2010–2019
Oreklac Sie Mwet Tuhma Lutlut luhn Leum Lasr Jisus Kraist
Eprel 2017


Oreklac Sie Mwet Tuhma Lutlut Luhn Leum Lasr Jisus Kraist

El suc srihke in oruh kain in mukwikwi tuhkuh ke luhlahlfongi luhn Kraist suc ma nuh kwewa ma nuh sesr in tu kuh ke luhlahlfongi lasr uh ac ahkos lasr uh ke lwen sahflah.

Meac kalmac in sie mwet tuhma lutlut luhn Leum lasr Jisus Kraist? Mwet tuhma lutlut pa mwet se pacptaislac ac sulwaclah in eis nuh facl inen Mwet Lahngo ac in ukwacl fahsr Tohkohl. Mwet tuhma lutlut se insacnweacng in oacna El in ahkos masap Lal ke moul lal fin facluh, wacngihn eklac fin mwet se lotwelah ma uh sin mwet sahyac ac suk in oacna Leum God lal.

Puhkantwen mwet lohng ke kahs se fahk muh mwet tuhma lutlut ac nuhnkuh muh kalmeyac an pa “mwet ukwe.” Tuhsruhktuh mwet na pwacye ke mwet tuhma lutlut pa ma kuht enenuh in moulkihn. Ke ma tohuyak yohk ke stuhti ac in ahkuhtweyac mukwikwi luhn mwet se. Mwet Tuhma Lutlut uh elos moul ke srihpen mukwikwi luhn Kraist oasr kuh selos sifacna ac tiac ke mwet sahyac, oacna nuh ke ip luhn nguhn in oreklac luhn tuhret ke paho in oraclah kainin ma.

Lohng sin Mwet Sap Peter ke el suli in sie mwet tuhma lutlut luhn Mwet Lahngo:

“Kowos in insianaung in akyokye lulalfongi lowos ke orekma wo; ac akyokye orekma wo lowos ke etauk ke God,

“Ac akyokye etauk lowos ke sifacna leum fowos, ac sang muteng in weang sifacna leum fac, na sang moul mutal nu ke muteng lowos;

“Ac kowos in akyokye moul mutal lowos ke kowos alungsei sie sin sie; ac akyokye alungsei sie sin sie ke lungse nuh sin mwet nukewa.”1

Ke kom kuh in liye, ekihn mwet tuhma lutlut fokoko ke nguhn enenuh yohk likina ka ke ma enenuh. Ke pacl luhn Mwet Lahngo, arulacna puhkantwen el suc sapkihn in suwohswohs ke sie kuh sahyacn liye ke moul lalos. Elos pracktis lah mac el ahkos ac el ac fah pahng nuh kwac. Ke sie srihkasrak, elos ahkos masap in oruh ma fahk nuh selos kuh sapkihnyuck ke orekma ke lwen muhtahl in sokwack koluk sin Mwet Lahngo ke el oruh onweyuck lal ke lwen muhtahl sac.2 Elos sang mwe kahsruh nuh kwewa nuh selos suc suhkahsruhp tuhsruhktuh elos sang mani na yolyak lalos—mac elos tiac enenuh nuh selos.3 Elos lalo tuhsruhk ke orekma na suhpwacr lalos.4 Elos pruhe tuhsruhk in liyeyuck sin mukul puhkantwen muhkwena.5 Jisus el fahk, elos ahkfototo nuh yohrohl ke ingoasrolos, tuhsruhk insiyaclos oan loes nuh yohrohl.”6 Nuh ke mukul ac muhtwacn elos in lohacng in esamyac kais sie mukwikwi luhn mwet ac orekma tuhsruhk in tiacna fihsrwacsr in oraclah El nuh ke insiyaclos.

Ke ma inge, Jisus el fahkwelihk:

“Ke Len in Nununku ac tuku, mwet puspis ac fah fahk nu sik, ’Leum, Leum! Kut tuh fahkak kas lun God inem, ac sisla demon puspis inem, ac oruh ma usrnguk puspis!’

“Na nga ac fahk nu selos, ’Nga tiana etekowos. Fahla likiyu, kowos mwet koluk!’”7

Mukwikwi luhn mwet se nuh ke Mwet Lahngo, ke ohiyacn kuht liye elos, pa tiac sie mwe rit suc elos in ukwe kuh tahk in orekma suc enenuh in oreklac. Elos in tuhkweni ke luhmah lalos, weacng sie nuh ke sie sahyac, suc oraclah nuh sesr in itucklac nuh selos sahyac. Nuh ke kahs sahyac an, kuht tiacna kuh in itucki sie oacna Kraist nuh ke orekma luhn sie mwet ke wacngihn uh oacyac pac itucklac ac kai nuh selos sahyac. Nuh ke orekma luhn sie mwet el oraclah in fokoko, tuh in puhseni liki met ah.

Ke Luo Peter ac keDoctrine and Covenants ip 4, kuht lotwelah tuh luhlahlfongi nuh sin Leum Jisus Kraist pa pwelucng se uh. Kuht srihkeyac luhpan luhlahlfongi lasr uh ke ma suc uskuht in oruh—ke ahkostwen lasr. “Kowos fin luhlahlfongiyuc.” Leum El olwelah, “ac fah oasr kuh yuruwos in oruh oacna sie ma wo Sihk.”8 Luhlahlfongi muhtwacwacack eklac an. Liki orekma, liki moul ke ma wo, luhlahlfongi lasr uh pa fin wacngihn liki kuh in ahkacsmakihn ye mwet tuhmalutlut uh. Kahlwem yohk, luhlahlfongi ac misac.9

Na pa, Peter el ahkuhtweyac, “sang nuh ke luhlahlfongi ke ma wo lom.” Ma inge el ma wo yohk liki soenna lom nuh ke ohiyac luhn kosro. Ma inge el nwacsnwacs lacna ac muhtahl lacna nuh ke nuhnak ac mahno. Ma wo el oacyac pac fokoko. Pa kuht luhlahlfongi ahkos ma yohk ke wosasuc. Kuht fah eis kuh in sang wo liki nuh kwewa ke nuhnak, puhla, ac orekma. Nuhnak lasr uh el oraclah fihsrwacsr in etuh kolyuck ke Nguhn Muhtahl ac kahlwem luhn Kraist.10 Kuht srihke in ahkuhtweyac tiac ke ma kuht fahklah muhkwena ac oruh tuhsruhk in ma sang fahklah kuht mwet fuhkah se pacna.

Peter el sifil tahfwelah, “Toeni nuh ke ma wo lom, ma kom etuh.” Ke kuht moulkihn moul wo, kuht e tuhfah etuh kacl Pahpah Tuhmasr Suc In Kuhsrao ac Wen Nahtuhl ke inkacnek na pucspucs. “Kutena mwet su kena oru ma lungse lun God, el fah etu lah mwe luti luk ma sin God me.”11Ke mwe etuh se inge, pa mwe fahkwelihk luhlahlfongi la sifacna, suc ma tuhkuh ke etuh lasr sifacna. Ma na etweyuck se in ahkkahlwemye nuh sesr, in kahlwem nuh sesr lah ke kuht srihke in suk kahlwem ac ma wo ke luhngse Lal.12 Ke moul wo lasr uh, kuht oraclah inkacnek pa “nga luhlahlfongi” nuh ke ma wolacna sahflah ke “ma nga etuh.”

Peter el use kahs in kahsruh nuh sesr “in etuh in sifacna liyacacng; ac in sifacna liyacacng in muhtweng.” In oruh in oacna sie mwet tuhma lutlut, kuht moulkihn wosasuc in oacna sie ac ahkwoyelah ke inkacnek nuh kwewa. Kuht tiacna “in kahsruhsr muhi liki kuhiyacl.”13 Ke kais sie pacl kuht fahsr nuh meet, tiac kahsruh ke suk in ahkwo srihkasrak ke moul fin facluh.

Srihke in sifacna liyacacng inkacnek se inge, kuht oruh in muhtweng ac luhlahlfongi ke Leum God lasr. Kuht enenuh in fungyang nuh Sel ke ma El oraclah nuh ke moul lasr uh, finne nuh ke kuht tiacna kuh in liye ke muhtah lasr sifacna.14 Ohinge, kuht kuh in sifil liye ac etuh lah El pa God.15 Ke kuht sun ma upac, kuht siyuck, “Meac kom ac oruh nga in kuh in lotwelah ke ma nga oasr kac inge?” Ke plwacn Lal ac srihpac lasr ke insiyacsr, kuht fahsr nuh met tiac in kampare nuh ke ma nuh kwewa na tuhsruhktuh in kampare ke muhtweng ac wo.16

Ke mwe muhtweng se inge, Peter el luti, kol kuht nuh ke muhtahl in God. Ke Pahpah El muhtweng nuh sesr, sin tuhlihk nahtuhl, kuht in muh muhtweng nuh sin sie sin sie ac nuh sesr sifacna. Kuht kahlwem ke sulwaclah luhn mwet sahyac ac ke pacna pacl ituckyang nuh selos in kap ip nuh ke ip,17 kahlwem nuh ke kahlwem nuh ke lwen wolacna sac.18

Nuh ke in sifacna liyacacng in muhtweng ac nuh ke muhtweng nuh ke muhtahl in God, ma lasr fin facluh eklac. Yohkwelihk kuhlwacng lasr sin mwet suc pa ahkkahlwemyeyuck ke mwet tuhma lutlut pwacye nohfohn. Oacna Mwet Samaritan, kuht fahlac ke inkacnek in luti nuh sin oacna sie mwet suc enenuh, finne elos tiac ma ke kawuck lasr.19 Kuht ahkinsewowoyaclos suc oruh koluk nuh sesr. Kuht oruh wo nuh selos suc oruh koluk nuh sesr.20 Yac oasr mukwikwi luhn mwet suc arulacna muhtahl yohk likina kuh oacna orekma luhn Kraist?

Nga fahkwack lah ma nuh kwewa kuht oraclah pa in oreklac sie mwet tuhma lutlut luhn Mwet Lahngo Lasr suc pwacye in “sruokyac na” ke luhngse Lal.21 Luhngse se inge pa ahkuhtweyac pwacye ke mwet tuhma lutlut luhn Kraist:

“Nga finne ku in kaskas ke kas lun mwet ac kas lun lipufan, a fin wangin lungse yuruk, nga ac oana pusren brass su tungtung, ku cymbal su erarrar.

“Nga finne ku in fahkak kas lun God, ac etu ma lukma nukewa ac etauk nukewa; ac fin oasr yuruk lulalfongi nukewa in mokle oel, a fin wangin lungse yuruk, nga wangin.”22

Pa Luhlahlfongi, finsrak, ac moul wo suc ma nuh sesr nuh ke orekma luhn God.23 “Ac ma se ma yohk sin ma tolu inge pa lungse.”24

Tamuhlwel ac tahmtahel, ingena ac yohk likina nuh tok, kuht tiacna kuh in “ip se luhn mwet tuhma lutlut”! Kuht tiac kuh in mwet tuhma lutlut ke srihpac se fanna ke mwe luti kuh sahyac. El suc srihke in oruh kain in mukwikwi in pa tuhkuh ke luhlahlfongi luhn Kraist—weacng nuh ke ma se suc kuht sramsram kac mihsenge—suc ma nuh kwewa ma nuh sesr in tu kuh ke luhlahlfongi lasr uh ac ahkos lasr uh ke lwen sahflah.

Ke kuht srihke in kampare nuh ke mwet tuhma lutlut pwacye lal Jisus Kraist, ma inge kwewa in in pa orekweni in oraclah ma se fanna, sang wi, ac in kuh in ahkfokokoye kuht. Ac tuhfah wacngihn eklac ke kuhlwacng kuht oruh nuh sin el suc sruhngwackuht ac kuhlwacng kuht oruh nuh sin kawuck lasr. Kuht ac tuhfah fuhlahk ke pwacye ke wacngihn mwet ac etuh oacna nuh ke mwet sahyac liye uh. Kuht ac ahklohye luhlahlfongi lasr yurin mwet uh oacna sie nuh ke acn in fihl nuknuk lasr uh.

Nga fahkwelihk lah mwet nuh kwewa kuh in mwet tuhma lutlut luhn Leum. Mwet Tuhma Lutlut pa tiac elyah ke yac, muhtwacn kuh mukul, acn mwet muhta we, kuh kunohkohn se la. Ke kais sie mwet tuhma lutlut lasr, kuht pa Mwet Luhlahlfongi ke Lwen-sahflah, in muhsaheack kuh in ahkinsewowoye tamuhlwel ac tahmtahel wiyacsr fin facluh nohfohn. Pa inge pacl in auliyak in ahkoekuhtlac in mwet tuhma lutlut Lal ke lahlmwetmwet lasr kwewa.

Tamuhlwel ac tahmtahel, kuht nuh kwewa pahng in mwet tuhma lutlut luhn Leum. Oruh toeni luhlahp se inge in sot kom “in muhtwacwacack oacna ke pacl mahtuh, ac tuhkuh nuh yurun Leum ke insiowos kwewa.”25 Pa inge Alu Lal. Nga fahk ke mwe ahkpwacye lah El moul. Lwelah El in ahkinsewowoye kuht ke moul netok lasr in pahngonyuck mwet tuhma lutlut oaru ac puhlaik. Ke inen Jisus Kraist, amen.