2010–2019
“Pād Ippāer im Kōkajoor Er”
Eprōļ 2018


“Pād Ippāer im Kōkajoor Er”

Jar eo ad rainin ej bwe kajjojo em̧m̧aan im kōrā renaaj likūt kweilo̧k in eļap kōn wūjļepļo̧k eļap n̄an kea kōn doon.

N̄an kōnono kōn Ralph Waldo Emerson, iien ko raorōktata ilo mour rej iien ko me jej en̄jake ekairir in revelesōn.1 Būreejtōn Nelson, ijjab jeļā jete lōn̄ļo̧k in “ekairir ko” jemaron̄ kōm̧m̧ane ilo jem̧ļo̧k in wiik in. Jet iaad būruweer remōjņo. Ak ilo aō ļōmņak kōn menin, komaron̄ jerbale menin barāinwōt. Ej juon rikanaan!

Ilo jetōb in an Būreejtōn Nelson kwaļo̧k kōmlet ko rekabwilōn̄lōn̄ im naan in kam̧ool ko jota im jibbon̄ in, ij kwaļo̧k aō make kam̧ool bwe en̄in ej oktak ko rej waanjon̄ak ko kōn an revelesōn tōl Kabun̄ in jān ke ekar ijjino. Kiiō ej lōn̄ļo̧k kam̧ool ko bwe Irooj ej kōmōkajļo̧k jerbal in An ilo iien eo An.2

N̄an aolep ro rej kijerjer in ekkatak meļeļe ko rejelet men kein, jouj im jeļā bwe iien eo em̧ōkajtata ilo jem̧ļo̧kin in m̧wen̄an an kweilo̧k in, juon leln̄an in makūtkūt ko enaaj ijjino me enaaj kitbuuj, jab aikuj in ellaajrak in wōt, jilkinļo̧k juon leta jān Būreejtōnji eo Kein Kajuon n̄an aolep membōr ro an Kabun̄ in ro me ewōr ad email ko aer. Juon ennaan jiljilimjuon peij in kajjitōk im uwaak ko renaaj ekkejelļo̧k ippān leta eo n̄an aolep ritōl ro an priesthood im ritōl ro an radik ko. Āliktata, men kein renaaj pād ilo ministering.lds.org iien eo em̧ōkajtata. “Kajjitōk, im naaj lewōj n̄an kom̧; kappukot, im kom̧ naaj loe; kaļļaļļaļ, im enaaj peļļo̧k n̄an kom̧.”3

Kiiō jerbal eo em̧m̧anmōn Būreejtōn Russell M. Nelson ekar letok n̄an n̄a im n̄an Sister Jean B. Bingham. Ro jeiū im jatū, āinwōt an jerbal eo an doulul ko im radik ro ekekeļo̧k, ej kwaļo̧k bwe jej aikuj barāinwōt ekekeļo̧k—kajjojo raikuj joļo̧k m̧wiļ ko me rejekkar n̄an erom̧ rikaļoor ro an Rilo̧mo̧o̧r ilo jem̧ļo̧kin jerbal in karejar eo An ilo laļ in. Ilo An kar pojak in etal An jab jerawiwi im pok kōn jet iaar rikaļooraņ ro, Eaar jab kōlaajrak elōn̄ wāween tōl ko reaikuj kōm̧m̧ani ak leļo̧k n̄an er juon oraņ ribo̧o̧t eo eobrak kar kanne. Jaab, Eaar kōmeļeļeik jerbal eo aer ilo juon pedped in kien: “Kom̧in yokwe doon; āinwōt Iaar yokwe kom̧. … Ilo men in armej otemjej renaaj jeļā bwe kom̧ij rikaļora, eļan̄n̄e kom̧ij yokwe doon.”4

Ilo juon kijejeto n̄an kepaakļo̧k kōj n̄an gospel eo ejjejet, kōjjeļļā in jerbal in karejar in an priesthood im Doulul eo an Kōrā ro enaaj koba ilo m̧ōttan kein ilaļ, jet iaer Doulul eo an Kōrā ro em̧ōj aer kōjerbali ilo tōprak.5

  • Jeban bar kōjerbal naan in jerbal in lolo̧k m̧ōko an em̧m̧aan ro im jerbal in loļo̧k m̧ōko an kōrā ro. En̄in jibadbad eo kōnke ad jerbal in karejar enaaj ilo aolep jikin ko ijeļo̧kkin m̧oko im en̄in jibadbad eo kōnke loļo̧k eban pedped ioon juon katak em̧ōj kōpooje, ak katak eo eaikuj in waļo̧k eļan̄n̄e emenin aikuj. Kōttōbar eo eļap ilo ļōmņak in jerbal in karejar in enaaj, āinwōt an kar armej ro an Alma ba, n̄an “lale armej ro aer, im … naajdik er kōn men ko rej dien reweeppān.”6

  • Jenaaj loļo̧k wōt m̧oko, ak jekjek ko āinwōt lōn̄ uwaan, ettoļo̧k, kōjparok an juon make, im kapan̄kapan̄ ko jet remaron̄ in kabweer kōj n̄an loļo̧k kajjojo em̧ kajjojo allōn̄. Āinwōt an Būreejtōnji eo Kein Kajuon kar kapilōk iiō ko ļo̧k, kōm̧m̧ane ijo em̧m̧antata komaron̄e.7 Ilo kakkobaba n̄an jikejuuļ eo kwar kōm̧m̧ane n̄an loļo̧k ko, kōļenta eo emaron̄ jerbal n̄an taļboon ko, kakeememej ko, ennaan ko, email ko, video chat ko, bwebwenato ko ilo kweilo̧k ko ilo Kabun̄, kwaļo̧k būroojāāk in jipan̄ ko, m̧akūtkūt ko, im jon̄an tōprak eo emaron̄ waļo̧k ilo social media ilo aolepen peļaakin laļ in. Ijoke, ij aikuj kwaļo̧k bwe jon̄an ļap in wāween lale rejjabkobaik likjab in ennaan eo iaar lo ilo juon kaddep ilo juon waan ettōr. Ej riit, “Eļan̄n̄e inaaj jilel, kalikkar ke kwaar katakin ilo m̧weeo.” Jouj, jouj, em̧m̧aan ro rejitōn bōro (sister ro rejjab aikuj in kile ke rebōd ilo menin—Ij kōnono n̄an em̧m̧aan ro rejitōn bōro an Kabun̄ in), kōn oktak kein eļapļo̧k kea im n̄ūrbōktak, ejjab dikļo̧k jān wāween in.

  • Ippān menin ekāāltata, eļapļo̧k meļeļe in tōl an gospel eo ikijeen jerbal in karejar, ij jeļā kwomaron̄ jino ilbōk kōn ta eo enaaj waļo̧k ilo ribo̧o̧t eo. Ekwe, jab inepata, kōnke eban wōr ribo̧o̧t—ejjab ilo 31 raan in allōn̄ eo, “Iaar maron̄ in kadedeļo̧k eddo eo aō. Ijin barāinwōt jej kajjieon̄ in ekekeļo̧k. Ribo̧o̧t wōt me enaaj kōm̧m̧an ej oran intōrpiu ko an ritōl rekar kōm̧m̧an ippān kōm̧pānien ro rej jerbal in karejar ilo ward eo ilo kuwōta eo. Pidodo āinwōt am̧ ron̄jake, ro m̧ōtta, intōrpiu ko rej lukkuun aorōk. Ilo an ejjeļo̧k meļeļe in bisop eo ej jāmin bōk meļeļe ko ej aikuji im rejelet jekjek ko ilo jetōb im ānbwin an armej ro an. Keememej: karejar m̧aan ejitōn bōro ek ej bōk jikin bishorik eo im būreejtōnji eo an doulul eo an elder ro; rejjab bōk jikier. Kii ko an juon bisop im juon būreejtōn an doulul eo rej ļapļo̧k jon̄aer jān meļeļein jerbal in karejar in.

  • Kōnke riboot in eoktak jān jabdewōt reboot kwaar jilkintok tōre ko m̧okta, in kwaļo̧k bwe kōm̧ ilo opiij ko reļļap an Kabun̄ jab aikuj in jeļā ewi ak ia ak n̄āāt eo kwoj loļo̧k armej ro am̧; kōm̧ baj aikuj in jeļā im kea bwe kwoj kōm̧m̧ane im bwe kwoj kōjeraam̧m̧an er ilo aolep wāween komaron̄e.

Ro jeiū im jatū, jekar bōk juon iien em̧m̧an jilkintok jān lan̄ āinwōt aolepān Kabun̄ in n̄an kōmeļeļeiki “kabun̄ erreo … im jab ettoonon im̧aan mejān Anij”8—“n̄an ineek eddo ko an ro jet, bwe ren maron̄ mera” im n̄an “kaenōm̧m̧an ro rej pād ilo aikuj in aenōm̧m̧an,”9 n̄an karejar n̄an kōrā ro emej pāleer im ajri ro emej jemeer, rim̧are im ro ejjeļo̧k pāleer, rikajoor im ro rejjab m̧ōņōņō, riatemjinemjen ro im ro rekekemooj, rim̧ōņōņō im ribūrom̧ōj—ilo tukadu, kōj aolep, kōjwōj aolep, kōnke kōj aolep jej aikuj en̄jake okmāņāān in pein jem̧jerā eo im ron̄jake kōmlet eo epen an tōmak. Ijoke, ij kakōl kom̧, juon āt kāāl, leļo̧k kāāl, im jet ribo̧o̧t ko reban kōm̧m̧an oktak ilo jerbal eo ad m̧ae iien jej lo kūr in n̄an lale doon ilo juon wāween eo ekajoor, ekwojarjarļo̧k, āinwōt an Būreejtōn Nelson kar ba. Ilo ad kotak māj ko mājed ilo jetōb n̄an mour kake kien iakwe eļapļo̧k aolepen laļin, jej kautiej epepen ko raar jerbale wāween in ilo elōn̄ iiō ko. In kwaļo̧k jet waanjon̄ok ko kōn kain wūjļepļo̧k rot in ilo kōjatdikdik me enaaj kapen kien Irooj “pād ippaer im kōkajoor”10 ro jeid im jatid.

Jānwōde 14 eo ļo̧k, juon Jabōt, ilo 5:00 awa jota, ro m̧ōtta Brett im Kristin Hamblin raar kōnnaan ilo m̧weeo im̧weer ilo Tampeļ, Arizona, ālkin raan eo Brett eaar jerbal ilo bisoprik eo im raan an Kristin ekar boub lale ajri ro ļalem nejierro.

Ālkin Kristin, eaar bōk ājmour jen kāānjōr in itti iiō ilo eo ļo̧k, ekar jab em̧m̧an mour. Juon kūr n̄an 911 juon tiim in idin̄ raar itok im kōm̧adm̧ad e. Ke Brett eaar lukkuun jar im akweļap, eaar kōm̧m̧an ruo taļboon kooļ ko; juon n̄an jinen kajjitōk an jipan̄ n̄an lale ajri ro, juon n̄an Edwin Potter, an rūkaki in loļo̧k m̧oko. En̄in kar bwebwenato eo:

Edwin, taļboon mijiin ID eo eaar ba, “Hey, Brett, ewōr ta?”

Brett eaar lam̧ōj “Ij aikuji eok ije—kiiō!”

Innām jejjo̧ minit Brett eaar inem̧m̧an, priesthood eo m̧ōttan eaar jutak iturin, jipan̄ lale ajri ro im innām leto-letak Brother Hamblin n̄an aujpitōl ļoor ļo̧k waan aujpitōl eo ej bōk kōrā eo ippān. Ijeņ, ium̧win 40 minit ko m̧okta jen an doorļo̧k mejen, taktō ro raar ba Kristin emej.

Ke Brett ej jan̄, Edwin eaar atbokwojje tok ilo pein im jan̄ ippān—ilo juon iien aetok. Innām, etal jen Brett ilo an būrom̧ōj ippān ro uwaan baam̧le eo ro rekar kobaļo̧k, Edwin eaar ettōrļo̧k n̄an m̧weeo im̧ōn bisop eo im jiron̄ e kōn ta eo eaar waļo̧k. Bisop eo eaar m̧ōkaj in etal n̄an aujpitōl iien eo Edwin ekar ettōrļo̧k n̄an m̧weeo im̧ōn Hemblin. Erkein e im kōrā eo pāleen, Charlotte, eo ekar barāinwōt ettōr tok, kar ikkure ippān ajri ro Hamlin ejako jineer, 12 iiō laļļo̧k n̄an 3. Rekar naajdik er juon m̧ōn̄ā in jota, al im kōjan̄jan̄ ilo ejjeļo̧k kōtmāne, im jipan̄ er bwe ren pojak in kiki.

Brett eaar ba n̄an n̄a tokālik, “Mōttan eo ekabwilōn̄lōn̄ ilo bwebwenato in ejjab an Edwin kar itok ke iaar aikuji. Ilo juon idin̄, eaar aolep iien wōr armej ro rej kōņaan jipan̄. Jaab, m̧ōttan eo ekabwilōn̄lōn̄tata ilo bwebwenato in ej bwe eaar juon eo iaar ļōmņak kake. Eaar bar wōr jet armej ro. Kristin ewōr juon an brother im sister dikļo̧k jān jilu m̧ail ettoļo̧k jān ijo. Ewōr juon bisop em̧m̧an, em̧m̧antata. Ak jem̧doon eo kōtaan Edwin im n̄a eaar en̄jake bwe in call e ke iaar aikuj jipan̄. Kabun̄ in ej letok n̄an kōj juon wāween n̄an mour em̧m̧an ļo̧k kōn kien eo kein karuo—n̄an iakwe, jerbal, im kōļapļo̧k jem̧doon ko ippān ro jeid im jatid me rej jipan̄ kōj epaake ļo̧k Anij.”11

Edwin eaar kwaļo̧k kōn en̄jake, “Elder Holland, em̧m̧an eo an aolepān menin ej bwe Brett eaar rūkaki in loļo̧k m̧oko ro am̧ m̧oktaļo̧k jen n̄a. Jen tōre eo, eaar lotok kōm̧ āinwōt juon m̧ōttam̧ ijeļo̧kin an itok ilo ijjitōn̄. Eaar juon waanjon̄ok eļap, waanjon̄ok eo an juon eo eniknik im rikabwijer priesthood eo ej aikuj. Kōrā eo ippa—komro ejjab kalimjōke āinwōt juon eo ej eddo in bōktok ennaan eo ilo jem̧ļo̧kin juon allōn̄; jej ļōmņak kōn e āinwōt juon m̧ōttad eo ej jokwe epaak, eo emaron̄ kōm̧m̧an jabdewōt men ilo laļin n̄an kōjeram̧m̧an kōj. Ij m̧ōņōņō bwe imaron̄ kōļļāik likjab eo ij m̧uri ippān kake.”12

Ro jeiū im jatū, ij kobawaj ippāmi n̄an nōbar aolep rūkaki im ward rūkaki im rūkaki in loļo̧k m̧oko an em̧m̧aan ro im rūkaki in loļo̧k m̧oko an kōrā ro raar iakwe im kar jerbal ilo tiljek ilo aolepān wāween in. Ad jar rainin ej bwe kajjojo em̧m̧aan im kōrā ro—likao im jiron̄ ro—renaaj likūt kweilo̧k in eļap kōn wūjļepļo̧k eļap n̄an kea kōn doon, em̧akūt kōn iakwe eo erreo an Kraist n̄an kōm̧m̧an āindein. Mekarta ta eo jej aolep en̄jake kōn likjab ko ad im wāween ko reppen—im kōj aolep ewōr apan̄ ko ippād—mekarta, jen jerbal kōjaan doon ippān Irooj ilo jikin kallib eo,13 leļo̧k n̄an Anij im Jemed aolep juon pein jipan̄ kōn jerbal eo ekabwilōn̄lōn̄ ilo uwaaki jar ko, leļo̧k kaenōm̧m̧an, kōmrāiki dān in kōm̧jaļļaaļ ko, im kōkajoorļo̧k bukwe ko rem̧ōjņo.14 Eļan̄n̄e jenaaj kōm̧m̧ane menin, jenaaj eļapļo̧k erom̧ rikaļoor ro rem̧ool an Kraist me jej aikuj erom̧. Ilo Jabōt in Ijtō in, jen iakwe doon āinwōt Eaar iakwe kōj,15 Ij jar ilo etan Jisōs Kraist, amen.