Kom̧in Kappukot Jān Bok ko Rem̧m̧antata

Ilo juon jibbon̄tata, iaar lo juon kūtan̄tan̄ ej etalbōļbōļ ilo jikin kallib eo eobrak kōn rose ko reaiboojoj. N̄an loe an pā ko pein jidik kake m̧aanļo̧k, ealikar barāinwōt ippān ro rejjab lukkuun mejke bwe ejjeļo̧k en ej kea kake ilo an jidik kake kan̄ m̧aantak bōlōk ko kōn n̄ii ko rekauwōtata. Ilo m̧ool, ijjab maron̄ kar jipan̄ ak ļōmņak bwe ewōr jet armej rej āinwōt kūtan̄tan̄ ko; maron̄ loi ilo laļ in, ak jet rekapeel ilo aer ukōt mōraer bwe jen kōtļo̧k aer pād ilo mour ko ad, im m̧okta jān ad jeļā, em̧ōj aer kakkure jetōb eo ad im an ro uwaan baam̧le eo im ro m̧ōttad.

Jej mour ilo juon tōre me likjab in meļeļe kōn tōmak ko ad rej ajedeed. Ilo iien rot kein, likjab n̄an kōjparok im kōkajoorļo̧k jetōb eo ad ej juon wāween kūr n̄an kōtļo̧k bwe ren kakkuri jān ro me rej kappukot n̄an kakkure ad tōmak ilo Kraist im ad tōmak ilo Kabun̄ eo An em̧ōj an jepļaaktok. Ilo tōre ko ilo Bok in Mormon, ekar Zeezrom eo eaar kappukot n̄an kakkure tōmak eo an ro rej tōmak.

Jerbal im naan ko an raar “allok an rijum̧ae, eo eaar … likūt n̄an aujiid armej [rein], bwe en maron̄ bōktok kom̧ ilo kōm̧akoko n̄an e, bwe en maron̄ jepooļ [kom̧] kōn tomede ko an” (Alma 12:6). Ejja kain aujiid kein rej pād raan kein, men̄e jej kajoor ilo jetōb im ekkal ioon juon pedped epen ioon ad Ripinmuur (lale Hilamōn 5:12), jej maron̄ lo ad make jepooļ kōn tomede ko an Setan im maron̄ tōlļo̧k kōj ilo iaļ eo kar kōnono kake ilo Bok in Mormon (lale 1 Nipai 8:28).

Rijilōk Paul eaar kwaļo̧k juon naan in kakkōl ilo raan ko an me ej bar jelet raan kein ad: “I jeļā bwe, … jet iaami renaaj jutak, im kōnono men ko re ankeke, bwe ren kareel ro rū kaḷor ilọkaer” (Jerbal 20:29–30).

An kakkōl im ko an rikanaan ro im rijilōk ro ad rej kakeememej kōj bwe jen aikuj kōm̧m̧ani aolep men ko n̄an kakwojarjar kōj make ņae m̧oņ im jum̧ae. Ke iaar loļo̧k ward im stake ko ilo Kabun̄ in, ij im̧weiir kōn ta eo ij loe, ron̄, im en̄jake an Rikwojarjar em̧m̧an im tiljek aer uwaak kōn katak ko an Rilo̧mo̧o̧r im ro Karejeraņ.

Ilo an ļapļo̧k kaorōk raan in Jabōt ej juon waanjon̄ok in jetōb an membōr ro kōkajoor im kakwojarjar er make ilo aer mour kake kanaan in. Kajoorļo̧k in ej juon kam̧ool in an ļapļo̧k jerbal in menmenbwij an baam̧le im tampeļ ilo baam̧le ko ilo aer aiin tok ro jibweer im jimaeer n̄an kain̄i ko an tampeļ. Jetōb eo ad ej kajoorļo̧k ilo jar ko rem̧ool ad make im jar an baam̧le ko ad jino rie tōmak eo ad, ilo ad ukweļo̧k kajjojo raan, pukot jem̧jerā eo an Jetōb Kwojarjar, im ekkatak kōn ad Rilo̧mo̧o̧r im Piktokin im kajjieon̄ erom̧ āinwōt E. (lale 3 Nipai 27:27).

Ad Rilo̧mo̧o̧r, Jisōs Kraist, ej meram in laļ, im Ej kūr bwe jen ļoor E. Jej aikuj reilo̧k n̄an E ilo iien otemjeļo̧k im eļaptata n̄e jej ioon poktak ko an metwan mour, āinwōt dipuki n̄an kajoor. Eaikuj jitōn̄ļo̧k kōn peier “jān iturājet in reba eo, [ijo] juon em̧ ekilep im ļap eaar [jutak]” (1 Nipai 8:26) im raar pād ilo paotok in kajirere, jook, im jeeaaļe eok, ij ba kwon m̧ōkaj in oktak tok bwe kwon jab po jim̧aat im m̧oņ ko renaaj kōjepel eok make jān m̧ool eo im kōjeram̧m̧an ko ie.

Ijoke, ajimakeke in eban bwe ilo tōre in ad n̄e apilōn̄lōn̄ ko renana kar kōnono kaki, kar je, im kar kwaļo̧k kadkadiier. Elder Robert D. Hales eaar katakin kōj, “Ijello̧kin kwonaaj lukkuun pen ilo gospel in—mour kake kōn aolepān ‘būruwōm̧, maron̄, ļōmņak im kajoor’—koban bōk jidik jetōbin meram im likūt marok” (“Out of Darkness into His Marvelous Light,” Liahona, July 2002, 78). Ilo m̧ool, kōņaan eo ad ej n̄an ļoor Kraist, eo ej meram in laļ (lale Jon 8:12), meļeļein jej aikuj mour kake katak ko An. Jej kōkajoorļo̧k ilo jetōb, kōkkwojarjar, im naaj kōjparok n̄e jej mour kake naan eo an Anij.

N̄e eļap meram ilo mour ko ad, edikļo̧k pere. Ijoke, men̄e jej jepooļ kōn eļap meram, jej jedmatmat n̄an armej im naan ko me rej kwaļo̧k riab kōn tōmak eo ad im idajon̄jon̄e tōmak in ad. Rijilōk Jemes eaar je “bwe [ad] tōmak ej jerbale kijenmej” (Jemes 1:3). Kōn ennaan in, Elder Neal A. Maxwell eaar kwaļo̧k bwe “Juon rikarejeran eo ekijenmej … eban ilbōk ak ajļo̧k n̄e enana kōm̧m̧an n̄an Kabun̄” (“Patience” [Brigham Young University devotional, Nov. 27, 1979], speeches.byu.edu).

Kajjitōk ko kōn bwebwenato in Kabun̄ in ad im tōmak ko raar jarjar. Ijo jej etal im pukot uwaak ko rejim̧we n̄an dāpij em̧m̧an eo. Ejjeļo̧k juon men n̄an bōk ilo etale ļōmņak ko ro edik aer meļeļe ak ro raar jerwane tōmak eo aer. Kapilōk eo em̧m̧antata kar letok jān Rijilōk Jemes: “A eļan̄n̄e jabdewōt iaami ej aikuj mālōtlōt, en kajjitōk kōn e ippān Anij” (Jemes 1:5).

Kajjitōk ippān Anij ej juon iaļ in lukkuun in ekaktak, bwe jej pād ilo an jeje ko ba n̄an “kappukot jān bok ko rem̧m̧antata naan ko in mālōtlōt” im n̄an “kappukot jeļā, em̧ool jān katak im barāinwōt jān tōmak” (K&B 88:118). Ewōr bwijin jeraam̧m̧an ko ilo bok kein, kar je jān im̧we an lan̄ n̄an ritōl ro an Kabun̄ in n̄an kile, kōjparok, im epād iien bwebwenatoon Kabun̄ in im katak ko an ro rimāletlet. Ilo ba menin, ejjeļo̧k eļapļo̧k an wōj jān naan eo kwaļo̧k an Anij. Jān peij kein reddik kōn kōļmenļo̧kjeņ ko ilo jetōb , jej jeļā m̧ool eo kōn Jetōb Kwojarjar im ekōm̧m̧an bwe en ļapļo̧k meram.

Būreejtōn Thomas S. Monson eaar jiron̄ “kōj n̄an lukkuun ekkatak im kōļmenļo̧keņ kōn Bok in Mormon” (“Kajoor eo an Bok in Mormon eo,”Liahona, May 2017, 87).

Jet iiō rem̧ootļo̧k, ke iaar jerbal āinwōt juon būreejtōn ilo Fiji Suva Mission, jet mijinede ro eaar wōr aer en̄jake me eaar kōkajoorļo̧k er kōn kajoor eo an Bok in Mormon. Juon raan ekanooj bwiļl im m̧ōļauwi, ruo elder raar tōkeakļo̧k ilo juon em̧ ilo juon bukwōn jidikdik ilo Labasa.

Raar kōļļaļļal ilo kōjem eo im juon ļōļļap eaar kōpeļļo̧ke im kar ron̄jake an mijinede ro kar kam̧ool kōn m̧ool eo an Bok in Mormon. Raar leļo̧k n̄an e juon kape im kar kajjitōk bwe en riit im n̄an jar n̄an jeļā, āinwōt kar er, bwe eaar naan in Anij. Uwaak eo an eaar ba: “Ilju inaaj ro̧o̧l im bar eon̄ad. Inaaj riiti n̄e inaaj pād lom̧aļo, im n̄e inaaj bar ro̧o̧ltok, komro maron̄ bar lotok eō.”

Ke eaar jako, iien jānij eaar kōm̧man, im jet wiik tokālik, juon pea in mijinede kāāl raar bar loļo̧k rien̄wōr eo. Ilo tōre in eaar riiti aolepān Bok in Mormon, eaar bōk kapen kōn m̧ool eo an, im eaar kijooror in kōņaan jeļā eļapļo̧k.

Em̧m̧aan in eaar oktak kōn Jetōb Kwojarjar eo, eo eaar kam̧ool kōn m̧ool eo an naan ko raorōk ilo kajjojo peij ko im katak ko kar katakin etto im kar kōjparoki n̄an tōre kein ad kōn Bok in Mormon. Ejja kōjeraam̧m̧an in wōt ej pojak n̄an kōj kajjojo.

Kapijuknen ej juon jikin ijo baam̧le ko rej ekkatak im kwaļo̧k ļōmņak ko raorōk kōn jeje ko rekwojarjar im naan ko an rikanaan ro im maron̄ buki kein ekkatak ko ilo LDS.org. Ijeņ kwonaaj lo aolep meļeļe ko raorōk kōn unin kōnono ko an gospel in āinwōt bwebwenato ko an Visōn eo M̧okta. Ilo ad ekkatak jān bok ko rem̧m̧antata, jej kōjparok kōj make ņae men ko rekōmettak im rekauwōtata rej kij pedped in jetōb eo ad.

Kōn aolep ad jar, ekkatak, im kōļmenļo̧kjeņ, enaaj wōr wōt uwaak in kajjitōk ko aikuj uwaakier, ak jen jab kōtļo̧k an kajjitōk kein rej kakkure tōmak eo eddōkļo̧k ilo kōj. Kain kajjitōk rot kein rej kūr n̄an kalōk ad tōmak im jejjab aikuj in kōtļo̧k an pere m̧oņ kōj. Ej lukkuun menin aorōk an kabun̄ n̄an jab lukkuun bōk juon uwaak in kajjojo kajjitōk, bwe ejjab jibadbad eo an tōmak. Ilo menin, Elder Jeffrey R. Holland eaar katakin kōj “n̄e men kein rej waļo̧k, uwaak eo ejjab m̧ōkaj an waļo̧k, dāpdāp wōt kōn ta eo em̧ōj am̧ jeļā im jutak peran n̄an bōk eļapļo̧k jeļā” (“Lord, I Believe,” Liahona, May 2013, 94).

Jej lo m̧ōņōņō ipeļaakiid kōn menin elōn̄ ro rej jutak pen ilo aer kōkajoorļo̧k jetōb eo aer. Aer tōmak im pokake ebwe n̄an leļo̧k n̄an er kōjatdikdik eļap ilo aer Rilo̧mo̧o̧r, im jān aer m̧ōņōņō eļap. Rejjab jeļā aolep men otemjeļo̧k, ak em̧ōj aer bōk tub eo n̄an jeļā n̄an bōk aenōm̧m̧an im mour kōn kijenmej ilo aer kappukot n̄an jeļā eļapļo̧k. Ļain im bar ļain, aer tōmak epen ilo Kraist, im rej jutak pen āinwot ilo aer citizen ippān ro Rekwojarjar.

Kōm̧m̧an bwe kajjojo iaad en jab kōtļo̧k bwe en wōr jikin kūtan̄tan̄ eo, jaab kiiō ak indeeo, ilo jikin kallib ko ad raiboojoj bwe jenaaj pād wōt “im dim ilo Kraist, m̧ae jem̧ļo̧kin” (Alma 27:27). Ilo etan Jisōs Kraist, Amen.