taekin, ma akea raoi nanoia ni kan Iria.”⁶ Aekaki ni mwaane ao aine aikanne a kabanea aia tai iaon reiakinan katei aika onoti ke mwakuri ma tiaki mai Inanoia.

Man aikai, e taekinna Iesu:

“Ane a na kangai nako Iu aomata aika bati n te bong arei, Te Uea, Te Uea, tiaki ti taetae ni burabeti n aram? ao tiaki ti kanakoia taimonio n aram? ao tiaki ti karaoi kakai aika bati n aram?

“Ao Ngai n na taku nako ia, I bon aki ataingkami ma ngkoa: naako mai Rou, ngkami aika kam kakaraoa ae buakaka.”⁷

Katein te Tia Kamaiu, n aron ae ti noori, bon tiaki koroboki aika ana iraki ke mwakuri aika ana kakoroaki bukiia. Bon katei aika kakawaki, e ikotaki teuana nakon teuana, ae rikirake inanora n te kawai n reitaki, N taekana teuana, ti aki kona ni karekea teuana katein Kristo n aki karekei ao ni kairoroia naba ake tabeua. Ngkana e rikirake ni korakora te katei teuana, ao ana mwaiti riki.

N ana booki 2 Betero ao inanon te Doctrine ao Covenants tiekition 4, ti reiakinna bwa te onimaki iroun te Uea Iesu Kristo bon aara. Ti taraa ara onimaki man te bwai ae kairiira bwa ti na karaoia—man ara ongotaeka. “Ngkana iai onimakinau iroumi,” te Uea e berita, “e na reke iroumi te mwaaka ni karaoa te bwai are kam tangiria irou.”⁸ Te onimaki bon te tia tei ae kariki bitaki ke mwakuri aika kakawaki. N akean te mwakuri, n akean te maiu ae tamaroa, ara onimaki n akean te mwaaka ni karekea te anua n tia reirei. Ni koauana, e mate te onimaki.⁹

Ao, Betero e kabwarabwara, “Karinna inanon am onimaki te bwai ae tamaroa.” Te tamaroa aei e raka riki nakon te bootaki ae itiaki. Bon te itiaki ao te tamaroa n te iango ao n te rabwata. Te tamaroa bon te mwaaka naba. Ngkana ti maiuakina te euangkerio ma te kakaonimaki, ti na karekea te mwaaka ae tamaroa n ara iango, namakin, ao n ara mwakuri. A kona ara iango ni butimwaea riki ana wirikiriki te Tamnei ae Raoiroi n Otan Kristo.¹⁰ Ti rabwatana Kristo tiaki n ti te bwai ae ti taekinna ao n ataia bwa antai ngaira.

E reitianako Betero, “Karinna nakon [am] tamaroa, atatai.” Ngkana ti maiuakin maiu aika tamaroa, ti karekea ataakin Tamara are i Karawa ao Natina n te kawai ae onoti. “Ngkana e kan toua mwin ana taeka [Teuarei] te aomata, ao e na ata te reirei.”¹¹ Te atatai aei bon ana koaua te aomata, ae roko man oin ara tataneiai. Bon te atatai are e bitiira, bwa ngkana ti karekei ota te wanawana ae mwaiti riki inanon maiura, ti na tangiria ni karekea riki Otana ao Wanawanana.¹² Man maiura ae tamaroa, ti waaki nako man ti kakoauaan Kristo nakon ae ti kona ni kangai iai ara atatai ae matoatoa iroun Kristo.”

E kaungaira Betero bwa ti na karinna “nakon taotaonan nanomi n tauani bangimi; ao tangiran te Atua ao n taotaonan nanomi.” Ngkai ana reirei Iesu aika taotaonaki n nano, ti maiuakina te euangkerio n te kawai ae baeranti man eti. Ti aki “kabirimwaka riki te aomata nakon are [riaon] korakorana.”¹³ Ni katoa bong ti waaki rake, n aki tabe ma kakaewenakon bwain te maiu ae mamate.

N taubaang n te kawai aei, ti karikirakea te taotaonaki n nano ao onimakinan Iehova. Ti aki kona n onimakinna n Ana babaire ibukin maiura, e ngae ngke ti aki kona n noria n oin matara.¹⁴ Ngaia ae, ti na tiku n rau ao n ataia bwa [Ngai] te Atua.¹⁵ Ngkana ti kaitara ma kataaki aika a kaangaanga, ti titiraki, “Tera ae Ko tangiria bwa n na reiakinna man te atatai aei?” Ma ana babaire ao ana kantaninga inanora, ti waaki nako tiaki ti katiaan bwaai ni kabane ma karaoakiia naba ma te nanorinano ao te marurung.¹⁶

Te taotaonaki n nano aei, e reirei Betero, e kairiira nakon te karinan n Atua. Ngkai e taotaonaki n nano te Tama ma ngaira, Natina, ti riki n taotaonaki n nano bon imarenara ao iroura. Ti kukurei n aia rinerine tabeman ao te tai ae anganiia bwa ana rikirake teutana imwiin teutana,¹⁷ n oota man oota riki ni katamaroa te bong ae kororaoi.¹⁸

Man taotaonan nanomi nakon tauani baangimi, ao tangiran te Atua n taotaonan nanomi, arora a bitaki. Ti karekea te akoi n tari are e kinaaki irouia reirei aika koaua. N aron te Itamaria, ti rinanon te kawai ni buokiia naake a kainnanoia, e ngae ngke aki mena ibuakoia raoraora.¹⁹ Ti kakabwaiaia ake a kamaraiaira. Ti karaoa ae raoiroi nakoia ake a bwainikiriniira.²⁰ Iai te katei ae raka iai n arona n Atua ke Iesu Kristo?

I kakoaua bwa ara mwakuri aika ti karaoi n riki n aron ara Tia Kamaiu a bon ikotaki nako iai ni karokoa a “kuneaki” irouna Ana tangira.²¹ Te tangira aei bon kabwarabwarakin katein ana reirei Kristo:

“Ngkana I taetae n aia taetae aomata ma anera, ao ngkana akea te tangira i rou, ao I riki n ai aron te burati ae karongoa, ma te timbara ae tangitang.

“Ao ngkana tao I kona te taetae ni burabeti, ao ngkana tao I atai baika raba ni kabane, ma te atatai ni kabanea; ao ngkana tao iai te onimaki ni kabanea i rou, are I kona ni kamae nako maunga iai, ao ngkana akea te tangira i rou, ao akea uau.”²²

Bon ma te onimaki, te kantaninga, ao te tangira ae kororaoi ae katauira ibukin ana mwakuri te Atua.²³ “Ma a tiku n teimatoa … aika teniua; ma e kakannato riki te tangira i buakoia.”²⁴

Tariu ao mwaneu, ngkai e raka riki n akea kabotauana, ti aki kona n riki bwa “taan reirei aika itera n tai”! Tiaki kona n riki bwa te tia reirei n te iango ae ti teuana ma tiaki ni kawai ake tabeua. Kakaokoron katei ake a roko man mwiin ara onimaki iroun Kristo—n raonaki ma temanna ae ti a tia n taetae iaona n te bong aei—a bane ni kakawaki ibukira bwa ti na teimatoa n onimaki ao n ongotaeka ni kabanea ni boong aikai.

Ngkana ti kekeiaki mwaaka n riki bwa ana reirei ni koaua Iesu Kristo, katei aikai a na kabaeaki, n ikotaki, ao ni uaia ni kakorakoraaki inanora. Ana akea te kakaokoroaki imarenan te akoi ae ti kaotia nakoia ara kairiribai ao te tangira ae ti katikua iaoia raoraora. Ti na kokoaua ngkana akea temanna ae tarataraira bwa ti kewe ke n taekina te koaua ae ngkana a taratara ake tabeman. Ti na rangin ni kabanea ara tai nakon te Atua ngkana ti tabeakiniia aomata ake tabeman ngkana ti mena inanon ara ruu ni bwai.

I kakoaua bwa a kona aomata ni kabane n riki bwa ana reirei te Tia Kamaiu. Ana reirei Iesu e aki katauaki n te ririki, rikim ni mwaane ke n aine, ke te katei ke te wewete. Rinanon rikira bwa ana reirei, ngaira, n tabera bwa Aika Itiaki ni Boong aika Kaitira, karikirakea te korakora ni kakabwaiaia Ana reirei ma te wanawana ni kabuta te aonaaba. Aio bon te tai ni manga kaboou nanora n riki bwa Ana reirei ma te botumwaaka ni kabane.

Tariu ao mwaneu, ti bane n aranaki bwa ana reirei ara Tia Kamaiu. Karika te maungatabu aei bwa am tai ni “waaki n aron are ni kawai, ma ni [Kawaria] ma nanom ni kabanea.”²⁵ Aio Ana Ekaretia. I kaota au koaua ae onoti bwa E maiu. E na kakabwaiaira n ara kekeiaki ae akea tokina n riki bwa Ana reirei aika a kakaonimaki ao n ninikoria. N aran Iesu Kristo, amen.