Ewe Kot Sam me ewe Kokkotun Mauan Esemuch
Faniten mi wor rech ewe ennet usun ewe Kot Sam me nefinach fengen, mi wor ewe an ach sipwe kuna fengenikich me non ewe nenien witiwit.
I.
Ewe aewin nongonongen achifoa a apasa: “Sia nuku non Kot, ewe Sam Esemuch, me Noun We, Sises Kraist, me ewe Ngun mi Fen.” Sia fiti chon nuku Kraist meinisin non ach nuku pwe mi wor emon Sam, me emon Nau, me emon Ngun mi Fel, nge met sia nuku usur mi sokofesin seni met ekkoch aramas ra nuku. Sise nuku pwe ir emon chok. Non ewe Aewin Nemwasepwi, Joseph Smith a kuna ruemon aramas, iwe a afata met aramas ra nuku usun Kot me ekkewe Unumon non Kot non ena fansoun ese pung.
Sise nuku pwe sise tongeni weweiti me sinei usun Kot, sia nuku pwe sia tongeni sinei usun ewe napanapen Kot me pwe kich Noun me iei ewe kiien mettoch meinisin non ach kewe nongonong. Ewe Paipen a masoweni porausen an Jises we Ioteki noun kewe chon kaeo, nupwen A pwarata pwe “wewen manau ewe much, pwe aramas repwe sinei en, ewe emon chok God mi ennet o repwe sinei Jesus Christ, ewe ka tinato” (John 17:3).
The effort to know God and His work began before mortality and will not be concluded here. The Prophet Joseph Smith taught, “It will be a great while after you have passed through the veil before you will have learned … all the principles of exaltation.”1 We build on the knowledge we acquired in the premortal spirit world. Thus, in trying to teach Israelites the nature of God and His relationship to His children, the prophet Isaiah declared, as recorded in the Bible:
“Ion sipwe tongeni anonno ngeni God? Ifa ussun om kopwe tongeni anapanapa ussun i? …
“Met, kose sinei? Ese wor emon a erenuk noom? Kose sinei ifa usun an ewe fonufan an a forita?” (Isaiah 40:18, 21).
Sia sinei pwe ekkewe unumon non ekkewe Unumon non Kot mi unumon aramas. Sia sinei ei seni met ewe Soufos Joseph Smith a aiti: Mi wor inisin ewe Sam me Noun we, eu inisin fituk me chu usun chok aramas. Ese wor an ewe Ngun mi Fel inisin fituk me chu nge i emon Ngun. Ika esap iei usun, ewe Ngun mi Fel esap tongeni nom non kich (D&C 130:22).
Ussun ewe wis mi auchea wisen Kot ewe Sam me pwan usun wisen ekkewe ruemon, ewe Soufos Joseph a awewei:
“Ika emon mi fen kuna Kot ewe Sam me Jises Kraist a sinei pwe mi wor unumon mi wisen komoch ekkewe kiien manaman, me emon a wisen nemeni mettoch meinisin. …
“… Ekkei aramas … ra iteni Kot ewe aewin, ewe Chon For; Kot ewe oruan, ewe Chon Amanau; me Kot ewe unungatin, ewe Chon Pwarata.
“Wisen ewe Sam an epwe nemeni nemeni ewe mwichen Preseten, me Sises a wisen Chon Afor, me ewe Ngun mi Fel a wisen Chon Pwarata.” 2
II. Ewe Kokkot
Sia weweiti ach chiechi ngeni ekkewe Unumon non Kot seni met mi pwarata usun ewe kokkotun amanau.
Kapas eis usun Ia sia feito me ia? Pwata sia nom ikkei? me Ia sipwe feno ia? mi punu non ekkewe pukfen ren met ra eita ngeni ewe “kokkotun amanau,” ewe “kokkotun pwapwa mi auchea,” are ewe “kokkotun ngaseno” (Alma 42:5, 8, 11). Ewe kapas allimin Jises Kraist mi nomwot ngeni ei kokkot.
Kich noun Kot non pekin ngun, non manauach mwen ach uputiw, sa mochen weri manau ese much nge sia fen fefeita ukukun met sia tongeni chinon chok ika sipwe manau won fonufan ren inisich inisin fituk. An epwe otufichikich pwe sipwe fori ei, Semach won Nang a wisen nemeni Foratan ei fonufan, ian, sisap chechemeni met a fis mwen ach uputiw, sia tongeni pwarata ach mochen aponueta An kewe annuk me kaeo me mammarita seni ekkewe osukosuken manau won fonufan. Nge non ach manau won fonufan, me pokiten an Atam me If turutiw, sipwe mano non pekin ngun ren ach sisap nom ren Kot, sipwe nimengau ren tipis, me sipwe mano non pekin inis. Ewe kokkotun ewe Sam a ammonata fan iten ekkei mettoch me a awora aan ach sipwe poracho ngeni ekkei epet.
III. Kot Sam
Ach sinei popun an Kot kokkot mi nap, sia mochen sinei usun wisen ewe Kot Sam ngeni an ei plan.
Sia poputa ren ekkewe nesen seni ewe Paipen. Non an ewe Aposel Paul osupwano an mak ngeni ekkewe chon Corinth, a ekkis kapas usun ekkewe Unumon non Kot ren ewe Sam, Nau, me Ngun mi Fel: “Amo chenin ach Samon Jesus Christ, ewe tongen God me chiechien [chiechien3] ewe Ngunupin epwe nonnom remi meinisin” (2 Corinthians 13:14).
Ei wokisin non ewe paipen a kapas usun ekkewe Unumon non Kot me a kapas usun ewe tongen Kot ewe Sam mi apochokuna kich, ewe misin an Jises Kraist mi uren chen me amanau, me ewe chiechien ewe Ngun mi Fel.
Kot ewe Sam
Mettoch meinisin a poputa ren Kot ewe Sam. Ese chommong met sia sinei ussun I, met sia sinei mi namwot ach sipwe weweiti wisan mi nap, ach chiechi ngeni I, me wisan an epwe nemeni ewe kokkotun amanau, ewe Foruta, me mettoch meinisin a fis mwirin.
Elter Bruce R. McConkie a makei mwen an mano: “Non ennetin wewen ewe kapas, mi wor emon chok Kot mi ennet me manau. I ewe Sam, ewe Elohim mi Manaman, ewe Emon mi Napanap, ewe Chon For me Chon Nemeni Nang.” 4 I ewe Kot me Seman Jises Kraist, pwan kich meinisin. Preseten David O. McKay a aiti pwe “Ewe aewin mettoch minne Jises a pwarata usun pwe mwen, me nap seni mettoch meinisin mi wor Kot ewe Sam, Samonun nang me fonufan.” 5
Sia sinei usun ewe napanapen Kot ewe Sam seni met sia tongeni kaeo seni ewe misin me afanafan an Noun we Anemon, Jises Kraist. Elter Jeffrey R. Holland a aiti, eu popun an Jises afanafan fetan mi aucheanap pwe epwe pwarata ngeni aramas “napanapen Kot Semach Ese Much, … an epwe pwarata me awewe ngenikich ewe ennetin napanapen Seman, Semach won Nang.” 6Ewe Paipen a masoweni pwarata seni emon aposel pwe Jises mi “ussun chok nikinikinin” Seman (Hebrews 1:3), a pwan awewei an Jises afanafan pwe “ion a kuna ei, iwe a fen kuna ewe Sam” (John 14:9).
Kot ewe Sam i Seman ngunuch. Kich Noun kewe semirit. A tongeikich, me mettoch meinisin A fori an epwe efeiochukich fenfeino. I ewe chon fori ewe kokkotun amanau, me ren An manaman a tufichin aponueta an popun pwe Noun kewe repwe weiri ning ese much.
Ewe Nau
Ngeni chon fonufan, Jises Kraist i ewe emon chon ekkewe Unumon non Kot sia sinei usun. Non och esinisin seni ewe Aewin Presetensin non 1909 [engoru tiwe puku tiu] a pwarata pwe I “ewe mwanichi noun Kot—ewe aeiwin a uputiw non pekin ngun, me ewe anemon non fituk.” 7 Ewe Nau, ewe a nap seni meinisin, a finita me ren ewe Sam an epwe aponueta ewe kokkotun ewe Sam—an epwe aea manamanen ewe Sam ne fori chommong fonufan (nengeni Moses 1:33)me amanaua noun Kot seni mano ren An Manau sefan me seni tipis ren An Achasefan. Ei “asor seni nang” mi ennetin iteni “ewe foffor mi nom nukunapen uruon aramas.” 8
Non ekkewe fansoun mi pin nupwen Kot ewe Sam A pwari ewe Nau, A apasa, “Iei Nei we At mi achengicheng, oupwe ausening ngeni!” (Mark 9:7; Luke 9:35; see also 3 Nephi 11:7; Joseph Smith—History 1:17). Iwe, Jises Kraist, ewe Siowa, ewe Samon Koten Israel, ewe a kapas ngeni me ren ekkewe soufos. 9 Ena pwata nupwen Jises a pwa ngeni ekkewe chon Nifai mwirin An Manausefan, A era pwe I ewe “Koten ewe unusen fonufan” (3 Nephi 11:14). Iwe nupwen Jises a kapas ngeni ekkewe soufos non ewe Puken Mormon me ngeni Aramas mi Pin non Fansoun Soponon a iteni “Ewe Sam me ewe Nau,” eu it minne ewe Aewin Presetensi a awewei non eu esinisin 100 [ipuku] ier me nom. 10
Ewe Ngun mi Fel
Ewe Ngun mi Fel ii ewe chon aninis ngeni ewe Kot Sam pwan non ngun, a pwan iteni Ngunun ewe Samon, me ewe Chon Aninis. I ewe emon chon ekkewe Unumon non Kot mi esenipato pwisin pwarata. Pokiten I emon ngun (Nengeni D&C 130:22), A tongeni nom non kich me a wisen kapas fengen nefinen ewe Sam me ewe Nau me noun Kot won fonufan. Chommong wokisin ra aiti pwe An misin an epwe pwarata usun ewe Sam me ewe Nau (nengeni John 15:26; 3 Nephi 28:11; D&C 42:17). Ewe Chon Amanau a pwon pwe ewe Chon Aninis epwe aiti mettoch meinisin, achema ngenikich mettoch meinisin, me emwenikich ngeni mettoch meinisin mi ennet (nengeni John 14:26; 16:13). Iwe, ewe Ngun mi Fel a anisikich ach sipwe esina met mi ennet me met mi mwan, a mwenikich non ach fini mi watte, me a anisikich non ach kewe osukosuk non manauach won fonufan. 11 I a pwan ifa usun sia nimenimochuno, wewen nimenimoch seni tipis (nengeni 2 Nephi 31:17; 3 Nephi 27:20; Moroni 6:4).
IV.
Iwe, ifa usun ach weweiti ekkei nongonong seni nang usun ewe Unumon non Kot me ewe kokkotun amanau a anisikich ren ach kewe osukosuk ikenai?
Pokiten sia sinei met mi ennet usun ewe Kot Sam me ach chiechingeni Ir, ewe popun manauach, me met sia tongeni winiti, mi wor ach mapen ewe aan me aninis ren ach sai non ei manau won fonufan. Sia sinei ion sia pin ngeni me pwata sia pin ngeni. Sia sinei ion kich me met sia tongeni winiti (nengeni D&C 93:19). Sia sinei ion a otufichi ekkei mettoch, me sia sinei met mi namwot sipwe fori ach sipwe weri ekkewe feioch mi nap a feito seni an Kot kokkotun amanau. Ifa usun sia sinei ekkei mettoch? Sia seni seni ekkewe pwarata seni Kot ngeni Noun soufos me ngeni kich pwisin.
Ika sipwe angei met ewe Aposel Paul a awewei usun “tekian an Christ we manau mi unusoch” (Ephesians 4:13) mi namwot sipwe fori mettoch nap seni ach chok sinei usun mettoch. Ese naf ach sipwe ekieki pwe ewe kapas allim mi ennet; mi namowt sipwe foffor me ekieki pwe epwe siwinikich. Nengeni sokofesin mettoch non fonufan, ra aitikich ifa usun sipwe sinei och mettoch, ewe kokkotun amanau me ewe kapas allimin Jises Krasti ai anisikich ach sipwe winiti och mettoch.
Preseten Thomas S. Monson a aitikich non ewe mwichenapen mwichefen mi keran wes pwe:
“Jises Kraist ach Chon Amanau mi unusan auchea ngeni ewe [kokkotun amanau]. Ika esap fan itan an Achasefan, sipwe poutmwanino. Ese naf ach sipwe chok nuku non I me non an misin. Sipwe pwan angang, me kaeo, kutta me iotek, aier me echuno. Mi namwot sipwe sinei an Kot kewe annuk me aneasosichir. Mi namwot sipwe angei an angangepin mi amanau. Iei chok usun sipwe angei pwapwa ese much. …
“Seni anonnonun nguni, fiti unusan tekison, ua pwarata usun ewe niffang mi nap ina an Semach kokkot fan itach. Ina ewe chok ew ann mi unusoch ngeni kinamwe me pwapwa non ei manau me ewe manau epwe feito.” 12
Ua pacheta ai kapasen pwarata ngeni an nouch Soufos/Preseten non iten Jises Kraist, amen.