Mehlel En Mehkoaros

Kitail kohpene pwohnget ni atail anehki koapwoaroapwoar oh pwoson me mie ahl ehu, me pahn sewese kitail pwehn kak kehlail oh aledi kapai sahng Ngehn Sarawi, me kin kadehde mehlelo.¹ Kitail men rapaki dahme mehlel ih me I men kosoiahiehng kumwail rahnet.

Ni ansou me I wia pwutak pwulopwul men, I aneki diren peidek me pid mwomwohdiso wet. Ekei ahi peidek kan mwahu oh mengei. Ah ekei sohte nohn oh e kohsang ni en mehtei kan peikasal.

Mie pak tohto me I kin ehukiohng ahi peidek kan ahi nohnou. I ese me e kak wewehki me ekei iren peidek pwukat udahn sang loalei oh kosahng ni ahi mongiong. I ese me e kin insesuwedkihla iren peidek kan me sohte sang loaloi oh kin mwomwen akamaiki. Ahpw, sohte pak ehu me e kahng rong ahi peidekan. Udahn E kin men rong oh kin sohngen sapeng. Ma e kin kehnda me E inda soang koaros me I anahne ese ahpw miete ahi peidek, E kin inda: “David iren kalelapak mwahu ieu men. Ni ansou me ke kin raparapahki oh wadwadek oh kapakapki pasapehng kan, dahmeke sohu wiahki soahng kan me ke kohnehng wia oh sohte wia soahng kan me ke sohte kohnehng wia?” met wiala wiepe ieu me I kin wia ni ansou me I kin rapaki mehkot. Sahng ni ahi onopiki, kapakapki, oh kapwaida kosoned akan, I diarada me ansou koaros kin mie pasapeng pen ahi iren peidek kesemwpwal kan. Oh I pil diarada me pwoson, kanengamah, oh koudial udahn anahnepe ohng alahldien pasapeng pen peidek tei kan.²

Nohno kiehng ie pwukoahn pein kairada ahi pwoson oh rapakihda pasapehngpen ahi peidek kan. E ese me pasapeng kesempwal kan kin kohdo ma I kin rapahki ni mehlele duwete dahme Samatail Nanlehng kupwurki. E ese me I anahne diarada dahme mehlel. E ese me I ananahne mehlel ohng ahi peidek kan oh wia wen ahi kak koaros en kapwaiada soahng kan koaros me I ese me mehlel. E ese me I anahnne onopiki oh kapakaki oh me I anahne esehla ahneki kanengamah ni ansou me I kin men alehdi pasapehng kan sang rehn Koht. Ahneki kanengamah ni ansou me kitail kin men diar dahme mehlel, wia kisehn sapwelimen kauno pilahn en diar atail pasapeng pwung kan.³

Leledo met, ih ahi diarada me ahi nohno kin padahkiehng ie mwomwen Sapwelimen Kauno wiepen diara dahme mehlel. Ni ansou me ahi pwoson laudlahr, pasapehng kan tepida kohdo, oh ngehi alehdi ahi mission call.

Mie ehu ansou, nan ahi mission, me I diarada me I anahne ese ma mwomwodiso wet mehlel oh ma Joseph Smith wia soukohp en Koht men. I kehnda dahme President Thomas S Monson masanih nan kapokon lap nekiero: “Ma sohte ahmw kadehde me pid sohng pwukat, wia wen ahmw kak koaros en alehdi ehu. E udahn kesempwal en mie pein ahmw kadehde nan ansou apwal pwukat, pwe kadehden meteik kan pahn sohte waiuklahng wasa ke anahne.”⁴ I ese dahme kohneng ansouo, I anahne wadek Pwuhk En Mormon ni inehng mehlel, ni mohngiong karakarahk, oh peki rehn koht ma e mehlel.

Karonge dahme Koht ketin inohukiehng kitail sahng rehn sapwelime soukohp Moroni: “Oh ni ansouo me kumwail aleier mehpwukat, I pahn kaweid kin kumwail, me kuwail en peki Koht, Sahm Soutuk, ni mwaren Sises Krais, ma iei mepwukat sohte mehlel, oh ma kumwail pahn peki ni mohngiong mehlel, ni inehng mehlel, sahng ni amwail pwoson Krais, E pahn ketin kasalehiong kumwail mehlelo, sahng ni manaman en Ngehn Sarawi.”⁵

Pwe ien kak alehda dahme mihmi nan Pwuhk En Mormon, I anahne ien wadek. I tepida sahng ni tepi oh wadek rahn koaros. Ekei kin mwadahngete alehdi arail kadehde. Ah ekei, kin anahne ansou laud oh kapakap laud oh kin anahne wadek pwuko pak tohto. Ngehi I anahneda ien wadekala pwuhko pwohn mwohn ahi alehdi ahi kadehde me koht inoukiehng ie. Itarete ah pwand, Koht ketin kasalehiohng ie dahme mehlel sang ni manaman en Ngehn Sarawi.

Na nei journal en ansou me I wia missionario, I kawewehdi peren lap me I anehki ni asnou me I ese me mehlelo sang ni ahi pein natiehng wia oh ahneki inehng en pein alehdi dahme mehlel. I intihndi nan nei jounalo: “I inoukihdi mwohn Semei Nanlehng oh pein ngehi en wia wen ahi kak koaros, en kiehng present 100(Epwiki) erein ahi mour, soahng koaros me e pahn idahng ie, I pahn wia, ahpw met I anahne kanehkehla ahi mission oh I pahn wiakihla mehkot kesempwal ehu, me sohte pak ehu I pahn kaulimehla, ahpw kaidehn ohng ngehi ahpw, ohng Koht. I poakohng Koht, oh I pereniki doadoahk ohng Ih, oh I kapakapki me dahme I kehn sohte pahn sorasahng ie.”

I ese me sahng ni ahi pahn kin inehngieng en kaluhla oh kapwaiada sapwelimen Koht kosonned I kak kolokolte pepehmo. Presidend Thomas S Monson masanih, “Kadehdeh kan kin anahne en keneinei oh momour sahng ni atail pahn kin doulahte en kapwaida kosoned en Koht akan oh kapakap rahn koaros oh wadawad.”⁶

Soupahr kei doudohr, I kin idek rehn missionary kan oh me pwulepwul kan ia mwomwen arail tapiada rapahki me mehlelo oh aleda arail kadehde. Kereniohng koaros, kin sapengki me e sahng ni arail kin pein lemeda en wadek Pwuhk En Mormon, sahng ni tapio, oh kapapak peki rehn Koht ma e mehlel. Sahng ni arail “kin wia met”⁷, re diarada me mehlelo.

En ese dahme mehlelo, kitail anahne momourki⁸rohngamwahuo⁹. Re kapar kin kitail en dehr likid meliela Ngehn en Koht.¹⁰ Koluhla, iahngahki inehng en kapwaida kosonned kan, udahn kesempwal ohng emenemen kitail ni ansou me kitail kin rapahki mehlelo.¹¹ Ei , udahn kitail pahn anahne “kasohrehla” dipatail kan pwehn kak ese dahme mehlel.¹²

Kitail alehdi kosoned en “koledi,sahng ni onopiki oh pwoson” oh “rapahki nan pwuhk kan masen en eripit kan.”¹³ Atail inehng en rapahki anahne kohsang ni atail pahn kin kilang nan “Pwuhk keieu Mwahu” kan oh soahng mwahu “teiekan.” Pwuhk me keiu mwahu iei pwuhk sarawi kan oh mahsen en Soukohp kan.

Presided Monson peki rehn emen emen kitail “en wia dahme kohneng” en kak alehdi oh kolokol kadehde kehlail kan.¹⁴ Dahme kohnehng atail kadehde kan pwe en kak kehlail oh loal? Pwe emen emen kitail aneki pwukoahn wia dahme kohnehng pwehn kak alehdi oh kolokol kadehde kehlail.

Kanengamahiong kolokol inou sarawikan ni atail “wia dahme” kohnehng en aledi paspehng kan sang rehn Koht wia sapwelime Koht pilahnen esehla dahme mehlel. Ahpw mehlel ansou kan me apwal, kitail pahn kin anahne kiehng Ih ni “popohl oh kanengamah.”¹⁵ Kangemah nan kosoned kan kin kalaudehla atail wahu, koaloalehla atail inehng en men ese me mehlel, oh mweidohng Ngehn Sarawi “ en kaweid kin kitail ahl pwuhng me kitail pahn alehki kapai, peren oh popohl.”¹⁶

Ahi pwoud, Mary, oh ngehi poakohng lih emen me ahneki kapwal laud en kamehlel mwomwodiso wet kereniong lep laud en ah mour. Udahn e pereniki rohngamwahu wet, oh pereniki mwomwodisowet ahpw pil miehte ah peikasal. E katengtepenehr nan Tehnpas sarawi, udahn active nan mwomwodiso, kin kapwaid ah pwukoa, oh wia nohno oh lih pwopwoud mwahu men. Na erein pahr koaros e kin wia wen ah kak koaros en wia soahng koaros me mwahu oh kin kalekehki ih soahng kak me pahn kahrehda eh pahn wia mehkot sapwung. E kin kapwaida kosoned kan oh kin doulahte rapahki. Ekie pak, pwoson en metei kan me kin sewe Ih.

Ansou kis samwalharo, ah pisop ahpw peki ma e kak tuwehng ih oh ah pwoud. E peki ma ira kak ale pwukoahn weliandi irail me mehlar akan oh wia tiahk sarawi kan ohng irail nan tehnpas sarawio. Pwukoa wet inenen kopwuriamwei ohng ira, ahpw ira alehda oh tapiad ara doadoahk nan tehnpas en kauno. Neira kisin pwutak pwulepwulo ahpwtehn iahngala pwihn en Family History oh diar me mie arail penenei me saik iahng ale tiak sarawi kan. Irail, ahpw weliandi oh wia doadoahk en tiak sarawi wet ohng aramaso oh ah peneinei. Ni ansou, me re kelepwidi ni pehi sarawio oh tiahk sarawien katengpene wiawi, Liho me kin rapakrapki ma tiahk sarawi en tehpas sarawio mehlel ahpw alehdi kadehdeh me tehnpas sarawio mehlel oh tiak sarawi kan me kin wiawi loale udahn mehlel oh pwuhng. E ahpw koahl ah nohnou oh ndahng dahme wiawiehng ih oh inda itarete ah miete ah peidek, E eseier me Tehpas Sarawi mehlel, me tiahk sarawi kan pwuhng, oh me mwomwodiso wet mehlel. Ah nohnou ahpw sengisehng oh kapihngki limpoak, en Samatail nahnlehng oh pweki ah kasleihiong nah serpeino paspaehng me e kin raparapahki.

Kanengahmah nan kosoned kan kin kiehng kitail kapai en nanlehng nan atail mour.¹⁷

I diar pohpohl ni ansou me Koht masanih “E pahn ketin kasalehiohng kumwail mehlelo, sahng ni manaman en Ngehn Sarawi.”¹⁸ Ma mie peikasal, Kitail kak diar me mehlelo. Kitail ese me Pwuken Mormon mehlel. Ni mehle, Presiden Russell M. Nelson padahngki me kitail kak, “kehn sang nana tail mohngniong unsek[see Alma 13:27] me Pwuhk en Mormon wia mahsen en Koht.” Oh kitail kak kehn me kitail sohte pahn kak pwilikihdi.”¹⁹

Kitail kak ese me wia towe mehlel en Sapwelime Mwomwodiso wia mehkot kaperen oh me ale kamadipw sarawi wihk koaros pahn sewese kitail oh dorei kitaila. Kital kak ese, me tiahk sarawi kan en nan tehnpas sarawi kak, katengepene peneinei en mihmi pene kohkohlate, Kiatil kak ese me tomw en Sises Krais oh kapai kan sang ni koluhla oh mahk mehlel oh pwung. Kitail pil kak ese me atail soukohp Presiden Thomas S. Monson wia soukohp en Koht, oh na sounsawa kan oh irail pwihn en wahnparon ehk riemen o wia sohkohp, me kin alehdi kaudiahl.

Soahng pwukat koaros I kadehdeki me e mehlel oh kosoia ni mwaren Sises Krais, amen.