Kahlwemi na Kahlwemi ne ke sun Lwen na Wowo se
Finne nuh ke ma upac yohk ac lohsr luhn pacl uh, oasr na kahlwem ac woiyacn ma nuhkwewa raunikuhtlac.
Paul el tuh akacsruhi pweng in finsrak se nuh sin Mwet Corinth ah:
“Pacl puspis akkeokyeyuk kut, tusruktu kut tiana kunausyukla; kutu pacl uh kuht alolo, tusruktu kut tiana fuhleak.
“Kalyeiyuk kut, a kut tiana mukaimtalla; ac finne anwuk kut, kut tia misa.”1
Finsrak lal Paul tuhkuh oyac me? Lohacng nuh ke top se lal: “God se na su tuh fahk, ‘Lela kalem in tolak in lohsr uh!’ pa God se su oru kalem lal in tolak insiacsr in akkalemye nu sesr lah wolana lal pa kalem ke mutun Jesus Christ.”2
Finne ke pacl na upac ac lohsr inge, kahlwem ac ma wo raunikuhtlac. Ohktohpa tari ah, Prestuhn Dieter F. Uchtdorf el tuh ahkacsmakihnye kuht, “Kuht rauniyucklac ke … luhpah na yohk se luhn kahlwem ac ma pwacye lah nga nuhnkuh fin kuht tarilacna ke ma lasr uh.”3
Tuhsruhk, mwet lokoalok ah el luhngse kuht in lohacng nuh ke “ohkohk in lohsr sac … ma ahkkunye muhta, … ahkkwekweye … insiac … ,ac … kohlohloslac.”4
Ne ohinge, ke kahlwem suwohs ke ma upac luhn lwen lasr, Leum El olwelah lah ma suc tuhkuh sin God pa kahlwem; ac mwet suc eis kahlwem ac kalweni ke God ac eis kahlwem yohk. Kahlwem se inge kahlwemi na kahlwemi ne ke sun lwen na wowo se.5
Kuht tuhlihk nuhtin God. In eis kahlwem, kalweni ke God, ac eis kahlwem yohk likina met pa srihpac se ma kuht oreklac nuh kac. Ke muhtwacwacackiyac ah, kuht tuh ukwe kahlwem; kuht tuh ukwe Pahpah tuhmasr Inkuhsrao ac plwacn Lal. Oasr ke ohiyacn nguhn lasr in suk kahlwem.
Nga lohng ke ma pwacye ma pahtpaht se inge lutiyuck arlac kahlwem ke acn nga tiacna nuhnkuh ac sikyak. Ke nga orekma ke bank luhlahp se, nga suliyuck in wi sie lutlut luhn mwet kol ke University luhn Michigan. Ke lutlut se inge, Professor Kim Cameron el luti ke ohiyacn mwet kol wo ac wo la in kahsruh mwet sukok kahlwem. El ahkuhtweyac: “Ma inge srihsrngiyac nuh ke kena luhn ma moul nuhkwewa in sukok kahlwem ac kahing liki lohsr uh. Finne ma moul srihsrihk kuh mwet, ma moul nuhkwewa oasr la ohiyac se in suk ma wo ac kahing liki ma koluk.”6
Ahkkweyeyuck ke studies puhkantwen, el ahkuhtweyac ip yohk srihpac tolu luhn acn in orekma wowo: luhngse, nuhnak muhnahs, ac tarilacna.7 Arlac kahlwem lah pacl se ma mwet foracng nuh ke ma wo (kahlwem), ohiyac ma lutiyuck sin srihkasrak suwohs luhn Kahlwem luhn Facluh, Jisus Kraist, oasr oacpacna!
Tamuhlwel ac tahmtahel, nuhnak muhnahs ahkkweyeyucklac in etuh lah kahlwem kuh in ma lasr. Lwelah ngan sramsramkihn ma tolu ma kuht kuh in kwacna konwacack kahlwem kac:
1. Kahlwem luhn Alu uh
Alu uh tolwack kahlwem nuh sin facl na lohsr se. Pacl inge sie pacl na wowo in ekihn sie member ke Alu luhn Jisus Kraist luhn Mwet Luhlahlfongi ke Lwen-sahflah! Alu uh fokoko liki na met8 ac kapkapwack lwen nuhkwewa ke member sasuc wi kuht, un mwet alu sasuc oreklac, missionary sasuc pahngonyuck, ac acn sasuc ikacklah nuh ke lutiyacn wosasuc. Kuht liyaclos suc tilac wi alu ke kihtihn pacl fohlohk ke mwet som in kahsrwelos ke usrnguck oacna ke liye lal Prestuhn Thomas S. Monson el use ma usrnguck penganalwen.
Nga tuhfahna muhtwacta yurin mwet fuhsr fin acn Paraguay, Uruguay, Chile, ac Argentina ke toeni luhn For the Strength of Youth lalos ah. Tausin ac tausin ke mukul ac muhtwacn fuhsr eis wik se in ahkkweye luhngse lalos nuh sin Mwet Lahngo na fohlohk nuh lohm sin sucu ac kawuck lalos, ac tolwack kahlwem ac luhngse luhn Kraist.
Liye, ac nuh oasr mwet ma ac sruhnga Alu uh. Ohinge e ke muhtwacwacackiyac ah ac fah kalweni nwe tohk. Kuht koflah lwelah kain ahkkoluk inge in kosrwekuhtlac liki kahlwem ma kuh in ma lasr. Ke kuht akihlen kahlwem ac suk kac ac fah oruh kahlwem lasr uh in yohkwelihk.
Ke facluh ma muhtwacwacack in lohsrwacni, kahlwem luhn Alu uh fah kahlwemi na kahlwemi ne ke sun lwen na wowo se.
2. Kahlwem luhn Wosasuc uh
Kahlwem luhn wosasuc pa inkacnek se ma “kais kutu kalmwelik nwe ke na lenelik,”9 ac kahlwem yohk emet ke sucu lasr ac tempuhl nuh fin facluh nohfohn.
Preach My Gospel luti muh: “Nuh ke kahlwem luhn wosasuc, sucu uh kuh in ahkwoye fohs, akuhkuhin, ac ma upac. Sucu ma kuhnausyucklac kuh in onweyucklac nuh ke auliyak, nuhnak muhnahs, ac luhlahlfongi ke kuh luhn Iwaclah luhn Jisus Kraist.”10 Ke pacl inge pucs likina met, sucu lasr enenuh in sang kahlwem yohk nuh sin mwet ma raunikuhtlac. Sucu eis kahlwem ke elos sang luhngse ac kuhlwacng. Ke kuht akiyac sucu se ma “luhlahlfongi, … auliyak, nuhnak muhnahs, suhnak, luhngse, [ac] pahkotwen,”11 kuht ac puhla yohk liki met luhngse nuh sin Mwet Lahngo ac nuh sie sin sie. Sucu uh ac fah fokokoi, ac kahlwem ma oasr yohrohsr kais sie fah kahlwemwelihk.
Kuht riti ke Bible Dictionary ma oasr ke LDS kahs English version ke Bible uh, “Lohm muhkwena kuh in kahpsrweyucklac nuh ke tempuhl ke muhtahliyac la.”12 Ingena oasr tempuhl 155 ac oasr pucs liki met ma ac sa tuhkuh. Puhkantwen sucu siliyuck ke pacl ac nwe tohk ma pahtpaht. Member sang puhkantwen ac puhkantwen inen sucu mahtuh lalos nuh ke tempuhl in oreklac akwuck in molwelah lalos. Kuht ingena puhla engan ac pwacr yohk ke facluh ac inkuhsrao.
Ke facluh se ma muhtwacwacack in lohsrwacni, kahlwem luhn wosasuc fah tohlwack kahlwemi ne ke sun lwen na wowo se.
3. Kahlwem luhn Kraist
Kom tiac kuh in sramsram ke kahlwem ma oasr facluh kom fin tiacna sramsram ke Kahlwem luhn Facluh, Jisus Kraist. Sie akucl luhn Pahpah luhngse tuhmwacsr Inkuhsrao pa mwet nuhkwewa suc tuhkuh nuh ke moul se inge ahkinsewowoyeyuck ke Kahlwem luhn Kraist in kahsrwelos fohlohk nuh lohm selos. Prestuhn Boyd K. Packer el luti: “Nguhn luhn Kraist oasr pacl nuhkwewa. … Kahlwem luhn Kraist oasr acn nuh kwewa oacna kahlwem luhn faht ah. Fin oasr mwet ma moul, oasr pac Nguhn luhn Kraist.”13 Kahlwem luhn Kraist “suli ac kwacfe in oruh ma wo pacl nuhkwacna”14 ac ahkoelah mwet nuhkwewa suc suk ma wo ac pwacye in eis Nguhn Muhtahl.
Mwet Lahngo El luti lah El pa kahlwem ma ahkkahlwemye ahtron motom, usot kahlwem nuh ke nuhnak lom, ac sang moul nuh ke ma nuhkwewa.15 Kahlwem luhn Kraist ac kahsrwekuht in liye mwet sahyac oacna Jisus el liyaclos. Kuht ac puhla luhngse ac pahkomuhta nuh ke kweok luhn mwet sahyac. Ac fah kahsrwekuht muhtweng nuh sin mwet ma sahp tiacna alu kuh kuhlwacnsap oacna kuht. Ac fah kahsrwekuht kahlwem plwacn wolacna luhn engan wo liki met ac lah kuht oasr oyac kuht plwacn in luhngse se ngwacn. Sang moul ac srihpac nuh ke ma nuhkwewa kuht oruh. Ke engan ma kuht ac puhla ke kuht kahlwem yohk ke Kahlwem luhn Kraist, tiacna sun luhpan engan ma kuht ac puhla ke kuht liye Kahlwem luhn Kraist kahsruh mwet sahyac: sucu, kawuck, ac finne mwet sac.
Nga puhla engan se ngwacn ke nga lohngwack ke mukwikwi luhn u puhlaik se luhn firefighters suc insacnacng in molwelah lohm alu ma fihrihr fin acn California ke July 2015. Ke e luhlahp fihrihr ah, mwet kol se lalos pahngon kawuck LDS se lal in siyuck lah ma alu mahtuh muhtahl ac kuhp in kuhfa luhn Leum oasr oyac elos in muh kuh in eislah liki lohm fihrihr se. Kawuck se lal fahk nuh sel lah wacngihn ma alu mahtuh ac lah elos kuh in eis kuhp in kuhfa luhn Leum sasuc. Tuh mwet kol luhn firefighters puhla el kuh in kahsruh yohk liki ma el oruh, pa oruh el suhpwaclah firefighters lal in fohlohk nuh ke lohm alu fihrihr se elos in muh eislah petsac nuhkwewa luhn Kraist in muh tiacna fihrihryak ke e sac. Elos sang sie petsac luhn Kraist lun firetruck okwaclos elos in muh kuh in karihngihnyuckyang. Insiuck pihrihkyuckyak sin kuhlwacng, woiyac, ac lohacng nuh ke Kahlwem luhn mwet kol se lalos ah, yohk nuh ke pacl sensen ac upac se.
Ke facluh ma muhtwacwacack in losrwacni, Kahlwem luhn Kraist fah kahlwemi na kahlwemi ne ke sun lwen na wowo se.
Nga sulpacna tahfwelah kahs lal Paul: “Lela kuht in srukak kufwen mwe mweun lun kahlem.”16 Nga fahkwack ke Kraist. El pa Kahlwem luhn Facluh. Lwelah kuht in ahkkweyeyucklac ke kahlwem ma tuhkuh ke kuht wi alu ac moulkihn ip yohk luhn wosasuc ke sucu lasr. Lwelah kuht in liye Kahlwem luhn Kraist ke mwet sahyac pacl nuhkwewa ac kahsrwelos liye kahlwem lalos sifacna. Ke kuht eis kahlwem sacn, kuht ac ahkinsewowoyeyuck ke kahlwem yohk liki met, ne ke sun lwen na wowo se ke kuht sulpac liyac “God su orala kalem nukewa,”17 Pahpah tuhmasr Inkuhsrao. Ke ma inge nga ahklohye ke ine muhtahl luhn Kahlwem luhn Facluh, finne Jesus Kraist, amen.