Kristus ni fare Somoel Ab Fos e Daba’

Pi walageg, nap’an ni kab bitir fak mow nib pagal, ma guma yon’ e yat ngoraed ni mornga’agen mit e kus ni kanog e beagle nga’ ma kugma yon’ e tang ngoraed, “Kristus ni fare Somoel nib fos e dbay, alleluia!”¹ Boech e ngiyal’ ma guma thilyeg fapi thin riy: Chiney e ngiyal’ ni ngan yan ngan mol—alleluia. Oran e ngiyal’ mab papay ni ma mol fapi pagal romow; yaed manang ni fa’an yaed ra mol, mug tal i yon’ e tang.

Thin—nib ga’ ni thin rog—e dabiyag ni nge weliy gelngin fare thamtham ni yib ngog u nap’an ni fek President Russell M. Nelson pa’ag, nibay Susan u chureg, me pi’ ngog fare koling nib thothup ni ke yib rok Somoel nu gin ma ke degeyeg ni gube yor e gali rran ney nike thimur

Ko re Madnom ney nifen e Easter, gube yon’ e tang, “Alleluia.” Fare tang nifen fare bayul² rok fare Tathapeg ni gadaed ma madnom nang fapi motochiyel (nima peth nagdaed ngak Got magdaed chuchgurgaed ngodaed) nge fare Bayul rok Yesus Kristus (ni nge ayuwegdaed ni dab da manged e gidii’ nib fekyath nge bpin min matal ko fare thogthog rok fare Kan ni Thothup³).

U ta’abang, fapi m’ag nge fare Bayul rok fare Tathapeg e ra gelnangdaed me pi’ gelngindaed. Ta’abang, me ayuweg daed ngad gel gaed ma gadaed pag. Ta’abang, me athibthib, me mangil, nge thothup, me thap.

Ni yog fare Profet Joseph Smith: “Boech e gidii’ e bayi sap ngay ni woed ba m’ag ni ba mom’aw ningan kol folen—ba gelngin ni tin ni bay ni m’ag u fayleng e bay kun m’ag u tharmiy. Arogon, ga’ngin yang u fayleng, nap’an nra pi Somoel e thogthog ngak fare priesthood, fa ngak be’, fa yaed urngin, biney e gelngin e kab gafram ma yima pi’.”⁴

Ni woed e daba’. Pi m’ag nge pi gam’ing, ni dariy u biyang, ni kan pi’ ngak fare 159 e na’un nib thothup rok Somoel ko fare 43 e nam. Taw’ath ni kan micheg e ra yib u dakan fare kiy ko priesthood, doctrine, nge fare gelngin, ni be yan u gelngin e mich rodaed, fol ni gadaed be tay, nge fare micheg ko fare Kan ni Thothup, ko biney e mfen, ko ngiyal’ riy nib manachalbog.

Pi walageg ni gidii’ u urngin e ganong, nge thin, nge gubin mit e gidii’, kamagargaed ko mich romed, athap, nge fare t’ufeg. Kamagargaed ni gamed reb gidii’en fare gospel ni kan fulweg bayay.

Pi walageg, gadaed t’areb i guruy i gidii’. Rayag ni ngaed “t’arebgaed u fithik e t’ufeg”⁵ ko gubin ban’en nge gubin yang.⁶Somoel ni Yesus Kristus e be pining daed, demtrug e gin ni gadaed bay riy, demtrug ko mange magawon rodaed, wenig “moy ngam guy.”⁷

biney e rran, ma gube ognang “ni gubin gelngin gum’richa’eg, ⁸ demtrug ko mang e nge rin’ fa nge buch, ngak fare Tathapeg rog, ngak Susan rog nge tabinaew romow, fapi walageg, nga gimed, o pi walageg.

Gubin ban’en nib riyul’ mab manachubog e ir lukngun fare Got ni’ir fare Chitamangdad ni bay U Tharmiy nge Fak, Yesus Kristus, nge fare Bayul Rok’, nibe micheg fare Kan ni Thothup.⁹ Iraray e Madnom nib Easter. Gube micheg nibay fare Kristus nib fos—ni’ir e “yim’, min key’ag, me foskoyam’ ko bin dalip e rran ngay, me sul nga tharmiy.” ¹⁰ Ni’ir e Ga’ ko Gubin¹¹—ni’i moy rodaed ko somm’on, ma Kubay rodaed nge mada’ ko tomur.

Gube micheg mornga’agen e pi profet rodaed, tabab ku Profet Joseph Smith nge taw ku Russell M. Nelson, ni gadaed ba falfalen’ ngorad. Napan ni yoen’ e bitir ko Primary rodaed e, “Laek fare Profet; manang e kanawo’.”¹²Ku guy ni, rogon nikan micheg u lan fapi chep nib thothup, nib mu’un u lan Fare Babyor ku Mormon: Kureb e M’ag rok Yesus Kristus, “fare gil’ilungun Somoel [e] kukun fal’eg biyay nga fayleng, ni yibe fal’eg rogoy ko bin L’agruw e Wub rok fare Messiah.”¹³ U dakean fithngan Yesus Kristus nib thothup, amen.