Jaise Masih Aapke Chama Kare, Waise Hi Tum Bhi Karo

“Ab hafte ke pehle din, ekdam sabere, woh kabra par aayi, un mahekte huwe cheezon ko lekar jo usne tayyaar ki thi.

“Aur unhonne patthar ko kabra par se hata hua paaya.

“Aur jab bhitar gaye, aur Prabhu Ishu ki deh na paayi.

“Aur aesa hua, jab woh is baat se haeraan the, to dekho, do purush chamkile kapde pehne unke paas aa khade huwe:

“Aur jab woh dar gaye, aur dharti ke taraf muh jhukaae rahi, to unhonne unse bola, Tum jiwit ko mare huwon me kyun dhundhti ho?

“Woh yahan nahi, parantu ji utha hai.”¹

Kal, Easter ke Raviwaar par, hum long ek khaas rakam se Ishu Masih ke yogdaan yaad karega hum long ke kostin: “Kyunki Parmeshwar ne jagat se aesa prem rakha ki us ne apna iklauta Putra de diya, taaki jo koi us par biswaas kare woh naash na howe, parantu anant jiwan paawe.”² Ant me, hum long bhi punarjiwit hoega Usi ke tarah, hamesha ke liye jiye ke kostin.

Ishu Masih ke Praeshchit ke chamatkaar ke kaaran, hum bhi apne paapo aur galtiyon se chama ka uphaar paa sakte hai, agar hum pashchataap ke maoka aur zimmedaari ko swikaar kare. Aur zaroori dharamvidhiyon ko paakar, vachano ko nibha kar, aur aagyaaon ka paalan karke, hum anant jiwan aur unnati paa sakte hai.

Aaj, mai chama, jo ki ek zaroori aur anmol uphaar hai hamare liye pe gaor karunga, jo Uddhaarkarta aur Muktidaata, Ishu Masih se mila hai.

1982 ke ek December ke raat ko, meri patni, Terry, aur mai apne ghar Pocatello, Idaho me aaye ek phone kol se jaage. Jab maine phone uthaya, mujhe sirf rone ki awaaz sunai di. Baad me, mere bahan ne koshish karke boli, “Tommy nahi raha.”

Ek 20-varsh-ka sharabi aadmi, Denver, Colorado me 85miles(135km) prati ghante se zyaada ki tezi se stoplight ko paar kar gaya. Woh badi nirdayata se mera sabse chota bhaai, Tommy, jon gaadi chalata raha se jaa takraya jisse uska aur uski patni, Joan ka tatkaal dehaant ho gaya. Woh ek Bada Din ke party se waapas laut rahe the apne ek choti beti ke paas.

Meri patni aur mai turant hi hawaijahaaj se Denver gaye aur mochari pahunche. Hum apne maata-pita aur bhaai-bahano ke saath ikattha huwe aur apne priye Tommy aur Joan ke liye shok manaye. Humne unhe ek bematlabke apraadh ke kaaran kho diya tha. Hum bahut udaas ho gaye the, aur us jawaan aadmi ke khilaaf hamaar gussa badhe laga.

Tommy United States ke Nyaye Vibhaag me wakeel ke rup me kaam kar chuka tha aur Native American zameenon aur prakritik resosas ka mazboot pratinidhi banne waala tha aane waale varsho me.

Kuch samay beetne par, us jawaan aadmi ko lekar adaalat me sunwaai thi kyunki woh gaadi se kisi ko maarne ka jimwaar tha. Apne dukh aur gam me, mere maata-pita aur meri badi bahan, Katy, sunwaai par gaye. Sharabi draivar ke maata-pita bhi wahan the, aur snwaai ke baad, woh ek bench par baeth kar roye. Mere maata-pita aur bahan paas hi baethe the jahan woh apne hi jazbaato par kaabu paa rahe the. Ek pal ke baad, mere maata-pita aur bahan khade huwe aur draivar ke maata-pita ke paas gaye aur unse sahanubhuti aur maafi ke bol kahe. Dono aadmiyon ne haath milaae; mahilaao ne haath pakde; bahut gam aur aansu tha sab ke beech aur yeh ek pehchaan ki dono parivaaro ne bahut saha tha. Maa, Pita, aur Katy ne apne shaant taaqat aur saahas se hamare parivaar ko dikhaya chama karna kaisa hota hai.

Un chano me chama dikhawe se hamaar apan dil bhi pighal ge aur changaai ke maarg khula. Samay beetne par maine seekha kaise ek chama karne waala dil rakh sakte hai. Sirf Shaanti ke Raajkumar ke madad se hi hamaar itna peeda la bojh hate paais raha. Hamaar dil sab taaim Tommy aur Joan ke miss kari, lekin chama kare se ab hum sakta u long ke azaad khushi se yaad kare. Aur hum janta hum long phir sange rahega ek parivaar ke rakam.

Hum i nahi bolta ki hum long ke chaahi gaer-kaanooni kaam ke swikaar karo. Hum long to i achcha se janta hai ki insaan ke apan apraadhi kaam aur gaer-kaanooni kaam ke liye jimwaar paaya jaayi. Haalaanki, hum yeh bhi jaante hai ki, Parmeshwar ke bete aur betiyaan hone se, hum Ishu Masih ke sikhshan par chalte hai. Hamein tab bhi chama karna chahiye jab hamein lage ki dusre log chama ke laayak hi nahi hai.

Uddhaarkarta ne sikhlaya:

“Isliye yadi tu manushye ke apradh chama karega, to tumhara swargiye Pita bhi tumhe chama karega:

“Par yadi tu manushye ke aapradh chama nahi karega, to tumhara Pita bhi tumhara apradh chama nahi kari.”³

Hum sab nahi bataye sake la shaanti paaye sakta hai aur Uddhaarkarta ke sange mile sakta jab hum long ke khul ke chama kare ga jon hum long ke khilaaf galti karis hai. I saath se Uddhaarkarta ke shakti hum long ke jiwan me aawe hai ek sahi aur na-bhulaae-jaaye-la tarika se.

Devdut Paul ne salaah diya:

“Isliye, Parmeshwar ke jo chune huwe hai, … badi karuna, aur bhalaai, aur deenta, aur namrata, aur sahansheelta dhaaran karo;

“Ek dusre se dhaerye rakhna, aur ek dusre ke apraadh chama karo … : jaise Masih ne tumhare apraadh chama kiye, waise hi tum bhi karo.”⁴

Prabhu ne Khud ghoshna kiya:

“Isliye, mai yeh kehta hoon tumse, ki tumhe ek dusre ko chama karna hai; kyunki jo apne bhaai ke galti ko chama nahi karta Prabhu ke saamne doshi tehraata hai; kyunki usme bada paap hai.

“Mai, Prabhu, unhein maaf karunga jise mai chaahun, magar tumhare liye zaroori hai sabhi manushye ko maaf karna.”⁵

Hamare Uddhaarkarta aur Muktidaata, Ishu Masih, ke seekh saaf hai; paapi ko tayaar rehna hai dusron ko chama karne ke liye agar use khud chama paane ki aasha hai.⁶

Bhaaiyon aur bahano, kya hamare jiwanon me log hai jinhonne hame dukh diya hai? Kya hum unse naaraazgi aur krodh ke ehsaas rakhte hai? Kya hum ghamand ke kaaran chama nahi karte aur bhool nahi paate? Hum sab ke amantrit karta hai ki puri tarah se chama kar do aur andar se h changaai ko kaam karne do. Aur chaahe aaj hi na chama kar paao, yeh jaano ki agar hum chaahenge aur uske koshish karenge, woh ho kar rahega—jaise aakhir me woh mere liye hua mere bhaai me maut ke baad.

Kripya yeh yaad rakhein ki chama ke liye zaroori hai ki hum khud ko bhi chama kare.

“Jo log apne paap se chama paa liye hai,” Prabhu ne kaha, “use hi chama milega, aur mai, Prabhu, use phir nahi yaad rakhta.”⁷

Mai niwedan karta hoon aaj hum sab se Ishu Maseeh ke uddharan ko yaad rakho aur us par chalo. Golgotha ke krus par, apne peeda me, Usne yeh baat bole: “Pita, inhe chama kar; kyunki yeh nahi jaante ki kya kar rahe hai.”⁸

Mere maata-pita aur badi bahan ki tarah, ek maaf karne waala aatma rakhne se aur uspar amal karne se,hum Uddhaarkarta ka vaada samajh paate hai: “Mai tumhe shaanti diye jaata hoon: apni shaanti tumhe deta hoon. Tumhara mann vyakul na ho, aur na dare.”⁹

Mai gawahi deta hoon ki yeh shaanti hamare jiwan me aaegi jab hum Ishu Masih ke seekh ko sunenge aur Unke uddharan par chalenge dusron ko chama kar ke. Jab hum chama karenge, mai vaada karta hoon ki Uddhaarkarta hamein mazboot karega, aur Unki shakti aur anand hamare jiwan me aaega.

Kabra khaali hai. Masih jiwit hai. Main Unhe janta hoon. Mai usse prem karta hoon. Mai Unke upkaar ke liye abhaari hoon, jo ki woh mazboot karne waali shakti hai jisse sab kuch changa karne ke liye paryaapt hai. Ishu Masih ke pavitra naam se, amen.