Kauno, Komw Ketin Kupwurehla Mesei ka En Pehdpeseng
Kitail anahne kasawi metei kan duwete Sounkomouro.
Kasdohn manga The Lion Kingme pid wasa mahsahs kan nan Africa. Ni ansou me kaunen irail lion kan mehla, pwehki ah song kamaurala nah pwutak, kisin pwutako ahpw lekidekiei sang nan arail wasahu. Ahpw sang ni kaweid mwahu en ah sounpadahk me kahrehiong ah kak wehwehkihla me soahng koaros me momour kin kohsang nan pwonopwon en mour wet. NI ansou me e wie kaukunop pwe en wiahla Nahnmwarki, kaweid kohieng pwe en kak “kilengla deisang dahme E kin kilahng.1
Ni atail sohsohkihla en atail Pahpau ah dipwisou koaros, rohngamwahuo kin padahkieng kitail en kin kilengla deisang me kitail kin kilang. En kilengla deisang dahme kitail kin kilang, kitail anahne kaswih mehtei kan duwehte sounkomouro ah kin kasawih kitail. Rongamwahu kolpene songen aramas tohto me wekpeseng. Kitail sohte kak wehwekihla soahng koaros me pid irail, iengetail tohn doadoahk kan, tohn mwomwohdiso kan, oh pil atail penenei kan. pwehki kitail sohte ese soahng koaros me pid irail. Kitail anahne kilengla daulih dahme mengei kan oh soangen mwohmw teikan oh kalaudehla atail marain sang ni uwen mme kitail esehier.
I wehwehkila soahng wet ni ansou me I wia misin presiden men soupar 30 samalahro. Emen Elder Pwulepwul ko me ahpwthen lel mwo ni ah ekis peikasal. Ni ansou me se tupene nan interview, E indahng ie, “ I men pwurala nimweio.” I medewe iongie “me mengei en kamwauwila sohng wet,”. I kiehng kaweid en doadoahk laud oh en kapakapki wihk ehu oh ahpw koahl ie. Mwurin wihk ehuo e koahl ie. E inda me e men pwurala nimwehu. I pil pilehu indang en doadoahk laud oh pil koahl ie mwurin wihk ehu. Ni ansou se pil pwurehng ineterview “E pil indahng ie me E men pwurala nimwehu.
I sohte men en pwurala, ihme I wia I kawiedki kesempwal en pwukoa en misineri, oh koangoangehki en pwurala doadoahk oh dehr medwe pein ih kelepw.”2 Ahpw sohte lipilip soahngen wiepe dah me I wia, Udahn E men pwurala te. Pepehmw ieu ahpw kodohng ie me mwein mie ah kapwal. Ih ansou me pepehm en ngehno kohdo rehi ien idek reh peidek wet. “Elder, dahme ahmw kapwal?” Dahme E indahng ie inenen sair ahi mohngiong. “Presidend I sehse wadawad.”
Kaweid kaselel kan me I kiheng me I medewe me kesempwal ohng I udahn sohte pwungieng dahme ah anahn akan. Dahme e anahne ien dehr mwadangete kasawih ih ahpw en mweidohng ngehn sarawi en kaweid kin ie dahme konehng Ih. E anahnehda ien kasawi ih ni pwung oh kiheng Ih kaweid en koapwoaroapwoar. Ahpw dahme I wia iei kiheng I kawied me sohte konehng. Elder menet esehla wadawad oh wiala misineri peik ni ah kin welwelian Sises Krais. E kahrehiong ahi kak wehwehkila sapwelimen Koht mahseno: Aramas kin kasawih mwomwen aramas, ahpw ngehi , I kin kasawih nan mongiong en aramas akan.” (1 Samuel 16:7).
I uwen kapai ni ansou me Ngehn en Kauno kin kamarainda eletail. Taman soukohp Elisha ah pirida oh diarada me diren sounpei en Syria me mihmi likin kelen ah kahnimwo? Nah kaunen sounpei kan ahpw masepwehkadahr oh idek reh dahme kitail pahn wia pwe re dir. Elisha ahpw sapeng patowahn “ kedher masak pwe iengata kan tohto sang irail.”(2 Nanmwarki kan 6:16). Ahpw kaunen sounpei kan udahn sehse dahme soukopo songosong en kosoia. Pwe re sohte kak kasawiada dahme soukohpo patpatohwan. Ahpw, Elisha kak kilang me diren tohnleng kaukaunohp en iang peiki sapwelimen soukohpo aramas kan. Eri, Elisha ahpw kapakap ohng Koht pwehn kapehdpeseng mesen pwutak pwulopwulo pwe en kak kilang, .oh “ ih eri kilangada duwen nahna kan ah direkihla oahs oh werennansapw kisiniei me kapilpene Elisha.” (2 Nanmwarki kan 6:17).
Pak tohto kitail sohte kin men patehng mehteikan ki pwe irail wekisang kitail. Kitail kin men patehng irail akan me arail madmadau, lokaia, likou oh wiewia kan kin duwete atail oh sohte kin men patehng irail kan me mwomerail oh arail wiewia weksang atail. Ahpw ni mehlel, E sou kitail koaros kohsang wasa wekpeseng oh kin lokaia wekpeseng? Eki kitail kin duwehte Elisha, me kin kak kilang oh lokaiahki mahsen en neghno, ah ekei kitail kin pein doadoahngki atail mehn ese kan ni atail kin pein wia pein atail, duwete dahme I wiahng misinerio.
Kitail wie momour nan sampah ieu me kin pereniki kasawih, oh kawe. Ihte, kitail alehdi pwukoahn kaliksang retail unsek pwon pwe kitail de kahrehiong mete kan iang wia soahng wet. Pwe sapwelimen koht kapai oh soahng koaros sohte kin kohda nan Pinterest de Instagram.
En alehda oh poakohng mehtei kan sohte wewehki me kitail en alehda arail madamadau kan. Ahpw kitail en wia wen atail kak koaros pwehn patehng, oh sohte kasalehda kilel en lehk. Pwe ni mehlel poakohng metei kan anahne kitail en kin patpatehng itarete ma kitail sohte nohn wewehki dahme re kin wia. Pwe en kak kilang deisang me kitail kin kilang kitail anahne poadediong atail sounkomouro.
Ni May 28, 2016, Beau Richie me sounpar 16 oh kempoakepah Austin ni ara mihmi ni en ara peneinei mwetuwelo nan Colorado. Beau oh Austin ahpw dakehda werera sidohsa nan rakied meh rioapwoat oh medewe ier me ira pahn mwemweit oh ahneki peren. Ahpw ira tangalahsangete mwo, kapwal pil lelohg ira. Sidohsa me Beu dakdakeu lelohng nan aksiden ni ah wekidekda oh katengehdieng Beu pahn, sidosahu me toutouki paun 400. Ni ansou me Austin, kempoakepahn Beu lel mwo, e kilang me Beu wiewia wen ah kak koaros pwe en kak mourla, E wia wen ah kak koaros pwe en pwokadahsang sidosahu pohn kempokepahu, E sohte kak. E kapakapki Beu oh tangala pwehn ale sawas, Irail sounwas kan ahpw lelodohr, ahpw mwurin awa kei Beu mehla.
Ah peneinei me mohngiongirail olahr ahpw lelahr. Ni ansou me re wie keskesihnen rehn kempoake pahn Beu, ah peneinei, oh rehn tohkte kan me sewese Beu, ah Police men ahpw doulong nan perehu oh kiheng nei Beu sehlo rehn ah nohnohu. Ni ansou me ah nohno ale sehlo, E kaukehda sehlo oh kilangada nan alarm tone o. E wadekada ni ngihl loud, dahme na seri kaperen, limpoak, oh pereniki mwemweit wiada alarm ieu me e kin wadwadek rahn koaros. Alarm wet inda, “Taman en wiaki Sises Krais poahsoan en ahmw mour rahn koaros.”
Pweki Beu ah kaselehda me e poakohng sounkomouro E katikala ahn ah peneinei insensuwedki ah sohte mie. Ahpw E kiheng Beu mour koapwoaroapwoar oh wewehn ah mour oh ah pilipil kan me E kin wia. E kiheng ah peneinei oh kempoakepah kan en dehr insensuwedki ah mehla en sampah wet ahpw en pereniki ah mour nan mour en mwuhr. Udahn e wia mehkot kapai ehu en kilang dahme e keieu kesempwalki.
Pwehki atail wia member kei, Kitail alehdier kisakis en pein pehmada soahng keper kan me kin kapar kin kitail en dehr dohweisang mour soutik. Kamadipw sarawi kin kataman kin kitail wihk koaros en kak doulahte en idawehn soun komouro Sises Krais pwe ansou koaros kitail en kak tamataman Ih oh powehdi pepehm kan me pahn kin kadohwan kitail sang mour soutik (tehk D&C 20:77). Ni ansou me kitail pahn kin poahsoanehki Sises Krais atail mour, E pahn kin kahrehiong kitail en wehwehki meh koaros me pein kitail sohte leme me kitail kak pein alehdi.
I alehdi ehu kisin likou sang emen Riatail lih. E indahng ie me sang ni ah kin wia wen ah kak koaros en sewese ah pwoudo en kak iang pehm dahme e kin pehm, e kin intingihdi soahng koaros nan nah sehlo me E kin wia de Inda me kin kansensuwediala. Oh e koasoanehdi me ni ansou me mwahu e pahn kasaleiong Ih, pwe E esehier me ansouo mie mehn kamehlel reh me pahn ehukihong me kak kahreihong ah pwoud ah pahn wekila. Ahpw ehu rahn sarawio, Ni ansou me E aliale Kamadipw Sarawio oh medemedewe sapwelimen Sounkoumouro tomwo, E diarada me kihkihpene ahn ah pwoudo sapwung kan kin kasarehsang Ih ngehn sarawio oh sohte douluhl pahn wekidala.
Pepehm ieu ahpw kohdo reh kin inda: “mweidala, mwiedala, oh irisala dahme ke ntingihdihko. E sohte kak sawas.” E ahpw uhd intingiedi: E pil kangala wen ansou ieu pwe ien irisala nting ko. Ahpw, pweki I wia soahng sakanakan koaros I ahneki sohrala. Ai mohngion direkihla Limpoak—limpoak ohng ahi pwoudo oh Koht.” Duwehte Saul ansou me E kohkohla Damascus.
Sounkoumouro kin kalap kapehdangpeseng mesetail ka ni paliwar oh pali ngehn. E kin kapehdangpeseng mesetail kan ohng ni me mehlel, inen oh pwuhng, sewese kitail en dehr kin maskun nan mour wet. Ni ansou me kital pahn kin kak pehmada kisin ngihl me kin kaparkin kitail en wia mehkot me pwung oh mwahu, Kitail kin alehdi kapai me mih nan kapakap en kamadipw sarawi pwe sapwelime ngehn en ketket rehmwail. Met wiawiheng Joseph Smith oh Oliver Cowdery nan tehnpas sarawi en Kirkland me Sises inoukhieng ira me “ira sohte pahn ka iang kasawih aramas ni sapwung de saparek pwe E pahn ketkisahng ira.” (D&C 110:1).
I kadehdehki me sang ni manaman en Sises Krais, kitail pahn kak kileng wei dei sang wen me kitail kin kilang. Ansou koaros me kitail pahn kin tamataman Ih oh…kolokol Sapwelime ngehn sarawi” rehtail, mesetail kan oh atail wehwe pahn marainla. Ih ansou me kitail pahn kak wewehkila mwahu lamalam mwahu loal kan en emen emen kitail nan atail mohngiong kan. Ni mwaren Sises Krais Amen.