Prabhu Par Bharosa Rakhna aur Sahara na Lena
Hum apne jiwan ko Uddhaarkarta par kendrit kar sakte hai Unhe jaan kar, aur Woh hamare raaste ko nirdesh dega.
Asia mein meri yaatra ke samay, ek priye bahan mere paas aayi. Usne mujhe baaho mein liya, aur pucha, “Kya tum sach mein vishwaas karti ho ki yeh susamachaar sachcha hai?” Priye bahan, mai jaanti hoon ki yeh sach hai. Mai Prabhu par bharosa karti hoon.
Proverbs 3:5–6 mein, hum yeh salah padhte hai:
“Tu apni samajh ka sahara na lena; parantu sampurn mann se Prabhu par bharosa rakhna.
“Usi ko maan ke sab kaam karna; tab woh tere liye sidha maarg nikaalega.”
Is shaastra mein do ishare, ek chetaoni, aur ek badhiya vaada hai. Dono share hai: “Sampurn mann se Prabhu par bharosa rakhna” aur “usi ko maan kar sab kaam karna.” Chetaoni hai: “Tu apni samajh ka sahara na lena.” Aur badhiya vaada hai: “Woh tere liye maarg nikaalega.”
Aao hum pehle chetaoni par gaor kare. Mann mein chitra se hum bahut kuch soch sakte hai. Chetaoni hai in shabdon mein “sahara na lena”—“tu apni samajh ka sahara na lena.” Angrezi mein lean ka matlab hai sharirik rup se ek or ya dusre or ladna. Jab hum sharirik rup se ek ya dusre or ladte hai, hum beecho beech se hat jaate hai, hum santulan kho dete hai, aur hum ulatne lagenge. Jab hum dhaarmik rup se ladte hai sahara ke liye apne hi samajh par, hum hamare Uddhaarkarta se dur hatte hai. Agar hum sahara dega, hum beech par nahin gaor karenge; santulit nahin honge; Masih par nahin gaor kar rahe honge.
Bahano, yaad rakho, hamare maransheel jiwan se pehle hum Uddhaarkarta ka sahara the. Hum Unpar bharosa karte the. Hum ne hamare Swarg ke Pita ke diye khushiyaali ki yojna ka samarthan kiya, utsuk huwe the, aur anand manaye the. Hum dusri or nahin lade the. Humne apne gawahi se sahare bahas kiya tha aur “Parmeshwar ke sena ke saath kudh khade huwe the, aur woh sena vijayi hua tha.” 1 Achchaai aur buraai ke beech yeh jang dharti par aa gaya hai. Ek baar phir hamara pavitra zimmedaari hai ek gawaah ban ke khade hone ka aur Prabhu mein apna bharosa rakhne ka.
Hum mein se har ek ko puchna hai: Mai kaise beech mein rahun aur apne hi samajh ka sahara na loon? Mai kaise Uddhaarkarta ke aawaaz ko pehchaanu jab sansaar ke aawaazein itni damdaar hai? Kaise mai Uddhaarkarta par bharosa karun?
Uddhaarkarta ka gyaan aur un mein bharosa badhane ke teen sujhaao dena chahati hoon. Tum paaoge ki yeh siddhaant naye nahin hai, par buniyaadi hai. Yeh har Praathmik mein gaaye jaate hai, Jawaan Mahilaaon ke paath mein hai, aur kayi Sahayak Sanstha sawaalon ke jawaab hai. Yeh beech mein rehne waale—aur ladne waale—siddhaant nahin hai.
Pehla, hum Prabhu ko jaan paaenge aur Unpar bharosa karenge jab hum “Masih ki vaani ka pyaala piyo; kyunki dekho, Masih ki vaani tumhe batlaaegi ki tumhe kya karna chahiye.” 2
Kayi mahine pehle hum parivaarik dharamshaastra adhyan kar rahe the. Mera do-saal-ka pota padhte samay meri god mein baetha tha. Aaji banna bahut anandayak tha, mere bete ke parivaar ka aana mazedaar tha.
Dharamshaastra adhyan khatm karke, maine kitaab band kiya. Mera pota jaanta tha ki jald sone ka samay ho jaaega. Usne apne utsuk nile aankhon se upar dekha aur ek anant sach kaha: “Aur dharamshaastra, Aaji(Nana).”
Mera beta, jo ek achcha aur satark pita hai, ne mujhe chetaoni diya, “Maa, uski baat mat maano. Woh sirf koshish kar raha hai ki use sone nahin jaana padega.”
Magar jab mera pota aur dharamshaastra chahata hai, hum aur shaastra padhte hai! Adhik dharamshaastra se mann ujwal hota, aatmaon ka poshan hota hai, hamare sawaalon ke jawaab milte, Prabhu mein hamara bharosa badhta hai, aur hum apna jiwan Unpar aadharit kar sakte hai. “Parishram ke saath inka adhyan karo, jisse ki tum unse laabh utha sako.”3
Dusra, hum Prabhu ko jaan sakenge aur prarthna dwara Un par bharosa karenge. Parmeshwar se prarthna kar paana itna bada ashirvaad hai! “Hriday ki sampurn shakti ke dwara Pita se prarthna karo.”4
Mai khushi se ek manpasand prarthna yaad karta hoon. College ke samay mein ek chutti ke samay, maine Texas mein naukri ki. Mujhe apni purani gaadi mein, jise mei pyaar se Vern kehta tha, kayi sao meel jaana padta tha Idaho se Texas tak. Vern roof tak bhara hota tha, aur mai is naye jokhim ka anubhav karne ke liye tayyaar tha.
Darwaaze se baahar jaate samay, mai apne priye maa se gale milti aur woh kehti, “Aao jaane se pehle hum ek prarthna kar le.”
Hum ghutne par huwe aur meri maa prarthna karne lagi. Usne Swarg ke Pita se meri suraksha ke liye niwedan kiya. Usne mere bina-air-condition waale gaadi ke liye prarthna kiya, yeh keh kar ki gaadi achchi tarah se chalega. Usne kaha ki chuttiyon bhar farishte mere saath rahe. Woh prarthna karti hi gayi jaise ant na tha.
Us prarthna se jo shaanti mili se mujhe saahas mila Prabhu mein bharosa karne ka aur apni hi samajh ka sahara na loon. Prabhu ne mera maarg sidha kiya kiya us chutti ke kayi nirnayon mein.
Jab hum prarthna dwara Swarg ke Pita ke paas jaane ka aadat kar lenge, hum Uddhaarkarta ko jaan paaenge. Hum Unpar bharosa kar sakenge. Hamare ichchaaen Unki tarah ho jaaegi. Hum Apne aur auron ke liye us ashirvaadon ka prabandh kar sakte hai jo Swarg ke Pita tayyaar hai dene ke liye jab hum vishwaas se maangenge.5
Teesra, hum Prabhu ko jaan paaenge aur Unpar bharosa karenge jab hum dusron ki sewa karenge. Mai Amy Wright ke anumati se yeh kahani batla raha hoon, jisne sewa karne ke siddhaant ko seekha ek khatarnaak aur jaan-lewa beemari ke baad. Amy ne likha:
“October 29, 2015 mein, maine jaana ki mujhe cancer hai. Mere cancer mein bachne ka mauke 17 pratishat tha. Theek hone ke mauke achche nahin the. Mai jaanta tha ki yeh mere jiwan ka sabse mushkil pal hoga. Maine nishchay kar liya ki mai apni or se puri koshish karungi na sirf mere liye, par zyaada, mere parivaar ke liye. December mein, maine chemo shuru kiya. Mai kayi cancer-se-ladne waale dawaiyon ke baad ke asar se waakif thi, lekin yeh nahin jaanti thi ki kisi ka itna beemaar hona par phir bhi jiwit rehna mumkin tha.
“Ek samay, maine keh diya ki chemotherapy manushye ke adhikaar ka ulanghan tha. Maine apne pati ko bataya ab bas. Mujhe nahin hoga! Mai aspataal waapas nahin jaaungi. Apne gyaan se, mere priyetam ne shaanti se suna aur phir kaha, ‘Theek hai, tab hamein kisi ko sewa pradaan karne ke liye dhoondhna padega.’”
Kya? Kya woh nahin jaanta tha ki uski patni ko cancer tha aur ek aur beemaari ka daura nahin seh sakti thi ya ek aur peeda naashak pal?
Amy ne aage kaha: “Mere symptoms dhire dhire aur kharaab hote gaye jab tak ek mahine mein mere paas ek ya do hi ‘THEEK’ din hote [jab] mai ek aam insaan jaise jeeti, saans lete huwe. Unhi dinon par hamara parivaar sewa pradaan karne ke tarike dhoondhta tha.”
Ek ayse din par, Amy ka parivaar ne chemo kits marizo ko diye, in kits mein khush karne waale aur symptoms se aaraam pahunchaane mein madad ke liye saamaan the. Jab Amy so nahin paati thi, woh ayse tarikon ko sochti jisse kisi aur ka din ujwal kar sake. Kuch bade tarike the, magar zyaada to sirf chote not ya text messages the protsaahan aur pyaar ke. In raato mein jab peeda zyaada hota aur woh so nahin paati, woh khaat par apna iPad leti aur apne mrit purvajo ke liye dharamvdhiyon ko dhoondhti jinke liye kaam baaki the. Chamatkaar ki tarah peeda kam ho jaata tha, aur woh jhel paati.
Amy gawahi deti hai ki “Sewa karne se mera jiwan sudhar gaya. Maine jahan shakti paayi aage badhne ke liye, woh dusre peedit logon ko raahat dene ki khushi se mujhe mili thi. Mai adhik anand aur utsukta se hamare service projects ka intazaar karti thi. Aaj tak bhi yeh bahut ajeeb sach lagta hai. Tum sochoge ki koi insaan jo ganja, zahar se bhara, aur [apne] jiwan ke liye ladh rahi hai ke liye theek hai soch ki ‘abhi sab mere baare mein hai.’ Haalaanki, jab maine apne baare mein socha, meri stithi, mera kasht aur peeda, duniya bahut andhera aur dukhdaayi ban gaya. Jab mai auron par gaor karne lagi, ujiyaali, aasha, shakti, saahas, aur anand mila. Mai jaanti hoon ki yeh mumkin hai Ishu Masih ke Praeshchit ke sahara dene, changa karne, aur laayak banane waale shakti ke kaaran.”
Amy ne Prabhu par bharosa karna seekha jab Unko jaan paayi. Agar usne thoda bhi apne hi samajh ka sahara liya hota, woh shaayad sewa ke vichaar ko thukra deti. Sewa se woh apna peeda aur takleef seh paayi aur shaastra ko ji paayi: “Jab aap apne saathi ki sewa karte ho, tab aap apne Parmeshwar ki sewa karte ho.”6
Ishu Masih ne sansaar ko jeet liya hai. Aur Unke kaaran, Unke anant Praeshchit ke kaaran, hum sab bharosa karne ka bada vajah hai, yeh jaante hue ki ant mein sab theek ho jaaega.
Bahano, hum sab Prabhu par bharosa kar sakte hai aur sahara na lein. Hum apne jiwan ko Uddhaarkarta par kendrit kar sakte hai Unhe jaan kar, aur Woh hamare raaste ko maarg dikhaega.
Hum dharti par wohi bharosa dikhaane ke liye hai Use jiske kaaran hum Ishu Masih ke saath khade the jab Usne ghoshna kiya, “Mai yahan hoon, mujhe bhej.”7
Mere priye bahano, Pradhaan Thomas S. Monson ne gawahi diya ki “hamare vaada kiye ashirvaadon ka maap nahin hai. Bhale hi hamari stithi khatarnaak lage, aur hamare jiwan mein musibatein aaye, susamachaar ka hamara gyaan aur Swarg ke Pita aur hamare Uddhaarkarta ke liye hamara prem hamein shaanti aur sahara deta hai … jab hum sachchaai mein chalenge. … Is duniya mein kuch bhi hamein naash na kar paaega.” 8
Is ke saath mai apni gawahi jodta hoon hamare priye bhavishyevakta ka. Agar hum hamare Swarg ke Pita aur hamare Uddhaarkarta par bharosa karein aur apne hi samaj ka sahara na lena, Woh hamare raaste ko maarg dikhaega aur kripa ki baanh hamari or badhega. Ishu Masih ke naam se, amen.
Vivran: April 1, 2017, Bahan Cordon ko Prathmik Maha Adhyakstha ke dusre salhakaar ke rup se sewamukt kiya gaya aur Pratham Salhakaar ke rup me bulaya gaya.