Te Uea Ko Na Kariki Matau Bwa A Na Nooraba.
Ti riai n taraia tabeman rinanon matan ara Tia Kamaiu
Te Uea n Raian bon te birim ae te moan karaki n taekaia maan n te tawaana i Aberika. Ngke e mate te Uea n raian ngke kamaiua natina, te raian te ataei te nati ni uea te mwane e kairoroaki bwa e na nako ngke te tia tautaeka ae aonikai e urua tamaroan te tawaana.Te raian ae te natiniuea e a manga tangira kaokan ueana rinanon ana buoka te tia kaeti iango. A ure matana nakon baika a tau nakon karokoraoan te maiu n te tawaana. Kaokakin ana tabo ae te uea, e kauringaki te raian te teei n “taraa riaon are ko kona n noria. Kaokakin ana tabo ae te uea, e kauringaki te raian te teei n “taraa riaon are ko kona n noria.”1
Reiakinan te riki bwa taan bwaibwai n ana bwai Tamara, te euangkerio e buokiira n taraa are i aon are ti noria. Taraan are i aon are ti noria, ti na taraia tabeman rinanon matan te Tia Kamaiu. Te tabo ibukin te euangkerio e onrake irouia aomata aika a kakaokoro. Ti aki kona n oota raoi n taian rinerine ao aroia aomata nako man n ara aonaaba. Bootaki n taromauri, ao riki inanon ara utu, ibukina ti tiaki karekea te tamnei ae bwanin bwa antai ngaiia. Ti riai n aki tarai katautau aika beebete ao iango aika a kairua ao ni karababai ara taratara aika uarereke n ara taneiai.
Iai matau aika a uki n “taraa are iaon are I kona n noria ngke I mwakuri bwa te beretitenti n te mition. Te mitinare ae ataei e roko e taraa n aki koaua ao ni maaku.Ngke ti kaitibo n te intawiu, e taku, “I kan oki nakon mweengau.” I iango i nanou, “E raoiroi, ti kona ni karaoa aei.” I reireinna be na mwakuri korakora ao n tataroakinna inanon te wiiki ao ngkanne e na weteai. Te wiiki imwiina, ni kaniia te miniti, e wewete. E teimatoa n tangiria ni kan oki nakon abana. I a manga reireinna bwa e na tataro, e na mwakuri mwaaka, ao ni weteai n teuana te wiiki. N ara intawiu are imwiina akea te bwai ae bitaki. E kanene ni kan okira abana. N ara intawiu are imwiina, akea te bwai ae bitaki. E kanene ni kan okira abana.
I aki tangiria bwa e na riki anne,I a moanna n reireinna aron tabun weteakina. I kaunga be na mwaninga ngaia ao e na nako ni mwakuri.”2 Ma akea bongan are I anganna, ana iango e aki bitaki. E a roko irou ni te kabane bwa tao I aki noora te tamanei ae bwanin. Ai ngaia ngkanne are I a namakina te iango ae roko n titirakinna. Te Unimwane, Tera te kanganga iroum?Te bwai are taekinna e riinga nanou: “Beretitenti, I aki kona ni wareware.”
Te reirei ae wanawana are I iangoia e rangi ni bongana ibukina ngkai I ongo bwa ni kabane aki kaineti ma kainnanona. Are e rang kainnanoia bwa N na taraa are i aon au mwakuri ni ienikuri ao ni kariaia te Tamnei ni buokai n ataa ana iango te mitinare aio. E kainnanoai bwa N na noria n te aro ae eti ao n anga bukina ae kantaningaia. N onea mwiina, I a tia ni karaoa ae aki konaaki n te kawai ae urubwai. Te mitinare ae ninikoria aei e reiakina te wareware ao n riki bwa ana Reirei Iesu Kristo ae moan te itiaki.E kauki matau nakon ana taeka te Uea: “Bwa E aki taraa te aba Iehova n ai aron te aomata ngkana e taraa te aba, bwa e taratara tinanikun te aba te aomata, ma e taratara te nano Iehova” (1 Tamuera 16:7).
Ai te kakabwaia tera ngkana Tamnein te Uea e karababai ara taratara. Uringa te burabeti are Eritai, are e uti n noora ana tanga ni buaka Tiria ni katobibia ana kawa ma aia aoti ao aia kaa ni buaka? E maku ana toro te mwane ao e bubutia Eritai bwa tera ae a na karaoia nakoia.E tuangnga Eritai bwa e na aki maaku ma te taeka ae ururingaki: “Tai maku: bwa a mwaiti riki aika a mena iroura nakoia ake a mena i rouia.” (2 Uea 6:16).Te toro te mwane akea ana iango bwa tera ana taeka te burabeti ae taekinna. E aki kona n taraa are i aon are e kona n noria. Engae n anne, Eritai e nooria bubua anera are a tauraoi ni buaka ibukiia ana aomata te burabeti. Ma, Eritai e tataro nakon te Uea ni kauki matan te rorobuaka, “ao, e noraba: ao noria, e on te maunga arei irouia aoti ao ka-ni buaka aika kanga ai, aika a otabwaniniia Eritai” (2 Uea 6:17).
Ti aki toki ni maenako ma tabeman ni kaokoron are ti noria. Ti namakina te mwengaraoi ni katobibia ake a taku, a taetae, ao kunnikaia, ao ni mwakuri n aekakin ae ti karaoia ao ni mwengabuaka ma ake a roko man taabo aika a kakaokoro ke aroia. Ni koauana, tiaki ti roko man aaba aika kakaokoro ao n taetae man taetae aika kakaokoro? Tiaki ti noora te aonaaba e ngae ngke e korakora bwaai aika ti aki atai ke n rinanona? Bwa tabeman a nooraba ao a taetae ni mataia n tamnei, n aekan te burabeti are Eritai, ao tabeman a nooraba ao a reitaki ma te nooraba n aron are I rinanona ma au mitinare n ana wareware.
Ti maeka n te aonaaba are a maeka iai aomata aika a kakabootau, araara n taekaia tabeman, ao n tiribure. Ma te taratara rinanon te renti n te bootaki ni kareke rongorongo, ti riai n tarai nanora ibukin anua aika a raoiroi ake ti kan karekei. Anua aika a raoiroi aikai ao aika buakaka a aki kona ni kanakoaki ni bwaai ni itoman.
Ni butimwaeaia ao n tangiraia tabeman e aki nanonaki bwa ti na butimwaea aia iango. Ni koauana raoi, E oti raoi kairiiri ni koaua ara kabanea n rietata ni kakaonimaki, ma e na aki riki bwa te totoko nakon te akoi. Tangiraia tabeman ni koaua e na kainnanoa te mwakuri ae reitinako ni butimwaai aia kabanea n tamaroa aomata ake ti aki raoi atai aroia ni maiuia ake a rinanona ao kabwakaia. Norakin are i aon ara taratara e kainnanoa kamwatauana n ana taratara te Tia Kamaiu.
Ni Meei 28, 2016, Beau Richie ae 16 ana ririki ao raona ae Austin a mena n tabo ni man te utu i Colorado. Beau ao Austin a tamwarake nako nanon aia kaa are e kona ni buti n tabo aika a aobuaka ma nanoia ae korakora ibukin kanoan te bong anne. A tuai rang n raroa ngke a reke n te kaangaanga ae taraa ni korakora, are a rootaki iai n te nanokaawaki. Te kaa are e kabutia Beau e rina ni botangaina, n taona Beau n rawawatana ae 400 te bwauna (180 te kirokuraem) tinebun te biti. Ngke raoraon Beau ae Austin e roko irouna, e noora Beau ni ibekibeki ibukin maiuna. E kabanea korakorana, ni kataia ni katika nako te kaa mai aon raoraona. E aki roko n te mwaing. E tataro ibukin Beau ao ngkanne e takaka n nako ni karekea te buoka. Aomata ake a tabe ma te kabuanibwai a roko, ma tabeua te aoa imwiina e a motiarawa Beau. E a kainaomataaki Beau man te maiu ae mamate aio.
Ana karo Beau aika uruaki nanoia a roko. Ngke a tei n te onaoraki ae uarereke ma raoraon Beau ae tatangiria, ao ana utu, e rinnako te bureitiman n te ruu ao e anga ana tareboon Beau nakon tinana. Ngke e ana te tareboon ao e noora ana araam Beau are e maiu ni katoa bong.E kauka te tareboon ao e noora ana araam Beau are e katangnga ni katoabong. E kaoa bwanana ni wareka ana wareware natina ae tangiraki, ae rang kan neneweabai bwaai nako, are e kateia. E kangai, “Uringa ni kaaki Iesu Kristo inanon maium n te bong aei.”
Banen ana iango Beau iaon ana Tia Kamaiu e aki kauarerekea te nanokawaki irouia aika tangiria’ n nanokawaki ni buana.Ma, e anga te kantaninga ae korakora ao nanon maiun Beau n ana rinerine ni maiuna. E kariaia ana utu ao raoraona bwa a na taraa are i aon te nanokawaki ni moantain matena nakon kakukurein ni koaua te maiu are imwiina. Ai batira te akoi ibukiia ana karo Beau n noria rinanon matan natiia te bwai ae karimoa tangirana.
Ngkai kaain te Ekaretia, ti a tia n anganaki te kauring n tamnei are e kauringira ngkana ti tabe n taratara ni matara n aonaaba n raroa man te kamaiuaki. Te Toa bon ara kauring ni katoa wiiki ni iangoa Iesu Kristo bwa ti na riai ni uringa n tainako ao bwa E na riai ni mena Tamneina iroura n taainako.(Taraa R&B 20:77). Ma n tabetai ti aki tabeakin namakin aikai n ana kauring te araam. Ngkana ti kabongana Iesu Kristo ni maiura, E na kaurei matara ni karababaa nakon are ti kona n iangoia.
I karekea te reta ae rangi ni kakaongora n taekan te araam ni kamanomano mairoun te titita ae kakaonimaki. E kaongoai bwa ni karaoan te mwakuri ni buoka buuna bwa e na ataa ana namakin neiei, E moana kawakinan an riiti iaon ana tareboon bwaai ake karaoi ke n taku bwa bwaai aika e un iai. E baireia bwa ngkana e reke taina, e na bobotii bwaai ni kakoaua n tibwauaia ma ngaia are e na kona ni karikia bwa e na biti arona. E ngae n anne, n te Tabati teuana ngke a kana te toa ao ni iangoa Ana mwakuri ni kamaiu te Tia Kamaiu, E a ataia bwa tauanimwin ana namakin aika e aki kukurei iai iroun buuna e bon koaua bwa e kanakoa te Tamnei mai rouna. Ao e aki kona ni bitia buna.
Te araam n Tamnei e kanakoa ana kauring n tuangnga: “Kanakoa; kanakoa. Kamaunai taeka akanne. A aki ibuobuoki.” Ngkanne e koroboki: E bon maan au tai n orea ‘rinei ni kabane’ ao e a maan riki n orea ‘kamauna.’ Ma ngke I tia ni karaoia ni kanakoi ni kabane a bane ni bua n te akea. E onrake nanou n te tangira—tangiran buu ao tangiran te Uea.” N aekan Tauro iaon te kawai nako Tamateko, e bitak iana taratara. Ao a rina naba ni bwaka mai matana baika kanga ai aron ina.
Ara Tia Kamaiu e reke ana tai ni kaurea matan te mataki n rabwata ao n tamnei. Kaukan matami nakon te koaua ae mimitong, ni koauana ao katautauana, a katauraoira ni kamaiuaki man matakiin te maiu ae mamate. Ngkana ti kakauongo nakon “araam” n tamnei are a kanikinaea riain kaetakin te kawai ke te taratara ae rababa riki ae akea tokina, ti karekei berita n te toa bwa E na mena Tamneina iroura. Aio are riki nakon Iotebwa Timiti ao Oliver Cowdery n te tembora i Kirtland, ngke e reirei koaua aika a rang kakaongora Iesu Kristo, are e berita bwa te “roki” man aia kabwaka n rabwata a na “kanakoaki man [aia] iango, ao man mataia [aia] ataibwai [e na] kaukaki” (R&B 110:1).
I kakoaua bwa rinanon mwakan Iesu Kristo, ti kona n nooraba n tamnei iaon are ti bon kona n nooria ni matara. Ngkana ti uringa ao n iai Tamneina iroura, matara n ataibwai a na kaukaki.Ngkanne korakoran raoi te mimitong inanoia n tatabemaniia e na kakorakoraaki mwakana i nanora. N aran Iesu Kristo, amen.