Niwin me Angei

Pwi me fefinei, iei upwe wisen kapas ngenikemi, me wisemi oupwe ausening. Ua mochen awesano wisei me mwen oua awesano wisemi. Upwe achocho ngeni.

Non ekkewe ier, ua kuna pwe ekkewe mi fori chommong metoch non ei fonufan ir ekkewe mi sinei met ra mochen fori non manauer, mi wor ar mochen a anisir ar repwe ekieki usun met ra mochen fori me mi wor ar kokkotun met repwe fori ar repwe aponueta met ra mochen fori. Ach sinei ia sipwe feino ia me ifa usun sipwe tori ia sia mochen feino ia a tongeni awora popun, wewen, me fisiochun manauach.

Ekkoch rese sinei sokofesin mettoch sia mochen fori me eu kokkot tori ra kaeo pwe eu mettoch sia mochen fori ena ia sia mochen feino ia are eu nesoponon, nge eu kokkot ena ewe an ngeni met sia mochen fori. Awewe, sia tongeni mochen sai ngeni eu neni minafo, me ami fefin mi sinei am ekkewe mwan mi ekieki aua sinei ewe an—fan chommong aua apasa, “Ua sinei epwe chok karap.” Eni punuei a amenemen. Ia sia mochen feino ia mi fat, nge ewe kokkot ese och ach sipwe tori ia sia mochen feino ia.

Ach finata met sia mochen fori wewen pwe sia poputa ren ach ekieki usun ewe nesoponon. Me ach fori kokkot ena ach finata annen ach sipwe aponueta ach mochen. Sipwe pwapwa ika sia weweiti ia sipwe feino ia ena met mi auchea—iwe sia aea ach fansoun, achocho, me ekiek won ekkewe mettoch epwe anisikich ach sipwe feino ikkewe.

Kot, Semach won Nang, I eu nenien appiru mi unusoch ren ifa usun sipwe finata met sia mochen me fori kokkot. An mochen An epwe esenipato ewe manau ese much me manau fochofoch an mwan meinisin [and woman],”¹ me ifa usun epwe aponueta ena ewe kokkotun manauen ese much.

An Semach won Nang kokkot a masoweni An ngenikich manauach ach sipwe mamarita, achocho, me kaeo ach sipwe tufichin winiti usun I. Ach angei inisich; ach manaueni ekkewe afanafan me annukun Noun we, ewe Samon Jises Kraist; me ach fori famini ese much a otufichikich, me ren ewe Achesefanin ewe Chon Amanau, ach sipwe aponueta an Kot mochen pwe Noun kewe meinisin repwe angei manau ese much me manau fochofoch ren I non Muun we ewe ningen akkar.

Sia mirit ren ach finata met sia mochen fori ika sia weweiti pwe ekkewe mettoch sia mochen fori iei mi chok och ika ra anisikich ach sipwe tori mettoch sia mochen fori non fansoun nangatam. Ua nuku pwe ika sia mochen pwapwa sipwe kaeo ach sipwe finata mettoch sia mochen fori me kokkot minne mi anongonong won An Semach won Nang kokkot ese much. Ika sia anonga won ei kokkot, sipwe tufichin niwin ngeni fan mesan.

Mi murino epwe wor met sia mochen fori me kokkotun ach angang, ach sukun, me pwan ach nipwakochun pasket. Nge mi pwan auchea epwe wor met sia mochen fori ren ach pupunu, ach famini, me ach mwichen Mwichefen me wisach kewe; mi enntin pung ren misineri. Nge ekkewe mettoch sia weswesen mochen fori epwe fich ngeni An Semach won Nang kokkot ese much. Jises A apasa, “Nge oupwe kutta akkom ewe muun Kot me an wenechar, iwe ekkei mettoch meinisin repwe kawor ngenikemi.”²

Aramas mi sou tipachem usun mettoch sia mochen fori a aitikich pwe ika met sia mochen mi mecheres me fatafatoch, epwe tufichin anisikich. Nupwen sia kinikinitiw met sia mochen fori ngeni eu mettoch sia tongnei ekieki usun are eu ika ru kapas mi pochokun me auchea, ena mochen mi tongeni winiti eu mettoch sia sou ekieki usun me epwe emweni mettoch meinisin sia ekieki usun me fori. Ua nuku mi wor ru kapas, non ei napanap, mi awewe An Kot mochen fanitach me ekkewe mettoch sia pwisin mochen mi auchea. Ekkei kapas niwin me angei.

Achniwin ngeni fan mesan me ach angei ekkewe feioch mi feito seni ach fori me aponueta pwon mi pin mi auchenap nein ekkewe mettoch sipwe tongeni mochen fori.

Sia niwin meangei ren ach “pochokunen nuku non [ewe Samon Jises Kraist], unusen anukunuk won” fofforun, sipwe “nikitu fiti tipepos non Kraist, epwe wor ami unusochun saramen apinukunuk, me ew tongen Kot me aramas meinisin … , kametip won ewe kapasen Kraist, me nikitu tori nesoponon.”³

Lucifer ese etiwa an Semach we kokkot ewe a otufichikich ach sipwe niwin ngeni fan mesan me angei An kewe feioch. Ennet, Lucifer a ungeni me a achocho an epwe siwini an Semach we kokkot, a mochen angei ewe ning, sufen, me manamanen Kot. Iwe, a akatou fitifengen ren ekkewe ngun mi fiti i seni fan mesan Kot me a winiti Setan, ewe tefin, ewe semanapen chofona, an epwe achocho ne otupu aramas meinisin, me emwenir non fotek ngeni an mochen, ir meinisin resap ausening ngeni mongungun ewe Samon.”⁴

Pokiten met a finata mwen an uputiw, Setan ese tongenireturn ika angei.. A chok tongeni ungeni an Semach we kokkot ren an aea sokopaten sossot an epwe ariaffouni kich ach sipwe riaffou usun chok i.⁵ An Setan kokkot an epwe esenipato met a mochen fori a tori aramas, tetenin aramas, me aramasen fonu meinisin. Setan a aea mongungun mi nuomong—mongungun mi achocho ar repwe osukosuka ewe mongungun mi kukkun me pwetete an ewe Ngun mi Fel minne a tongeni aiti kich “mettoch meinisin” sipwe fori ach sipwe niwin me angei ⁶

Ekkei mongungun mi feito seni ekkewe ra nikitano ewe kapas allim me ekkewe ra aea ewe internet, facebook, me puk, ratio, tv, me kachito ar repwe pwarata pwe nisou, fiu, kapas pochokun, nimengau, me mettoch mi mwan mi murrino ar repwe osukosuka met sia mochen fori me ach kewe kokkotun fansoun ese much.

Ekkei mongungu mi pwan feito seni ekkewe aramas mi mochen fofforoch nge ra chun ren ekiekin aramasen fonufan me ra achocho ne ataino an aramas nuku me siwini ar ekiek usun mettoch ese much an ekkewe ra achocho ar repwe niwin ngeni fan mesan Kot me angeimettoch meinisin an Semach.”⁷

Ua kaeo ika upwe sopweno ai upwe ekikei usn ainiwin me angei ekkewe feioch mi pwon, mi namwot ai upwe pwisin kapas eis fan chommong, “Ifa usun met ua fori?”

A usun ita ka pwisin interfiuini en. Me ika oua ekieki pwe ena mi ekkis sokono, oupwe ekieki usun: ion won ei fonufan mi sinei en nap seni en pwisin? Ka sinei om ekiek, met ka fori non monomon, om mochen me om anchang, met ka mochen me om kokkot. Me ka seni nap seni aramas meinisin ifa usun ka fefeita won ewe an ngeni om kopwe niwin me angei.

Ne anisiei non ei pwisin interfiu, ua sani ai upwe anneani me ekieki usun ekkewe akapas non sopun nimu non ewe puken Alma, ikewe Alma a kapas eis: “Met oua fen uputiw me ren Kot non pekin ngun? Met oua fen angei nikinikin me non nikinikin mesemi? Met oua fen mefi ei anonnonun siwin non netipemi?”⁸ An Alma kewe kapas eis a achema ngenikich met ach kewe mochen me kokkot repwe masoweni ach sipwe niwin me angei.

Chechemeni ewe tingor seni ewe Chon Amanau ach sipwe “opwe feito rei, ami meinisin mi pekus en choun osemi o ngang upwe asoso kemi.

“Oupwe angei osei o oupwe mwarei i oupwe kaeo seni ei, pn ngang mi mosonoson o tipetekison, iwe oupwe kuna ami ngaseno.”⁹

Nupwen sia awatteno ach nuku non an ewe Samon Jises Kraist manaman an epwe asoso ngunuch ren an omusano tipisich, anisi ach chiechifengeni ese unusoch, echikara ach feingau non pekin ngun, me apochokunata me otufichikich ne apochokuna napanapen Kraist, sipwe awatteno ach kinisou ren auchean ewe Achesefanin ese Samon Jises Kraist.¹⁰

Non ekkewe wik, kutta och fansoun om kopwe ekieki usun met oua mochen fori non manauemi, me ami kokkot, me pi pwe ra fich ren an Semach won Nang kokkot fan iten ach pwapwa. Ika mi namwot ami oupwe aier me siwin, opwe ekieki ami opwe fori iei. Oupwe iotek me ekieki usun met mi namwot oupwe siwini pwe oupwe ekieki usun ewe ningen Kot.”¹¹

Mi namwot ach sipwe anomu ekkewe nongonong me kapas allimin Jises Kraist nukunapen ach mochen me kokkot. Ika esap punun I, ach mochen ese much ese tufich, me ach kokkot ach sipwe aponueta ach mochen ese much esap ponueta.

Sasing

“Kraist ewe Mi Manau” toropwe

Pwan eu mettoch a tongeni anisikich ena ewe “Kraist ewe Mi Manau: Ewe Pwarata seni ekkewe Aposel,”¹² minne a pwa ngeni ewe Mwichefen non January 1, 2000. Apacheta echo ian oupwe tongeni kuna, me awora fansoun oupwe anneani ekkewe kapas non ei kapasen pwarata usun Kraist me ren Noun kewe chon pwarata mi makei iter won.

Sasing

“Kraist ewe Mi Manau” me an ewe famini esinesin

Upwe pesei ngenikemi oupwe pwan anneani ewe “An Ewe Famini: Esinisin Ngeni Ei Fonufan.” Sia kapas usun ei esinisin usun ewe famini fan chommong, nge ouse mochen oupwe chechemeni oupwe anneani ren ami ekieki usun ewe manamanen Krasit mi manau an epwe amanaua aramas. Ika esap punun ewe Kraist mi manau, ekkewe mettoch sia mochen esap ponueta. Usun mi mak non ewe esinisin usun ewe famini: “Ewe kokkotun pwapwa fochofoch ese much an epwe fori pwe epwe tufich me mecheres nefinan famini ar repwe tongeni soposopono mwirin mano. Annuk pwisin me pwon mi pin ra tufich non tempel mi pin fori an epwe tufich ren emon epwe niwin ngeni Kot me ren an famini repwe nonom fengen fochofoch.”¹³

A chok tongeni fis pokiten ewe Kraist mi manau I ewe Chon Amanau me Chon Angasanon fonufan.

Ren ei, oupwe pwan ekieki usun oupwe anneani ekkewe pukfen ami oupwe awatteno ami weweiti ekkewe nononong mi ennet mi nom non “Ewe Krasit mi Manau.”

Ach anneani “Ewe Kraist mi Manau” fiti iotek mi usun ach anneanei ekkewe kapasen pwarata an Matthew, Mark, Luke, John, me ekkewe soufosun ewe Puken Mormon. Epwe awatteno ami nukunon ewe Chon Amanau me anisikemi oupwe ekieki usun I nupwen oua aponueta ami kokkot pwe oupwe aponueta ami mochen ese much.

Ina mwo ach mwanino, nipwakingau, rikino, me tipis, An Jises Kraist Achesefan a otufichikich ach sipwe aier, ach sipwe moneta ach sipwe niwin meangei ekkewe feioch mi nap minne Kot a pown—ach sipwe manau ren ewe Sam me Noun fenfeino non ewe tekian sasar non ewe ningen akkar.¹⁴

Iei usun oua fen sinei, ese wor emon esap mano; iwe, met sia mochen fori me ach kokkot epwe pwe nupwen sia niwin ngeni Semach won Nang, sipwe angei meinisin mi nom ren I a kokkota fan iten emon me emon kick.¹⁵

Ua pwarata pwe ese wor eu mettoch sipwe tongeni mochen non ei manau nap seni ach mochen manau fenfeino ren Semach me Inach won Nang me ach Chon Amanau, ewe Samon Jises Kraist. Nge esap chok metsia mochen—ena pwan metRa mochen. Ra unusen tongeikich, nap seni met sia tongeni weweiti. Ra ennetin, me unusen kapach ngenikich feinfeino. Kich Ar angang. Ach ning mi Ar ning. Nap seni mettoch meinisin, Ra mochen sipwe niwin ngeni imwach—ach sipweniwin me angeipwapwa ese much fan meser.

Pwi me fefeinei mi acheinicheing, non eu wik, sipwe pwapwaiti Palm Sunday—a pwapwaiti an Krist tonong non Jerusalem. Non ru wik, sipwe pwapwaiti ewe Raninfelin Paska—a pwapwaiti an ewe Chon Amanau pwaracho ngeni mano.

Nupwen sia ekieki usun ewe Chon Amanau non ekkei ru Raninfel mi auchea, sipwe chemeni I me asofosefani ach pwon ach sipwe aponueta An kewe annuk. Sipwe nenengeni manauach, finata met sia mochen fori me anonga ach kokkot ren an Kot kokkot pwe repwe emwenikich ach sipwe tufichin niwin me angei—iei ai iotek mi tekison fan iten Jises Kraist, amen.