2010–2019
A Meringel Lomerael a Melemolem!
October 2017


A Meringel Lomerael a Melemolem!

A rael el muut el mo er a Demad er a Babeluades a kot el klou a belkul rael er a klengar kid.

Dart me a okeuid el rak er a memong, e a Brigham Young a mle ketengel merekii osengel bedul a Salt Lake Valley e millekoi el kmo, “Tiaikid a basio!”1 Ng mle medengelii tial basio le Rubak a mla chotii el mo er n gii.

Sera 1869, eng betok er a okeud el telael el Santo a mlo merael er a osisiu lomerael. Meng dimlak el iior er a klekakerous er tir er a omelekoi, siukang, me a beluu, e tir a uleba osisiu el klaumerang er a Chedam, me a Ngalek, me a Chedaol Reng, er a mla Moluut el ebangkelio er a Jesus Kristo, me klemeriar reng el meleketek er a Zion—el basio er a budech, deureng, me a klamiokel el kirel a kedmeklel Ongeru Lemei Osobel.

siasing/Llecheklel
Jane Manning James

A ta er tirkel mle kot el Santo el kmerd er a Utah a mle Jane Manning James—el ngelekel a mle sibai el chad, lulebult el mo chedal a mla moluut el Ikelesia, e meral smiich el oltirakl e chilarm er a betok el ringel. A Sister James a millemolem el mesisiich a klaumera er ngii el Uriul-klebesei el Santo el mo el muut er a kodellel er a 1908.

Ng miluches el kmo: “Ng soak el dmu er chelechang el kmo, a klaumera er ngak er a ebangkelio er a Jesus Kristo, el mlosisechakl er a Ikelesia er a Uriul-klebesei el Santo, a kmal dirk mesisiich er chelechal sils, oi, ng uaisei, e lmuut, el mesisiich er sel sils er a kmetecholb. Ak melecha ongeltacher me a uldars, e oltirakl er a llechul a ungil ulekerreuil a bedenged, ak mo bad a lekekesus e omkokl el mekiis er a tutau, ak mechitechetong eng di ak melasm lochotii a ungil okesiu el mo er a rokui el chad.”2

A Sister James, a uaia rebetok el Uriul-klebesei el Santo, el diak di loleketek er a Zion lolab a rsechir, klsbengir, me a lengelir te dirrek el osiik a klengeltengat er a Rubak lokiu otireklir er a osisecheklel ebangkelio er sel tkul er bab el sebechel lurrekodel er a klaumera er a Jesus Kristo—el ngii a ngarbab lomekungil er tirkel rokui el meral losiik er Ngii.

A ruchelir a Resanto a dimlak el cherrungel, eng di tir a milchelii a dodai el kid a meleketek a telungalek me a beluu el kaubeltik el reng e oltirakl a telbiil, el ngii a llechukl er a kakerous el cheldecheduch el meliuekl er a beluulechad le kid el blak a rengud er a Jesus Kristo me blak el reng er kid lolngeseu er tirkel kmeed er kid me a recheroid.3

President Eyring, ng soak louchais a sulek el mo er tirkel teruich el telael el bibrurk a chelchededal a bilir el anghel el lolngeseu er a Texas, Mexico, ma bebil er a basio.

Ak mui loumerang el kmo alsekum eng medort sel deleuill er kid me tirkel lulkiu chei er kid, luldimukl er a redemad me a redelad el tir a uchelel a ikelesia, e kede metom er a kmal mekreos el tekoi. Ak mla mengedecheduch er a memong el kirel a “Klaumera er a Bek el Bakes” e melemolem el mengedecheduch el kirel le ak medengei el kmo a merael mei el telcheroll a kirir el mo oba osisiu el klaumerang el uai tirkel uchelir a Resanto el kirel a Jesus Kristo me a mla moluut el ebangkelio er Ngii.4

A ruchelek el redemak me a redelak a mle teloi er tirkal mesisiich a klaumera er tir el chad el milngurs a kareta, me a re mla er a wagon, me a re di mirrael el mo er a Utah. Tir, el di uaia Sister Jane Manning James, a uleba dmolech el klaumerang er a bek el bakes er tia meringel lomerael.

A journal er tir a mui er a omesodel a ringel, klengerenger, me a secher me a olechotel a klaumerang er tir er a Dios me a mla moluut el ebangkelio er a Jesus Kristo.

Ng mle kesai a kloklel a beluulechad lolab e ng di te mla er a deureng er a obdois el klengeltengat er a klodam me a klodos le biltik er ngii er a chelsel a Ikelesia er a Jesus Kristo. A ble el sebecherir, e te milisiich er a remechitechetong e ulemekngeltengat er a rsmecher lokiu omesiungir el mo er a ta me a tang me a dirrek loiak a priesthood er a Dios.

A rodos el ngara Cache Valley, Utah, a ulengeseu er a Resanto loba reng er a Relief Society el “dmak e kaukledm lolngeseu er a rengesool.”5 A delal a demal a demak er a Margaret McNeil Ballard a ulengeseu er a bechil, er a Henry, er a taem le bisop er a Logan Second Ward el okeua el rak. A Margaret a mle merredel er a Relief Society lokedei el rak. Ngulbeteterir a remechebuul er a blil, me a rsmecher, me a re mla melakl me a remeleuaoch, e ulemail er a re mla mad er a bilir er a templo.

Meng uaisei el ungil e klou a belkul bo dodengelii a reksi er a ruchelir a re Mormon er a 19th-century, eng di ng kired el mo medengei el kmo a “meringel lomerael er a klengar a melemolem!” el ngara dersta er kid sel dolasm er a “klaumera er kid er a bek el bakes.”

siasing/Llecheklel
Rechad er a Ikelesia a mo keldibel er aikel basio er tir el Resanto a ngara omengull

A rebeches el mla obult a dikea bo el kldibel er a ongos er a Beluu er a Merikel. Ng bai, re mla obult a kldibel er a ikel basio er tir el Resanto a ngara omengull el mo er a Demad er a Babeluades el ngara ngklel a Jesus Kristo. Meng kmeed el okedei el telael el cheldellir a rechad er a beluulechad el rokir, e tir el rokui a kldibel er a ikel Zion le ngarngii. A chedaol llechukl a melekoi el kmo tirkel tir a klikiid a rengrir a okedongall el Zion.6

Me sel de ngara omerollel a klengar e kede ngara skeng lolterekokl el kmo kede mo oltirakl a rokui el tekoi el Rubak a mla dmu er kid.7

Betok er kid a ngara klebokel lomerael er a siik—el ngoikid el mo er a klungiaol me a llomes er a chedaol tekoi. Eng di, a rebebil er kid, a kuk ngara rael el bedul a klengit el reng, mekngit, ringel, me a kerior.

Tiaikid el tekoi, e a kulengit me di el kau loker kau: Ngker a ulebengelel omerollem? A blekeklem ngoikau el mo er ker? E a omerollem ngoikau el bedul aikel “obdois el klengeltengat” el Osobel a mla yaksok?8

A rael el muut el mo er a Demad er a Babeluades a kot el klou a belkul rael er a klengar kid, e melemolem er a bek el sils, bek el sandei, bek el buil, me a bek el rak sel lorael mo mesisiich a klaumera er kid er Ngii, me a Ngelekel Sechal, er a Jesus Kristo.

Ng kired el mo kerekikl a blekekled er tial klengar. Ng kired el mo klekar e oltirakl a tekingel a Jesus el mo er a Remesiungel er a longer aikakid el ker: “Ka mouchais er kemam, ng oingerang e a ikal tekoi a mekedmokl? e ngera olangch er a luut er kau, me a ulebengelel a beluulechad?

“Me a Jesus ulenger er tir el kmo, Bom kerekikl me a lak a sechal [e ngak a dochelii a redil] el cholbeldkau.”9

Chelechal sils e ak meleklii sel ledilii a remengeteklel a Ikelesia ruchei.

  • Rodam me a rodos, bo murrekodel a osischeklel a Kristo e lak ko mechetikaik er tirkel tir a mengeuid osisechakl. A ebangkelio er a Chedam me a Ngalek a mloluut lokiu a Joseph Smith, el ngii a profet er chelechal uirul taem.

  • Lak morrenges er tirkel chad el tir a dirkak el mengilt malechub el bla le moterekokl el kirel a ngerchelir er a Ikelesia e di modars lokiu a klaodengei er a rebetok el chedal a Ikelesia.10

  • Bom kerekikl a chelechad, cheldebechel, me a dersta el chad el oleko te mla ngmai a nger el kirel a osisechakl er a ikelesia e kmo a reapostol me a reprofet er chelechal sils a diak lodengei.

  • Lak morrenges er tirkel mengesuseu er kau el mo mereched el mo ungil besum. A rechedal a ikelesia er kid a kmal mla chemoit a betok el ududir, me bom kerekikl.

Chelsel a bebil er a basio, e te betok el chedal a ikelesia er kid a osiik lengelakl er a ikel beot el klemerang a berrotel e meringel a cheral diak lodengei el teletael el oleko te osiik a osumechereng me a ngesou.

A mloterekokl el babier er a Ikelesia, a tilobed er a tal rak er a memong, e melekoi el km o: “Aki mengelechel er a rechedal a Ikelesia el mo kerekikl aikel cheldebechel el yaksok—omeruul e melai a udoud—me a oleko te omekungil malechub e te meduch el omekungil el diak lousbech er a re mla moterekokl el chad loba priesthood.”11

A Church Handbook a mellach el kmo: “A rechedal a ikelesia a diak lousbech a teletael er a ukeruul el ngii a diak lulterekokl malechub el loltirakl a llach a teletelel. A roungerachel a ikelesia er a ikel basio le ngarngii a kirir melekoi er a rechedal a ikelesia el ngarngii a secherir me te osiik a ukeruul er tirkel tir a meduch e ou license el chad er a beluu le ngarngii.”12

Rodam me a Rodos bo mellomes em kerekikl el kmo aikal omeruul a sebechel chemolt el ua lungil eng di ng sebechel tomellii a reng er kau me a bedengem.

A denguu er a ruchelel a ikelesia, e a duchelreng me a siungel a klechad a mle klou a belkul, ng di sel reng er tir el kmo te tal chad a dirrek el mle klou a belkul. Te dilak loureor e kaingeseu el mong e mei er a berraod me a ikel meringel el taem el ble lechelebangel. Ng mla er ngii a cheldebechel er a priesthood, er a rsechal, e a redil a milesiou er a chelsel a Relief Society. Aikal lomeruul a dirkak el mengodech el me lmuut er chelechal sils.

A chelechad er a Relief Society me a priesthood a mesterir a rechedal a ikelesia a ngesou er a chedaol tekoi me a tekingel a klechad.

Molemolem el ngara ebangkelio el mo oba “klaumerang er a bek el bakes” me bol sebechem el muut el mo remei er a rengedel a Chedam er a Babeluades me a Rubak el Jesus Kristo. A Rubak a ngii a mekreos el Osobeled. Ngii a Osebelel a beluulechad. Ng kired el mengull er a chedaol el Ngklel e diak dousekool er ngii er a ngidil taem, e mo blechoel melasm loltirakl a Llechul. Sel bo de uaisei, e Ngii a mo omekngeltengat er kid e mekrolid el muut el mo er a Chedam er a Babeluades.

A kulengit er a rebek el chad lorrenges er ngak er chelechang el mo mengemedaol e oldingel er a ngii di el chad el ngara ringel er a chelechal sils, el diak el iior er a kmo te ngara keskelel tial omerael.

Bo molbedebek el kmo ng diak a ngodech el ngarbab el klengeltengat el denguu el rousii el uaia klemechel Oluut, el sel mengai el motirakl, e a diak a ulebengelel deureng me a budech—luldimukl er a diak a ulebengelel klengar a mei. Bo dousbech a klisiched, me a mesisiich, el klaumera er kid lolngeseu er a remisionari losiik, olisechakl, e melecholb er a rengelekel a Dios me luchul e bo loba klisichel ebangkelio lomekrael a klengar tir er a bek el sils.

Ng kired lodersii chubechub el mo er a rengelekel a Dios e choroid a bekelekiakl el reng, luldimukl e dekakerous el chad, sechal me a redil, me a beluad. Bol meral mocholt el kmo kede oumerang aikel klengeltengat er a oluut el ebangkelio er a Jesus Kristo a mo er a bek el rengelekel a Dios.

A kuchais el kmo a “meringel lomerael a melemolem,” e ngak a siotai er kemiu el melemolem el ngara rolel ebangkelio e momakes el bedul uchei el kirir a rokui el ngelekel a Dios loba beltik el reng me a chubechub me luchul e a rengud el rokui bol klikiid me a chimad le beches el mo ngmai ikel “betok el klengeltengat” el medechel el mengiil er tirkel tir a meral betik a rengrir er a Demad er a Babeluades me a Ngelekel el ngak a meluluuch el ngara chedaol el ngklel a Jesus Kristo, amen.