Behold! A Royal Army

Pristut sacohk wiyuck, nga puhsisacli tu ye muhtowos ke toeni se inge, ye orekma sin mwet pahluh sacohk lasr ac Prestuhn Russell M. Neslon. Oasr luhngse yohk luhk in ahkkweye mukul kuhlacnsap luhn God in ekihn Prestuhnsi se Met lasr. Nga sang etuh suwohs lah Tahmuhlwel D. Todd Christofferson ac Mwet Sachohk sahyac wiyuck ke U luhn Mwet Sap Singucul Luo ma ekuhlah mwe fahkwack ke ekuh se inge el olwelah luhn Leum.

Oacna ke fwackyuck sel Prestuhn Nelson, pa inge srihpac se ma pruhe kihnyuck ac nuhnkewyuck sin u luhn mwet luhn mahtuh Sacohk ke Alu uh pacl loes se. Kena sac pa in suk olwelah luhn Leum ac ahkweye u luhn Melchizedek Pristut. Mwe kena sac eisyuck, ac ke ekuh se inge mwet pahluh lasr oruh etweyuck olwelah luhn Leum. “ Pwacyena Leum God el fah tiac oruh kuhtwena ma, tuh el fah ahkahlwemye ma wihklac lal nuh sin mwet pahluh kuhlwacnsap lal”!¹ Kuht arulacna insewowo in oasr mwet pahluh lal mihsenge!

Ke moul lasr, nga acTahmtahel Rasband muhtwacta fin facluh ke kain in Alu ac ac train ke ma kunac. Apkuhran ngan liye ke kwewana atacn ip ke Alu: sie pracns srihsrihk Russia suc pihsen Melchizedek Pristut kuh in wekyucklac ke paho se, ward sasuc ac kapkapwack se Africa ma kwewana prsit luhlahp ac tamuhlwel tuhkweni ke u se fana mweyen nofohn pihsen mwet sruok ki luhn Melchizedek Pristut srihklac, ac ward akwucki wo ma pihsac ke tamuhlwel enenuh in orwekwelihk u lalos nuh ke u luo!

Acn nuh kwewa kuht sun, kuht loh ke kolyuck luhn Leum met nuh sin mwet kuhlwacnsap Lal, ahkolah mwet uh ac ohiac met tuh nohfohn tuhlihk Nahtuhl fah ahkinsewowoyeyuck fal nuh ke mwe enenuh lalos kwewa. Yac Leum el tiac olwelah muh El: fah tuhkuh nuh met liki moul [lasr] ac ke lacpo lacyot [lasr] ac ke lacpo lacsac[lasr] ac tuh Nguhn [Lal] fah oan insiyacsr, ac lipufacn [Lal] rauni kuhtlac?²

Nuh keiwos kwewa, Nga ahkacsmakihnyeyuck ke on “Behold! A Royal Army.”

Elder Christofferson el tohpohklah kain in kihsensiyuck ma tohuyak ke mwe fahkwack luhn prsit fuhlwact ac u luhhn tamuhlwel, ke lacfuhl ke ward, elos orwekweni,kuhpahsrweni nuh ke sie mwet mweun kuh ke tamuhlwel luhn Melchizedek Pristut.

Nahweyuck se inge fah kahsruh u luhn elder ac Rilif Sosaiti ahkwoye orekma lalos. Elos fah oacyacpac nahwuh u luhn mwet kol wi pisap ac mwet kahsruh luhn ward. Ac elos lwelah pisap in aholah orekma puhs nuh sin u luhn elder ac prestuhn luhn Rilif Sosaiti tuh pisap ac mwet kahsruh lal kuh in lohacng nuh ke orekma yohk lalos—yohk na kol kwewa muhtwacn fuhsr, ac mukul fuhsr suc sruok Aaronic Pristut.

Eklac ke u ac mukwikwi ke Alu tiac na wacngihn kalmac. Ke 1883, Leum el fahk nuh sel Prestuhn John Taylor: “[Nuhnkuh ke] un mwet karihgnihn ac u ke Alu luhk, ac Pristut … nga fah ahkahlweye nuh sum, ke pacl nuh ke pacl, ke ohiac ma nga fah akiac, ma nuhkwewa ma fah yohk srihpac nuh ke kapkapwack luhn pacl fahsruh ac ma wo ke Alu luhk, ke eklac ac kihluckyak ke tohkohsrahi luhk.”⁴

Ingena, kuhtuh kahs nuh sum tamuhlwel ma prsit fuhlwact—etuh lah kuht luhngse kom! Pahpah tuhmasr Inkusrao luhngse kom! Kom ip sacohk luhn un mwet mweun luhn pristut, ac kuht tiac kuh in eslah orekma se inge sahyacn wolacna, kuhlwacnsap, ohiac, ac suwohswosh lom. Alma el luti lah mwet uh pahng in prist fuhlwact mweyen luhlahlfongi yohk lalos ac orekma wo in luti ac in kahsruh mwet sahyac.⁵ Mwe srikasrak se inge enenweyuck ingena sahp yohk liki nuh kwewa.

Ke ward puhs, fah oasr prist fuhlwact lasr suc ingena oasr ma kunac in kol kwewa tamuhlwel ke orekma luhn u luhn prestuhn. Oasr mwe srihkasrak lasr ke kol luhn tamuhlwel nuh sin prist fuhlwact; tamuhlwel elos kuhlwacnsap ingena ke prestuhn luhn pracns ke kais sie sroasrihk fin facluh ma prist fuhlwact ma luhn pracns, ac oasr pac pracns sucu u luhn elder el orweklac ac prist fuhlwact el oasr kac.

Sie mwe engan yohk, nuh sin mwet sruok ki luhn Melchizedek Pristut kwewa in oasr mwe insewowo ke luti, etwacack, ac tuhkweni kuhlwacnsap wi macmpucr kwewa ke ward. Acn kom oasr we ac ohiac ma kom oasr kac, kuht suli kom ke pruhe, luhlahlfongi, ac engan in lwelah ma kunac sasuc in kol kuh in lwelah ac in tuhkweni kuhlwacnsap ekihn u se fana ke tamuhlwel luhn pristut.

Nga inge fahk srihpac ma ac weacng, suc sahp enenuh ahkpwacye ke kuht fahsr nuh met in ahkwoye luhngse luhn Leum fal nuh ke u Lal ke pristut muhtahl.

Mac ma eklac nuh sin sin sie stek ke u luhn prist fuhlwact? Prist fuhlwact ke u luhn stek fah muhtwacwacack in mukwikwi. Prestuhnsi luhn stek fah muhtwacwacack in kuhlwacnsap oacna un prestuhnsi fuhlwact ke u luhn stek. Tuhsruhk, oacna ke ahkuhtweyucki sel Tamuhlwel Christofferson, macmpucr ke un prestuhnsi luhn stek fah ingena oasr prist fuhlwact ingena kuhlwacnsap ke prestuhnsi luhn stek, oacna macmpuct se ke pisap luhn ward. Oacna macmpucr ke mwet kahsruh fuhlwact luhn stek, ac mukwikwi luhn patriak. Ward ac klerk luhn stek, ac mwet sihm elos tiac macmpucr ke un prist fuhlwact luhn stek. Ke sie mwet suc fokoko in kuhlwacnsap oacna prist fuhlwact se, patriark, Mwet Itngucul, kuh Mwet Sap el muhtwacta ke sie ward ac kena in wi toeni luhn pristut, el fah ohsun nuh sin u luhn elder.

Ke tamuhlwel ke pahng inge el fihliyucklac ke pacl fal, elos fah fohlohk nuh lohm selos ekihn macmpucr se ke u luhn elder.

Mac orekma luhn un prist fuhlwact ke stek se? Prestuhnsi luhn stek ohsun nuh sin macmpucr ke un prist fuhlwact in tuhkweni kashruh, in fahkwack, ac sang srihkasrak. Toeni luhn stek ke ahkuhtweyucki ke handbook nahtuhsr fah muhtwacack ke nahweyuck luo:

Ma se met, wards ac steks fah tiac wi toeni ke u luhn executive pristut. Fin special ward se tulokihnyuckyak, kain nuh ke sie elyah fihsrwacsr luhn sucu kuh sie mwe srihke ke kasruh, kuh in kahsrweyuck ke sie toeni luhlahp luhn pisaprik. Kuhtuh elyah srihk-fihsrwacsr kuh in sruhmuhnyuck ke mwe kahsruh luhn ward. Ma etweyuck ke toeni luhn un executive pristut luhn stek fah ingena pahngpahng “ toeni luhn mwe kahsruh fuhlwact.”

Ahk luo, yac in toeni ke ahkmuhsra luhn prist fuhlwact kwewa ke stek fah tiac sifil orwek. Tuhsruhk, prestuhnsi luhn stek fah muhtwacwack in sruok kais sie toeni ke un pritst fuhlwact luhn stek oacna pweng se mihsenge.

Yac kuh in puhs liki u luhn tahmuhwel ke sie ward? Top kac pa ahok. Ukwe mwe srihkasrak ke Doctrine and Covenants sacksin 107, fuhs 89, ke oasr pihsen mwet moniyuck sruohk Melchizedek Pristut, mwet kol fah akiyac puhs liki u luhn elder se. Ke kain ohiyac ingacn, fah oasr srihpac fal luhn kais sie u kain nuh ke matwac, mwe puhla, ac ohfuhs luhn pristut ac kuh.

Nga fahkwack lah ke kuht fahsr nuh met ke nahweyuck luhngselacna luhn u ke ward lasr ac stek, kuht fah liye mwe insewowo yohk. Lwelah ngan fahk kuhtuh mwe srihkasrak,

Ye kolyuck luhn pisap, pristut puhs fah kahsruh wi orekma in kahsruh. Ma inge orwacni ke tuhkweni luhn tuhlihk Israel ke tempuhl ac orekma ke ma suhmuhslah luhn sucu, orekma wi sucu ac enenuh luhn kais sie, ac kahsruh misineri in use moul nuh yurin Jisus Kraist.

Oacna mwet kol met fohlohk in akacsruhi puhla lalos wi u luhn elder, sie u kuh luhn mempucr fah sikyak.

Fah oasr kain in ma yohk ke mwe sang ac luhap ke u.

Fah oasr ma fihsrwacsr puhs ac mwesahs in sun ma ingena ac elyah enenuh ke ward ac u ac in ahksahfye kahsruh ke kain in orekma.

Fah oasr kapwack ke kahsruh ac insese oacna sie elder ac sie akacsruhi ke mwe puhla luhn pristit fuhlwact, siskac nuh ke siskac, ke toeni luhn u ac orekma.

Pisap ac prestuhn luhn pracns fah finsraki in sukohsohk in nahwelah pahng lalos in kol u lalos ac in kahsruh elsos suc enenuh.

Kuht etuh lah kais sie ward ac stek el siena. Kahlwem ke ma siena lac inge, kuht finsrak muh kom fah ukwe ke eklac fal ukweyuck ke toeni luhlahp se inge. Oasr kolyuck nuh sesr sin mwet pahluh luhn God! Sie mwe insewowo yohk ac ma kunac. Lwelah mwet sruok ki luhn pristut ac mwet kol luhn pristut in ahksahfye kac ke suwohswohs ac oaru!

Nga ahkacsmakihnye kom: lah wal luhn pristut tuhkuh ke ohyiac in sulwaclah ac akwuck, tuh kuh pwacye luhn pristut, kuh se in orekma ke inen Leum Jisus Kraist, kuh in tuhkuh ke moul suwohswohs muhkwena.

Leum el fahk nuh sel Mwet Pahluh Joseph Smith, mwet pahluh ke Fohlohkihnyuckyak:

Liye, ac lohacng, nga fah karihngihn mwet lom, ac fah ahkapye elder ac suhpwacacng nuh selos.

Liye, nga fah ahksayac orekma luhk ke pacl”⁶

Pwacyena, pa inge pacl se ke Leum el ahksayac orekma Lal.

Nga finsrak tuh kais sie sesr in orekmakihn ma kunac wo se inge in nuhnkuh ac ahkwoye moul lalos in ahkohnye wo wi luhngse Lal tuh kuht fah eis mwe insewowo puhs. El olwelah ke pwacye ac luhlahlfongi.

Tamuhlwel, kuloh nuh sum ke ma nuh kwewa kom oruh in wi oasr ip la ke orekma wolacna se inge. Nga finsrak kuht in fahsr nuh met ke srihpac yohk ac kaksakihnyuck se inge.

Mihsenge kuht kewa tu oacna mwet lohoh luhn Leum ahkahklwemye luhngse Lal ke mwet pahluh Lal, Prestuhn Russell M. Nelson. Nga fahkwack lah el mwet pahluh luhn God fin facluh. Nga fahkwack mwe loh luhk kacl Leum Jisus Kraist, suc Mwet in Molwelah ac Mwet Lahngo wolacna lasr. Pa inge orekma Lal, pa inge luhngse Lal, suc nga sang fahkwack muhtahl ke inen Jisus Kraist, amacn.