Kuh luhn God Mwe ahkpwacye: Puk luhn Mormon

Puk luhn Mormon pa el tiac yot kuh se muhkwena luhn alu lasr uh, tuhsruhk el oacyacpac pa yot kuh nuh ke luhlahlfongi lasr uh suc ma fin ma upac ac kihsensiyuck upac sun kuht, ac kuh in sruokyac kuh luhlahlfongi lasr uh in akwucki na kuh. Puk se inge pa sie pwacye suc ma usrwac la uh fokoko likina usren kahs in ahkkoluk kuh akuhkuhin luhn mwet suhfan in uh. Efuh? Mweyen fin pwacye puk se inge, na Joseph Smith el mwet pahluh se ac pa inge Alu luhn Jisus Kraist suc ma fohlohkyak, finne puhkantwen sramsram mahtuh kuh akuhkuhin ma lain puk se inge. Ke srihpac se inge, mwet in suhfan uh sruasralah na in tiac insese nuh ke Puk luhn Mormon, tuhsruhk mwe elyah ma fohngohlohlos uh tiac kuh in ahkfahsryeyucklac ke srihpen puk se inge pwacye.

Ma se met, mwet in suhfan inge elos enenuh in ahkuhtweyac lah fuhkah Joseph Smith, suc sie mukul in imac yac 23 se suc srihklac etwacack la ke lutlut ah, el oraclah puk siofok ke ine usrnguck ac acn, oacpacna nuh ke sramsram yohk mwe sramsram kac ac ma e sikyak. In ahkuhtweyac ma inge, puhkantwen sin mwet kol fuhlwact fahkwelihk lah el arulacna lahlmwetmwet suc oasr luhlahlfongi la nuh ke puk ac ma sahyac in oreklac pacl meet ah nuh ke Puk luhn Mormon. Tuhsruhk ke ip se sahyac an ke ma elos ahkkweyeyuck kac an, oasr mwet loh tiac mwet se fanna suc ahkkweyeyuck in liye Joseph oasr ma inge kwewa meet liki lweng uh muhtwacwacack.

Finne alein inge kwewa pwacye ac mwe kweok se in ahkuhtweyac oasri luhn Puk luhn Mormon. Enenuh in toplac kihsensiyuck se inge: kuh fuhkah tuh Joseph Smith elan riti lah kwewa ma suhmuhslah inge, kensai ma tiac kuhpahsr nuh kac an, ac fihliyac na ma pwacye an ke acn la an ac lah sikyak ngac, na ahkuhtweyac ke esam na wowo lal? Tuh ke Joseph Smith el lweng ah, wacngihn na pwacye ma suhmuhslah ma ac sang kahsrwel ke lweng lal Pwacyeiyac ah muhtwacn kiyacl suc pa lal Emma el fahk: “Wacngihn na pwacye kahs ma sihmlac kuh puk elan orekmakihn sang kahsrwel … Fin oasr ma sihmlac inge yohrohl el ac koflah, okanlah liki yuc.”¹

Na ac fuhkah ke Joseph el suhmaht in oraclah puk ma sra puk kac puhkantwen ahluhkwelah 500 ke wacngihn mwe kahsruh el orekmakihn? In oruh ma inge, el tiac na lahlmwetmwet muhkwena tuhsruhk tuh wolacna in esam ma suc enenuh in akiyucki. Tuhsruhk fin ma inge pwacye, efuh mwet kol fuhlwact tiac na lohacng ke talan se ma kuht enenuh in etuh inge?

Tuhsruhk oasr pac ma sahyac. Nuhnak in lain inge ma na nuh ke koanon ma mahtuh. Ma na pwacye uh akwucki oacna meet ah: Joseph el oruh puk se fuhkah in ahkuhtweyucki in oruh mwet se in puhlakihn nguhn, ac el sokwack oyac mwe luti na utuftuf inge, suc ma yohk mwe ahkuhtweyac kuh lain ma lahfwekihn ohiyacn luhlahlfongi luhn mwet Kristin ke yoh se lal ah?

Ke sie srihkasrak, Puk luhn Mormon el luti, ma lain mwe luhlahlfongi luhn mwet Kristin sahyac, lah Puhtatlac lal Adam pa ip yohk srihpac. El ahkkahlwemye olwelah oreklac ke pacptais, ma tiacna sruhmuhnyuck ke Pwacpuhl.

In tahfwelah, sie ac muh siyuck, Piac acn Joseph el eis kuh in kahlwem kac lah ke srihpen Iwaclah lal Kraist, El tiac kuh in ahknwacsnwacsyekuhtlac tuhsruhk ahksuwohsye kuht? El eis oyac suhmahtiyacl in luti luhlahlfongi keAlma 32? Kuh ke el luti ke Iwaclah luhn Leum, suc pa luti na yohk kalmeyac ke ma suhmuhslah? Kuh ke puhpuhlyuck ke sahk olive oa ac wet ac kahsruhp ke mwe luti? Ke nga riti puhpuhlyuck ke sahk soko inge, nga enenuh in srolwaclah atacn sroal in ukwe in wi, Ingena kuht enenuh in luhlahlfongi lah Joseph Smith el rit ac fahk ma inge ke puhsra luhlahp in luti ke mwe nuhnak lal sifacna wi ke wacngihn mwe kahsruh nuh sel uh?

In lain ke mwe nuhnak sacn, mwe ahkuhtweyac luhn God kuh in sukokyak ke Puk luhn Mormon, ke ahkkahlwemye ke ma sikyak ke mwe luti ke ma pwacye, mana pwacye se arulacna wo na pwacye luti ke Iwaclah luhn Jisus Kraist.

Fin Joseph el tiac mwet pahluh se, ac tahklac luhn ma inge ac mwe fahkwack nuhkwewa ke mwe fahkwelihk pwacye inge, mwet kol fuhlwact enenuh in oraclah mwe fahkwelihk lah el mwet lahlmwetmwet se pac ke ma luhngse luhn God. Tuhsruhk fin pa ingacn, sie ac muh siyuck: Efuh Joseph el pa mwet se fanna tohkoh oruh orekma luhn Krais in oraclah ma na yohk se inge ac in lahlmwetmwet in oraclah mwe luti ke yac 1,800? Mweyen fwackyuck, tiac lahlmwetmwet, lah tiac ma sukokyak oacna sie in fwack ma na tuhkuh ke puk se inge.

Tuhsruhk fin kuht enenuh Joseph elan oraclah ac oruh luhngse luhn God, ke ma kuht petsac elah—talan se inge muhkwefanna tiac na oraclah muh el mwet talan ke sihm se. In ahkuhtweyac ke tuhkuh luhn Puk luhn Mormon, mwet kol fuhlwact enenuh in oraclah ma wo ac pwacye lah Joseph el ituckyang na talan wo nuh sel in sihm ke yac 23. Sahyacna, el oruh fuhkah in oracni u in ine, acn ac toeni luhn orekma sihmlac muh orek pacl nuhkwewa netok ma wacngihn sahflahiyac? El suhmuhslah fuhkah in ahkuhtweyac mweun in orekmakihn plwacn in mweun lal, in oracni ma oasr kalmeyac in fahkwelihk ma pwacye ac wo, ac oraclah kahs ma akucliyucki ke ma suhmuhslah, esamyucki, sruhmuhnyuck, ac likiyucki ke sruhngucl in aes sin mwet miliacn, etuh lah, ke kowos kuhlwacnsapuh mwet wiyowos kowos kuhlwacnsapuh God lowos.” (Mosiah 2:17) kuh “mwet uh in moul, tuh elos in kuh in engan” (2 Nephi 2:25). Pa inge mwe fahkwack suc ma arulacna yohk kalmeyac—mwe fahkwack suc kuht kuh in moulkihn ac use etwacack in kaksyakihn. Ke kahs ma tohuyak sel Joseph Smith ke yac ahk 23 lal in fahkwelihk ma oasr sel ma kuh in sang loh nuh ke orekma el suhmuhslah ke lwen in orekma 65 suc tiac na use mana pwacye nuh sesr.

Prestuhn Russel M. Nelson, el sun ac talan ke sihm, el oraclah kahlwem lah el kalweni na sihm lal pacl 40 ke tuhkweni luhlahp ke sramsram. Kuht kuh in ingena luhlahlfongi lah Joseph Smith, el sifacna, oraclah Puk luhn Mormon nohfohn ke kais sie ke muhtuhn pahol wi kracmer el orekmakihn ahol tukun ma na pwacye sac?

Muhtwacn kiyacl Joseph Emma ahkkweye ma tiac motkoeyuck muh ma sahflah: “Joseph Smith [ke el tuhlihk mukul fuhsr] kuh in suhmuhslah kuh in oruh kahlwem kahs ke kais sie ip ke kahs arulacna wo, oruh in kuh in ritiyuck ac [fwack] puk se oacna Puk luhn Mormon.”²

Ac sahflahiyac, fin ne ke ma sihmlac lah Joseph Smith ituckyang kuh nuh sel elacn luhngaslah kahs mahtuh pacl sac, finne arlac upac in kahlwem lah ma inge kwewa pwacye, mwet kol se el sifil pac falyang nuh ke sie pacna ma yohk in upac in ahlikiyucklac. Joseph el ahkpwacyeiyuck lah Puk luhn Mormon el sihmlac ke puhlwet kol. Ma ahkpwacyeiyuck inge el tahfweyucklac in ahkuhtweyucki pwacye (ke pwacyeiyacn Puk luhn Mormon) ke pacl in moul lal Joseph Smith—mweyen mwet nuh kwewa enenuh in etuh lah pwacye ma se inge, mwet nuhkwewa nuhnkuh pac. Pacl mahtuh meet ah pa sihmlac ke sahp les kuh monin sip, neke yac ekahsr tohkoh, ke osra in plwet wi sihm emet ma sihmlac in ahkkahlwemyeyuck. In tahfwelah, mwet kol fuhlwact ahkkahlwemye lah simacn, suc pa ahkuhtweyucki ke Puk luhn Mormon, lah tukun talan ke mwet Macrike meet ah—neke mwe fahkwack ke simacn inge sukokyak ke pacl meet luhn mwet Macrike ah. Fuhkah ke mwet kol fuhlwact ingena ahkuhtweyac ma inge ac oacna ma fwackyucklac somlah ah? Joseph, kom liye, suc pa pac arulacna wo nuh se in luhlahlfongiyuck. Kuhtuh pacl uh, mwet wolacna uh arulacna wo nuh se in mwesahs ke ma tahfonglac lalos, in lain in tahfwelah in oasr moul la in lutlut ke ma ac lohacng ke lutlut la oasr etwacack, el nuhnkuh muh pwacye sel ac stuhuh sin mwet nuh kwewa sahyac.

Tukun kuht sramsramkihn ma inge kwewa, sie ac muh kihsensiyuck lah fuhkah fin mwet sahyac se kuh in luhlahlfongi lah ma inge kwewa akwucki in oacna inge ac pwacna inge, oacna ke akwucki tari sin mwet akwuck masap uh, tahfonglac orekweni ke sie inkacnek in sang kuh Joseph el in suhmuhslah Puk luhn Mormon ac in oraclah tiac pwacye. Tuhsruhktuh fuhkah fin ma inge kwewa kahlwem? In ikucslah in ahklusrong muh wacngihn srihpac, Puk se inge kol mwet miliacn in ngwet luhkwel Setuhn ac in moulkihn moul oacna Jisus.

Tuhsruhk, sie mwet ah enenuh in sulwaclah in luhlahlfongi in sulwaclah in ahkuhtweyac, nuh sihk, oruh ma inge tiac kolyuc kuh ke ip luhn nguhn in kapwack. In luhlahlfongi in ahkuhtweyac, nga enenuh in eis muh tiac na ma ahkkweyeyucklac muh pwacye itucklac netok. Tahfweyac, nga tiac lohacng lah mwet fahkwelihk luhlahlfongi la ke  Mwet Loh Singucul Sie,³ finne kais sie selos yohk luhlahlfongi la ke fohkwaclihk luhlahlfongi lalos ne ke na sahflah moul lalos; nga enenuh in tiac lohacng nuh ke mwe luti suc nwacnwaclah ke kais sie sra puk ke puk muhtahl se inge weacng pacna ma inkuhsrao suc pwacye; nga e enenuh in tiac loh nuh ke ma puhkantwen, wiyucyang, in etuh lah puk luhn Mormon pa puk se ma pwacye emet sin kuhtwena puk fin facluh, ac yohk liki nuh kwewa, nga luhngse ahklusrong in tiac lohacng nuh ke mahmah in ahkkweye Nguhn Muhtahl. Ma inge an na ke acn sefanna lah ma nuh kwewa inge pwacye.

Sie kawuck luhk ma wo ac lahlmwetmwet som liki Alu uh ke kuhtuh pacl somlah. El sihm nuh sihk lah el fohlohk nuh ke alu uh: “Pacl sacn na, Nga ke Puk luhn Mormon in ahkpwacye nuh sihk ke pacl emet ah, puhsiyacn mwet, kain in kahs, ac ke facsin uh. Tuhsruhk ke nga ekuhllah in lohacng lah mac lutiyuck ke wosasuc luhn Jisus Kraist ac misineri Lal suc Molwelah, nga muhtwacwacack in ahkkapye in fahkwelihk luhlahlfongi luhk ke ma pwacye uh. Sie pacl nga riti Puk luhng Mormon ke rum luhk ah, nga tui, pruhe sikuck muhtuhnte ke insiyuck nohfohn ac puhla kahlwem lah Pahpah Tuhmasr Inkuhsrao el mahmah nuh sihk ke nguhn lah Alu ac Puk luhn Mormon el mana pwacye se. Ke yac-tolu-tahfuh luhk nga sifilpac lohacng nuh ke Alu uh in yohkwelihk luhlahlfongi luhk ke alu uh lah pwacye.”

Fin oasr pacl wo in rit ac nuhnkuh tuh Puk luhn Mormon, oacna ke kawuck se luhk, lohng lah fahko luhn nguhn pa luhngse, engan, mihslac, mongfihsracsr, kuhlwacng, orekma wo, oaru tuh fah mukul se kuh muhtwacn se fah eis mwe ahkpwacye.

Puk luhn Mormon sie ma arulacna sacohk sin God in mwe sang se nuh sesr. El kwewana katlas ac mwe loang se—el suhpwacma kahs luhn God nuh ke mweun in loang e kuht lac insiyac pwacye ac kuhlwacnsap oacna mwet suhkan pihsr ma loangwelah ma pwacye. Oacna Mwet Luhlahlfongi, kuht tiac na srihke in sahflah kuh in suwohs in lain Puk luhn Mormon tuhsruhk pacl wo in—in luti mwe luti lal ke kuh ac in fahkwack luhlahlfongi la oacna mwet kol fuhlwact Jisus Kraist.

Nga Fahkwelihk ke luhlahlfongi luhk nohfohn lah Puk luhn Mormon el luhngasyucklac ke mwe sang ac kuh luhn God. Pa Mwe Loh luhn God in Ahkfahsryeyuck ke wolacna luhn Jisus Kraist, mwet pahluh pahnglol Joseph Smith, ac ma na pwacye ke Alu se inge. Nga finsrak in sie pacl yot kuh ke fahkwelihk ke luhlahlfongi lasr uh, in kuh in fwackyuckyak kacsr, oacna ke tuh fwackyuck kac ah eklac luhn Mwet Laman, Elos “tiacna puhtatlac” (Alma 23:6). Ke inen Jisus Kraist, amen.