Lukaotem Insaed long Ol Bes Buk

Eli long wan moning, mi bin luk wan hanggri katapila we i haed gud long wan naes bus blong ros flaoa. Long lukluk blong sam long ol branj we i nogat lif, i klia nomo blong talem se hem i stap spolem ol narafala lif wetem maot blong hem taem hem i stap pas. Olsem wan pikja long maen blong mi, mi no save stop be blong tingting nomo se i gat plante katapila we i haed gud; oli faenem olgeta truaot long wol, be i had blong luksave olgeta we i mekem se samtaem yumi letem olgeta oli kam insaed long garen blong yumi, mo bifo yumi save, oli kaekae flatem ol rus blong yumi long saed blong spirit mo hemia tu blong ol famli memba mo ol fren blong yumi.

Yumi laef long wan dei we ol giaman infomesen abaot bilif blong yumi i stap hapen. Long ol taem olsem ia, wan fasin blong no protektem mo mekem i kam strong ol rus blong yumi long saed bong spirit i wan invitesen blong kam agens tru long olgeta we oli lukaotem blong spolem gud fet blong yumi long Kraes mo bilif blong yumi long Jos blong Hem we i kambak. Long ol taem blong Buk blong Momon, i bin Sisrom we i lukaotem blong spolem gud fet blong ol man we i biliv.

Ol aksen mo toktok blong hem oli stap olsem “wan trap blong enemi, we hem … i bin putum blong kasem ol pipol ia, blong hem i save karem yufala i kam long hem, blong hem i save raonem [yufala] wetem ol jen blong hem” (Alma 12:6). Ol semmak trap ia oli stap tedei, mo sapos yumi no lukaot gud long saed blong spirit mo bildim wan sua fandesen long Ridima blong yumi(luk long Hileman 5:12), bae yumi save faenem yumiwan, oli raonem yumi wetem jen blong Setan mo oli lidim gud yumi go long rod we i nogud, we Buk blong Momon i tokbaot (luk long 1 Nifae 8:28).

Aposol Pol i talemaot wan woning long ol dei blong hem we i wok yet long taem blong yumi: “Mi mi save finis, we sam man blong yufala bambae oli save girap, oli giaman nomo blong lidim ol man blong Jisas oli biaen long olgeta” (Ol Wok 20:29–30).

Woning blong hem mo olgeta blong ol profet mo ol aposol blong yumi i rimaenem yumi blong yumi mekem evri samting we yumi save mekem blong yumi kam strong long saed blong spirit agensem ol toktok blong oposisen mo ol giaman fasin. Taem mi visitim ol wod mo Stek blong Jos, Mi leftemap tingting blong mi from wanem mi luk, harem mo filim taem ol Sent positive mo fetful blong folem ol tijing blong Sevya mo ol wokman blong Hem.

Fasin blong kipim sabat dei i wan eksampol blong ol memba oli kam strong olgetawan long saed blong spirit taem oli folem invitesen blong wan profet. Moa fasin blong kam strong oli soem tru long fasin blong go long tempol mo famli histri olsem ol famli oli karem tugeta ol apu blong olgeta i go tru long tempol odinens. Rus blong yumi long saed blong spirit i kam moa dip taem prea blong yuwan mo famli we i tru i kam olsem hanga blong fet blong yumi, taem yumi sakem sin evri dei, lukaotem kompanion blong Tabu Spirit, mo lanem abaot Sevya blong yumi mo ol fasin blong Hem mo traehad blong kam olsem Hem (luk long 3 Nifae 27:27).

Sevya blong yumi, Jisas Kraes, i laet blong wol ia, mo Hem i askem yumi blong folem Hem. Yumi mas lukluk long Hem long evri taem mo speseli taem we i gat tudak mo ol naet we i gat ren, long ol strong win blong tu tingting mo no sua olsem wan klaod we i muv, i kam insaed. Bae ol fingga we oli kam long narasaed blong reva blong wota, wan bigfala haos we i gat bigfala spes i stanap” (1 Nifae 8:26) i luk olsem i stap kam long yu long fasin blong jikim, daonem mo askem yu strong, Mi askem yu blong yu tanem yu kwiktaem blong mekem se oli no winim tingting blong yu tru long giaman wei blong seraotem yu long trutok mo long ol blesing blong hem.

Be, Hemia hemwan bae i no inaf blong helpem yu long dei ia taem ol giaman samting oli tokbaot, oli raetem mo soem. Elda Robert D. Hales i tijim yumi se “sapos nomo yu putum yu fulwan blong laef folem gospel—laef folem wetem evri hat, strong, maen mo paoa blong yu—yu no save mekem i kam inaf laet long saed blong spirit blong pusumbak tudak” (“Out of Darkness into His Marvelous Light,” Liahona, July 2002, 78). I tru se, tingting blong yumi blong folem Kraes, Hem we i laet blong wol (luk long Jon 8:12) i minim se yumi mas ak long ol tijing blong Hem. Yumi kam strong, moa strong mo kasem proteksen long saed blong spirit taem yumi ak long ol toktok blong God.

Moa taem laet i bigwan long laef blong yumi, i gat smol tudak nomo. Nomata long hemia, wetem plante laet yumi stil fesem ol pipol mo ol toktok we oli no tokbaot gud ol bilif blong yumi mo traem fet blong yumi. Aposol Jemes i raetem “bambae yufala i kam moa blong stanap longtaem.” (Jemes 1:3) Wetem toktok ia, Elda Nil  A Makswel i tijim se “wan disaepol we i gat fasin blong wet longtaem … bae hem i no sapraes o finis taem oli talem nogud Jos” (“Patience” [Brigham Young University devotional, Nov. 27, 1979], speeches.byu.edu).

Ol kwestin long saed blong Jos histri mo bilif blong yumi oli kam antap. Taem yumi tanem yumi blong faenem ol stret ansa i nidim bigfala kea. I nogat samting we yumi save kasem taem yumi lukaotem ol lukluk mo ol tingting blong olgeta we oli no gat inaf infomesen. Ol moa gud kaonsel i kam long Aposol Jemes: “Spos wan long yufala i nogat waes, hem i mas askem long God.” (Jemes 1:5).

Askem long God i mas stat fastaem wetem stadi gud long skripja, from oli talem long yumi blong lukaotem ol toktok blong waes tingting insaed long buk we oli moa gud…lukaotem blong lanem samting, tru long stadi, mo tu, tru long fet” (D&C 88:118). I gat plante rij samting long ol buk, we ol Jos lida we heven i givim insperesen oli raetem mo oli luksave, oli sef mo ol Jos histri mo doktrin skola we yumi save dipen long olgeta. Long ol tintin pej we i tik wetem ol samting blong spirit, yumi lanem tru long Tabu Spirit mo afta kam antap long laet.

Presiden Thomas S. Monson, we i askem long “yumi blong stadi mo tingting hevi long Buk blong Momon evri dei” (“The Power of the Book of Mormon,” Liahona, May 2017, 87).

Sam yia i pas, taem mi stap wok olsem presiden blong Fiji Suva Misin, sam misinari oli bin gat wan eksperiens we i mekem se oli kam strong moa blong bilivim paoa blong Buk blong Momon blong jenisim man. Wan hot mo drae dei, tu elda i kasem wan hom long wan smol vilej long Labasa.

Noknok long doa i bin ansa tru long wan man blong solwota we i lisin taem ol misinari ol stap testifae long saed blong trutok blong Buk blong Momon. Tufala i givim hem wan kopi mo invaetem hem blong ridim mo prea blong save, olsem tufala hemia i toktok blong God. Ansa blong hem i sot nomo: “Tumoro bae mi gobak fising. Bae mi ridim taem mi stap long solwota, mo taem mi kambak, yu save kambak visitim mi bakegen.”

Taem hem i bin go, transfea i bin hapen, mo sam wik afta, wan niu kompanion blong ol elda i kambak blong visitim man ia. Long taem ia, hem i bin ridim ful Buk blong Momon, i bin kasem ansa long saed blong trutok blong hem, mo hem i wantem blong save moa.

Man, ia i bin jenis tru long Tabu Spirit, we i witnes long hem long saed blong trutok blong ol naesfala toktok long evri pej abaot ol samting we oli bin hapen, mo long saed blong doktrin we oli tijim mo kipim gud blong yumi insaed long Buk blong Momon. Semmak blesing ia, yumi save kasem.

Hom i ples ia nao blong famli i stadi mo serem ol impoten samting long ol skripja, ol toktok blong ol profet mo blong kasem ol tul blong Jos long LDS.org. Long ples ia, bae yu faenem plante infomesen abaot ol gospel topik olsem Fas Visen mo translesen blong Buk blong Momon. Taem yumi stadi aot long buk we oli moa gud, yumi protektem yumiwan agensem ol rabis maot we oli lukaotem blong spolem gud ol spirit rus blong yumi.

Wetem evri prea, stadi, mo tingting hevi, bae i gat yet ol kwestin we i nidim blong ansarem, be yumi mas no lego samting ia i kilim faea blong fet blong yumi we i stap laet insaed long yumi. Kaen kwestin ia oli ol invitesen blong bildimap fet blong yumi mo bae i no mas mekem yumi gat tu tingting. Hem i impoten tumas blong relijin blong nogat sua ansa blong evri kwestin, from hemia i wan long stamba tingting blong fet. Long semmak tingting ia, Elda Jefri R. Holan i tijim yumi se “Taem ol taem olsem oli kam mo ol problem i kam antap, risal blong hemia we i no sua tumas, hang strong long wanem we yu save finis mo stanap strong kasem moa save bae i kam.” (“Lord, I Believe,” Liahona, May 2013, 94).

Yumi luk raon long yumi glad blong plante we oli stanap strong oltaem mo givim kaekae long spirit rus blong olgeta. Fet blong olgeta mo fasin blong obei i inaf blong givim long olgeta bigfala hop long Sevya blong olgeta, mo tru long branj ia, bigfala glad. Oli no prij blong save evri samting, be oli bin pem wan praes blong save inaf blong gat pis, mo blong laef wetem longfala tingting taem oli lukaot blong save moa. Laen afta long laen, fet blong olgeta i strong moa long Kraes, mo oli stanap strong olsem ol gudfala sitisen wetem ol Sent.

Bae wanwan long yumi i laef blong mekem se ol maot blong ol haed katapila bae i no faenem eni ples, i no naoia o nara taem, long naesfala Garen blong yumi blong mekem se bae yumi stanap strong long fet long Kraes, iven go kasem en” (Alma 27:27). Long nem blong Jisas Kraes, amen.