2010-2019
Dekho! Ek Shaahi Sena Ke
April 2018


Dekho! Ek Shaahi Sena Ke

Kitne anand ki baat hogi sabhi Melchizedek Pristhud ke liye ki u long ke sikhaane, seekhne, aur kandha se kandha mila ke sewa kare ke ashirvaad mili ward ke sabhi sadasyon ke saath.

Hamare pyaare pristhud rakhnewaale bhaaiyon, bahut vinamrata ke saath hum i itihaasik aosar pe hum aapke saamne khada hai, hum long ke pyaare profat aur Pradhaan, Russell M. Nelson ke ichcha se. Hum ketna Parmeshwar ke i achche logon aur hamare naye Pratham Adhyakshta se pyaar aur u long ke sastain karta hai. Hum bhi apan gawahi deta hai Elder D. Todd Christofferson aur apan anye Bhaaiyon ke jaise jon Barah Devduton ke Korum me hai ki aaj sanjha ke jon badlaao batawa ge hai Prabhu ki ichcha hai.

Jaise Pradhaan Nelson ne kaha, i vishay par prarthnasheelta se charcha hua hai aur Girjaghar ke buzurg Bhaaiyon ne iske baare me kaafi lambe samay se dhyaan me rakkha hai. Prabhu ki ichcha dhoondhne aur Melchizedek Pristhud ke korums ko mazboot karne ka ichcha tha.Prerna mila tha, aur aaj sanjha hamare profat ne Prabhu ki ichcha zaahir kar diya. “Vaastav me Prabhu Parmeshwar apne daas profaton par apna raaz bina prakat kiye, kuch bhi na karega”!1 Hum long ke kitna ashish mila hai aaj ek jiwit profat paaye ke!

Hamare jiwan bhar, Bahan Rasband aur mae ne kayi Girjaghar aur pesha sambandhi kaaran se duniya ghuma hai. Hum lagbhag sab rakam ke unit ke sanchaalan ke dekha hai Girjaghar me: Russia me ek chota shaakha jahan ke Melchizedek Pristhud rakhnewaalo ki ginti ek haath me hoti hai, ek naya aur badhta hua ward Africa me jahan dono high priests aur elders ek hokar milte hai kyunki Melchizedek Pristhud ka sankhya bahut kam tha, aur achchi-tarah-aayojit wards jahan ke elders ki sankhya ke kaaran quorums ko do quorum banaye gaye!

Jahan bhi hum gaye hai, maine Prabhu ke haath ko Uske sewakon se pehle kaam karte dekha hai, logon aur raaste ko tayyaar karna taaki Uske sab ladkan ke apan jarurat anusaar ashirvaad mil sake. Kya Usne waada nahi kiya hai ki Woh “[hum long] ke aage jaaega” aur “[hum long] ke daae aur [hum long]ke baae or rahega” aur ki Uska “Aatma [hum long] ke hridayon me, aur [Uske] farishte [humare] ird-gird rahega”?2

Aap sab ke baare me soch ke, hamein i hymn yaad aais “Dekho! Ek Shaahi Sena Ko.”

Dekho! Ek shaahi sena ko,

Jhanda, talwaar, aur kawach leke,

Jeetne ke liye march karte hai

Jiwan ke mahaan ranbhumi me.

Har taraf saenik bhare hai,

Ikathit, nidar, aur balwaan,

Jo apne Senapati ka kaha maante hai

Aur unka anandit geet gaate hai.3

Elder Christofferson ne kayi sawaalon ke jawaab diye hai jo ward me zaroor uthenge high priests grups aur elders korums se, ki u long ke, Melchizedek Pristhud ke, ek balwaan bhaaiyon ke sena me kara jaawe hai.

In pariwartan se elders korums aur Sahayak Sansthaaon ke kaam ek jaise ho jaaenge. Usse korum aur bishoprik aur ward council ke sanchaalan bhi aasaan hoi jaawe. Aur woh bishop ko maoka dete hai elders korum aur Sahayak Sanstha pradhaano ke aur jaada jimwaari dewe ke taaki bishop aur uske salaahkaar apan sabse mukhye kaaryon par gaor karein—khaaskar jawaan mahilaaon aur jawaan purush jon Aaronic Pristhud rakkhe hai pe adhyaksh kare ke liye.

Girjaghar ke sanstha long aur jimwari me badlaao saadharan hai. 1883 me Prabhu ne Pradhaan John Taylor se kaha: “Mere Girjaghar aur Pristhud ke sanchaalan aur vyavastha ko [le ke] … hum tumme batata hai, samay samay pe, jin zariyo se maine niyukt kiya hai, jo kuch bhi mere Girjaghar me aage chal ke badhanti me jaruri hai, mere raajye ke sudhaar aur aage chalne ke liye.”4

Ab, aap bhaai jo priest hai ke liye kuch shabd—yeh jaane ki hum aapse pyaar karte hai! Hamare Swarg ke Pita Aapse pyaar karte hai! Aap pristhud ke shaahi sena ka ek maahir bhaag hai, aur hum aapke achchaai, sewa, anubhav, aur sachchaai ke bina is kaam ko aage nahin bada sakte hai. Alma sikhlaais ki admi long ke high priest banawa jaaye u long ke badhte biswaas aur achche kaarye ke kaaran auron ko sikhaane aur dekhrekh karne ke liye.5 Shaayad pehle se bhi zyaada us anubhav ki abhi zaroorat hai.

Dher ward long me, saait ke baad high priest long ke ab maoka rahi ek elder ke u long ke korum pradhaan bante dekho. Hum long dekhega kaise elders long misaal kaayam kari high priest long pe adhyaksh karke: elders abhi shaakha pradhaan hai duniya ke kuch jaghon pae jahan shaakha me high priest hai, aur wahan shaakhaaen hai jisme sirf ek elders korum hota hai aur high priests maujood rehte hai.

Kitne anand ki baat hogi sabhi Melchizedek Pristhud ke liye ki u long ke sikhaane, seekhne, aur kandha se kandha mila ke sewa kare ke ashirvaad mili ward ke sabhi sadasyon ke saath. Jahan kahi bhi tum ho aur jo bhi tumhare paristhiti ho, hum aapke amantrit karta hai praathnasheelta, biswaasipan, aur anandit ho ke naye maokon ko apnaaon aguwaai kare ke ya aguwaai paawe aur sewa kare ke kostin ekta me pristhud bhaaiyon ki tarah.

Ab hum kuch aur vishay pe charcha karega jiske kostin thoda safai ke jarurat rahi jab hum long aage badhega Prabhu ke ichcha pura kare me pavitra pristhud ke Uske korums ke ayojna ke lekar.

Ek stake high priest ke korum me kya badlaao hai? Stake high priests korum jaari rahi apna kaam me. Stake adhyakshtaaen sewa karte rahenge stake high priest ke korum adhyakshta ke jagah pe. Haalaanki, jaise Elder Christofferson ne samjhaya, stake ka high priests ka korum ab un high prieston ka hoga jon abhi stake adhyakshta, bishopric, high council, aur patriarch ke padwi me hai.Ward aur stake clerks aur executive secretaries stake high priest korum ke sadasye nahin hai. Jab woh jo high priest, patriarch, Sattar, ya Devdut ke jagah pe sakriye(active) hokar sewa kare hai aur kisi ward me ghumne jaata hai aur chahata hai ki pristhud sabha me bhaag le, woh elders korum ke saath baethega.

In kollings me jab bhaai mukt hote hai samay aane par, woh apne ghar ke unit pe waapas elders korum ke sadasye ke rup me jaaenge.

Stake high priests korum ka kartavvye kya hai? Stake adhyakshta high priests korum ke sadasyo se milta hai saath me salaah karne, gawahi dene, aur train karne ke liye. Stake sabhaaen do badlaao ke saath jaari rahengi jaise hamare handbook me diya gaya hai:

Ek, wards aur stakes ab pristhud executive committee sabha nahi rakhenge. Agar ek khaas ward ka samasya aa jaaye, jaise ek naazuk parivaar waali samasya ya ek asaadharan welfare chunaoti, use ek faela hua bishoprik sabha se liptaaya jaa sakta hai. Anye kam-naazuk samasya ward council me charcha ki jaa sakti hai. Jo pehle stake pristhud executive committee sabha kehlata tha use ab “high council sabha” kaha jaaega.

Dusra, stake ke sabhi niyukt kiye high priests ka vaarshik sabha ab nahin hoga.Haalaanki, stake adhyakshtaaen ek vaarshik sabha karenge stake high priests korum ka jaisa aaj ghoshna hua hai.

Kya ek ward me ek se zyaada elders korum rahe sake? Jawaab haan hai.Doctrine and Covenants section 107, verse 89ke uddharan lekar, jab ek ward me bahut jaada ectiv Melchizedek Pristhud rakhne waale rahe, leaders long sake ek se jaada elders korum ayojit kare. Ayse stithiyon me, har ek korum me umra, anubhav, aur pristhud office aur taaqat ke milaan me paryaapt belans hona chahiye.

Hum gawahi deta hai ki jabki hum long aage badhega i apan wards aur stakes me prerna bhara korum pariwartan me,hum dher saare ashirvaad dekh sakenge. Aao mae sirf kuch uddhaaran de dun.

Bishop ke aguwaai me, jaada pristhud saadhanon se shaayad uddhaar ke kaam me sahayta milega. Is me shaamil rahi Israel ka ikattha hona mandir aur parivaar itihaas kaarye ke zariye, zarooratmand parivaaron aur logon ke saath kaam karke, aur prachaarako ki madad karna Ishu Masih ke kareeb aatmaaon ko laane me.

Jab purane adhyaksh karne waale neta elders ke korum me waapas aai ke apan anubhav batae, korum ke sadasyata sake mazboot howe.

Kayi tarah ke uphaar aur chamta rahi korum me.

Ward aur korum me abhi aur ejant waale zarooraton ko niptaane me zyaada fleksibal aur maojood honge aur hamare kayi dekhrekh ke kaam ko pura karne me.

Jab ek naya elder aur ek anubhavi high priest bagal bagal baith ke, apan anubhav sheya kari, korum ke sabha aur kaaryon me salaah dena(mentoring) aur ekta badhi.

Aasha hai bishops aur shaakha pradhaan ko apan kollings ke pura kare me aazaadi milegi apne bhed ko surakshit rakhne me aur zarooratmand ki dekhrekh karne me.

Hum long samajhta hai ki sab ward aur stake me fark rehwe hai. I fark ke samjhe me, hum long aasha karta hai ki aap long i badlaao pe sahi tarah se amal karega i maha sammelan ke turant baad me.Hum long ke Parmeshwar ke ek profat se aguwaai mila hai! Kitna bhaari ashirvaad aur zimmedaari. Aao hum ise pure sachchaai aur lagan se sab karein!

Hum aapke yaad karata:pristhud adhikaar set apart aur ordain howe se mile hai, lekin sachcha pristhud ke shakti, jo ki Prabhu Ishu Masih ke naam se kaarye karna hai, sirf sachchaai ke jiye se milega.

Prabhu Profat Joseph Smith, Punahsthaapna ke profat, ke prakat karis:

“Aao, dekho, hum aapke bhed ke khyaal rakhega, aur elders long ke paalega aur u long ke paas bhejega.

“Dekho, hum apna kaarye sahi samay pe furti se aage badhaunga.”6

Sachmuch, yahi woh samay hai jab Prabhu apan kaam furti se aage badhaawe hai.

Aao hum i maoka ke faeda uthaae apan jiwan pe gaor kare aur usme sudhaar laaye jisse hum long sako Uske ichcha anusaar jiyo taaki hum u dher saara ashirvaad paawe sakega jon U sachcha aur biswaasi ke vaada karis hai.

Bhaaiyon, bahut dhanyevaad aap sab ke jon kuch bhi aap karta hai i vishaal kaarye me. Hum aasha karta ki hum long i mahaan aur sammaan ke kaarye me aage badhega.

Oh, jab yudh khatm hoga,

Jab ladaai aur jaghde band hoge,

Jab sab surakshit saath honge

Shaanti ke waadi me,

Anant Raaja ke saamne,

Woh bhaari aur bahadur bheedh

Uske naam ki hamesha taareef karega,

Aur yeh hoga unka geet:

Jeet, jeet,

Unke dwara jisne hamein mukti di!

Jeet, jeet,

Ishu Masih, hamare Prabhu ke dwara!

Jeet, jeet, jeet,

Ishu Masih, hamare Prabhu ke zariye!7

Aaj hum sab Prabhu ke gawaah ban ke khada hai Uski ichcha Uske profat, Pradhaan Russell M. Nelson ke dwara prakat karte huwe. Hum gawahi deta ki yeh Parmeshwar ka profat hai is dharti pe. Hum Prabhu Ishu Masih ke gawahi deta, jon hamaar mahaan Muktidaata aur Uddhaarkarta hai. Yeh Uska kaam hai, aur yeh Uski ichcha hai, jiske hum pavitra gawahi deta hai Ishu Masih ke naam se, amen.