2010–2019
Rapahki Ih sang nan Pwuhk Wadawad akan
Oakotohpe 2017


Rapahki Ih nan Pwuhk Wadawad Kan

Ni ansou me kitail pahn kin onop sang nan pwuhk wadawad pwukat, kitail kin perehsang kitail sang ni keng en irail aramas me kin song en kawehla atail poahsoan en palingehn.

Ehu ni mensengo, I kilangada mwehdi men pohn mwetin wahnrose lingan kei me men mwonge oh songosong wekidala pohn kili en duwehte pohn wahnrose akan pwe mahn teikan de kilangada oh kemehla. Ni ai kasawih ekei tehn tuhkehko, e pil pahn sansalohng aramas emen me pahn sohte kadehde mwahu me lipahrourouo kangolongehr tehn tuhkeu ki keng en awehu. Ni madmadau, I sohlahr kakehng ahpw medewehda me aramas tohto me duwehte mwehdio; me tohto irail mihmi seli nan sampah, oh ekei irail loaloakoangkihla arail kin pitihkihdi aramas me irail mwahu pwe kitail en kak mweidehng irail nan atail mour, oh mwohn atail pahn eseiraila, irail kawelahr poahsoan en atail palingehn oh irail kan me wia kisehn atail peneinei kan oh kempoakepahtail kan.

Kitail momour nan rahn ehu me saweweh laud tohto mie me pid duwen dahme kitail kamehlele. Nan soangen ansou pwukat, ma kitail pahn sohte apwalih mwau oh kakehlakahla poahsoan en palingenetail kan e pahn wia luhk ehu ong irail en mwongehla rehn irail kan me kin rapahki en kawehla atail pwoson Krais oh atail kamehlele Sapwellime Mwomwohdiso kopwurupwurdou. Nan Pwuhk en Mormon Zeezrom me song en kawehla en irail kan me kin kamehlele arail pwoson.

Ah wiewiah kan oh koasoi kan wia “ehu lidip en imwintihtio, me e … kihdier pwehn lidipihki aramas pwukat, pwe en kak wahdo [irail] en mihla pah, pwe en kak kapelkin [irail] nah sahl meteho” (Alma 12:6). Ihte lidip kau me pil mie rahnwet, oh ihte ma kitail keperkin kitail oh kawada poahsoan ehu pohn atail Soundoro ni sohpeikasalki (kilangHelaman 5:12), kitail mwein pahn diarada me kitail lohdier nan lidip en Satano, oh kahluwai kitaildihla nan ahl sapwung kan iei me Pwuhk en Mormon koasoiahier(kilang 1 Nephi 8:28.

Wahnpoaren Paul wiahda kekehlik ehu nan ah mwehio me pil doadoahk nan atail mwehi rahnwet me ketihtihki: “Pwe I ese me, … mie ekei aramas me pahn pwarada nan pwungamwail me pahn pitiheki me pwoson akan lokaia likamw, pwe irail en idawehniraila” (Wiewia Kan 2:29–30).

Ah tungoal kekehlik oh kekehlik me kohsang atail soukohp kan oh wahnpoaren kan katamankihong kitail me kitail anahne wia wen atail kak en kakehlailih palingenetail kan en peieng koasoi kansensued oh likamw akan. Ni ansou me I kin pwarek ward kan oh stake kan en Mwomwohdisoht, I kin perenkihda dahme I kilang, rong, oh kehn ni ansou me Souleng kan kin kasalehda lelepek oh pwoson ni arail kin kapwaiada Sapwellimen Sounkomouro oh Sapwellime soun papah kan arail padahk kan.

Tohtohlahn nan ehu ehu Rahn Sarawi kan wia ehu karasaras me toweh kan kehlailkihla sang ni luhk kan me kin kohsang soukohp akan. Oh pil ehu kakehlepe me pil sansal mwahu iei direlahn doadoahk en nan tehnpas sarawi oh kadaudok en peneinei me peneinei  kan kin kihpene pwehn wia tiahk sarawi kan. Atail poahsoan en palingehn kin kehlaila ni ansou me emen kin peihn wia ah kapakap oh kapakap en peneinei me kin wia utupen atail pwoson, oh ni ansou me kitail kin koluhla nan ehu ehu rahn akan, kin rapahki Ngehn Sarawi, oh esehla duwen atail Sounkomouro oh Sapwellime wiewiah kan, oh nantieng en duwehla Ih (kilang 3 Nephi 27:27).

Atail Sounkomouro, Sises Krais, iei me wia Marain en Sampah, oh E lukei kitail en idawehnla Ih. Kitail udahn pahn kilenglahng Ih ansou koaros oh ni mehlel ni ansou en kahpwal akan, ni ansou me pepehm en peikasal laud me duwehte mwekmwekid en edin lahng akan. Irail kan me kin kouruhrki aramas me mih “palio pihlo, [wasa] lapalahn ihmw kaselelo [kesihnen] ie” (1  Nephi 8:26) kasalehda me irail kin inenei kumwail ni mwoahmw en kepit, kanamenek, oh kapailok, I peki me kumwail en mwadangete sohpeisang irail pwe kumwail de ahngada arail ineng mwahlakan oh lidipihkumwaildi sang ni mehlelo oh kapai kan.

Ahpw, met kelehpw sohte pahn kak itar ong ansou wet ni ansou me me suwed akan wadawadahr, intingdier, oh kasansaldahr. Elder Robert D. Hales padahkihong kitail me “Ihte ma kumwail pahn mehlelieng momourki rongamwauh wet—momourki ni “mongiong, kehl, madamadau, oh kehlail” unsek—kumwail pahn sohte kak wiahda wen marain me pahn kak pelianda rotorot en kahpwal akan (“Out of Darkness into His Marvelous Light,” Liahona, July 2002, 78). Ni mehlel, atail ineng en idawehn Krais, me wia Marain en Sampah (kilangJohn 8:12), me wewehki kitail anahne kapwaiada Sapwellime padahk kan. Ni ansou me kitail kin kapwaiada sapwellimen Koht mahsen kan kitail kin kehlaila, onopadahr, oh silasildier.

Ni maraino ah kin lalaudla nan atail mour, peikasal kan kin malmalaulaula. Ahpw, ni ansou me kitail kin pil direkihla maraino kitail kin lelehng aramas akan oh koasoi kan me kin kawe atail lamalam oh song en katikala atail pwoson. Wahnpoaren Seims intingihdi me “ni [atail] pwoson eh kin powehdi apwal e kin kalaudehla atail kanengemah” (Seims 1:3). Sang ni ire wet, Elder Neal  A. Maxwell padahki me “sounpapah kanengemah men … sohte pahn pwuriamwei de ohkihla ni ansou me aramas pahn kin kawe Mwomwohdisoht” (“Patience” [Brigham Young University devotional, Nov. 27, 1979], speeches.byu.edu).

E pahn mie peidek kan me pahn pidada duwen kadaudok en atail Mwomwohdiso oh lamalam akan. Wasa kitail pahn kilenglahng en rapahki pasapeng mehlel kan udahn anahne en ropirop ni keneinei. Sohte mehkot pahn pweida ma kitail pahn ale madamadau en irail kan me sohte nohn wewehki de me solahr kamehlele Mwomwohdisoht. Kaweihd me keieu kaselel sang rehn Wahnpoaren Seims ketihtihki: “Ma emen rehmwail anahne eripit, a en kapakap oh peki rehn Koht” (Seims 1:5).

Ni atail pahn peki Kauno en sang ni onop keneinei, pwe kitail mih pahn mweimwei en rapahki “mahsen en eripit sang nan pwuhk wadawad akan,”oh “kitail anahne rapahki kaskuhl sang ni atail pahn onopki oh ahniki pwoson” (kilang D&C 88:118). Me tohto soangen pwuhk pwukat, me intingdi sang irail semen en kaun en Mwomwohdiso oh pwuhk pwukat me dehde, kin neknekla mwau, oh wia mehn sawas ong kadaudek en Mwomwohdiso oh mehn kaweid teikan. Ni dahme sansalehr, sohte ehute nan pwungen pwuhk pwukat kak daulih dahme mahsen en Koht koasonehdier nan pwuhk sarawi. Sang ni tehn pwuhk menipinip kan me mosulkihla mahsen sarawih kan, kitail esehla me mehlelo sang ni Ngehn Sarawi oh sang ni met e kalaudehla atail marain.

Presenden Thomas S. Monson pekihier, “kitail en nantieng kapakapki, onopki oh medemedewe Pwuhk en Mormon nan ehu ehu rahn akan” (“Manaman en Pwuk en Mormon,” Liahona, May 2017, 87).

Sounpar kei samwalahro, ni ahi wiewia pwukoah en presiden en Fiji Suva Mission, misineri kei ahpw lelehngehr nan irair en doadoahngki manaman en Pwuhk en Mormon. Ni rahn karakar ehu, elder riemen ahpw lel ihmw ehu nan kisin wasahn kousoan en Labasa.

Ohl laud men me rongehr en misineri kan ara kadehde duwen mehlel en Pwuhk en Mormon me ritingadahng ira wenihmw en pidolong ni ansou me elder kan letelet pohn wenihmwo. Irail kieng ehu nah Pwuhk en Mormon oh luke en wadek oh kapakapki pwe en ese, duwehte ira, ma iei mahsen en Koht met. En ohlo pasapengo me mwotomwot oh iet me e sapengkin ira: “Lakapw I pahn kohla laid. I pahn wadek ni ansou me I pahn mihmi nansedo, oh ni ansou me I pahn pwurodo, kumwa pwurehng kohdo tuhwong ie.”

Ni ansou me e sohte miehu, kewelialihn misineri wiawi mwurin wihk kei oh elder kapw riemen me pwurala tuhwong sounlaido. Nan erein ansouwo ohlo wadekalahr Pwuhk en Mormono, alehdier ah pasapeng kan en me mehlelo oh inenen men esehla duwen pwuhk wet.

Ohl menet weliakapwalahr sang ni Ngehn Sarawi, me kadehde mahsen kesempwal kan en nan ehu ehu tehn Pwuhk en Mormon duwen kemwekid kan oh kaweid kan me kin doadoahk nan wehin kawao oh leledo rahnwet. Soangen kapaiohte me pil mie rehtail rahnwet.

Nimwatail kan iei wasa me keieu mwahu ong peneinei kan en kin onopki oh ehukipene mahsen kesempwal akan sang nan pwuhk sarawi kan, oh mahsen kan en soukohp akan, oh kin iang doadoahngki dipwisou en Mwomwohdiso me kin sansal nan LDS.org. Wasaht kumwail pahn diar diren kaweid me pid ehu ehu iren padahk kan me duwehte rekohd en Keieu en Kaudiahl. Ni ansou me kitail pahn kin onop sang nan pwuhk wadawad pwukat, kitail kin perehsang kitail sang ni keng en irail aramas me kin song en kawehla atail poahsoan en palingehn.

Itarete atail kapakap, onop, oh madamadau kan, e pahn miehte ekei iren peidek me anahne pasapengla, ahpw kitail dehpa dokieng iren peidek pwukat en kawehla atail pwoson. Soangen peidek pwukat kin wia mehn luhk ehu en kalaudehla atail pwoson oh sohte pahn wiahkihda mehn kediropw ni ansou me kitail ahniki peikasal. Iei me keieu kesempwal ong lamalam akan en sohte ahniki pasapeng pwung ong peidek kan koaros, pwehki iei ehu karapen pwoson met. Iei met me Elder Jeffrey R. Holland padahkihong kitailehr me ni ansou me soahngko lelehng kitail oh kahpwal pwarada, oh epwelpen kahpwaloko sohte kin epwelahte ansouo, kolokol teng ong dahme kumwail esehier oh uhkihda ahmw kehl pwon lau ehu kaweid kapw pwarada” (“Lord, I Believe,” Liahona, May 2013, 94).

Kitail kin kilang me tohto me kin ahniki popohl nan pwungatail pwehki sang ni kehlail me irail ahniki ni arail kin nantieng kakaihrada poahsoan en palingenerail kan. Arail pwoson oh peihk kin kieng irail koapwoaroapwoar laud rehn arail Sounkomouro, oh sang ni mepwukat irail kin ahniki peren laud. Irail sohte kin koasoia me irail ese soahng koaros, ahpw irail alehier pweinen dahme irail ese pwe irail en kak ahniki meleilei oh kin ahniki kanengemah ni ansou me irail pahn kin rapahki pwe irail en esehla. Esehla sang ni kapwkapwurehieng, arail pwoson ohngete Krais, oh irail kin nantieng kolokoletengedi nan arail pwukoah en wia tohn wehi te ehu rehn Souleng kan.

Kitail momour pwe mwehdi kan dehr diarada arail wasa, kaidehn ansou wet de pil ehu rahn nan atail mour kan pwe kitail en kak kolokoleteng atail pwoson Krais lau lel imwi (Alma 27:27). Ni mwaren Sises Krais, ahmen.