Kuh Kuht Luhlahlfongi El? Ma Upac uh Wo

Sel Elder Stanley G. Ellis

Emeritus Mempucr ke Mwet Itngucul

Finne ke ohiyac sacn, ma upac kuh in wo nuh sin elos suc fah fahsr nuh met ke luhlahlfongi ac luhlahlfongi Leum ac plwacn Lal.

Met liki nga muhtwacwack, in pa mwet se ma aholkuhtlac kwewa moklweyuck ke pahkah ac mukwik na kuhnaustwen se tuhfahna tari ac, nga ahkkahlwemye inse srui luhk ke paho in kahsruh ac mwe ahkfihsrwacsrye lalos, suc use nuh sesr kahsruh ac finsrak

Ke Ohktohpa 2006, nga oruh sramsram se emet luhk ke toeni luhlahp uh. Nga puhla mwe fahkwack yohk srihpac nuh sin Alu uh fin facluh nohfohn sang in ahkkahlwemye “Leum El luhlahlfongi kuht!”

Mwet Lahngo El arulacna luhlahlfongi kuht ke ohiyac puhs. El use nuh sesr wosasuc luhn Jisus Kraist, ac ke fihl se inge, El sang ma fohnlah Lal. El luhlahlfongi kuht ke wal luhn Pristut Lal ac ke ki luhn pristut in oruh orekma fal. Ke wal se inge, kuht kuh in ahkkweye mwet sahyac, eis akwuck, ac oraclah olwelah. El luhlahlfongi kuht ke Alu fohlohkyak Lal, weacng tempuhl muhtahl. El luhlahlfongi mwet kuhlwacnsap Lal in pa pahpah tuhmwacn facluh, mwet luti, ac mwet in liyacacng luhn tuhlihk nahtuhl.

Tukun orekma ke kuhtuh yac ekihn General Authority se ke ip puhs fin facluh, Nga fahkwack ke kahlwem: El luhlahlfongi kuht.

Ingena mwe siyuck nga siyuck ke toeni se inge pa “Kuh kuht Luhlahlfongwel?”

Kuh Kuht Luhlahlfongwel?

Prestuhn Thomas S. Monson el ahkacsmakihnye pacl nuh ke pacl kuht in “Lulalfongi Leum God ke insiom kewa; ac tiac lulalfongi etuh lom sifacncna.

“In ma nukewa kom oru, ac el ac fah akalemye inkanek suwohs nu sum.

“Nimet nunku mu kom arulana fas in lalmwetmwet lom” (Soakas 3:5–7).

Kuh kuht luhlahlfongi masap Lal in ma wo se lasr? Kuh luhlahlfongi mwet kol luhn Alu ma fah kol kuht finne ke elos tiac arlac wo? Kuh kuht luhlahlfongi muh olwelah Lal pwacye? Kuh kuht luhlahlfongi muh Pahpah Lucng ac Jisus Kraist el etwekuht ac kena in kahsrwe kuht? Finne ke kuht puhlakihn mwe sruhf, ma upac, ac pacl upac, kuh kuht ac Luhlahlfongwel na?

Ma Upac El Wo

Ma upac uh oruh kuht in fokokoi, ahkpuhsisaclye kuht, ac use nuh sesr in ahkkahlwemye kacsr. Payonir sacohk lasr tuhkuh in Etwacl God ke ohiyac yohk lalos. Efuh kuh oasr sapta luo kacl Nephi ac tuhlihk mukul wiyacl ah in eis plwet pras ah a fuhs na tolu ke kwacfweyacn sucu lal Ishmael ah weluhlos nuh yen mwesis ac? (liye 1 Nephi 3–4; 7:3–5). Oacna Leum lan kena in ahkfokokoyacl Nephi ke upaciyacn eisyacn plwet ah.

Ma upac in moul lasr fah tiac ahklutye kuht. Sie olwelah se met kuht oraclah yurin Leum pa in moul ke masap luhn iwaclah. Kihsac yohksrihpac in fuhlwelah ma kuht luhngse yohk. Ke puhlakihn yohk kuht in nuhnkwacack ke oacna sie ma kuht kihsackihn sie mwe sang srihk in moli ke kapsra ke sikyak ke insewowo in orek kihsac.¹

Mempucr luhn Godhead Elos akihlen ke ahkfahsrye ma upac. God Pahpah El kihsackuhnlah Wen sefanna natuhl ke mwe kweok luhn Iwaclah, suc weacng misac ke srihpsrihpyak. Ma suhmuhslah fahk Jisus Kraist El luti in “ahkostwen ke ma el kweok kac uh” (Hebrews 5:8). El engan in puhla kweok ke ma luhn Iwaclah ah. Nguhn Muhtahl enenuh in mongfihsracsr in siyuck, sensenkihn, ac kol kut, ac na kuhtuh pacl in tiac akihlen, nuhnkuh sie na, kuh muhlkuhn lah.

Ip ke Plwacn

Ma upac el sie ip ke plwacn luhn wosasuc. Sie srihpac ke moul se inge pa ma nuh sresr in srihkeyuck (liye Abraham 3:25). Kuhtuh na puhla kweok ke ma upac liki na mwet lal Alma. Elos som liki ma koluk lal Tohkohsrah Noah ac tuhkuh mwet in orekma nuh sin mwet Lamanites! Ke mwe sruhf inge, Leum el luti mwe kalyei nuh selos lah El srihke “muhtweng lalos ac luhlahlfongi lalos” (Mosiah 23:21).

Ke lwen upac fin acn Liberty Jail, Leum El lotwel Joseph Smith lan kuhtang lah in wo (liye D&C 121:8) ac olwelah lah fin el oruh ma inge, na ma nuh kwewa fah sang mwe srihkasrak nuh selos, ac ma in wo nuh selos (liye D&C 122:7).

Prestuhn Thomas S Monson el kwacfe, “Nga finsrak kuht in oruh sulaclah wo liki na sulwaclah koluk.”² Sramsram ke tempuhl lasr, el fahk “wacngihn kihsaclah yohk na pwacye, “wacngihn molo upac, wacngihn ma upac na upac in eis ke mwe insewowo luhn [tempuhl].”³

Ke ohiyacn facluh, ma upac el sie ip ke ohiyacn moul. Upac nuh sin sie ahwowo srihsrihk in tuhkuh liki ahtro kuh se. Tuh ke pacl sie mwet el srihke in oruh in fihsrwacsr, ma srihsrihk uh tiacna ahkkapye ma yohk srihpac in moulkihn. Ke atac sacn, ma upac luhn puhterflae se in fahsr liki sie kokun ahkkweye ke moul in fah moullac.

Ke mwe srihkasrak inge, kuht liye lah ma upac el kwacna oasr! Kuht kwewa oasr mwe srihke la. Ma ekuhlah pa ohiyacsr nuh ke ma upac.

Ke pacl se mwet in Puk luhn Mormon kweok “ma upac yohk” ac “kain in ma ahsor pucspucs” (Helaman 3:34). Yac elos oruh? “Elos tuh lalo ac pruhe pacl nuhkwewa, ac fokokoi na fokokoi ke luhlahlfongi lalos ke Kraist, nuh ke nwacnwaclah luhn nguhnalos ke kaksak ac engan” (Helaman 3:35). Sie srihkasrak sahyac sikyak tukun yac pucspucs ke mweun. “Ke srihpen arulacna loes puhlan pacl in mweun inmahsrlon mwet Nephi ac mwet Laman puhslac mwet upaclah, … ac puhslac mwet fihsracsrlah ke srihpen ongaiyac lalos, yohkna oruh elos tuh ahkpuhsisaclyelos sifacna ye muhtuhn God” (Alma 62:41).

Kuht kais sie sulwaclah ohiyacsr ke ma upac.

Sensenkihn in Sun ma upac

Met liki pahngonyuck se inge nga mwet in kahsruh ke mani se fin acn Houston, Texas. Nga sislah pacl yohk luhk in orekma wi mwet kahsruhp na pwacye suc la pisnis lalos. Apkuhran in nuh kwewa selos in ahkfahsrye pisnis wo lalos ke tiac orekma upac. Ma suhpwacr nuh sihk pa in luhng kuhtuh selos fahk muh elos ke oruh in fihsrwacsr nuh sin tuhlihk nahtuhlos. Elos tiacna ke tuhlihk nahtuhlos in puhla upac oacna elos. Ke kahs sahyac an, Elos kena yohk ke kwewa ma ac oruh in fihsrwacsr nuh selos.

In siena, kuht etuh sie ma oruh siena ke ma inge. Pahpah ninac uh eis nuhnak ke puhla lal J. C. Penney ma pahpah tuhmwacl fahk nuh sel ke el yac alkosr ah el sifacna karuhnguhnuhl ke sacn. Elos oruh ma inge ke liye lalos sifacna: ke tuhlihk nahtuhlos ahksahfye high school, elos sifacna ke sacn—nuh ke tahfwelah lutlut (college, lutlut etweyuck etc.) ac ke mani in kahsrwelos (elos sifacna lac) (liye D&C 83:4). Engan, tuhlihk uh elos suhmaht in mukwikwi. Elos kwewa sahflah ke college, ac kuhtuh selos tari ke lutlut etweyuck—ke sifacna lalos kwewa. Tiacna fihsrwacsr tuh elos orwaclah. Elos oraclah ke moulkihnyacn orekma upac ac luhlahlfongi.

Luhlahlfongi in Luhlahlfongwel

Kihsensiyuck ke “Kuh kuht Luhlahlfongwel?” sahp enenuh in fwackyuck, “Kuh oasr luhlahlfongi lasr in Luhlahlfongwel?

Kuh oasr luhlahlfongi in luhlahlfongi olwelah Lal ke sie tahfuh singucul ke pucrsacn 90 ke kap lasr weacng kahsruh luhn Leum, kuht wo liki na pucrsacn 100 ke kap lasr sifacna?

Kuh oasr luhlahlfongi fal lasr in luhlahlfongi lah El fah muhtwacta nuh yohrohsr ke kweok lasr (liye Mosiah 24:14), lah El fah acnwuck nuh selos suc acnwuck nuh sesr (liye Isaiah 49:25; 2 Nephi 6:17), lah El fah ahkwoyelah kweok lasr nuh ke kapkapwack lasr (liye 2 Nephi 2:2)?

Kuh kuht fah srihke luhlahlfongi yohk in sruokyac masap Lal tuh El in kuh in ahkinsewowoye kwewana moul in ikoac ac nguhn? Ac elos fin muhtweng in luhlahlfongi neke sahflah elos fah eisyuck in muhta yurin God? (liye Mosiah 2:41).

Tamuhlwel ac tahmtahel, kuh in oasr sesr luhlahlfongi in luhlahlfongwel! El kena ke ma suc ma ac wo nuh sesr (liye Moses 1:39). El fah topuk pruhe lasr (liye D&C 112:10). El fah srukyac kuh olwelah Lal (liye D&C 1:38). El kuhlwacna in ahkpwacyeye olwelah Lal (liye Alma 37:16). El etuh ma nuh kwewa! Ac yohk na, El etuh ma ma wo (liye Isaiah 55:8–9).

Sie Facluh Sensen

Facluh se lasr mihsenge inge sensen. Puhsrwen pa koluk ac mwe ahkfohs ke acn nuh kwewa, terrorism sikyak finne ke acn sef, mani uh srihkweni, wacngihn orekma, mas, ohiyac upac, mweun, mwet kol muhnahs, ac kuhtuh pac sahyac. Mac kuht ac oruh? Kuht ac kahing oruh kac kuh lain? Piac kac ma pwacye? Oacna sie sulaclah kuh in sensen. Sie mwe sensen nuh sie politics ac solse luhn acn Macrike ac mwet mweun lal in acnwuck (nuh sin solse British) tuh oacyacpac nuh sin payonir mahtuh lasr in kahingkihn. Sie ma upac nuh sel Nelson Rolihlahla Mandela sie mukul sralsral in puhla upac in mwesahslah. Fwackyuck muh ma koluk uh in kuhtangyucklac, sie ma yohk srihpac muhkwena nuh sin mwet wo in wacngihn ma oruh.⁴

Tiac Sahngweng!

Ke ma nuh kwewa kuht oruh, kuht fah tiac sulaclah kuh oruh sahyac ke nguhn luhn sahngweng. Ma Pwacye “Nguhn su God el ase nu sesr uh tiac mwe ahktonongye” (liye (Luo Timothy 1:7). (Kuh kom etuh nuhnak luhn “met sahngihn” sramsram yohk ke ma suhmuhslah?) Leum el luti yuc lah sensen ac sahngweng pa kuhfwen ma koluk. Top luhn Leum ke pacl upac pa in fahsr nan uh met ke luhlahlfongi

Mac Ma Upac?

Kais sie sesr oasr kain in nuhnak ke mac ma upac. Kuhtuh nuhnkuh kac upac in moli sie tahfuh singucul ke pacl srihklac mani yohrohlos. Mwet kol konwacack upac in kena mwet suhkahsruhp in moli sie tahfuh singucul. Kuh pac in upac nuh sin kuhtuh sesr in fahsr nuh met ke luhlahlfongi ke macruht kuh in oasr sucu la. Oasr selos suc konwacack upac in “engan ke [ma] Leum el sang nuh [selos]” ((Alma 29:3). Sie ma upac in luhngse yohk ke orekma suc nga pahngyak nuh kac (liye Alma 29:6). Nuhnuhnkuh luhn Alu oacna in arulacna upac, tuh kuhtuh akihlen muhtwacwacack ke auliyak ke akwuck pwacye.

Finne ke ohiyac sacn, ma upac kuh in wo nuh sin elos suc fah fahsr nuh met ke luhlahlfongi ac luhlahlfongi Leum ac plwacn Lal.

Ahkpwacye Luhk

Tamuhlwel ac tahmtahel wiyuck, Nga ahklohye lah mwet kol ma muhta tukun nga pahngyak sin God. Kena lalos pa in kuhlwacnsap wo sel Leum ac kahsrwekuht in akiyac wosasuc fin insiyacsr. Nga luhngse ac ahkkweye elos.

Nga luhngse Mwet Lahngo lasr, Jisus Kraist. Nga lut lah El luhngse Pahpah ac kuht yohk in ekihn Mwet Lahngo ac Mwet Molwelah lasr, ke ma inge El enenuh in kweok yohk ma oruh el in kweok yohk ke ngal ac in srah liki pore nuh kwewa, ac kweok ke mahno ac nguhn tuhkweni (Liye D&C 19:18). Ac el akihlen ma inge enenuh ac arlac upac, El ahkkweye nuh sin Pahpah, “Tusruktu, in tiac ou lungse luk, a lela ma lungse lom in orek” (Luke 22:42). Nga wolacna ke kahs luhn lihpufacn ah: “El wangin inge. Akmoulyeyukyak el” (Matthew 28:6).

Srihkasrak Lal pwacyena pa “inkacnek, ac pwaye, ac moul” John 14:6). In ukwe srihkasrak se inge muhkwena kuht kuh in konwacack mihs fin facluh se inge, ac moul ma pahtpaht ke facluh tuhkuh (liye D&C 59:23). Ke nga ukwe srihkasrak Lal ac orekmakihn luti Lal, nga sifacna lotwelah lah kais sie olwelah “yohk ac sacohk” Lal (Luo Peter 1:4) pwacye.

Finsrak yohk emet luhk pa in tuyak yurin Mormon ke sie mwet tuhma lutlut pwacye luhn Jisus Kraist (liye 3 Nephi 5:13) ac ke lwen se fahsruh lohng puhsrwacl, “Kom mwet kulansap wo ac oaru. Wona orekma lom.” (Matthew 25:21). Ke inen Jisus Kraist, amen.