Limpoak Unsek kin kasorehla masepwehk
Kitail pwilikihdi atail masepwehk kan oh momourki peren,popohl, koapwoaroapwoar, oh inehng ne wewehki me Koht kin mihmi rehtail.
Riei ohl oh lihioko, kempoakepahi kan, e wia kapai oh mehkot kaperen pwehki atail kin kak ehu pene mwomwohdiso rahnet sahng atail pwoson oh limpoak ohng Koht.
I inenen kapingki pwehki presedent Thomas S Monson eh pil iahn patehng kitail rahnuet. Presedent, Udhan se pahn kin koledi nan aht mohngiong kan spwelimemwi padahk, kawied oh Erepit. Se poakohng komwi oh utung komwi, oh ansou karos se pahn kapakap kin komwi.
Sonpar ekei samwalahro, Ni ansou me I wia stake Presedent men nan Franfurt, Germany, mwurin aht mihting en stake presedensi lih ie emen me insensuwed ahpw tuwehng ie.
“Ke sohte insensuwedki?” E inda. “mwein mie aramas pahmen(four) de Limen(five) wie memeir ansou ahmw padahko!”
I medemedewe dahme e indahu oh ngehi sapeng, “I kamehlel me memeir nan ansou sarawi wia mehkot mwahu.”
Ahi pwoudo, Harriet,rohngada aht wie koskosoio oh mwurih sahng ahpw indahng ie me ehu pasapehng kasele me I wiahu.
Mwekid kahpwo
Soupar ekei samwlahro nan North Amerika, “Wia kaphw ehu” ahpw tepda wiawia nan wehi kan. Oh karepen wiepe kapw wet iei en kin pahnginda irail kan me kin memeir ni pali ngehn.
Ni ansou me Joseph Smith pwulepwulo e dirada mehkot tohto sahng rehn irail pwihnene padahk pwukat. Ihme karehda e lemehda en rahpahki I akupwurehn Koht ohng ih sahng I aht kapakap.
Ahn pwihenenen padahk wet padahk me kaselel,kempoke Oh kin ienen dehdehki arail kin kosoia lokiolok laud en me dipen akan pahn ae nan Ehl.1 E sohte kin kamairala aramas ahpw e kin kahreda ouraman suwed. Arail wiepe kin kamasak ohng aramas en kohla sarawi.
Mapwehk kin idihng kitail
Mahso, masepwehk kin kalapw elehiong aramas en wia mehkot. Peneinei kan kin wiahng neirail seri kan, kaun akan ohng neirail tohn doadoahk kan, oh Pwihn en usuhs kan kin wiahng neirail toun usuhs kan.
Semen kan en marketing kin wehwehki manaman en masepwehk oh ihme re kin kalapw doahdoahngki ki. Ihme kahrehda nan ekei mehn kasalada kan me re kin wia kin kosoia me ma kitail pahn sohte pahn pwain wini en proahs de kahng siriel desohte iahng alehdi spases me kapw de sell poun, kitail pahn mweidala pein kitail nan kahpwal, mour kelehpw lau mehla oh nsensuwed.
Kitail kin kouruhrki soahng wet oh kitail kin medewe me sohte pak ehu kitaik mweidohng irail en piti kitail di, ahpw ekei pak kitail kin wia soahng wet ohng mehtei kan pwe re en kak wia dahme kitail mwahuki.
Ahi padahk pahn pid kahrepe riau(2): Keieu kitail en medewe ia uwen atail kin doadoahngki kamasak en kamwekidih meteikan oh pil pein kitail. Keriau en kak rapahkihda ehu ahl me mwahu sang met.
Kahpwal kan me Pid Masak
Keieu, Kitail rapahki mahs kahpwal kan me sang masak. E sakanakan ma I pahn doadoangki masepwehk pwe en kak kamwahuiala wiewiahn mehtei kan? Ihs rehtail me kin sohte kak powehdi ah masepwehk pwe en kak mwonge mwahu, en kak seat belt, eksersais laud, nekidala mwohni, de pil koluhkihla dipe kan?
E pwung me masak kin kak wekidala atail mwekid oh wiewia kan. Ahpw e kin wekid te lepin ansou. Masepwehk kin sohte kalapw wekidala mwohngiongin aramas, oh e sohte douluhl kak wekidala kitail ohng aramas pwuhng oh peikiohng Samatail Nanlehng.
Aramas me kin masak kak inda de wia me pwung, ahpw re sohte kak kehnda mehkot pwung. Re kin kalapw kehn me re anahne sawas oh nsensuwed pahn aramas oh re kin kalapw lingeringer. Pak tohto soahngen pepehm pwukat elehiong peikasal, sapeik oh kahngohdi.
Mwein ele, soahnge elen kaweid wet sohte kin ohngte tohn sampah ahpw ekei pak e kin lelohng kitail, Souleng en Imwin Rahn Akan. I kin nsensuwedkihla ahi kin rohngada me mie tohn mwomwohdiso me kin kaunih aramas ni sapwung nan imwarail kan, nan arail pwukoahn mwomwohdiso, wasahn doadoahk kan de pil ni arail kn tuwehng metei kan.
Aramas kin mengei en kilangada uwen sakanakan en emen, ahpw re sohte kin kilang pein irail. Re kin men aramas en kapwaiada arail kosonned me re kin pein wiahdah kan. Ahpw ma ekei sohte kin idawehn kosonned pwukat re in kapwung irail sang ni lokaia, pepehm, oh ekei pak ni paliwar.
Kauno mahsanih me “ni ansou me kitail …kin wia pwukoahn kaun men ni sapwung ohng aramas kan, … e kin kadohwan kitail sang Kauno oh Ngenen Kauno kin nsensuwedla.”2
Mwein mie ekei pak me kitail kin men tehno itarkihla dahme atail wiawie kan pwehki e pahn elehiohng kitail en wia mehkot pwung. Kitail pil kin medemedewe me sang ni atail pahn kin ahng kehlailiohng, idihng oh mwohmw suwed ong eh mwahu pwe e pahn kamwahuiala metei kan.Aphw soh, Pwe Koht ketin mahsanih, iet akan “wahn ngehno.”3
Ahl me mwahu
Uwen ahi wewehkihla Semei Nanleng, kin kareiohng ie ien ese me e sohte kin lingernger, weid oh sempoak.4 Me E ketin kupwure—sapwellime doadoahk oh spwellime klori iei en kaweid en kak mihmi re erein.5
Koht ketin kawewehda ih ohng Moses me e wia “Koht emen me diren kalahngan oh kadek, me sohte kin mwadahng lingeringerda, oh me diren limpoak lapalap oh loalopwoat mehlel.”6
Samtail nanleng poakohng kitail, sapwellime seri kan, laudsahng wen me kitail kak kawewehdi.7
Met wehwehki me Koht kin itarkihla mehkot me sapwung pahn kupwure? Soh, uhdahn soh!
Ahpw E kupwurki welikapw kaidehn welikapw en mwekid te. E ketin kupwurki kitail en wekid kitail pwohn oh atail mohnigong unsek.
E ketin kupwurki kitail en engilahng oh koledi teng mete reireio, powehdi dahme kitail masak oh komwad kohla mwowe ohng nan ahl me inen oh tehtiko. E kupwurki kitail en wia met Pwehki e ketin poakohng kitail oh ih ahl me kolahng peren en met.
Eri, Ia mwomwen Koht ah kin koangoange sapwellime seri kan en kin idawehn ih rahn pwukat?
E kadarodo Sapwelime Ieroso
Koht ketkihdo sapweli Ieroso pwehn kaslehiehng kitail ahl me pwuhng.
Koht kin kamwkid kitail sahng ni padahk ohng,kanengamah, meleilei, oh limpoak unsek.8 Koht kin ieiehang kitail. E poakoahng kitail, oh ni ansou me kitail kin tipwekelekel, e kin kupwureki kitail en pwurehng kesihnenda pwurehng sohng, oh kehlaila.
Ih me atail sounkaweid
Ih me atail koapworopwor.
E kupwurki kitail en kin pwoson.
E ketin kamehlel me kitail pahn kin koledisahng atail sapwung kan oh pilada me pwung.
Pwe ih ahl mwahu en met!9
Ia duwen suwed en Sampah?
Ehu ahl me satan kin kasohng kin kitail iei doadoahngki kitail en idihng ohng metei en wia me sakankan oh tehngediehng me suwed en sampah wet.
Sampah wet sohte pahn unsek, diren aramas me sohte diperail pil lokolongkier soang kan me kin pein wiawi ni sampah oh kehnaudek en sampah kan. Mwekid sapwung oh suwed nan atail ahnsou me ehusoahng oh kamasepwehk.
Ahpw mendahte soahng pwukat koaros, I itareki ahi iahng momour nan mwehi wet sang nan mwein mahsko. E wia kapai laud ong kitail pwe kitail en nan mwehiet me diren nsenamwahu, kamarain oh pai. Me keieu kapai laud nan mwehi et iei en ese me mie rohngamwahu en Sises Krais me unsek. Me kiehng kitail kehl en sohpai ih kapwal kan oh powehdi. Ni anosu me I kin pehmada kapahi pwukat I kin men kelepwikihdi oh kaping.
Ni ahi kin medmedewe kapai pwukat, I mehn tehn oh pwodiehn nan pwehl oh wia ahi kaping ohng Samatail Nahnlehng pwehki limpoak poatoapaot me ketihng sapwelime seri kan.
I sohte kamehlele me Koht kupwurki sapwellime seri kan en masak de nohn medemedewe suweden sampah wet. “Pwe Koht sohte ketkiheng kitail ngehnen masak; a en manaman oh limpoak oh lelepek.”10
E ketkiheng kitail diren kahrepen peren, oh E kin ketin kataman kin kitailen “dehr masak” oh kumwail “en ahneki popohl,”11 oh “kede maspwehk nei pelin sihpw.”12
Koht pahn ketin pei kin kitail
Kitail wia souleng en Imwin Rahn akan, sang ni ahd wet kitail kak wehweki me kitail kaskasik Soukomouro ah pahn sapahldo oh kaukaunop sampah wet pwehn alehda ih. E kiheng kitail en wadek sapwellime mahsen kan oh peikiong Ngehn Sarawio pwe kitail en kak esehda kilel kan me pahn kilelehdi ketdo sapahl en Soukomouro.”13
Ihme kahrehda kitail sohte kin pohnsehse kasongosong kan en sampah wet, de pil kin pohnsese kahpwal en atail ansou. Ahpw kaidehn met me wewehki me kitail pahn katoutouih kin kitail de mehtei kan soahng kamasepwehk en sampah. Ahpw kitail en dehr pwunopwunodiki uwen laud en atail kahpwal kan, ahpw de kitail en kin dokdokehte Sapwellimen Koht marain poatoapoat, kupwur mwahu oh sapwellime manaman unsek?
Pweki atail wia aramas en inou kei, Kitail sohte anahne masak dahme pahn wiawiehng kitail. Kitail anahne wenlahte mwowe ni pwoson, koapworopwor,nan kapehd kehlail oh likih me Koht pahn sewese kitail ni atail pahn lel kasongosong oh soahng kan me kohdong kitail.14
Kitail sohte alialu nan ahl wet kelepw. Pwe Kauno amwail Koht, pahn ketin ieiang kumwail, e sohte pahn ketin keseikumwailla de likidmelieikumwailla.”15
“Koht pahn pei kin komwi , oh ke anahne kangengamah.”16
Nan ansou en atail maspwehk, kitail ahane aneki komwad, doadoahngki atail pwoson, oh koapwoaroapwoar nan inehng me “sohet mehn mawehn pahn kaleweikumwaildi.”17
Kitail wie moumour nan ansou apwal oh liseliping? Ehi maing.
Pein Koht ketin Mahsanih, “Sampah pahn kalokei kumwail ahpw kumwail koapwoaroapwoar, pwe I kalowedier Sampah.”18
Kitail kak kasalehda atail pwoson en kamehlele oh doadoahk ni pwung? Kitail kak kapwaiada atail inou kan oh kosoned sarawi kan? Kitail kak kapwiad akosoned en Koht kan ni ansou apwal akan? Ehi maing kitail kak!
Pwehki Koht ketin inoukidahr, “sohn karos en doadoahkpene ni kamwahu pe mwail, ma ke pahn alu ni pwuhng.”19 Ihme karehda,kiatil ahnene powehdi atail masepwehk oh momourki peren, insenamwhau kapworopwor, oh inehng en wewehki me Koht pahn ieiahng kitail.
Limpoak Unsek kin kasorehla masepwehk
Kempoakepahi ko, riei ohl oh lihako, kitail kasawi ma nan mohngiongitail kan, ma kitail kin masak, de ke pahn diarada me ahmw kosoi kan, padahng kan oh wiewia kan kin kahrehda metei kan ahr kin masak, ma iei ah I peki kumwail en kak ale mehn kamwahula me keieu mwahu en kamwahwiala iei limpoak unsek en Krais, pwe “limpoak me unsek kin kausasang masak koaros.”20
Limpoak Unsek en Krais kin katikala ineng en wiahiong aramas mehkot suwed, kapailoke de kehnaudok.
Limpoak Unsek en Krais kin sewese kitail en aktikitik, ahneki wahu oh uhkida me pwung pwehki atail wie tounpadahk en atail Sounkomour E kiheng kitail kehl en powehdi masepwehk oh momourki manaman oh kehl en Samatail Nanlehng, Soun Wiliepatail, oh atail Koapworopwor.
Nan imwatail kan ,wasahn doadoahk kan,na atail pwukoa mwomwodiso,nan atail mohngiong kitail anane masak sapwelimen Krias limpoak unsek pah wleian masepwehk oh kiehng pwoson!
Ih mwomwen ma kitail pahn kawekidahlahng atail peik ohng sapwellimen Koht kosonned akan.21 kitail pahn kin alehdi kapai kaiden mehn katoutou. Ih mwomwen atail pahn pil kin kasalehiong meteikan mwomwen powedi dihp, oh kohdo rehn Krais, oh iang pilahn en peren wet. Ih pil mwomwen atail pahn kin wenlahte mwowe ni atail pahn kin karakarahk oh kehlki Koht.
Ma kitail pahn aoudekihda ataul mohngiong limpoak en krais, kitail pahn welikapw lahng ehu mour me kapw oh kitail pah naeki peren, pohnmwahso, oh momourki mour en atail soun komour, Sihsese krais.
I kadehdehki me, wanparon Sohn, “sohte masepwehk kak mihmi nan spwelimen [krais] limpaok.”22 riei ohl oh lihoko koht wehwehki kumwail. E ketin poakoahng kumwail.E whweki dahme pahn wiawi iehng kumwail. E mwahuki “komwi en dehr masepwehk, ihte kehn kamehlele”23 oh “moumour ki sapwlei limpoak.”24 met wia ehi kadehde,ni mwaren Sihses Krais, amen.