እጅግ ታላቅ እና የተከብሩ ቃል ኪዳኖች

የሰማይ አባታችን ታላቁ የደስታ እቅድ ትምህርቶችን፣ ስርአቶችን፣ ቃል ኪዳኖች፣እናም የመለኮቱ ባህሪይ ተካፋዮች እንድንህን እንዲያስችሉን የሆኑትን እጅግ ታላቅ እና የተከብሩ ቃልኪዳኖችን ያካትታሉ። የእሱ እቅድ የእኛን ዘላለማዊ ማንነት እናም ለመማር፣ ለመለወጥ፣ ለማደግ፣ እና በስተመጨረሻም ከእሱ ጋር ለዘላለም ለመኖር መከተል ያለብንን መንገድ ይገልጹልናል።

“በቤተሰብ ለአለም የተላለፈ አዋጅ” ላይ እንደተብራራው፥

“የሰው ልጆች በሙሉ --ወንድና ሴቶች --በእግዚአብሔር አምሳል ነው የተፈጠሩት። እያንዳንዱም በሰማይ ወላጆች የተወደዱ የመንፈስ ሴት እና ወንድ ልጆች ናቸው፣ እናም ይህ ስለሆነም፣ እያንዳንዱ መለኮታዊ ተፈጥሮ እና ፍጻሜም አላቸው። …

“በቅድመ ምድራዊ ህይወት ውስጥ፣ የመንፈስ ወንድ እና ሴት ልጆች እግዚአብሔርን እንደ ዘላለማዊ አባታቸው ያውቁትም ያመልኩትም ነበር፣ እናም ልጆቹ ስጋዊ አካልን አግኝተው ምድራዊ አጋጣሚዎችን በማግኘት ወደ ፍጹምነት ለመሻሻል እና በመጨረሻም እርሱ ወይም እርሷ እንደ መለኮታዊ እጣቸው ዘላለማዊ ህይወትን ወራሽ እንዲሆኑ የሚያደርገውን አላማውን ተቀብለው ነበር።”³

የእሱን እቅድ መርሆዎች እናም የውድ ልጁን ምሳሌ ከተከተሉ፣ ትእዛዛትን ከጠበቁ፣ እናም በእምነት እስከመጨረሻው ከጸኑ፣ ከዚያም የአዳኝ የማዳን ጸጋ፣ ከዚያም “ከእግዚያብሔር ስጦታዎች ሁሉ ታላቅ የሆነው ስጦታ፣ የዘላለም ህይወት ይኖራቸዋል”⁴ ብሎ እግዚያብሔር ለልጆቹ ቃል ገባ። ዘላለማዊ ህይወት የእጅግ ታላቅ እና የተከብሩ ቃልኪዳኖች የመጨረሻ ደረጃ ነው።

ወደ ክብር እና በጎነተ የጌታን ጥሪን በፍቃድኝነት በመቀበል እጅግ ታላቅ እና የከበረ ቃልኪዳኖችን የበለጠ ሙሉ ለሙሉ እንረዳለን እና መለኮታዊ ባህሪን መካፈል እንጀምራለን። በጴጥሮስ እንደተገለጸው፣ ይህ ጥሪ የሚሟላው በአለም ካለው ክፋት ለማምለጥ ስንጥር ነው።

በታዛዥነት በአዳኝ እምነት ወደፊት ስንጓዝ፣ ከዚያም በቤዛነቱ ምክንያት እናም በመንፈስ ቅዱስ ሀይል “ታላቅ ለውጥ ለእኛ፣ ወይንም በልባችነ ውሰጥ በመመስረቱ፣ ከእንግዲህ ሃጢያትን ለመፈጸም ምንም ፍላጎት የለንም፣ ነገር ግን ያለማቋረጥ መልካምን መስራት እንጂ።”⁵ እኛ “በድጋሚ ተወልደናል፣ አዎን ከእግዚያብሔር ተወልደናል፣ ከስጋና ከወደቅንበት ሁኔታ ወደ ጻድቁ መንገድ ወደ እግዚያብሔር ተፈውሰናል።”⁶ “ስለዚህ ማንም በክርስቶስ ቢሆን አዲስ ፍጥረት ነው፤ አሮጌው ነገር አልፎአል፤ እነሆ፥ ሁሉም አዲስ ሆኖአል።”⁷

እንደዚህ አይነቱ ሙሉ ለውጥ በተፈጥሮ በፍጥነት የሚከሰት አይደልም ወይም ሁሉም በአንዴ አይሆንም። ልክ አዳኝ እንዳለው፣ “በሙላቱ በጸጋ ላይ ጸጋንም ተቀብለናል።”⁸ “እነሆም ጌታ እግዚያብሔር እንዲህ ይላል፥ ለሰው ልጆች በትእዛዝ ላይ ትእዛዝ፣ በስርአት ላይ ስርአት፣ ጥቂት በዚህ፣ ጥቂት በዚያ እሰታቸዋለሁ፣ ትምህርቴን የሚሰሙ የተባረኩ ናቸው፣ እናም ምክሬን የሚያዳምጡ ጥበብን ይማራሉና።”⁹

ቀጣይነት ባለው የመንፍሳዊ ዳግም መወለድ ሂደት ውስጥ የክህነት ስርአቶች እና ቅዱስ ቃልኪዳኖች ጠቃሚ ናቸው፤ እንዲሁም በእነርሱ እግዚያብሔር እጅግ ታላቅ እና የከበረ ቃልኪዳኖችን እንድንቀበል የመረጠበት መንገዶች ናቸው። በብቁነት እና ቀጣይነት ባለው ማስታውስ የተቀበሉ ስርአቶች የእግዚያብሔርን መልካምነት ሀይል በህይወታችን ውስጥ መፍሰስ የሚያስችሉትን ሰማያዊ መንገዶቸ ይከፍታሉ። በጽናት የተከበሩ እና ሁሌም የታወሱ ቃል ኪዳኖች አላማና በሟችነት እና በዘላለምነት ያሉ በረከቶችን ማረጋገጫ ያዘጋጃሉ።

ለምሳሌ፣ እንደ እምነታችን መጠን አምላክ ሶስተኛ አባል የሆነውን የመንፈስ ቅዱስን ቋሚ አጋርነት¹⁰ በኢየሱስ ክርስቶስ ቤዛነት አማካኝነት ሁሌም የሀጢያታቸንን ስርየት መቀበል እና ማቆየት እንደምንችል፣¹¹ በዚህ ምድር ስላምን መቀበል እንደምንችል፣¹² አዳኝ የሞት እስርን ብጥሷል እናም መቃብርን ድል አእንዳደረገ፣¹³ እናም ቤተሰብ ለጊዜው እና ለዘላለም አብረው እንደሚኖሩ እግዚያብሔር ቃል ገብቶልናል።

በቀላሉ መረዳት እንደሚቻለው፣ የሰማይ አባት ለልጆቹ ያቀረበው እጅግ ታላቅ እና የከበሩ ቃልኪዳኖች በሙሉ መቆጠር አይችሉም ወይም በተሟላ መልኩ ሊገልጽ አይቻሉም። ይህ ቢሆንም አሁን ለእናንተ ያቀረብኩላችሁ ከፊል ቃል የተገቡ የበረከቶች ዝርዝር እያንዳንዳችንን በሙሉ “መገርም ሊያቆሙን፣”¹⁴ እናም በኢየሱስ ክርስቶስ ስም “ወደታች ወድቀን እና አባትን እንድናመልክ”¹⁵ ሊያደርገን ይገባል።

ፕሬዝዳንት ሎሬንዞ ስኖው እንዲህ አስጠነቀቁት “ታላቁን የህዎት አላማ፣ የሰማይ አባት ሟችነትን አንድንለብስ ወደዚ የላከበተን ምክንያት አንዲሁም የተጠራነበተን ቅዱሱን ጥሪ የመርሳት ታላቅ ችሎታ አለን። ሰለዚህ ጊዜአዊ ከሆኑ ነገሮች በላይ ከፍ በሎ ከመገኘት ይልቅ … ፣ ጊዜአዊ ነገሮችን አንድናሸነፍ ከሚያስችለን፣ አግዚአብሔር ለአቋቋመው መለኮታዊ እርዳታ እራሳችንን ባለማዘጋጀት ብዙውን ጊዜ ወደአለማዊ ነገር ዝቅ አንድንል እንፈቅዳለን።”¹⁶

የሠንበት ቀንና ቅዱስ ቤተመቅደስ ከዓለምና ከዓለም ርካሽ ነገሮች በላይ ከፍ ለማለት አንድያገዙን በእግዚአብሔር የተቋቋሙ ሁለቱ የመለኮታዊ እርዳታ ምንጮች ናቸው። ሲጀመር፣ ሰንበትን የመቀደስና ቤተመቅደስ የመግባት ዋነኛ አላማዎች የሚዛመዱ ግን የተለያዩ አንደሆኑ አናሰብ ይሆናል። በእኔ አምነት ግን አነዛ ሁለት አላማዎች አንድ ናቸው አናም በየቤታችን አንዲሁም በግል እኛን በመንፈስ ለማጠንከር አብረው ይሰራሉ።

መደበኛ በሆነ የለት ተለት የምድራዊ ነገሮች በቀላሉ ልንሸነፍ እንችላለን። መተኛት፣ መብላት፣ መልበስ፣ መስራት፣ መጫወት፣ የሰውነት እንቅስቃሴ ማድረግ፣ አናም ብዙ ዘልማዳው የሆኑ ድርጊቶች አስፈላጊና ጠቃሚ ናቸው። ነገር ግን በመጨረሻ የምንደርስበት ደረጃ የእውቀታችን አና ከሰማይ አባት፣ ከልጁና ከመንፈስ ቅዱስ ለመማር ያለን ፍቃደኝነት ውጤት ነው። በህይወት ዘመናችን የመናደርጋቸው ነገሮች ብቻ ውጤት አይደለንም።

ወንጌል በመደጋገም ከምንሰራቸው የተለያዩ ስራዎች ዝርዝር በላይ አጅግ ይለያል፤ እንዲያውም “ያማረ”²⁶ የእውነት ሸማ ነው፣ እናም በልክ የተሰራ አና አንድላይ የተሸመ፣ አንደሰማይ አባት እና አንደ ጌታ ኢየሱስ ክርስቶስ ለመሆን አንዲሁም የመለኮታዊ ተፈጥሮ ተካፋይ መሆን እንድንችል ሊረዳን የተቀመረ ነው። ይህ ዋናው መንፈሳዊ እውነታ በአለም ሀሳብ፣ ጭንቀት እና ነገሮችን ቀለል በማድረግ ሲሸፈን፣ በእውነት፣ ከምልክቱ ባሻገር²⁷ እየተመለከትን ታውረና።

ብልህ ስንሆን እና መንፈስ ቅዱስን መሪያችን እንዲሆን ስንጋብዝ፣²⁸ እውነተኛ የሆነውን እንድሚያስተምረን ቃል እገባለሁ። የዘላለም መድረሻችን ለሟሟላት ስንጥር እና የመለኮታዊው ባህሪይ ተካፋዮች ስንሆን፣ ‘‘ስለ ክርስቶስ ይመሰክርልናል፣[እናም] በሰማያዊ ምልከታ አእምሮአችንን ያበራልናል”²⁹።

ከስርአቶቻችን እና ከቃልኪዳኖቻችን ጋር የተያያዙት እጅግ ታላቅ እና የተከበሩ ቃልኪዳኖች እውነት እንደሆኑ እመሰክራለሁ። ጌታ እንደዚህ አውጇል፥

‘‘ወይም፣ በሌላ አባባል፣ ለደህንነታችሁ ይሆንላችሁ ዘንድ፣ በፊቴ ምን ማድረግ እንዳለባችሁ መመሪያ እሰጣችኋለሁ።

እኔ ጌታ የምለውን ስታደርጉ በቃሌ እታሰራለሁ፤ ነገር ግን የምለውን ባታደርጉ፣ የተስፋ ቃል የላችሁም።”³⁰

የሰማይ አባታችን እግዚአብሔር ሕያው አንደሆነና የደህንነት ፀሐፊ አንደሆነ እመሰክራለው። ኢየሱስ ክርስቶስ አንድያ ልጁ፣ አዳኛችንና መድኃኒታችን ነው። ሕያው ነው። ህያው ነው። የአባታችን አቅድና ቃልኪዳን፣ ያዳኛችን ቤዛነት አና የመንፈስ ቅዱስ አጋርነት በዚህ ዓለም ሰላም በሚቀጥለው ዓለም ዘላለማዊ ሕይወት እንድናገኝ አንደሚያስችለን አመሰክራለው።³¹ ስለነዚህ ነገሮች ቅዱስ በሆነው በጌታችን በኢየሱስ ክርስቶስ ስም እመሰክራለው አሜን።