Ma Yohksrihpac Tiac kuh in Srihkasraki
Kuht kuh in wacna engankihn mahmah wolacna luhn Nguhn Muhtahl, ahkkweyelah ma pwacye ke wolacna luhn nguhnasr.
Ke pacl se muhtwacta fin acn Sierra Leone fin acn Rohtoh Africa, nga wi sie toeni ahkfahsryeyuck sin sie mwet kol ke U luhn Tuhlihk Srihsrihk. Mariama el ahkfahsrye ke luhngse, kuhlwacng, ac luhlahlfongi la sie ma fihsrwacsr in motkweack muh el sie mempucr paht ke Alu. Mariama, ne ohinge, el sie mwet tuhfah na eklac.
Tahmtahel fuhsr wiyacl el wi Alu ac solwacl Mariama in weluhl nuh ke sie kuhlahs ke Alu uh. Mariama el fwefwelac na pwacye ke pweng sac. Mwe lutlut sac ma ke masap ke tiac kosro. El siyuck misineri in lotwel in yohk ac tohkohyang el eis fahkwack ke Mwet Pahluh Joseph Smith. El pacptaislac ke yac 2014, ac tuhlihk muhtwacn se nahtuhl pacptaislac ke mahlwem tari ah. Nuhnkuh, ke mwe lutlut yohk luo ma ahkfahsryelah eklac lal Mariama pa masap luhn tiac kosro ac Mwet Pahluh Joseph Smith, point luo ma mwet uh liye tiacna fal, wacngihn etweyac, kuh ahkfohs. Tuhsruhk, Mariama el fahkwack lah el oacna sie ma srihsrihk suc kolyuck nuh ke kahlwem. El fahk, “Ke nga konwacack wosasuc, nga konweyucyak sifacna.” El konwacack nwacsnwacslah lal ke wolacna luhn ip luo inge. Yohk srihpac lal ke sie tuhlihk nuhtin God ahkkahlwemyeyuck nuh ke Nguhn Muhtahl.
Ingena kuht ohsun nuh sel tahmtahel Singh fin acn India. Renu, ke lac fal loes lacyot, tahmtahel se emet inmahsrlon tamuhlwel limekohsr ke Alu, akacsruhi ke nuhnak inge:
“Met liki nga mwet sirapei ke Alu uh, nga tiacna arlac puhla muh yohk srihpuck. Nga sie pacna sin mwet puhs, ac un mwet ke acn sihk tiacna arlac lutiyuc lah oasr srihpac yohk luhn kais sie. Ke pacl se nga lotwelah ke wosasuc ac lotwelah lah nga tuhlihk muhtwacn nuhtin Pahpah Lucng tuhmasr, el ikihlyac lac. Nga sana in puhla spesruhl—ma na pwacye God El orweyuclac ac orwaclah nguhnihk ac moul luhk ke luhpah ac ma srihpac yohk.
“Met liki nga eis wosasuc in moul luhk, nga kwacna srihke in ahkkahlwemye nuh selos sahyac lah nga sie mwet spesruhl. Tuh ke nga lotwelah ma pwacye, lah nga tuhlihk nuhtin God, nga tiacna enenuh in ahkkahlwemye oacna sie ma nuh sin mwet sahyac. Nga etuh lah nga spesruhl. … Nimet srihke in nuhnkuh muh wacngihn srihpom.”
Prestuhn Thomas S. Monson el fahk kac wo in pacl se el fahk ke kahs inge: “Kahsruhp ke sie nguhna pa ke luhpah ke tuhkuh oacna God.”1
Nga tuhfahna ahkinsewowoyeyuck in ohsun nuh sin sie muhtwacn fuhsr suc etuh ke ma pwacye se inge. Inel pa Taiana. Nga ohsun nuh sel ke Primary Children’s Hospital fin acn Salt Lake City. Taiana el ae skul ke pacl se el konweyuckyak ke cancer. El puhlaik in lain ma upac ke mahlwem 18 met liki el misac ke wik na fototo somlah ah. Tiana el sesseslah ke kahlwem ac luhngse. El etweyuck ke kahlwemiyacn isrwacsr srihsrihk lal ac akucl lal “kwewana kuf luhlahp-kuhkuhyak.” Ke pacl mwet sahyac siyuck, “Efuh kom, Tiana?” top lal pa, “Efuh in tiac nga?” Taiana el liyeyuck tuhkuh oacna Mwet Lahngo lal, suc el luhngse na pwacye. Ke pacl in muhtwacta lasr ah, nga lotwelah lah Taiana el kahlwem ke wolacna in yohksrihpac lal. Kahlwem lah el sie tuhlihk muhtwacn nuhtin God sang mihslac nuh sel ac puhlaik in kuhtanglah mwe srihkasrak yohk nuh sel ke ohiyac wo el oruh.
Mariama, Renu, and Taiana luti kuht lah Nguhn fah ahkkahlwemye nuh sesr kais sie ke srihpen wolacna lasr. Pwacye in etuh lah kom sie tuhlihk muhtwacn nuhtin God fah mokle kais sie ip in moul lom ac kol kom ke kuhlwacnsap kom nuhnkuh kac lwen nuh kwewa. Prestuhn Spencer W. Kimball el ahkuhtweyac ke wolacnaiyacn kahs inge:
“God pa Pahpah tomom. El luhngse kom. El ac ninac kiyom in kuhsrao srihke komi ke luhpah yohk. … Kom siena kain. Sie kain in ma, oreklac ke lahlmwetmwet ma pahtpaht suc sang suwohs luhn moul ma pahtpaht.
“Lwelah in wacngihn siyuck ke nuhnak lowos ke luhpah luhn kais sie. Kwewana nuhnak ke plwacn luhn wosasuc pa in sang sie ohiyac wo nuh sin kais sie suwos in sun sesseslah luhn kuh, suc pa kapkapwack ma pahtpaht ac sie luhmah wolacna.”2
Lwelah ngan sang kahlwem ke tiac oacna sie ke inmahsrlon puhsra upac: wolacna acnwacsnwacs. Eltahl tiac oacna sie. Wolacnaluhn nguhn kalmac pa in use kahlwem ke yohk srihpaciyacsr oacna ke Pahpah Lucng El akihlen kuht, tiac oacna ke facluh akihlen kuht uh. Yohk ahkkweyeyucklac met liki na kuht tuhkuh nuh facluh. “Luhngse luhn God fahlacna ac fah ma nuh tok ma pahtpaht.”3
Ke atac sahyac sacn, nwacsnwacs el oreklac ke ahkostwen. Fin kuht koluk, kuht tiacna na nwacsnwacs, tuhsruhk tiac wacngihn srihpacsr! Kuht muhtwacwacack in auliyak ac kampare in oacna Jisus ke kwewana kuhiyacsr. Oacna Prestuhn Brigham Young el luti: “Srihklaciyacn, ingena orwaclah srihklac luhn nguhn fin facluh … el yohk srihpac nuh facluh.”4 Fine mac ma, kuht kwacna oasr molosr ye muhtuhn Pahpah tuhmasr inkuhsrao.
Sahyacn ma pwacye wolacna inge, mwet ekahsr sesr tihkuclkucl, pacl nuh ke pacl, ke nuhnak koluk kuh puhlah kacsr? Nga oruh kac. Mwe sruhf na fihsrwacsr se. Satan el pa pahpah tuhmwacn kwewana ma kikiacp, yohkiyacna ke pacl ac tuhkuh ahkkahlwemye suhtuhuh ke ohiyac wo lasr ac srihpacsr. Srihklac in nuhnkuh kacsr tiacna kahsrwe kuht wot. Sahyacn el ulkuhti nuh tok. Oacna ke wacna lutiyuck kuht, “Wacngihn mwet kuh in ekuhlah nuhnak lom an sahyacn lwelah lom.”5 Kuht kuh in tui tiac kuhpahsri koluk lasr nuh ke wo luhn mwet sahyac. “Kapsra uh el sie ma pihsracllah engan.”6
In oacna, Leum El olwelah nuh sesr muh ke oasr nuhnak suwohs lasr, El fah ahkinsewowoye kuht ke luhlahlfongi, finne ke luhlahlfongi se in etuh lah suc kuht uh na pwacye. Wacngihn na pacl upac nuh sesr in lohacng nuh ke kahs Lal. Lwelah ohiyac wo in an in tiac wacngihnlac in kuht. El fahk, na kuht fah ahknwacsnwacsyeyucklac kuh ye muhtuhn God; ac … na Nguhn Muhtahl fah mwet kawuck lasr.7
Leum El ahkkahlwemye ma weacng pwacye inge nuh sel Mwet Pahluh Joseph Smith: El suc eis ke God, lwelah elan wacklah kac nuh sin God; ac lwelah el in kaksyakihn lah el wacwaclah in eis nwacsnwacs yurin God.8 Ke pacl kuht puhla Nguhn, oacna ke fuhs se inge ahkuhtweyac, kuht akihlen lah ma kuht puhla tuhkuh yurin Pahpah sacohk tuhmasr lucng. Kuht ahkkahlwemye ac kaksyakihn mwe insewowo Lal nuh sesr. Na kuht engan lah kuht wacwaclah in eis nwacsnwacslah.
Nuhnkuh ke kom riti ma suhmuhslah ke sie lututacng ac Nguhn El mahmah nuh sum muh ma kom riti uh pwacye. Kuh kom kuh in akihlen Nguhn ac engankihn lah kom puhlah luhngse Lal ac nwacsnwacs in eis?
Ninac, kom enenuh in sikuct muhtuhntei sisken tuhlihk yac-ahkosr nuhtum ke el oruh pruhe in mutul lal. Puhla se ac tuhkuh nuh fom ke pacl se kom riti. Kom ac puhlah fucsrfucsr ac mihs. Puhla sacn fototo, tuhsruhk kom ac akihlen lah kom, ke pacl sacn, wacwaclah nwacsnwacs in puhlakihn. Kuht suhkwac, fin sikyak, eis wolacnaiyacn nguhnin akucl inge in moul lasr; tuhsruhk kuht kuh in wacna engankihn mahmah wolacna luhn Nguhn Muhtahl, ahkkweyelah ma pwacye ke wolacna luhn nguhnasr.
Leum El ahkuhtweyac kuhpahsr inmahsrlom yohk srihpaciyacsr ac kihsac in iwaclah Lal ke El fahk:
Kuht enenuh esam yohk srihpaciyacn nguhn pa ngwetngwet wolacna se luhn God;
Leum Mwet in molwelah lasr kweok misac in ikoac; pwacnwacng el kweok ke mwe ngal luhn mwet nuh kwewa, tuh mwet nuh kwewa in auliyak ac fahsr nuh yohrohsr.9
Tahmtahel, ke srihpen ma El oruh nuh sesr, “kuht oasr in luhngse lal,”10 El fahk, “Ac Pahpah tuhmuhk El suhpweyucme tuh Nga in kuh in srihpsrihpyak fin sahksin soko; ac tukun Nga srihpsrihpyak fin sahksin soko, tuh Nga in kuh in kohlma mwet nuhkwewa nuh Yuruk,”11
Tohkohsrah Benjamin el oacyacpac ahkuhtweyac ke akuhpahsri yohk ke Mwet lahngo lasr. “Ac liye, El fah kweokkihn mwe sruhf, ac waek luhn mahno, masrinsrwacl, maluh, ac ullac, yohk liki ma mwet uh kuh in kweokkihn, sahyacn na misac; tuh liye, srah tuhkuh ke pat nuhkwewa, ngal Lal upaclaclac ke muhnahs ke ohiyac koluk ac ma koluk luhn mwet lal.”12 Kweok sacn ac sikyak kac an nwacklah insiyacsr ke luhngse ac tarilacna. Tamuhlwel Paul E. Koelliker el luti, “Ke kuht eslah mwe ahkfohs ma tulokihnkuhti fin facluh ac srihke sukohsohk in sulwaclah in sokol, kuht ikacslah insiyacsr nuh ke sie kuh luhn celestial suc uskuht lac nuh Yohrohl.”13 Fin kuht puhla luhngse nuh sin Mwet Lahngo ac ma El oruh nuh sesr El yohklacna liki kuhiyac se ma kuht sang ke mwe muhnahs, tahfuh-luo in nuhnak, kuh elah koluk, na El fah kahsrwe kuht in kuhtanglah ma suc ma ahkkweokye moul lasr. El molwelah moul lasr.
Lwelah ngan ahkuhtweyac: fin kena yohk luhn facluh el fokoko liki luhlahlfongi lasr ke Mwet Lahngo, na kena yohk luhn facluh fah kuhtangyucklac pacl nuh kwewa. Fin kuht sulwaclah in lohacng nuh ke nuhnak koluk lasr ac suhlahlahlfongi yohk srihpaciyacsr, sahyacn ahksuwohsye kuht nuh sin Mwet Lahngo, ac upac na pwacye in puhla atac ke Nguhn Muhtahl.
Tahmtahel. lwelah kuht in tiac fohswack lah suc kuht uh! Kuhtuh pacl uh ac fihsrwacsr in puhlakihn nguhn liki in pahtok kuhiyacn nguhna in esam ac sruokyac ohiyacn wolacna luhn kais sie, kuht tiac kuh in moli mwe etwacack se ingacn ke lwen sahflah. Enenuh kuht, oacna tahmtahel, “in luhlahlfongi ke Kraist; … lwelah tuh Kraist Elan sruh[kuht]yak, ac lwelah tuh kweok ac misac Lal, … ac ahkkahlwemye luhn mahnol nuh sin pahpah tuhmwacsr, ac pahkotwen ac mongfihsrwacsr Lal, ac finsrak ke wolacna Lal ac ke moul ma pahtpaht, in oan na ke [nuhnak lasr] an ne tok ma pahtpaht.”14 Oacna Mwet Lahngo El tuhkahkwack nuh luhng, kuht kuh in liye suwohs liki met tiac ke suc kuht an muhkwena tuhsruhk lah kuht ahkfototoye nuh Yohrohl yohk liki nuhnak lasr. Ke inen muhtahl luhn Jisus Kraist, amen.