Pwe Ach Saram Epwe Ew Esissin ngeni Muu Meinisin

Fitu ier me nom, nupwen ua wisen sensen semeneri, emon chienei ne angang a eiseni noun kewe chon sukun ar repwe ekieki usun ei kapas eis: Ika oua manau non ewe fansounen ewe Chon Amanau, pwata oua ekieki pwe pwe tapweno mwirin I pwe emon Noun kewe chon kuno? Ra finata pwe ekkewe ra tapweno mwirin ewe Chon manau non ei fansoun me ra achocho ar repwe Noun chon kuno naman repwe pwan fori non ena fansoun.

Seni ena fansoun, ua ekieki usun ena kapas eis me met ra finata. Fan chommong ua ekieki met upwe fen mefi ika ua pwisin rong ewe Chon Amanau nupwen a apasa ei non an Afanafan won ewe Chukuchukuta:

Ami saramen fonufan. Ew teninimw a kouta won ew kukkun chuk ese tongeni monono

“Ese ikewe epwe asarama aramas meinisin non ewe imw.wor emon aramas epwe kini ew nam o isetiw fan ew sepi, nge epwe fen iseta won neenian,

“Epwe ina chok ussun ami saram epwe fakkun sarameno Matthew 5:14–16).mwen aramas, pun repwe kuna ami kewe foffor mi murinno o repwe mwareiti Sememi we non nang(Matthew 5:14–16).

Oua tongeni ekikei met oupwe mefi ika oua rong mongungun ewe Chon Amanau? Ennet, ese namwot sipwe anchangei usun. Sia fen sou nonno chok.rongorong mongungun ewe Samon pokiten sia rong mongungun Noun kewe chon angang, mi chok nonno.

Non 1838 [ewngoru wanipuku inik me wanu], usun chok ewe Afanafan won ewe Chukuchukuta, ewe Samon a pwarata ei me ren ewe Soufos Joseph Smith:

Non ekkewe fansoun soponon An mwichefen epwe iteni Ewe Mwichefenin Jises Kraist ren Aramas mi Pin non Fansoun Soponon.

Ewe Samon a apasa ngeni aramas meinisin ar repwe uta me saramano pwe repwe ew esissin ngeni fonufan ( D&C 115:4–5).

Ach kewe ran mi fokkun auchea iwe ewe soufos Isaiah a kuner non ew nemwasepwi; a pwan kuna me pwarata usun ei ranin ewe Niwinsefaniton ewe Mwichefenin Jises Kraist me an popun, ren an apasa, “Ewe Samol epwe ourata efouch finaiken esissin ngeni ekkewe muu pwe i epwe emwicha fengeni ekkewe aramasen Israel me Judah mi toropas fetan non unusen fonufan” ( Isaiah 11:12).

Non ekkewe pukefel, ew esissin, mi ew finaik minne aramas ra chufengen ukunun pwe repwe angangfengen ren ew chok popun. Non fansoun nom, chon fiu ra chufengen unukun ewe finaiken muu meinisin. esissin. Wewen pwe, ewe Puken Mormon me ewe Mwichefenin Jises Kraist mi niwinsefan mi ew esissin ngeni mwuu meinisin.(Nengeni emwen seni ekkewe pwukefen, “Ensign,” scriptures.lds.org.)

Ese wor tipemwaremwar, pwe ew esissin mi nap non ekkei fansoun soponon mi ei mwichenapen mwichefen, iei sia pwarata usun ewe angang me kokkotun Semach won Nang ne esenipato ewe manau fochofoch me manau ese much an aramas ” ( Moses 1:39).

Ach sou efisi mwichenapen mwichefen mi pwatata pwe kich Aramas mi Pin non Fansoun Soponon sia “nuku mettoch meinisin Kot a pwarano, mettoch meinisin I a pwarano iei, me sia nuku pwe I epwe pwan pwarano chommong mettoch mi amwarar me auchea fan asengesin ewe Muun Kot” (Nongonongen Achifoua 1:9).

Iwe, met ewe Samon a pwarata me ren Preseten Thomas  S Monson ach sipwe fori pwe ach saram epwe tongeni ew esissin ngeni muu meinisin? Met ekkewe mettoch mi auchea ach sipwe fori non ei fansoun mi amwarar ren forutan Saion me ewe ochufengenin Israel?

Ewe Samon A pwarata An mochen ngeni kich “kinikinin kapas won kinikinin kapas, annuk won annuk, iei ekis me pwan ina ekis;”( 2  Nifai 28: 30) iwe, sisap mairu ren ekkewe mettoch mi kukkun pokiten ra mecheres me sia sou fori, pun ewe Samon a fen aitikich, a erenikich “ra feioch ir ekkewe ra rongorongoch ngeni ai kewe annuk, me ausening ngeni ai aurour, pun repwe kaeo mirit; pun ren i ewe a angei upwe ngeni i pwan och (2 Nephi 28:30).

Ua pwarata pwe ren “kinikinin kapas won kinikinin kapas, annuk won annuk, iei ekis me pwan ina ekis” me ren ach ausening ngeni nouch kewe souemwen kapasen fon, epwe wor no non ach kewe nam epwe otufichikich ach sipwe pwarano ach saram ngeni ekkoch usun chok met ewe Samon A annuku ngeni kich

Ina mwo pwe mi wor chommong mettoch sia tongnei fori pwe sipwe ew saram me esissin ngeni  ekkoch, ua mochen ekieki usun unungat: pinini Raninfel; amwitiri ewe angangen amanau non ekkewe ru epekin ewe epet; me aiti non napanapen ewe Chon Amanau.

Ewe saram sia kapas usun a feito seni ach pinini Raninfel, non ewe Mwichefen me pwan non imwach; ei saram a awatteno nupwen sise nimingau ren mettochun fonufan; ei saram a feito seni ach angei ewe sakramen won An ran mi pin me ach mwareiti ewe Emon mi Tekia, ekkei mettoch meinisin ra otufichikich pwe ewe Ngun mi Fel mi tongeni nom rech fansoun meinisin. Ei saram a mamarta me a pwa upwen sia niwiniti imwach ren ekkewe memefin omusomush minne Preseten Henry  B. Eyring a afanafan usun non ewe mwichenapen mwichefen non ewe October nupwen a apasa “Ew nein ekkewe feioch sia tongeni anneani, ew mi nap ena ewe memmefin omusomus sia angei nupwen sia angei ewe sakrament. Sia mefi tong me kinisou ren ewe Chon Amanau, ewe an asor ese much a otufichikich ach sipwe nimenimochuno seni tipis” (“Kinisou non ewe Ranin Sabbath, ” Liahona, Nov. 2016, 100).

Nupwen sia pinini Raninfel me angei ewe sakramen, sia niminimochuno, nge ach saram a pwan saramano.

Ach saram a saramano nupwen sia akota fansoun pwe sipwe kuta iten ach kewe newo, me uwei iter ngeni ewe tempel, me ach aiti chon ach famini me ekkoch ar repwe pwan fori.

Ei angangen tempel me famini mi pin me sia fiti ekkewe Sounang mi fen mano ne fori a sopweno iei nap seni me nom ren ach foruta ewe tempel An ewe Samon. Iei mi wor och fansoun mi kokkot faniten ekkewe famini mi feito ren iten ar kewe newo, ngang me punuei oua men pwapwa ren am angang non ewe tempel fiti fengen ren noum kewe me noun noum kewe.

Nupwen sia kuta me uwei it ngeni ewe tempel me aiti aramas ar repwe pwan fori, kich meinisin sia ew esissin.

Ach keao ach sipwe asukun usun ewe Chon Amanau a aiti mi pwan ew aan ach siwpe uta me saramano. Ua pwapwa ren aramas meinisin mi kaeo ar repwe aiti non napanapen ewe Chon Amanau. Upwe anneani seni mesan ewe puken emwen mi fo: “Ewe mochenin sense meinisin—sam me in meinisin, sensen famini me fefin chon amwa, me chon tapweno mwirin Kraist meinisn—pwe repwe aiti ekkewe nongonongen ewe kapas allim, ren ewe Ngun, … pwe repwe anisi Noun Kot kewe ar repwe apochokuna ar nuku non ewe Chon Amanau me winiti usun I” ” (Teaching in the Savior’s Way [2016]).

Iei, fite ngoru sense mi nukuchar ra iseta ar saram nupwen ra kaeo ar repwe aiti non ewe napanapen ewe Chon Amanau. Ren ei, ewe mwichen sense mi tongeni anisikich ach sipwe uta me saramaram nupnwe ekkewe chon sukkun mi chufengen unukun ewe esissinen ewe nongonongen Kraist, pun “ewe kiien ach aiti usun ewe Chon Amanau a aiti pwe sipwe manau usun ewe Chon Amanau a manau” (Teaching in the Savior’s Way, 4).

Nupwen sia asukun me kaeo non An  napanap me winiti usun chok I, ach saram epwe saramano me esapw tongeni kununo me epwe winiti ew esissin ngeni ekkewe ra kukkuta ewe saramen ewe Chon Amanau.

Pwi me fefinei mi achegicheing, mi namwot sisap opano ach saram. Ewe Chon Amanau a anukukich ach sipwe asaramano ach saram usun ew teninimw a kouta won ew kukkun chuk are usun efoch kanten won nenian. Nupwen sia fori, Iwe sipwene enningano Semach won Nang. An ewe Chon Amanau kapas allim me An Mwichefen mi niwinsefan mi awora ach tufich pwe ach saram epwe ew esissin ngeni muu meinisin.

Ua pwarata pwe Jises Kraist I ewe saram sipwe apiru. Non iten Jises Kraist, amen.