Hamare Achche Charwaaha

Hamein hamare Swarg ke Pita ke charitra ka ek gyaan milta hai jab hum Unke daya ko pehchaante hai paapiyon ke liye aur apnaate hai kaise Woh paap aur paapiyon ke beech tulna karta hai. Is gyaan se hum adhik “sahi tarike se unke charitra, nipuntta, aur gunon [ko samajhte hai]” ¹ aur yahi shuruaat hai Un mein aur Unke Putra, Ishu Masih mein vishwaas ka abhyaas karne ka. Uddhaarkarta ka dayaluta hamare adhurapanon ke baojood hamein Unke kareeb le jaata hai aur hamein apne kayi sangharshon mein pashchataap karne aur Unke jaisa banne mein. Jab hum aur Unke jaisa bante hai, hum Unhi ki tarah auron se pesh aane lagte hai, chaahe koi bhi swabhaao ya chaal waale mile.

Kisi ke upari swabhaao aur khud us insaan ki tulna karne ka asar Les Misérables ke novel mein zaroori hai, jo French lekhak Victor Hugo ne likha hai. ² Novel ke shuruaat mein, narrator Bienvenu Myriel, Digne ke bishop ka parichay deta hai, aur bishop dwara anubhav kiye jaane waale ek chinta ke vishay par baate karta hai. Kya use ek aadmi se milna hai jo ek jaana maana naastik hai aur samaaj mein nafrat kiya jaata hai French Revolution(Kranti) mein uske swabhaao ke kaaran?³

Narrator kehta hai ki bishop ko bhi is aadmi ke liye nafrat mehsoos ho raha tha. Phir narrator ek saral sawaal puchta hai: “Kya ek bhed ki bimaari dekh ek charwaaha piche hatega?” ⁴ Bishop ke liye, narrator ne durust jawaab diya, “Nahin” aur phir ek mazaakiya tippanivdeta hai: “Par yeh kithna paapi bhed hai!”⁵

Is passage mein, Hugo insaan ke “paapon” ki tulna bhedo ke chamde ke rog se karta hai aur bishop ko charwaahe se tulna karta hai jo piche nahin hatta bhale hi bheda beemaar ho. Bishop sahanubhuti jatata hai aur novel mein aage chal ke usi tarah ka sahanubhuti kisi aur insaan ko dikhata hai, jo is novel ka mukhye vyakti hai, ek apmaanit jel kata hua vyakti, Jean Valjean. Bishop ki daya aur hamdardi Jean Valjean ko apne jiwan ka disha badalne me prerit karta hai.

Kyunki Parmeshwar pure dharamshaastra mein beemari ko ek paap ka metaphor ke liye istemaal karta hai, yeh puchna uchit hai, “Ishu Masih kaise pesh aayega hamare baamuhaore beemariyon ko dekh kar—hamare paap?” Waise to, Uddhaarkarta ne kaha ki Woh “paap ki or thoda bhi dhilwaai nahin de sakta”; ⁶ tab kaise Woh hamein dekhega, jitne adhure hum hai, bina bhay aur grihna se piche hatne ke?

Jawaab saral aur saaf hai. Achcha Charwaaha hone ke kaaran, ⁷ Ishu Masih Apne bhed ke beemari ko ek theek, sewa, aur daya karne laayak dasha jaisa dekhta hai. Yeh charwaaha, hamara Achcha Charwaaha, khush hota Apne beemaar bhedon ko changaai ki or jaata dekh kar.

Uddhaarkarta ne bhavishyevaani ki, ki Woh “apne bhed ko charwaahe ke jaise khilaega,” ⁸ “jo khoya [hai] usko dhund [launga], … jise nikaala gaya [hai] use lauta kar launga, … jo ghayal [hai] uske ghaao baandhunga, aur … jo beemaar [hai] use balwaan karunga.”⁹ Bhale hi dharm-tyaagi Israel ko paapon ke “chot aur kode k maar ke chinh, aur sade hue ghaao”¹⁰ se bhara maana jaata tha, Uddhaarkarta ne protsaahit kiya, samjhaya, aur changaai ka vaada kiya.¹¹

Uddhaarkarta ka maransheelta ka dekhrekh prem, dayalupan, aur humdardi dikhlaata tha. Woh Galilee aur Judea ke dhul bhare raaston par grihnapurwak nahi chala tha, paapiyon ko dekh bach nikla nahin tha. Usne unse dar ke maare muh nahin chupaya tha. Nahin, Woh unke saath khata tha. ¹² Usne madad aur ashish diya, unnat aur shikshit kiya, aur dar aur niraasha ki jagah par aasha aur anand laaya. Jo sachcha charwaaha Woh hai usi ke jaisa, Woh hamein dhoondhta aur paata hai sahayta aur aasha dilaane ke liye.¹³ Unka dayalupan aur prem ko samajhne se hum Un mein vishwaas ka abhyaas kar sakte hai—pashchataap karke aur chaangaai paa kar.

John ka Susamachaar Uddhaarkarta ke humdardi ke asar ki baad karta hai ek paapi par. Shaastri aur Pharisee ne ek mahila ko Uddhaarkarta ke paas laaya, jo vaybhichaar mein pakdi gayi thi. Dosh lagane waale uspar pathraao karana chahate the, Moses ke kaanoon ke anusaar. Ishu, lagataar sawaalon ko sunne par, ant mein unse kehta hai, “Tum mein se jo nishpaap ho, wohi pehle usko patthar maare.”

Dosh lagane waale chale gaye, “aur Ishu akela bhacha, aur woh mahila beech mein khadi rahi.

“Jab Ishu … ne dekha ki us mahila ke alawa koi aur nahin hai, usne usse kaha, Mahila, kaha hai woh tumpar dosh lagane waale? Kya kisi ne tujhe dand nahin diya?

“Usne kaha, He Prabhu, kisi ne nahin. Aur Ishu ne usse kaha, Mai bhi tujhpar dand ki aagya nahin deta: jaa, aur phir paap na karna.”¹⁴

Vaastav mein, Uddhaarkarta vaybhichaar ko andekha nahin karta. Par Usne mahila par dand ki aagya bhi na di. Usne use apna jiwan sudhaarne ko kaha. Use badalne ke liye prerit kiya gaya Unke dayalupan aur kripa ke kaaran. Dharamshaastra ke Joseph Smith Translation mein uske baad ki chelapan ka gawaah deta hai: “Aur us mahila ne Parmeshwar ki badhaai ki us pal se, aur unke naam par vishwaas kiya.” ¹⁵

Bhale hi Parmeshwar humdardi jatata hai, hamein galti se bhi yeh nahin maan lena hai ki Woh paap ko apnaanta aur rehne nahin deta. Woh aysa nahin. Uddhaarkarta is dharti par hamein bachaane aaya hamare paapon se aur, yeh zaroori hai janna, woh hamein hamare paapon mein nahin bachaega.¹⁶ Ek chatur prashnkarta, Zeezrom, ne ek baar Amulek ko fasana chaaha yeh puch kar: “Kya [aane waala Maseeha] unke paapon mein logon ko bachaega? Aur Amulek ne jawaab diya aur usse kaha: Mai tumse kehta hoon nahin, kyunki uske liye apne shabd ko aswikaar karna asambhav hai. … Woh unhein apne paapon mein rehte huwe nahin bachaaega.”¹⁷ Amulek ne ek zaroori sachchaai kahi ki hamare paapon se bachne ke liye, hamein “pashchataap ke un niyamon” ko nibhaana hai,” jisse Muktidaata ko shakti milti hai hamare aatma ko chudaane ki.¹⁸

Uddhaarkarta ka dayalupan, prem, aur daya hamein Unke kareeb le jaaega.¹⁹ Unke Praeshchit ke zariye, ab hum apne paapi stithi se santusht nahin hai.²⁰ Parmeshwar jaanta hai Unke liye kya sahi aur kaafi hai aur kya galat aur paap hai. Yeh aysa to nahin kyunki Woh bina samajh ke, aagyaakari chelein chahata hai. Nahin, hamare Swarg ke Pita chahata hai ki Unke bachche jaankaar rahe aur apne ichcha se chune Unki tarah banne ke liye²¹ aur us tarah ke jiwan ke kaabil ho jaaye jismein woh anandit hai.²² Aysa karne se, Unke bachche apna divye sambhaona ko pura karte hai aur jo Unka hai uske waaris bante hai.²³ Is kaaran se, Girjaghar ke netaa Parmeshwar ke niyamon ya siddhant ko Unke ichcha bina badal nahin sakte, taaki suvidha ya logpriye ho.

Haalaanki, Ishu Masih ka chela banne ke hamare jiwan bhar ke koshish mein, Unka kripa ka uddharan paapiyon ke liye khaas taur se gyaan deta hai. Hum, jo paapi hai, ko Uddhaarkarta ki tarah, chahiye, ki auron ki or sahanubhuti aur prem dikhaae. Hamara bhumika hai madad aur ashish dena, unnat aur shikshit karna, aur dar aur niraasha ki jagah par aasha aur anand laana.

Uddhaarkarta ne logon ko daata jo auron se dur hatte the jinhe woh paapi samajhte the aur jo khud nirnay kar lete the ki anye log unse adhik paapi hai. ²⁴ Isi paath par Uddharkarta zor diya karte the un sab ko jo “khud pe bharosa karte the ki woh dhaarmi hai, aur auron se nafrat karte the.” Usne yeh nitikatha sunaai:

“Do aadmi mandir mein prarthna karne gaye; ek Pharisee, aur dusra ek publican.

“Pharisee khada ho kar apne mann mein yun prarthna karne laga, Parmeshwar, mai tera dhanyevaad karta hoon, ki mai aur manushyon ko lutne waala, anyaayi aur vaybhichari nahin, aur na is publican ke samaan hoon.

“Mai saptaah mein do baar upwaas karta hoon, mai apni kamaai ka daswa hissa bhi deta hoon.

“Aur publican, dur khade ho kar, swarg ki or aankhe bhi na utha kar, par apni chaati peet peet kar kaha, he Parmeshwar mujh paapi par daya kar.”

Tab Ishu ne ant kiya, “Mai tumse kehta hoon, yeh aadmi[publican] apne ghar dharmi bankar gaya na ki dusra[Pharisee]: kyunki jo koi apne aap ko bada banaega, woh chota kiya jaaega; aur jo apne aap ko chota banaega, woh bada kiya jaaega.” ²⁵

Hamare liye sandesh saaf hai: ek pashchataapi paapi Parmeshwar ke zyaada kareeb aata hai us khud-ko-sahi kehne waale ke milaan mein jo paapi ko doshi kehta hai.

Manushye ka aadat khud ko dharmi kehna aur dusro ko dand dena Alma ke dino mein bhi tha. Jab log “girjaghar ki sthaapna aur adhik purnata ke saath karne lage … girjaghar mein adhik ahankaar ho gaya… [aur] unki drishti mein inka mahatva bhi adhik hone laga. … woh nafrat karne lage, ek dusre se, aur jo unke vichaaro aur ichchaaon se mel nahin rakhte the unhe weh kasht dene lage.”²⁶

Ayse kasht dena par rukawat tha: “Girja ke logon mein ek kathor niyam tha, ki girja ke log un logon ko dukh na dein jo girja se baahar the, aur na hi girja ke log aapas mein kisi ko sataye.” ²⁷ Antim-dinon ke Santo ka mukhye siddhant bhi yahi hai. Hamein auron ko kasht dene ke liye doshi nahin teherna hai chaahe Girja ka sadasye ho ya nahin.

Jin logon ne kisi bhi kaaran kasht saha hai jaante hai anyaye aur kattarta kaisa mehsoos hota hai. 1960s mein mai Europe mein mai ek yuvak tha, mai mehsoos karta tha ki hamesha mujh par ungli uthaai jaati thi aur mujhe dhamkaaya jaata tha kyunki mai American tha aur Girja ka sadasye. Mere kuch paathshaala ke saathi ayse mujhse pesh aate the jaise aprasidh U.S. videshi kaanoon ke liye mai hi zimmedaar tha. Mujhse ayse bartaao kiya jaata tha jaise mera dharm unke desh ke liye ek apmaan hai kyunki woh wahan ka swikrit dharm nahin tha. Baad mein, duniya ke kayi deshon mein, mujhe chote jhalak mile ki kya chati aur bhed bhaao jhelte hai kuch log apne jaati ya nasal ke vajah se.

Kasht kayi tariko ke hote hai: khilli, pareshaan karna, dhamki dena, bahishkaar aur algaao, ya kisi aur ko nafrat karna. Hamein kattarta se bachaao karna chahiye jo apna kathor awaaz unki or uthaata hai jinke alag vichaar hote hai. Kattarta badhta hai, kuch had tak, jab kisi aur bolne ka mauka na dene ki ichcha aaye. ²⁸Sab log, usmein shaamil hai dharm ke log bhi, ke paas apne vichaar janta ke saamne zaahir karne ka adhikaar hai. Par kisi ke paas anumati/license nahin hai kisi ko nafrat dikhane ka jab woh apne vichaar bayaan kare.

Girja ka itihaas kaafi saboot deta hai hamare sadasyon ka nafrat aur kattarta se guzarne ka. Kitna adbhud rup se udaas baat hoti agar hum bhi unse waise pesh aate jaise humse pesh aaya gaya tha. Uddhaarkarta ne sikhlaya, “Jo kuch tum chahate ho ki manushye tumhare saath kare, tum bhi unke saath waisa hi karo.” ²⁹ Hamein sammaan paane ke liye, sammaan dena padta hai. Saath hi saath, hum jab dil se parivartit hote hai hamein “namratha aur dil ki namrata” denta aur hriday ki narmta milti hai,” jo “Pavitra Aatma ko amantrit karta hai [aur hamein bharti hai] “sampurn prem” se ³⁰ “adhik prem”³¹ auron ke liye.

Hamara Achche Charwaaha nahin badalta aur aaj bhi paap aur paapiyon ke baare mein waise hi sochta hai jaise jab Woh is dharti par tha. Woh humse dur nahin jaata kyunki hum paap karte hai, chaahe agar Woh kabhi soche, “Kitna paapi bhed hai!” Woh humse itna prem karta hai ki usne woh raasta banaya jisse hum pashchataap karke aur saaf ho jaaye taaki hum Unke aur hamare Swarg ke Pita ke paas laut paaye. ³² Ayse karne se, Ishu Masih ne hamare liye bhi uddharan choda hai—ki sabko sammaan do aur kisi se bhi nafrat na karo.

Unke ke chele ke rup mein, hum puri tarah se Unke prem ki barabri kare aur ek dusre se khul kar aur sampurn prem kare ki koi choda hua, akela, ya niraash na mehsoos kare. Mai gawahi deta hoon ki Ishu Masih hamare Achche Charwaha hai, jo humse prem karta aur hamari parwaah karta hai. Woh hamein jaanta hai aur Usne Apne jiwan Apne bhed ke liye diya. ³³ Woh hamare hi liye jeeta hai aur chahata hai ki hum Unhe jaane aur Unpar vishwaas ka abhyaas kare. Mai Usse prem aur aadar karta hoon, aur mai gambheerta se Unke liye abhaari hoon, Ishu Masih ke naam se, amen.