Lautna aur Paana

Bhaaiyo aur bahano, ab yeh mera kaam hai aapse baate karna, aur aapka kaam hai sunna. Mera lakshye hai apna kaam tumse pehle khatam karna. Mai puri koshish karunga.

Pichle saalon mein, maine dekha ki jo log duniya mein sabse zyaada kaarna chahate hai unke paas apne jiwan ke liye ek sapna hota hai, lakshye ke saath taaki woh apne sapne par gaor kar sakein aur furtila yojna use haasil karne ke liye. Agar tum jaante ho tum kahan jaa rahe ho aur kaise wahan pahunchna hai usse jiwan ko arth, iraada, aur purnata milegi.

Jab tak kuch log seekh nahin lete ki ek lakshye manzil ya ek ant, hai, aur ek yojna wahan pahunchne ka raasta unko kathinaai hoti hai ek lakshye aur yojna ke beech ka antar janne mein. Uddharan ke liye, hamara lakshye ho sakta hai kisi aparichit jagah tak drive karna, aur jaise aap mein se kuch pyaari behne jaanti hai, hum purush aksar sochte hai ki hum raasta jaante hai—phir hum ant mein kehte hai, “mai jaanta hoon—zaroor agle mod par hai.” Meri patni muskuraa rahi hai. Lakshye saaf tha, magar manzil tak pahunchne ke liye koi achcha yojna nahin tha.

Lakshye tay karna hai “ant ko dimaag mein rakh kar shuruaat karna.” Aur yojna banana hai us parinaam ko haasil karne ka tarika sochna. Khushiyaali ke liye samajhna chahiye ki kaun se manzilein zaroori hai—uske baad samay, mehnat, aur dhyaan se un cheezon par samay bitaana jisse tum nishchint rup se pahunch paaoge.

Parmeshwar, hamare Swarg ke Pita, ne hamein sampurn uddharan diya hai lakshye aur yojna banane ka. Unka lakshye hai aadmi [aur aurat] ko amaransheelta aur anant jiwan dilana.”¹ aur Woh uddhaar ke yojna dwara use haasil karega.

Hamare Swarg ke Pita ka yojna hamein badhta, faelta, sikhlata, sharirik maransheelta deta hai jiske zariye hum aur Unki tarah ban jaaenge. Hamare anant aatmaaon ko shaaririk deh se dhaakna; Unke Putra, Prabhu Ishu Masih ke sikhshan aur aagya anusaar jeena; aur anant parivaar banana hamein mauka deta hai, Uddhaarkarta ke Praeshchit ke zariye, ki hum Parmeshwar ke amaransheelta aur anant jiwan ke lakshye ko pura kare jo Unke bachchon ko Unke saath rakhega Unke celestial raajye mein.

Budhimaani se lakshye tay karne ka matlab hai ki chote-samay mein khatm hone waale lakshye tabhi prabhaoshaali hai jab unke zariye lambe-samay ke lakshye ko achche se samajh liya jaaye. Mera vishwaas hai khushiyaali ke liye zaroori hai jaanna apne khud ka lakshye tay karna aur apna yojna banana hamare Swarg ke Pita ke anant yojna ke daaere mein. Agar hum is anant maarg par dhyaan denge, hum avashye Unki upasthiti mein lautne ke yogye rahenge.

Hamare pesha, padhaai, aur golf khel ke liye bhi achcha hai lakshye aur yojna rakhna. Vivaah, parivaar, aur Girjaghar parishadon aur niyuktiyon ke liye bhi zaroori hai lakshye rakhna; khaas kar ke sach hai prachaarakon ke liye. Magar hamara sabse bada aur sabse jesht lakshye Swarg ke Pita ke anant yojna ke liye uchit hona chahiye. Ishu ne kaha, “Isliye pehle tum uske raajye aur dharam ki khoj karo, to yeh sab wastuwein bhi tumhe mil jaaengi.”²

Lakshye banane mein jo maahir hai kehte hai ki lakshye jitna saral aur seedha hai, utna zyaada prabhaaoshaali hoga. Jab hum ek lakshye ko ek saaf chitra sa dekhein ya ek ya do shaktishaali aur prateekaatmak shabdein, woh lakshye tab hamare andar sama jaaega aur hum jo sochenge aur karenge ko raah dikhaaega. Mai vishwaas karta hoon ki do shabd hai, is milaan mein, jo Parmeshwar ka kya lakshye hai hamare liye aur hamare sabse zaroori lakshye ka prateekatmak hai. Woh shabd hai lautna aur paana.

Unki upasthiti mein lautna aur vachan ko banane aur nibhaane se jo anant ashirvaad milte hai unhe paana hamara sabse mahatvapurn lakshye hai.

Hum lautte aur paate hai “[Prabhu Ishu Masih] mein dridh vishwaas rakh kar, Unke saamarth par pura bharosa karke”, lagataar “Masih mein aage badhte huwe, aasha ki akhand jyoti mein, aur Parmeshwar aur sabhi manushyon se prem rakhte huwe … , Masih ke vaani ka pyaala peete rahe, aur ant tak sahansheel bane rahna.”³

Lucifer ne Pita ke yojna ko nahin swikaar kiya jisse hamein mauka milta tha Unki upasthiti mein lautna aur Unke ashirvaadon ko paana . Vaastav mein, usne bagawat kiya aur hamare Pita ke yojna ko puri tarah se badalna chaaha, taaki Parmeshwar ka mahima, sammaan, aur shakti use mil sake. Iske kaaran, use aur uske chelon ko Parmeshwar ke upasthiti se baahar kiya gaya aur “Shaetaan ban gaya, haan, woh bhoot, sab jhooto ka pita, manushye ko dhoka dene aur andha karne ke liye, aur apni ichcha se unhe gumraah karna, jitne bhi log [Prabhu] ke aawaaz ko nahin sunenge.”⁴

Unke maransheel jiwan se pehle ke chunaawon ke kaaran, Shaetaan na laut sakta na paa sakta. Uske liye ek hi cheez bacha hai Pita ke yojna ka virodh karna har woh laalach aur behkaawa dekar jisse hum sharminda aur atyant dukhi ho jaaye uske tarah.⁵ Shaetaan ka yojna apne dusht yojna ko paana har vyakti, peedhi, sanskriti, aur samaaj se taalluk rakhta hai. Woh zor aawaaz istemaal karta hai—aawaazein jo Pavitra Aatma ke choti dheemi aawaazo ko ansuna kar deta hai jisse hum “sab kuch” dekh paate lautne aur paane ke liye.⁶

Yeh aawaazein unke hai jo susamchaar ko nahin maante aur internet, soshal aur chape hue media, radio, tv, aur filmon ka istemaal karte hai anaetikta, hinsa, gandi baat, gaali, aur fuharta ko ayse dikhlaate ki hum anantta ke apne lakshye aur yojnaaon se dhyaan hata dete hai.

In aawaazon mein achche niyat ke log bhi honge jo manushye ke naastikta se dhokha mein hai aur jo vishwaas ko nasht karna aur anant nazariye ko hatana chahate hai unse jo sirf lautna chahate hai Parmeshwar ki upasthiti mein aur paana paana chahate hai “woh sab jo [hamare] Pita ke paas hai.”⁷

Maine paaya hai ki vaada kiye ashirvaadon tak lautne aur paane par dhyaan dene ke liye, mujhe lagataar khud se puchna chahiye, “Mai kaisa kar raha hoon?”

Yeh apne aap ka interview lene jaisa hai. Aur agar yeh vichitra lage, uske baare mein socho: is duniya mein kaun tumhe khud se behtar jaanta hai? Tum apne vichaaron; apne hi chaal-chalan; apne ichchaaon; aur apne sapno, akshye, aur yojnaaon ko khud jaante ho. Aur tum aur kisi se behtar jaante ho ki lautne aur paane ke maarg par tumhari pragati kaisi hai.

Apne is khud ke interview ke daoraan, mai Alma ke paanchwe adhyaye, mein gehri soch ke shabdon ko padhta aur sochta hoon, jahan Alma puchta hai: “Kya tum dhaarmik rup se Parmeshwar ke janme ho? Kya tumne apne rup mein unki parchaai ko paaya hai? Kya tumne apne hriday mein mahaan pariwartan ka anubhav kiya”⁸ Alma ke sawaal hamein yaad dilaata hamare lakshye aur yojnaaon mein hona chahiye lauto aur paao .

Uddhaarkarta ke nimantran ko yaad rakhna “he sab parishram karne waale aur bojh se dabe huwe logon, mere paas aao, aur mai tumhe vishraam dunga.

“Mera jwata apne upar lo, aur mujh se seekho; kyunki mai namr aur mann mein deen hoon: aur tum apne mann mein vishraam paaoge.” ⁹

Jab hum Prabhu Ishu Masih ke shakti mein apna vishwaas badhaenge hamare hridayo ko vishraam dene ki paap ke chama se, bikhre rishto ko bachana, aatmik ghaawon ko changaai dena jisse badhanti ruk jaati hai, hamein mazboot aur kaabil banan Masih ke gunon ko apne andar viksit karne ke liye, hum Prabhu Ishu Masih ke Praeshchit ke gehraai ko prashansa karenge.¹⁰

Aane waale hafton mein, samay nikaalo apne jiwan ke lakshye aur apne yojnaaon par gaor karne ke liye, aur yeh tay karo ki kya yeh Swarg ke Pita ke khushiyaali ke mahaan yojna se mel khata hai. Agar tumhe pashchataap karke badalna hai, to abhi shuru kar lo. Prarthnasheelta se sochne ke liye samay nikaalo ki ayse badlaao zaroori hai taaki tum “Parmeshwar par hi dhyaan dein.”¹¹

Hamein Ishu Masih ke siddhaant aur susamachaar ko apne lakshye aur yojnaaon ka mukhye bhaag banana hai. Unke siwaae, koi anant lakshye mumkin nahin hai, aur hamare anant lakshyon ko paane waali yojnaaen zaroor asafal hongi.

Ek aur madad milta hai “Jiwit Masiha: Devduton ki Gawahi” se,¹² jo Girjaghar se baanta gaya tha January  1, 2000 mein. Is ka ek copy wahan rakhiye jahan dekh sako, aur samay nikaal ke iske har ek waakye par gaor karo jo Masih ke is prerit gawahi mein Unke khaas gawahon ke dwara saain kiya gaya tha.

Mai aapse vinti karta hoon ki aap ise “Parivaar: Duniya ke Liye Ek Aupchaarik Ghoshna.” Hum aksar parivaar ghoshna ke baare mein baat karte hai, magar kripya yaad rakhein ki ise jiwit Masiha ke mukti dilaane ke shakti ko dhyaan mein rakh kar padhe. Jiwit Masiha ke bina, hamare man chaahe armaan pure nahin honge. Jaise parivaar ghoshna batlaata hai, “Khushiyaali ka divye yojna mumkin karta hai ki parivaar ke rishte kabra se aage jaa sake. Pavitra dharamvidhiyaan aur vachanein jo pavitra mandiron mein uplabdh hai jisse log Parmeshwar ke upasthiti aur parivaaron ke sang anant rup se ek ho sakte hai.”¹³

Yeh tabhi ho sakta hai jab jiwit Masih duniya ka praeshchit ka Uddhaarkarta aur Muktidaata ho.

Is milaan mein, tum dharamshaastra mein bhi dhoondhna “Jiwit Masiha” mein diye khaas sachchaaiyon ke apne gyaan ko badhaane ke liye.

Prarthnashilta se “Jiwit Masiha” ko padhna Matthew, Mark, Luke, John, aur Mormon Dharamshaastra ke bavishyevaktaaon ki gawahi padhne jaisa hai. Yeh Uddhaarkarta mein tumhare vishwaas ko badhaega aur tumhe madad karega Unpar dhyaan ko jab tum apne yojnaaon ko kar rahe hoge apne anant lakshyon ko paane ke liye.

Hamare galtiyon, khaamiyon, patan, aur paapon ke bawajood, Ishu Masih ka Praeshchit hamein mauka deta hai pashchataap karne, waapas lautne aur paane ke liye tayaar rehne ke liye ki Parmeshwar ke vaada kiye ashirvaad mile—Pita aur Putra ke saath hamesha sabse uttam sthaan paane ka celestial raajye mein.¹⁴

Ab jaise ki aap sab jaante hai, koi bhi maut se nahin bachega; isliye, hamare lambe-samay ke lakshye aur yojnaaen woh hone chahiye ki jab hum waapas lautenge apne Swarg ke Pita ke paas, hum woh sab jo Unka hai paaenge hamare liye yojna banaya gaya tha.¹⁵

Mai gawahi deta hoon ki koi aur isse bada lakshye nahin hai maransheelta mein hamare Swargiye maata-pita aur hamare priye Uddhaarkarta, Prabhu Ishu Masih ke saath anantta mein jeene jaisa. Magar yeh sirf hamara lakshye nahin—yeh Unka lakshye bhi hai. Woh humse sampurn prem karte hai, itna shaktishaali ki hum samajh bhi nahin paa rahe hai. Woh puri tarah se, anantta tak hum par dhyaan diye hai. Hum Unke kaarye hai. Hamari mahima Unki mahima hai. Kisi aur cheez se zyaada, Woh chahate hai ki hum ghar aaye—waapas laute aur anant khushiyaali   paaye Unke upasthiti mein.

Mere priye bhaaiyon aur bahano, ek hafte mein, hum Palm Sunday manaenge—Jerusalem mein Masih ka shaandaar swaagat. Do hafte mein, hum Easter Sunday manaenge—Uddhaarkarta ka mrityu par se vijay paana.

Jab hum apna dhyaan Uddhaarkarta par dharenge in do khaas Raviwaar ko, aao hum Unhe yaad karein aur Unke aagyaaon ka paalan karne ke jiwan bhar ke vaade ko taaza karein. Aao hum gaor se apne hi jiwanon ko dekhein, apne lakshye banaye aur apne yojnaaon ko Parmeshwar ke ichcha anusaar banae us tarike se jisse hum apne anmol saibhaagye ko lautenge aur paaenge — hai mera prarthna Ishu Masih ke naam se, amen.