Koht Sahm, Koht Nah, Koht Ngehn Sarawi oh Koasoandien Komouro
Pwehki atail ese mehlel duwen Koht Sahm, Koht Nah, oh Ngehn Sarawio oh pil atail kin ehuong Irail, mie map kaselel ehu me pahn kaweid kitail nan seiloak en mour wet ong mour soutuk.
I.
Iren Pwoson kan nempe ehu masanih: “Se kamehlele Koht, Sahm Soutuk, oh Sapwellime Iehros, Sises Krais, Oh Ngehn Sarawi. Kitail patkiong kerenieng souleng koaros ni kamehlele Sahmo Iehroso oh Ngehn Sarawi, ahpw dahme kitail ese me pid Irail weksang dahme tohn mwomwohdiso teikan kamehlele. Kitail sohte iang kamehlele dahme souleng en sampah kin koasoia me KohtSahm, Koht Nah, oh Ngehn Sarawi emente Tepin kasansalo, Joseph Smith kilangada aramas riemen me keskesinen pohn moange, aramas riemen, met kasalehda me padahk me wiwiawiseli me pid Koht oh Koht Sahm, Koht Nah, oh Ngehn Sarawio sohte mehlel.
Ekei kamehlele me apwal en wehwehki oh esehla kupwuren Koht, kitail kamehlele me Koht me ketin kapikada sampah oh atail ehu ong Ih me sansal oh ihme wia kih ong soahng koaros me kitail kin padahngki. E ntingdi nan pwuhk sarawi Sapwellimen Sises loulou me E ketin welian kin kitaildio, E masanih me “iet mour soutuk, me irail pahn esehki me komwihte iei Koht mehlel, oh Sises Krais me komw ketin poaronedohr” (Sohn 17:3).
Atail kak en esehla Koht oh Sapwellime doadoahk tepte mwohn atail kohdo sampa oh e sohte pahn uhdi wasaht. Soukohp Joseph Smith padahngki me, “E pahn wia mehkot laud ansou me ke pahn kohla palio kahdengo [veil] mwohn ahmw pahn esehla padahk en komouro.”1Kitail kokouda pohn marain me kitail alehdi mwohn atail kohdo sang sampah en ngehno. Eri, ni e padpadahkiong mehn Isrehl kan kupwuren Koht oh Sapwellime ehuong Sapwellime serih kan, Soukohp Aisehia masanih: me ntingdier nan Pwuhk Sarawi:
“Eri ihs me kak duwehte Koht? de ihs me kitail kak karasahieng? …
“Kumwail sohte ese? kumwail sohte rong? Koasoaiepe sou wiawiong kumwailehr mahso? Kumwail sohte kin rong duwen sampah eh tepin wiawihda?” ( Aiseia 40:18, 21).
Kitail ese me meh silimen me towe Godheado me irail torohr ahpw irail wia ehute. Kitail esehla met sang ni kaweid me Soukohp Joseph Smith wiao: “Samatailo Sapwellimaniki paliwar uduk, oh tih me duwetehte aramas; pil duwetehte Iehroso; ahpw Ngen Sarawio sohte paliwere uduk oh tih, ahpw e wia Ngehn. Ma sohte ih, Ngehn Sarawio sohte kak pwedilong loalatail” (D&C 130:22).
Mwoalen Koht Sahm nan Godheado me keieu ileile, Sapwellimarail doadoahk pil wekpeseng, Soukohp Joseph kawewehda:
“Aramas emen me kilangehr nanleng ah ritpeseng ese me mie irail meh silimen me kolokol kih kan en manaman, oh emen me kaunirailda. …
“…{nb Aramas silimenet … kadaniki Koht me tep, sounkepikipiko; Koht keriemen, Sounkomouro; oh Koht me kesilimeno, iei Soun kadedehu de sounpapah.
“[Met] iei koasoandi en Sahmo me pahn Kaunda Chief de Presiden, Sises me weliankitaildi, oh Ngehn Sarawio me sounpapah de soun kadedeh.”2
II. Koasoandio
Kitail ese mwomwen atail ehuong toweh kan en Godheado sang ni dahme sansalong kitail nan koasoandien komouro.
Peidek me duwehte Iawasa kitail kohsangie? Dahme karehda kitail kohdo sampah, oh Iawasa kitail pahn kohla ie? E pasapengla nan dahme pwuhk sarawi kadaniki “koasondien komouro,” iei “koasoandi lap en peren,” de “koasoandien en poadoandoarala” (Alma 42:5, 8, 11.). Rongamwahu en Sises Krais me wia poasoaan en koasoandio.
Mwohn atail kohdo sampah kitail wia Sapwellimen Koht seri ngehn kei, kitail kohdo sampah pwe kitail en koadoahki mour soutuk ahpw kitail sohte kak ma kitail sohte pahn alehda pali waratail. Pwe kitail en kak kapwaiada pwukoah wet, Samatail Nanleng Kaunda kepikipik en sampah, wasa me ketkihsang atail mehn ketemen ansou me kitail ipwidio, kitail en kasalehda atail pwoson oh ineng en kolokol Sapwellime kosonned akan oh esehla oh kekeirda sang kasongsong en mour wet. Ahpw soahng kan me kitail esehla nan mourwet oh pil wahn pwupwilahn tepin atail pahpa oh nohno, palingenitail pahn mehla oh kitail sohla warohng uh mwohn silangin Koht, saminkiha dihp me kahrehieng kitail melahn palinwar. Sapwellimen Sahmo koasoandio soanehr oh E ketin kaunopadahr ahl ekei pwe kitail en kak powehdi kahpwal akan.
III. Koht Sahm, Koht Nah. oh Ngen Sarawi
Ese Kahrepen Sapwellimen Koht koasoandien komour lapalapo, met kitail medewe mwahu, pwukoahn emen emen tohn Godheado nan koasoandio.
Kitail kin tepkihda padahk kan sang nan Pwuhk Sarawi. Keimwseklahn sapwellime kisin likou keriau ong mehn Korint kan, Wahnparon Paul wiahda met ni ah sohte kaunopada mwahu ireh kei me pid Godhead Sahmo, Iehroso oh Ngehn Sarawi: “Kalahngan en Kaun Sises Krais oh limpoak en Koht, oh kaminimin en Ngehn Sarawi,3] en ieiiang kumwail koaros”(2 (2Corinthians 13:14).
Iren pwuhk sarawi me koasoia duwen Godhead oh ire kan me pid duwen limpoak en Samatail Nanleng, mahk oh tomw en Sises Krais oh Ngen sarawio me kin kalapw ieiang kitail.
Koht Sahm
Soahng koaros tepsang Koht Sahm. Ansou me kitail kin esehla ekis ekis duwen Ih, dahme kitail kin esehla iei kesemwpwal en Sapwellime pwukoah, oh atail ehuong Ih, oh Sapwellime pwukoah nan koasoandi en komouro, Kepikipikdahu oh soahng koaros me patehng.
Duwehte dahme Elder Bruce R. McConkie ntingihdi mwohn ah mehla: “lahs en koasoai me e nda iei, Koht metehmen me mehlel oh ieias. Ih iei Sahmo, Elohim me manaman, Ileile, Sounkepikipik oh Kaun en sampah.”4 Ih Koht oh Semen Sises Krais, pil duwehte kitail koaros. Presiden David O. Mckay padahngki me “tepin poahsoan mehlel kohsang Sises Krais me pil patehng met iei limwahmw powe oh wasakoaros mie Koht Sahm Kaun en Nanleng oh sampa.”5
Dahme kitail ese me pid Sapwellimen Koht Sahm wiewiah kan pali laud kitail pahn esehla sang doadoahk oh padahk kan en Sapwellime Iehros, Sises Krais. Duwehte Jeffrey R. Holland padahngki, ehu mehkot me kesemwpwal kahrepen Sises Krais ketdo sampah pwe en kasalehiong kitail ia mwomwen Sahm Nanleng. …en kasalehda oh wiaiong kitail en esehla udahn ihs Semehu oh Samatail Nanleng.”6 Pwuhk Sarawi audaudkihda kadede mehlel kei me dene E duwehte Semeo (Ipru 1:3), me pil sansal mwahu sang ni pein ah padahk me “ih me kilangie kilangehr Semeio” (Sohn 14:9).
Koht Sahm iei Semen palingenitail. Kitail Sapwellime seri. E poakong kitail, oh soahng koaros me E ketin wia iei ong atail mour soutuk. Ih me koasoanehdi koasoandi en komouro oh sang ni Sapwellime manaman me koasoandi en komouro kak kohkiong Sapwellime seri kan.
Iehroso
Ong kitail aramas Sises Krais me kitail kak kilang me wia tohn Godhead. Presidency keieu en nan 1909 koasoaia me Ih me wia “mesenih en Sapwellimen Koht seri koaros—E wia Sapwellimen Koht Iehros ni palingehn oh pil paliwar.”7 Sapwellime Iehros me inenen mwahu me pilipilda pwe en wia Sapwellimen Koht doadoahk en doadoahngki Sapwellimen Kauno manaman pwe en wiahda mehkot me tohn sampah sohte kak wiahda (tehk Moses 1:33) oh kapitala Sapwellimen Koht seri kan sang mehla sang ni Sapwellime iasada oh diparail kan sang ni Tomwo. Sapwellime “Tommwo “me” keieu wadawad nan poadoapoad en aramas koaros.”8
Nan ansou kesemwpwal oh sarawi me Koht Sahm ketin kasalehiong kitail Sapwellime Iehroso, E masanih, Iet nei pwutak: rong Ih”(Mark 9:7; Luke 9:35; pil tehk 3 Nephi 11:7; Joseph Smith—History 1:17). Sises Krais, iei Ih Siohwa, Koht en Isrehl, ihme mahsen ong oh masen sang irail soukohp kan.9 Ansou me Sises pwarehng irail mehn Nihpahi kan mwurin Ah iasadahr, E kapesehiong irail masanih “Ih me Koht en sampah pwohn”(3 Nephi 11:14). Eri Sises kalapw mahsenieng soukohp kan nan Pwuken Mormon oh souleng en Imwin rahn akan Sahmo oh Sapwellimeo,” Daidel wet kawewedier nan presidensi keieu sang ni kaweid en ngehno sounpar 100 samwalahro.10
Ngehn Sarawi
Kesilimen en tohn Godheado iei Ngehn Sarawi, de pil kak nda …Ngehn en Kauno, oh soun kamwahu. E wia tohn Godheado ihme kaun en kaudiahl E wia ngehn (tehk D&C 130:22), E kak pwedilong rehtail oh kadokepene nan pwungen kitail oh Sahmo oh Sapwellimeo pil Sapwellimen Koht serih kan pohn sampah. Pwuhk Sarawi tohto kasalehda me ih Ah pwukoah iei en kadedehiong kitail Sahmo oh Sapwellimeo (tehk John 15:26; 3 Nephi 28:11; D&C 42:17). Sounkomouro inoukihda me sounkamwahu pahn padahkiong kitail mehkoaros, wahdo soahng koaros nan atail mehn ketemen, kaweid kitail ong ni me mehlel koaros (see John 14:26; 16:13). Oh, Ngehn Sarawio pil pahn sewesei kitail pilada pwung sang me sapwung, kaweid kitail ong nan atail anahn laud kan, oh sewesei kitail nan kasongsong en mourwet.11 Ihme pil wia kahrepen atail nsenamwahu, iei mwakelekeladahsang dipatail kan (tehk 2 Nephi 31:17; 3 Nihpahi 27:20; Moroni 6:4).
IV.
Eri, ia mwomwen atail esehla duwen padahk mehlel me Kauno ketin kasaleiong kitail me pid Godhead oh koasoandi en komouro ah kak sewesei kitail nan kasongsong kan rahn pwukat?
Pwehki atail esehier mehlel en Godhead oh atail ehuong irail, karepen mour oh koasoandien atail mour soutuk, mie neitail mehn kaweid mwahu ong atail seiloak en mourwet. Kitail ese isime kitail pahn kaudokiong oh ia kahrepen atail kin kaudok. Kitail ese ihs kitail oh ihs me kitail men duwehla (tehk D&C 93:19).Kitail ese isime kamangaiala, oh kitail esehier dahme kitail pahn wia pwe kitail en perepereniki kapai me kohdo sang ni Sapwellimen Koht koasoandi en komouro, Ia mwomwen atail ese mepwukat? Kitail ese sang ni kaudiahl en Koht me kohieng Sapwellime soukohp kan oh ong emen emen kitail aramas.
Pwehn kapwaiada dahme Wahnparon Paul masanih “kitail koaros pahn ehupene ni minimin en pwoson ni marainkihla mehlel Sapwellimen Koht Iehroso (Eisos 4:13) E sohte itar ong kitail en nsenamwahukihte rongamwahuo; kitail udahn pahn wia oh medewe pwe en kakwekid kitaila. Soahng kan me wiwiawi nan sampah rahnpwukat me kin padahkiong kitail pwe kitail enese mehkot, koasoandi en komouro oh rongamwahu en Sises Krais kin song kitail pwe kitail en wekiong mehkot.
Nin duwen en Presiden Thomas S. Monson ah padahk ong kitail nan kapokon lap nekiero:
Atail Sounkomour, Sises Krais me wia poasoan en koasoandi en komouro. Ma sohte Sapwellime tomwo kitail koaros pahn salongala. E sohte itar, kitail en kamelelehte Ih oh Sapwellime doadoahk en misinerio. Kitail anahne doadoahk oh esehla rapahki oh kapakap koluhla oh kamwahula. Kitail anahne ese sapwellimen Kauno kososnned oh momourki. Kitail anahne ale Sapwellime tiahk sarawih kan. Ihte sang ni atail pahn wia soahng pwukat kitail pahn alehdi mehlel, oh peren soutuk. …
Presiden Thomas S. Monson masanih,“Sang nan ngeni unsek I aktikitikla, I kadedehki kisakis laud me Samatail Koht ketin koasoanediong kitail. Ih ahl me keieu pwung ong meleilei oh peren ong wasaht oh pil nan mour me pahn kodohu.”12
I men kapatahiong ahi kadedeh ahn atail soukohp kempoake presiden. I kadedeh me mie Smatail Nanleng, me poakong kitail. I kadedeh me mie Ngehn Sarawi, me kin kaweid kitail. Oh I kadedeh Sises Krais, atail soundoar, me ketin kamangaila soahng koaros, ni mwaren Sises Krais, amen.