“Mu Paer Roraed Mu Gelnograed”

Nggu ngochngoch pi thin rok Ralph Waldo Emerson, “Pi lumel rodad rib moem ni ngad puguran e pi’nen ni kad thamey rib e thogthog nib gel.¹ President Nelson, dabgu nang ni ngad thapeged boch reb e thogthog nib gel e weekend ney. Ba’ e gum’ircha’rad ni dabi gel’ rok bochi gidii’. Machane gube lemnag, rangam ayuwegdad ko binem. Mangil e profet!

U ta’ab e ya’el ku m’ag nge thin nib fel’ rok President Nelson u foewgaen nge biney e kakadabul, Gube pii’ e m’ag rok e thilyeg’ yowba pow ko thogthog ni kan powiy’ e Galasia ney  ko somm’on. Yaedba pow nibe papaynag Somoel e muruwel Rok nap’an e ningyal’ ney.²

Pi’in ni ba’adag ni ngad fil’ed marunga’agen pi’ney, wenig mu nanged tomuren ra ma’ e mu’ulung ney, ra tabab e ngognoliy ni ra pii’ e letter rok fare Bin Somm’on e Presidency ngak urngin e chon ko fare Galasia ni bay e email address. Babyor nib medlip e yang ni bay pi duwer nge fulweg nifan gubin e tiyugang ko e priesthood nge auxiliary. Bin tomor, Tiney ra paer nga ministering.LDS.org. “Mu fith nge gara thapeg, Musap nge gara piriyeg.”³

Chiney nggu tabab e muruwel’ rog nib fel’ ke pii’ President Rusell M. Nelson ngog nge Sister Jean B. Bingham. Pi walageg ni mo’on nge bpin, napan e muruwel’ rorow e pi quorum nge auxiliary ra ilal’ ko tiliw’, ninge yoeg ningad ilal’gaed—ningad gelnoged e yalen rodad woed e mechanical, rrin’ ni dariy’ e thamtham e yalen ningad manged e gachalpen nib gumaen’ ni ke weliy’ en Tathepeg u tomur e machib u fayleng Rok. Nap’an Ke taermedliy ninge chuw ko gachalpen nib fel’rogon ndar nanged fan, Dabke yoeg e yarmiy ko suwey ningar rrin’ed fa babyor thingar ningar fi’leged delip e yay. Danga’, Ke weliy’ marunga’gen e muwurl rok ufithik ta’areb e motochiyel: “Nge bigimed mu t’uf e bigimed rok … Ke yoeg. “Rogon ni um pired ni gimed ba t’uf rog, e aram rogon nthingar um pired nra bigimed ma ba t’uf rok bigimed.”⁴

Ningad folgaed fare machib nem ko gospel, fapi rogon e machib nib bi’ech kan oeg ko priesthood nge Relief Society ra yaen ko pinn’ey, boech nibe ngongoliy fare Relief Society chiney nib fel’ rogon.⁵

• Dad ngongoliyed fapi thin ko home teaching nge visiting teaching. Aray rogon e muruwel rodad ko machib ra buch u reb e gin’em ko tabinaew nge sabethin rodad dar folgaed e babyor ko fil kan taermeldiy, machane rayog ningam pii’ e machib fa’an nib t’uf. Fare bin kenginn e fan ko e sabethin ngayog, woed rogon e gidii’ u tinem e rran rok Alma, ningar “guyed e gidii’ roraed, mar duruw’iyed raed ko pin’en nib l’eag rogon ko tin nib mat’aw.”⁶

• Gadadra athamgiliy ningad dared nga tabinaew nap’an rayog rodad, machane boech e ban’en ko matheg nib gaa’ e gidii’, palog e milekag, posnag, fa reb e magowen sana dabiyog ninge milekag nga tabinaew urngin e pul. Woed rogon kar yoeged fare Bin Somm’on e Presidency boech e duw u faram, mu gay rogon e rayog romed ko urngin e talin romed.⁷ Udakaen e sabethin ningam rrin’ed, rayog ningam ngongoliy e telephone callnog, babyor, text, email, video chat, ma sabethin nap’an e mo’olung ko Galasia, nge mo’olung ko pigpig, madnom, fa reb e rogon ni bay yib udakaen e social media. Machane, Gube e nang fan ko pinn’ey dani yaen un e ban’en Kug guy ko e bumper sticker ko karo. Ke yoeg, “Fa’an gube honknag, kug home teach nigem.” Wenig ngomed, pi walageg (fapi sisters e dabra thamiyed e tagan ko biney—gube non ko fapi mo’on ko Galasia), ko pi thilyeg ney gamaedba’dag bo’or e golnag, gathi chigchignag.

• Udakaen e rogon nib be’ech, ko machib ko gospel, Gube thamiy ni gamedba tatamra’ ko matheg ko report. Ere, gapas, bachan dakurir e report—ere dakurir e 31st ko pul Kug rrin’ u tomur e ningyal’ e babyor. Amrogon ningad ilalgaed. Kemus e babyor ningam rrin’ed i’ir e matheg ko mo’olung nike buch ko tapowiy’ nge gidii’ nibe machib ulan ward ko urngin e quarter. Ba lemnag ni rib moem, pi fagra rog, pi interview ney ni ta’abi ga’fan. Fa’an dariy e ganop ney dariy e rogon fare bishop ra nang marunga’agen e tin ya’al nge tin ko feylang ko e gidii’ rok. Mu pugurangad, pi walageg nibe machib be yip’fan fare Bishopric nge Presidency ko elders quorum; Dabi thilyegrad. Fapi kiy rok Bishop nge Quorum President ma rrin’ nib bo’or ni gathi wo’ ko machib ney.

• Bachane babyor ney ke thilyeg ko pi’nen ni kam  yoeg kafram, gube yoeg ngomed: urngin e gidii’ ulane headquarter gadaed ko Galasia dani t’uf ningad nanged urogon fa bu’uw fa ningyal’ ningam mada’nog e gidii romed, machane gadadba a’dag ningam rrin’ ngam taw’athnog e gidii’ rom u gubin e rogon.

Pi walageg, Bayi wo’en ni ke pii’ tharmiy ngak gubin e Galasia ningad daged e tiliw nib machaelboeg u poewchen Got”⁸—“ma ayuweged gimed, ni nge yog ni ngam ba’ud gaed nge fal’eg laniyaen’ e pi’in nib t’uf rok’ ni ngan fal’eg laniyaen’, ningad ayuweged e le’engin ni dariy’ e mabgol roraed nge bitir ni dariy chitamangraed,”⁹ mabgol nib fel’ nge gidii’ ni daworiy’ mabgol, gidii’ nib gel nge waer, gidii’ nib gafgow nge fel’ rogon, gidii’ nib faflaen’ nge kirebaen’—arragon, gadad gubin, urngin e gidii’, bachane thingar ningad thamiyed e ayuw ko fagar ngad rungag’ed e m’ag ko mich. Machane, e fithingan nib be’ech, yalen nib be’ech, nge chigchig e babyor dabke thilyeg e pigpig rodaed fa’an dad guyed e chiylen riy’ ningad ayuwegdaed urrogon nib thothup. Nap’an ngad fi’leged owchdaed nib ya’el ningad paered ko fare motochiyel ko t’ufeg nib fel’ rogon, gadadba liyoer ngak fapi gidii’ u somm’on ni kar pigpigniged amrogon ko bo’or e duw. Gube weliy’ e ban’en ni ke fini buch nibe dag e athap e gidii’ rodad ra nang fan e motochiyeln Got ningad “mu paer rok mu ayuweged”¹⁰ e walagegdad.

Fa binem e January 14, rran ni Madnom, tomuren 5:00 p.m., gali fagar rog nib fel’ yangrow Brett nge Kristin Hamblin be sabethingow ulane tabinaew rorow u Tempe, Arizona, tomuren Brett ke pigpig ko bishopric nge Kristin ke chathowliy nel’ e bitir rorow.

U tompgin Kristin, cha’ ni ke gelnag e malad ko thuuth fa binem e duw ke fram, ke aw nga but’ ni dabke mitmita. Ke pinning e 911 me yib e togta ningar gayed rogon ningar ayuweg. Nap’an Brett ke meybil nib wenig ko ayuw, ke ngongoliy la’agruwi call: ta’areb ko nina’ rok me fith ninge ayuweg fapi bitir, nge bin reb ngak Edwin Potter, home teacher rok. Sabethin rorow ke yaen amrogon:

Edwin, ke guy caller ID, ke yoeg, “Ey, Brett, mogethin?”

Brett ke yoeg ni chuchugur ko tolul “Gube t’uf nigem—chiney!”

Chingyal’ ke matheg Brett, e fagar rok ko priesthood ke yib nga to’oben, me ayuweg e bitir make drivenog Brother Hamblin nga hospital ni lek e ambulance nibe koel e le’engin. Aram, tomuren 40 e minute nap’an ke ning e owchen, fapi togta kar oeged ni ke yam’ Kristin.

Nap’an ke yoer Brett, Edwin ke koel u paa’angin mar yoergow uta’abang—ko numpngin, ni numpngin e nap’an. Me tomur, ke chuw ko Brett ninge un e pi chongin e tabinaew rok nib kirebaen’raed, Edwin ke drivenog nga na’un ko bishop ninge weliy’ pinn’nem ngak. Fare bishop ke yaen nib papay nga hospital nap’an Edwin ke drivenag nga na’un rok Hamblin. Aram ir nge le’engin, Charlotte, ni ke papaynog ngaram, ke fafalgow ko nel’ i bitir ni dakurir e nina’ roraed ko Haamblin, yangraed ni 12 mada’ ko 3, duruwiy’raed e gaan, yin’ed e tang, me ayuwegraed ningar ranoed nga bet roraed.

Brett yoeg ngog nib tabuch, “Bin ma’ang’ang e ban’en ko chepin ney dani yib Edwin nap’an Kug callnog. Nap’an e magawon, bay yo’or e gidii’ nira ayuweg. Danga’, bin ma’ang’ang e yango ko chepin ney ni’ir en bee’ kug leamnag riy’. Bayi reb e gidii’ ngaram. Bay e walagen nib mo’on nge ppin rok Kristin ni yowba paer delip e mile ko tabinaew. Bay e bishop nib fel’ romow. Machane e tha’ rog ko Edwin amrogon ni kug callnog nap’an Gube t’uf e ayuw. Fare Galasia ba yarmiy e rogon ningad paered ko bin la’agruwi motochiyel nib fel’ rogon—ningad t’ufeged, pigpigniged, mag ngongoliy’ed e tha’ ko pi walageg nib mo’on nge ppin nima ayuweggaed ningad baed ngak Got”¹¹

Edwin ke yoeg marung’agen e chepin ney, “Ban’en nib minmin ko pin’ney ni Brett ke mang e home teacher ko tabinaew ko numpngin e nap’an ko e ningyal’ Kug mang e home teacher roraed. Tomuren boech e ningyal’, ke mang e fagar gathi e muruwel. Ke tay e fanow nib fel’, ya’an nib fel’ ko e priesthood. Le’engig, pi pagal romow, nge Gag dad guyed ir e bee’ ni chilyen rok ninge fek e milwol ngodaed urngin e pul, gamadba lemnag i’ir e fagar nibe paer nib yoror, nira rrin’ urngin e ban’en ninge taw’athnagdaed. Kug falflaen’ ni rayog Ningu fulweg boech e malfith Rog ngak.”¹²

Pi walageg, Gube un ngomed ningad yoeged e magaer ngak urgnin e sensei ko block nge sensei ko ward nge home teacher nge visiting teacher ni kar t’ufeged mar pigpigniged amrogon ufithik e mich  ko urngin e chepin rodad. E meybil rodad daba’ ni fan urngin e mo’on nge ppin—e mo’on nge rugod nib fel’ yangraed—ra chuweg ko general mo’olung ney mar fi’leged laniyaen’raed ningar ayuwegraed nib fel’rogon, udakaen e t’ufeg nib machaelboeg ku Kristus ningar mugu’uliyed riy’. Demtrug mang kad lemnag marunga’agen e mo’owaer, Ninge yoeg ningad mu’urwel’ uta’abong ulan e milay’ rok Somoel, ¹³ ma ayuweged ngak Got nge Chitimandad nu Tharmiy ko muruwel nib gaa’ rok ninge fulweg e meybil, pii’ e gol, ta’leg e yoer, nge gelnag raed.¹⁴ Fa’an ni ngad rin’ed binem, tababgaed ningad manged e gachalpen nib gol ku Kristus thingar ningad manged. Ninge yoeg ninge t’ufeged bigidaed woed rogon Irba’dag daed,¹⁵ Gube meybil udakaen e fithingan ku Yesus Kristus, amen.