Ieiang Koht oh Kamwahwihla wasa ohlakan

Kitail sohte anahne uhdisang kalaude atail marain oh nantieng dahme keiou kesemwpwal me kitail ahneki. Iei nan pwungen kitail oh Samatail Nanleng, me mour soutik, Kitail wia Sapwelime seri kei,oh met sohte pahn wekila. Ia mwomwen atail pahn doadoahngki mehlel Sapwelime luhk en karanihala IH, oh kak perenkihda kapai kan me E ketin kupwurki kitail en ale nan atail mour oh pil iangahki mour me kohkohdo?

Kauno mahseniong mehn Isreal en Mahsoko oh pil ketin Mahsaniong kitail. " Ei, I poakohng kumwail ki limpok soutik: eri ni duwen limpokmehlel I karanih kumwail lahr." ¹ karehda Samatailo mahsanih ong kitail, “ Kumwail pahn ieiang ie, oh I pahn ieiang kumwail; eri karehda kumwail anahne ieiang ie?² Pwekida? Dahme karehda kitail en ieiang Ih ki?

Kitail kohdo sampah pwe kitail en kak esehla oh kak keirda, me keiou kesemwpwal sang ni atail pahn esehla oh kekeirda pahn kohsang ni atail kin ehuong Samatail Nanleng oh Sises Krais. Marain, limpoak, oh atail kin men papah laud mehteikan kin kohsang ni pwoson me kitail ahneki ohng Ira.

“Kitail pwukoahki laud en esehla meh koaros me Kauno kasalehiong kitail duwen Ih.³Kitail en wehwehki me Kauno iei Samatail Nanleng, me kaweidki Sapwelime Iehros, Sises Krais, en wiada sampah wet pwe kitail en kak keiru, me Samatail Nanleng ketkihdo Sapwelime Iehros en pwainda dipatail kan pwe kitail en kak komourla, oh sapwelimen Samatail Nanleng manaman en prihstud oh Sapwelimen Iehroso mwomwohdiso mehlel en tiahk sarawi kesemwpwal me kopwurpwurdohr oh wia atail kapai. Ke kak kehn uwen loal en limpoak me sansalda sang ni Ara kaunop soang pwukat ong atail nsenamwahu oh keirda?Kitail anahne ese duwen an Samatail Nanleng pilahn en komour,ihte me kitail en wia kitail en kapwaiada kosonned akan oh tiahk sarawi en rohngamwahu wet oh pil alehdi mour soutik, oh duwehla Kauno.⁴Iei met me wia peren soh imwi me Samatail Nanleng ketkihdohng kitail.Oh sohte ehu peren me mehlel oh poatopoat.

Atail kasongosong ka kin kak kesei sang nan ahlen popohl wet. Kitail kak sohla koapworoapwor ki Kauno, ma kahpwal pwukatkin kihongkitail nan songen kediropw teikan ahpw kaidehn kitail en aktikitikla oh kin kapakap.

Sin lepin mahsen wet peki rehtail en wekid atail koasondi kan ong me udahn anahnepe:

Riei Lihoko,dahme keiou kesemwpwal ong kumwail? Dahme keiou werei rehmwail? Ihme Samatailo keiou kesemwpwaliki me werei, iei kitail en esehla ihs Ih, kitail en karkarahk la, kalaudehla atail peikiong Ih ni atail kinsohsohpai mour en sampah. E kupwurki kitail en wekidala mwomwen atail kin medewe te pein kitail ong papah mehteikan oh kihsang rehtail per oh wekid ong pwoson.Soang kesempwal pwukat koaros, kakete kihong kitail kasongosong keieu apwal.

Ih ansou o met, atail ansou pohn sampah mwotomwotlahr, Samatailo peki rehtail en ahneki limpok ansou me limpok apwal en dierek da, sawas ni ansou me apwal en kihwei sawas, mahk ni ansou me mahk udahn apwal en wiawi. Ia mwomwe?Ia mwomwen atail pahn wia? kitail rapahki Samatail Nanleng oh peki sawas, ni mwaren Sapwelime Iehroso, oh wia soang koaros ni songen mwohmw me E pahn kupwurki, kaidehn ni atail pein wiewia de kitail pahn ak pwungki en pweida.

Kilel

Piser en Pihl

I diarada me I ahneki akpwung ni ansou me Presiden Ezra taft Benson padangki duwen kamwakeldahn nan laoletail. ⁶I medewehla ma ngei pwoatol en nimpil iou. Ia mwomwen ahi pahn kihsang pihl suwed me audauda nan pwoatol-o? ni ahi pahn kele kelehpwki ahi kak en nantieng ahneki eimah oh wia ahi kak en wia kitail en poakong mehteikan ni ahi sohte pahn kak, e pahn sohte katepe oh mwein pahn sohte kak pweida. Dipatail oh atail aklapalap kin kahrehda loplahn nan pwungen kitail oh kaun en limpok koaros, me iei Samatail Nanleng.

An Sounkomouro tomw-o kelehpw kak kamwakelehda dipetail ka oh kapwurepene wasa wehwe peseng kan.

Kitail men Samatail Nanleng en kapilkin kitail pene Sapwelime limpoak oh kaweid, eri kitail mweidong kupwure mwohn mehkoaros oh sang ni ohlahn atail mohngiong ka, peki rehn Krais an audehda pwoatoal en pihl wet oh kamwakelehsang me samin koaros. Tepte epahn kohdo ni ehu dingiding, ahpw ma kitail rapahki, pek oh peikiong, ah e pahn wiakin tehiou widekdo. Pilen mour wet pahn audei kitail da, oh Sapwelime limpoak pahn widwidek ieisang, kitail kak kaduedi ekis pilen komour wet oh ehukiong mehteikan me men nimpildahr akan, sewese irailda, kiong irail koapworoapwor, oh limpoak. Ni ansou me loaletail pahn mwakelekelda, soang kaoros nan mour wet pahn mwahula.

“Tohnmetei kihla atail pein anahn akan pahn konehng en wiawi pwe en kak kaunopada dowen Sapwelimen Kauno koasoandi soutik wet. Soukomouro, me kin mahsen ki ni kupwuren Seme nanleng, peki rehtail en "karanihla Ih ni duwen Ah pahn kak karanihiukala. ⁷Karanihala Kauno kak wehwehki esehla duwen Ih ni mehlelo sang nan iren pwuhk sarawi kan,idahwehn kaweid kan sang Soukohp akan, oh nantiengete wia kupwure kan ni uwen ahmw kak koaros.

Kitail wehwehki me Krais ahneki manaman en wai kitailahng en papah limpoak en Seme nanleng oh rehn mehteikan? E, sang ni manaman en ngehn sarawi, kak kiong kitail dahme kitail anahne en ese me pid nan pwungen aramas.

Sounpadahk en Primary men ndahng ie manaman me wiawiong sang sin pwutak sounpar [eisek ehu] 11 kei. Emen irail I pahn kieng ede Jimmy udahn sohte kin men patehng koaros nan asnoun onop. Ehu rahnsarawio, sounpadahko medewehda en pwilkihdi iren kaskuhl en rahno oh kosoiahda dahme e poakpoakehki Jimmy. E kosoiahda uwen ah kalahngan ki oh koapwoaroapwoarki sin mwahnakapw o. Eri sounpadahko indahng serihn skuhl ko en uhd ndahng Jimmy dahme irail perenki reh. Ni tohn skuhlko, emen emen, ndahng Jimmy dahme e nohk kesemwpalkiong irail, mwahnakapwo itiekdi eri pilen mese tepda keredi pohn meseo. Sounpadahko oh tohn skuhlko kihpene piris me kadoke pene irail oh Jimmy.Limpoak me mengei,kasalehda ni mehlel, kihwei kaopwoaroapwoar oh kesemwpwalkihda mehteikan. I kin ndahki soangka "kamwahuihla wasa ohla kan."

Mwein,atail mour en sampah me kesemwpwal, mwein, kahrehiong kitail en men rapahki dahme mehlel, limpoak me pahn paotoapoat pohn sampah. Kitail wiawidahr kitail en kin poakpaoke aramas oh aramas en pil paokpaoke kitail, oh limpoak me keiou loal pahn kohdo ni ansou me kitail kin ehuong Kauno. Pwuhk en Mormon luke kitail "en kamwahuihla mehkoaros rehn Kauno sang ni tomw pen krais." ⁸

Isaiah kosoiahng irail me kin momouriki pwoson kapwaiada kaisihsol oh ahpw kin insenamwahula "kamwahuihla wasa ohlakan". Iei irail, me Isaiah inoukiong, pahn " onehda wasa mering saminlahr kan." ⁹Ni soangen mwohmwohte, Sounkomouro kamwahuihla ohlahn nan pwungen kitail oh Samatail Nanleng. Ih, sang ni meirong kesemwpwal en sapwelime tomwo, ritingadahng kitail wasa me kitail kak alehdi Sapwelimen Kauno limpoak manaman oh eri kitail kakala kamwahuihla "wasa saminlahr kan" sang nipein an emen emen mour. Kamawahuihla dohlahn loalen nan pwungen aramas anahne an Samatailo limpoak me kihpene meirong en atail sehse lamalam kan oh atail per koaros.

“Ehu pwohng I sohte kak manokehla, ngehi oh emen kisehn peneinei te uhki pene kemwekid en politic iou. E kin mwadangete kasapwungepeseng ahi koasoai, mwomwen men kaselehda me I sapwung mwohn peneinei teiko. I kehn ahi mesen pweipweila oh mwomwen sehse dahme wihwiawi—oh mwein I sehse. Nihpwongo I kelepwdi ngehi kapakap, I mwadangete kawehwe serepein et? I doula wie kapakap ni songen mwohmw et. " Ia mwomwen ahi pahn kak paokpoake? Ahi mohngiong et toutou oh I medekla. I sohte kak wia soange.

Eri, sang ni sawas en Ngehn Sarawi, ehu madamadau tohrohr kohdo ni ahi nda, “Ahpw ke poakpaoke, Maing Semei Nanleng. Ke kak kihdo ekisin ahmw paokehng serepeino rehi—pwe Ien kak iang paokpaoke? ahi lingeringer o meleileidi, ngehi uhd kehnda kesemwpal en lahp teio oh kamwahu pe kan, Isaiah ntingihdi, "Kaun-o pahn ketin kidimala ohlahn Sapwelime aramas akan, oh kamwahwihla wasa ohlakan.¹⁰

Mwurin ansou kei ohlahn nan pwungat mwahula—ahpw menda ma e sohte utung wekideklahn ahi mohngiong, I esehla me Samatail Nanleng pahn sewese kitail en paokpaoke irail kan me kitail leme me sohte ahneki limpoak ma kitail peki Sapwelime sawas.Tomw pen Sounkomouro wia kansansalpen limpoak paotoapoat sang rehn Samatail nanleng. Kitail anahne pilada oh ieiang limpoak wet pwe kitail en kak ahneki limpoak mehlel ong koaruhsie.

Ni atail kihwei atail mohngiong ka rehn Samatailo oh sapwelime Iehroso, kitail kak wekidala sampah—menda ma soang koaros me pidahki kitail sohte wekila.Kitail kerenlahng Samatail Nanleng oh kehn ehr Ah kupwurki atail wie nannanti pwe kitail en wia souleng mehlel en Krais

Mormon padahkiong kitail en kapakap ki kehlail limpoak wet sang nan mohngiong unsek oh e pahn ahpw pwilkihdieng kitail sang powe—Samatail Nanleng. ¹¹ Oh mwuri kitail ahpw pahn wiala mehn kamwahu pen ohla nan pwungen aramas akan pohn sampah.

An Samatail limpoak potopoat kin rapahkin kitail , pwe en kak kapwure kitail la pahn Sapwelime klohri oh kalahngan. E ketkihdo Sapwelime Iehros, Sises Krais, en kamwahwihla ohla me kihpeseng kitail oh Ih.Pwuralahng Samatail Nanleng wia limpoak paotoapoat oh kahrepe soutik.Kitail keila karanih Ih ansouwet, pwe kitail en esehda dahme keiou kesemwpwal, ahneki limpoak duwehte Ah kin limpoak oh keirda duwehla Ih. I kadehde ki me atail pwoson Samatail Nanleng oh Sounkomouro inenen kesemwpwal ong Ira oh kitail. Ni mwaren Sisen Krais, amen