Sel Mesisiich el Sioning er a Dios: Babier er a Mormon

A Babier er a Mormon a diak el dil chimol keystone er a klechelid er kid, ngbai dirrek el sebechel keystone er a klaumerang er kid mesel bo dechau a olasm malechub eng ker el diak a nger er ngii, eng sebechel lorkedii a klaumerang er kid el ngara chelsel a rengud. Ngar ngii a olbedabel el teblo el beraod a ngar ngii. A bita a oreked er a beraod el lolechotel a klmerang el kirel a Babier er a Mormon, el ngii a kmal klou er sel beraod el ngara bitang el lolechotel a tirkel el chad el klaititekangel el kirel a Babier er a Mormon. Engera? Eleng alsekum eng klemerang, ea Josesph Smith a mle meral profet e tiang sel olutel a Ikelesia er a Jesus Kristo, el diak a belkul aikel reksi malechub ngidil mondai er tirkel lometok. Sei a uchul, tirkel critics a blak a rengrir el diak el kengei el kirel a uchelel a Babier er a Mormon, engdi aikel olibesongel el bolchau a kmal betok eleng tial babier a klemerang.

Kot, tirkel critics a kirel louchais el kmo mekerang ea Joseph Smith, el 23 a rekil el chad er a sers el kekerei a skulel, a rulii a hong el ngar ngii a dart el bedengel a ngakel me a basio, me a bleketakl el cheldecheduch me a omeruul. Mesel losaod er tiang, ea betok el critics a kmul uasei ngii a mle kmal ungil a btelul el milai a klubelel er a betok el hong me a bebil er a teletael el mo meruul er tial reksi er a Babier er a Mormon. Engdi sel klekakerous er aikal lolekoi, ngdimlak a di chimol chad el sioning el kmo te milsang a Joseph el lousbech aikal teletael er a uchei er a loleiuid er a Babier er a Mormon.

Malta tial omelekoi a merang, eng diak ungil lomesodel er a uchelel a Babier er a Mormon. A ta el chad a dirrek el kirel longer er a nger: ng milkerang ea Joseph a chemuiu aikel hong, e chemoit aikel tekoi el diak a belkul e ua techang a mlar ker basio e oingerang, e mocha meluches er a babier er a Mormon el ungil lomtab er a uldesuel, eleng sera Joseph loliuid, eng dimlak a llechukl el uleklatk. Meng merang, ea bechil er a Emma a dilu: “Ng dimlak a loba a llechukl el babier malechub eng hong el lulenguiu er ngii. … Alsekum meng mlar ngii a ngidil ngera lousbech, eng dimlak el sebechel mertii er ngak.”¹

Meng milkerang a Joseph a rirelii tial ongasireng el lureor el kirel 500 a llel el hong e dimlak a ngidil llechukl el uleklatk? Maluaisei, ngii a locha kmal dimlak el dil lungil a btelul ngdirrek el mle ungil lomtab. Engdi alsekum tiang a klemerang, engera uchul ma tirkel critics er ngii a dimlak losaod er tial omeruul el kladikm er ngii?

Engdi ngar ngii a lemuut el betok. Aikal klaumondai a di kirel aikel reksi er tial Babier er a Mormon. Sel meral kirel selaod a dirk ngar ngii: ng milkerang ea Joseph a rirelii a hong el ngar ngii a Chedaol Reng el kirel, e ngii ngilu tial klou a belkul el olisechakl er ker, el ngii a smodii malechub eng diak losisiu ngii maikel Kristiano a oumerang er sel taem?

Uai tial okesiu, a Babier er a Mormon a olisechakl, a betok el tekoi el re Kristiano a diak loumerang, el kmo sel Rebetel a Adam a omerolel a omerael. Ngouchais aikel telbiil el milruul er a techolbechelid me a ikel nglunguchel a chedaol belsoil, el Biblia a diak louchais el kirel.

Osisiu, a chad oker: ngiluu a klisiich er ker a Joseph Smith el kirel a llomes ra Tngakireng ra Kristo, Ng diak di longikiid er kid ng dirrek el mengerrungel er kid? Ngiluu a mesisiich el oisechakl er ker kirel a klaumerang el ngara Alma 32? Malechub a osisecheklel a King Benjamin el kirel a Tngakireng ra Osobel, el tara kot el ungil osisechakl ra chelsel chedaol llechukl? A lechub a olachitnger el kirel a olive tree el mui ra mesisiich el oisechakl? Sel kunguiu er tial cheldecheduch, eng kirek lomdasou er ngii e oltirakl ra bdeluk. Kede locha di omdasou el kmo a Joseph Smith a di millibech aikang ra bdelul el diak a ngera lolngeseu er ngii?

Ngoba sel klekakerous el uldasu, ea llecheklel a Dios a debetik er a Babier er a Mormon, el lolechotel el mlara ngarbab el klemerang el olisechakl, el kmal tokubes a belkul el olisechakl el kirel a Tngakireng er a Jesus Kristo.

Alsekum a Joseph a dimlak el profet, e sel uai lolechotel aikang me a lemuut el bebil er a olisechakl, e tirkel critics a dirrek el kirir el kmo ngii a mle ungil a bteluel el kirel a omesubel a klechelid. Mal sekum tiang a uaisei, ea ta el chad a oker: ngera uchul me a Joseph a dimle chimong er a elsel a 1,800 el rak lokiuelel a urelel a Kristo el mo ouchais a betok el ngodech e bleketakl el olisechakl? Eleng mle ocholt, ng diak el llomes el reng, el mle uchul a tial hong.

Malta alskeum kid a omedasu el kmo a Joseph a ungil a btelul er a tekoi er a klechelid e ungil lomtab—ea aikal teletael el kladikm er ngii a diak el rulii melbol kladikm er a omeluches. Mesel omesodel a uchelel a Babier er a Mormon, e tirkel critics a dirrek el kirel louchais el kmo a Joseph a mle kladikm el chad er a omeluches sera le 23 a rekil. Eleng mekerang luldak a betok el ngakel, basio, me a omeruul el mo tal lureor el diak el kautok? Milkerang e ngii a lemusech a bleketakl el omsodel a mekemad, mesisiich el olisechakl, e miliob a tekoi el ngara chedaol llechukl, mo medengei, melekoi, ea re million el rechad a mrekeed era bebul a aisbaks, el uai sel tekoi, “Sel mosiou el kirel a ngii dil chad e kau a merang el mesiou er a Dios er kau” (Mosiah 2:17) malechub “Chad a ngar, meng mo sebechel mor ngii a deuelreng er a rengul” (2 Nephi 2:25). Aika ikel tekoi el ngar ngii a klisichel—el tekoi el ngar e outeliil e omekllomes. Mesell melekoi el kmo a Joseph Smith sera le 23 a rekil a mle kladikm el meluches er tial ongasireng lureor el di mle tal taem loluches er a bekord el 65 el sils er a ureor a kakerous el mo er sel ngii a merang .

A President Russell M. Nelson, el kladikm er a omeluches, a uluchais el kmo mle mekdekudem el miluches er a cheldechedal er a general conference el okeuang el taem. Mekid kede locha mo omerang el kmo a Joseph Smith, el di mle ngii, el luchesii a Babier er a Mormon el tal taem el di mle mekesai a cheleuid el milruul er a uriur?

A bechil a Joseph el Emma, a uluchais el kirel tial ongasisreng el lureor: “A Joseph Smith [ser a lengeasek el sechal] a dimlak el sebechel meluches malechub lungil lomeldukl a tekoi el lulusech, e kmal dimlak el sebechel luchesii tial hong el uai a Babier er a Mormon.”²

Mesel ongingil, alsekum a tal chad a kongei aikel mondai louchais el mekerang a Joseph Smith a lilechesii a Babier a Mormon, malta rau el reng el kmo locha sebechel klemerang, ea tirkel critics a lemuut el mo chemau a tara klou el olibesongel. A Joseph a uluchais elk mo a Babier er a Mormon a mle lluches er a golden plates. Tial tekoi a kmal lulmondai er ngii tirkel critic er ngii—ele rokui el chad el kmo a reksi er a chuodel el taem a mle llechukl er a papyrus malechub eng parchment, mo lemuut riakel rak, el betik era llechukl el ngara deel. Uldimukl, tirkel critics a melekoi el kom a ulsbechelel a sment el selaod er a Babier er a Mormon, a dimlak ngar ngii tirkel ruchei el chad er a Merikel—el morsel taem el biltik a klalou el meruul er a sment sera chuodel el taem er a Merikel. Ng mekerang a re critics a louchais aikang maikel lebiltik? Joseph, ka mesang, a kmal mle ngeltengat er a omelangch. Maluaisei, sel lolangch a locha diak el melemalt, e kakerous raikel scientific ma klaumodengei er a skuul, e ngii a milangch el mle melemalt e tirkel bebil a mle cheleuid.

Uriur er a uldasu, e a tal chad locha omdasu el kmo mekerang a chad a oumerang aikal tekoi, el blal louchais tirkal critics, el rulii el kmo a Joseph a lilechesii a Babier er a Mormon el cheleblad el lureor. Engdi tiang mekerang e uaisei? Malta ngultok, tial hong a mla rurterir a re million el chad el mo oltngakl er a Diablong e bai mo kiei el uai Kristo.

Malta rebebil a melilt el mo oumerang er sel omsodel a re critics, ea denguu er ngak eng diak a ngeral rulii er a llomes el reng ma chedaol omerael. Mo oumerang, engak a kirek el mo kongei a betok el luldasu el diak a omsuub el kirel. Ludimukl, ngak a mo diak kengei er sel klaumerang er tirkel 11 chad el mle sioning,³ el ta ma ta er tir a mle mesisiich er sel klaumerang er tir el mo e ra kodelir. Engak locha kirek el mo oltngakel a chedaol olisechakl el ngii mekekii aikal llel tial chedaol hong loba klemerang; Ak locha mo oumechad er ngak el kirir tirkel betok el chad, luldimukl er ngak, el mlo kmeed el mo er a Dios sera longuiu er a Babier er a Mormon. Aikang locha mo kakerous el mora ikel rokui el ngak a medengei el klemerang.

A tara kmal lungil sechelik a mlo diak lomais el mera Ikelesia. Ng dirk miluches el merngak el kirel a luut el ngii el mo er a Ikelesia. Ng diluuaisei, “Ngak a mle soak tial Babier er a Mormon el bo louchais el kmo ng merang el lokiu, reksi, basio, tekoi, me a siukang. Engdi serak bok chau aikal lolsisechakl el kirel a ebangkelio er a Jesus Kristo me a Urelel el mo olsobel, eak mocha mo er ngii a klaumerang er ngak el kirel sel klemerang. Tara klebesei eak milnguiu er a Babier er a Mormon, ak mlo stob e mlo outibaruach e meral mla rengii er a renguk el meluluuch e mlo ungil lomelchesuar er a Chedam er a Babeluades el milekoi el mera Renguk el kmo a Ikelesia me a Babier er a Mormon a kmal klemerang. Sel edei ma tedobech el rak el kliluut el mesuub el kirel a Ikelesia a milngitikaik er ngak el cherungel e mesisiich el kmo a Ikelesia a merang.”

Alsekum a tal chad a mo nguu a taem e oba ngariou el reng el menguiu e omtab er a Babier er a Mormon, el di uai a sechelik, e orenges er a Chedaol Reng, e ngii a mo nguu sel sioning.

A Babier er a Mormon a tara meringelechad el sengk er a Dios el merkid. Ngii a oles e tekerengel—ngii a odureklii a tekingel a Dios el mo olsobel a reng el mengesebechakl er a klemerang. Sel de Santo, ngdiak el dil ngercheled me a techeled el mo mengesebechakl er a Babier er a Mormon ngbai dirrek el techall el mo ousbech er ngii—el mo olisechakl loba klisiich el chedaol olisechakl e mo ouchais a klaumeran g el kmo ngmesisiich el sioning er a Jesus Kristo.

Ak ouchais er a klaumerang er ngak el kmo a Babier er a Mormon a mloiuid lokiu a sengk ma klisichel a Dios. Ngii a sel mesisiich el sioning el kirel a Jesus Kristo, sel okedong er a Joseph Smith el profet, ma sel meral klemerang er tial Ikelesia. Ak oureng mebol keystone er a klaumerang er kid, mel bol medung el merkid, el di uai tirkel Lamanites lulebult a rengrir, el tir a mlo mekedung (Alma 23:6). Ngara ngkel a Jesus Kristo, amen.