2010–2019
Angangen Uruon Famini me Tempel: Ririfengen me Echikara
April 2018


Angangen Uruon Famini me Tempel: Ririfengen me Echikara

Nupwen sia ionifengeni ach uruon famini me feino ngeni ewe tempel fan asengesin ach kewe newo, Kot mi apwonueta feioch mi apwon non ekkewe ru pekin kinikinin manau.

Nonnomun non famini ina ewe mettoch mi awora watte feioch nge pwan watte weires ngenikich. Chommong neich sia kuna och sokkun kaimufesen non ach famini. Ei aimufesen a popuseni ruemon sou emwenin ewe Eniwinsefaniton ewe Mwichefenin Jises Kraist non ekkei ranin soponon. Parly me Orson Pratt ir pwipwi, chon fiti ewe mwichefen, me ir ra seikita ngeni wisen Aposel. Emon me emon ra kuna sossotun ar nuku nge ra pworacho ren pochokkunen ar kapasen pwarata. Ir me ruemon mi fangeno chommong fan iten ewe angang mi ennet.

Sasing
Parley Pratt

Non fansoun ra nom non Nauvoo, nonomun nefiner a poputa weires, me nesoponon ra anini fan mesan aramas non 1846. Eu kaimufesen a nonnom fansoun nangatam. Parley a akkom mak ngeni Orson ar repwe ekinamweno, nge Orson ese ponueni. Parley a fangeta, a mefi ar poraus a wes feinfeino chok, nukun an Orson epwe poputani sefan.1

Sasing
Orson Pratt

Fitu ier mwirin, non March 1853, Orson a kaeo usun eu angang ne makkei uruon mwirimwirin William Pratt, chon an ekkewe pwipwi newo ekkewe ra akom ne tori fonuen Merika. Orson a wesen kechiw “usun emon semirit” nupwen a kuna auchean me anonnun uruon ar famini. Netipan a pwetete, me a pwon pwe epwe forisefani nonnomun ren pwiin.

Orson a mak ngeni Parley, “Iei pwi achengicheng, ese wor nein mwirimwirin Lieutentant William Pratt, mi ennetin mochen kutta mwirimwirin kewe usuch.” Orson i emon akkaewin a weweiti pwe chon ewe Mwichefen a wor wisach ach sipwe ioni uruon ach famini, pwe sipwe fori angang mi pin fan asengesir. An taropwe a sopweno: “ Sia sinei pwe ewe Kot Sam a watiw poun woch. … Upwe tingor omusomus pun ua mwan nupwe ua make ngonuk akkom. … Anean pwe kopwe omusaeino.”2 Ina mo ar nukuchar, ar tong ren ar kewe newo a mwitir ne achufengenir sefan, echikara ewe metek, me kutta o kuna omusomus.3

Nupwen Kot a erenikich sipwe fori och mettoch, napangeni mi chommong popun non an ekiek. Angangen uruon famini me tempel esap chok ren ekkewe mi mano nge a efeiochu pwan ekkewe mi manau. Ren Orson me Parley, a kunufengeni netiper. Angangen uruon famini me tempel a awora ewe manamanen chikar pwe epwe echikara met mi namwot.

Ren kich chon ewe Mwichefen, mi wor wisach mi pin pwe sipwe kutta ach kewe newo me fori uruon ach famini. Esap eu chok angang mi namwotengau pun ekkewe angang mi pin mi namwot ngeni noun Kot kewe meinisin.4 Kich sipwe kutta ion aramasach kewe ra mano nge resamo angei ekkewe angang mi pin minen amanau. Sia tongeni fori ekkei angang mi pin fan iter non ekkewe tempel, me aramasach ra tongeni finata ika repwe etiwa ekkewe angang mi pin. Mi pwan och ika sipwe anisi memper non wart me steik ren iten chon ar famini.5 Mi fakkun amwarar pwe, ren angangen uruon famini me tempel, sia tongeni aninis ne amanaua ekkewe mi mano.

Nge, ika sia fori angangen uron famini me angangen tempel ikenai, sia pwan fich ngeni ekkewe efeiochun “chikar” mi pwon seni ekkewe soufos me aposel.6 Ekkei feioch ra pwan amwarar non ar chumwong, tichikir, me manaman non manauach won fonufan. Ekkei ir ekkewe feioch:

  • Anapano ach weweiti ewe Chon Amanau me an asorun achasefan;

  • Anapano pochokkunen ewe Ngun mi Fel7 pwe sipwe mefi pechekun me emwen non mauach;

  • Anapano nuku, pwe ach ekkesiwin ngeni ewe Chon Amanau epwe monomon me nomofoch non kich;

  • Anapano tufichin me mochenin kaeo me aier8 fan itan sia weweiti ion kich, ia sia feito meia, me sia ekkis fatochuno ren ia sipwene feinno ia;

  • Anapano minen eochuono, enimochuono, me pungupungoch non netipach;

  • Anapano pwapwa ren anapanon ach tufichin mefi an ewe Samon tong;

  • Anapano feioch non famini, ina mo nonnomun ach famini iei, me noom, ika fansoun mwach ikamwo ach uruon famini ese unus;

  • Anapano tong me kinisou ren aramasach kewe mi mano o pwan mi manau, pwe site mefi pwe kich anaemon;

  • Anapano ach pochokkunen esinna met sipwe echikara o iwe, ren aninisin ewe Samon, anisi aramas;

  • Anapano tumun seni sossot me pochokkunen an ewe chon oput emweningau; me

  • Anapano aninis ne forochu netipeta, netipengau me noninen me aochuno menni mi feiengau.9

Ika oua fen iotek ren ekkei feioch, forochu angangen uruon famini me tempel.Ika oua fori, ami iotek epwe ponu. Nupwen efeioch mi pin ra fis fan iten ekkewe mi mano, noun Kot kewe won fonufan ra chikar ren. Sise mairu pwe Preseten Russell M. Nelson, non an aewin afanafan pwe Presetenin ewe Mwichefen, a apasa, “Ami fan non ewe tempel me aninis ngeni ami newo epwe efeiochukemi ren napanon ami pwisin pwarata me kinamwe, me epwe apochokkuna ami achocho ne fetan won ewe aan mi pung.”10

Pwan emon soufosun noom a kuna ekkei feioch ren aramas mi manau me mano.11 Emon chon nang a pwar ngeni Ezekiel eu tanen ewe tempel ren konik mi kus seni. A ereni Ezekiel:

“Ei konik a puu fetan … me feitiw ngeni ewe fonupon, me feinno ngeni ewe setin [mano] … me ewe konik epwe nimochuno.

“Iteiten an ewe chonopupu a puu, ngeni met mi manau, mi mwokut, ia chok ekkewe pupu a puu, epwe manau … me epwe chikar; me meinisin epwe manau ia chok ewe pupu a puu.”12

Ru nikinikin ewe konik mi auchea. Aewin, ika mo ese pwan wor chenupupu mi pupunong, a chok sopweno tori a watte chonupupu, me a chok chemongono me anononono non an pupuno. Mi pwan usun chok met a fis ren ekkewe feioch mi kus seni ewe tempel non an aramas ra ririfengen non ar famini. Fefeita mi pung a fis non ngeni fansoun nom tori fansoun mwirich non ekkewe tapin aramas ren manamanen angang mi pin ren ririfengen a fotifengeni ekkewe famini.

Oruan, ewe chonupupu a asofosefani meinisin a atapa. Ekkewe feiochun ewe tempel mi pwan usun chok ren ar pochokkunen echikara. Feiochun tempel ra tongeni echikara netip me manau me famini.

Sasing
Noun Betty we at Todd

Upwe ani awewe. Non 1999, emon anuon itan Todd a turuno seni semwenin chaa non tupuan. Ika mo Todd me an amini ir memperun ewe Mwichefen, ar achocho non a ekis patapat, me ese wor emon neir a kuna feiochun ewe tempel. Non saingonon pwinin manauen Todd, inan, Betty, a mwot unukun an we pet me kamoch poun o apasa, “Todd, ika mi namwot kopwe no, ua pwon pwe angangen tempel epwe pwonueta.” Sorotan chok ewesoran, tupuan Todd a mano. Chon reirei ra wau ngasangasan Todd, me wanong non emon ua wisan safeni itan Rod.

Ekkoch chok maram mwirin ewe ekesiwinin ngasangas, Rod a kaeo itan aramasen ewe mwan a angei ngasangasan seni me a poputa fos ngenir. Mwirin ru ier, inen Todd, Betty, a tingorei Rod an epwe fitir nupwen ra akaewin tonong non tempel. Rod me Betty ra keran chufengen non ewe rumwen selestial non ewe tempel St. George Utah.

Mwirin ekis fansoun, semen Todd—punuan Betty—a mano. Mwirin fitu ier, Betty a tingorei Rod epwe uta fan iten noun we at mi mano me angei an kewe angang mi pin non tempel. Rod a pwapwa ne fori, me ewe angangen tempel a wesino non ewe rumwen ririfengen non ewe tempel St George Utah. Betty a riringeni punuan we mi mano, me a fotopukutiw ren emon noun a nom fan iten punuan. Iwe, ren surutiwan chonun mesankewe, a korato Rod epwe fitir. Rod a fotopuku me, fan iten noun we Todd, ngasangasan ewe a nom non inisin. Todd a riringeni inan me seman ren fansoun won fonufan me fochofoch. Inen Todd a apwonueta ewe pwon ngeni noun we me mwen an mano.

Sasing
Non ranin an Kim me Rod we apupunu

Nge esap iei nesoponon ewe poraus. Engon me nimu ier mwirin an ekkesiwini ngasangasan, Rod a kofot ngeni emon me a tingorei ai upwe fori ewe angangen ririfengen non ewe Tempel non Provo Utah. Non ranin ar uwe apupunu, ua churi Rod me punuan, Kim, non eu rumw unukun ewe rumwan ririfengen, ikkeweia chiener me ar famini mi sounir ia. Mwirin am me Rod me Kim aua ekis poraus fengen, ua eisinir ika mi wor ar kapas eis.

Rod a apasa, “Ewer. Ewe famini ir ekkewe ua angei ngasangasei seni ra mochen churuk.”

Ua kan mairu me eisini, “Wewen ir mi nom? Iei?”

Rod a ponueni, “Ewer.”

Ua tou me korato chon ewe famini ar repwe tou me non ewe rumwan riri. Betty, noun we nengin, me punuen noun we nengin ra eto rem. Rod a kapwong ngeni Betty me turufi, a apasata an kinisou ngeni, me aua pwan kapong fengen. Rod a apasa, “Betty, iei Elter Renlund. I ewe doktor a tumunu ngasangasen noum we at ren chommong ier.” A feito me a pwan turufiei. Ren fitu minich, a wor kapwong fengen me kechiw o pwapwa.

Mwirin aua wes ne kechiw, aua tonong sefan non ewe rumwen riri ikewe ie Rod me Kim ra ririfengen won ei fonufan pwan ren fansoun ese much. Am, Rod, Kim, me Betty aua tongeni pwarata pwe nang mi fakkun kaneto, pwe mi wor ekkoch ra nom rem non ena ran ra fen tonong non ewe eu kinikinin manau.

Kot, ren an unusan pochokkun, a eriri me echikara aramas me ar famini ina mo netipengau, weires me osukosuk. Fan ekkoch sia anonno mefiach non ewe tempel pwe ekis usun ach nom nang.13 Ena ran non ewe tempel non Provo Utah, ei poraus seni C S Lewis a nom rei: “Chon fonufan … ra poraus usun weiresin fonufan, ‘Ese wor och pwapwa non fansoun mwach epwe ekinamwe,’ resamo sinei Nang, ika sipwe kuna, epwe ekkesiwini ena weires epwe winiti ning. … Ekkewe mi Feioch repwe apasa, ‘Sisamo manau ekis nukun chok Nang.’”14

Kot epwe apochokkuna, anisi, me pennikich;15 me I epwe epinano ach netipechou mi anonon.16 Nupwen sia ioni ach uruon famini me feino non ewe tempel fan iten ach kewe newo, Kot a apownueta chommong an kewe pwon ngenikich won fonufan me ekkewe mi mano. Nge usun chok, sia feioch ika sipwe anisi aramas non ach wart me steik repwe pwan fori. Memper rese nom kan ngeni ew tempel ra pwan kuna feioch ren ar ra fori angangen uruon famini, ioni iten ar kewe newo pwe angang mi pin tempel epwe fis.

Nge, Preseten Russell M. Nelson a esinesin: “Sia tongeni mwareiti o ingeiti an pwon ekkoch feioch ren ar fori angangen tempel me uruon ar famini. Nge kich sipwe pwisin angang ika sipwe kuna ach pwisin pwapwa.” A sopweno, “Ua peseikemi oupwe iotek me ekieki met oupwe ani asor—amwo fen asoren ami fansoun—pwe oupwe tongeni fori pwe oupwe anapano ami achocho non angangen tempel me uruon famini.”17 Ika oupwe etiwa an Preseten Nelson pesepes, oupwe kuna, ioni, me fotifengeni ami famini. Sopwenon, feioch repwe puputo ngenikemi me ami famini usun ewe chonupupu Ezekiel a poraus usun. Oupwe kuna echikar ren met mi feiengau.

Orson me Parley Pratt ra kuna pochokkunen echikara me ririfengenin ewe angangen uruon famini me tempel me nesoponon ekkei ranin soponon. Betty, an famini, me Rod ra pwan kuna. Ami mi pwan tongeni. Ren an angangen achasefan, Jises Kraist a awora ekkei feioch ngeni meinisin, mi mano me mi manau. Pokiten ekkei feioch, kich sipwe kuna, ren monomon, “sise fen manau ekis meinisin nukun chok … Nang.”18 Ua pwarata ekkei non iten Jises Kraist, amen.

Uwekisin

  1. Nengeni Parley P. Pratt ngeni Orson Pratt, May  25, 1853, Orson Pratt Family Collection, Church History Library, Salt Lake City; non Terryl  L. Givens me Matthew  J. Grow, Parley  P. Pratt: The Apostle Paul of Mormonism (2011), 319.

  2. Orson Pratt ngeni Parley  P. Pratt, Mar 10, 1853, Parley  P Pratt Collection, Uruon Mwichefen Library; non Givens and Grow, seni Parley  P. Pratt, 319.

  3. Orson Pratt ese chok fori ewe puk usun chon William Pratt, nge mwirin fitu ier, non 1870, Orson Pratt me an family ra fori papatais fan iten 2,600 aramas ra mano me ra mak non ewe puk Endowment House non Salt Lake City (nengeni Breck England, The Life and Thought of Orson Pratt [1985], 247).

  4. Nengeni Joseph Smith, History of the Church, 6:312–13.

  5. Nengeni “Ekkewe it mi katonong faniten ekewe annuk me efeioch,” First Presidency Letter, Feb.  29, 2012. Ach newo ion iter mi tonong pwe ar angangen tempel epwe fis aramasen ewe a tinano. Esap annuk, memperin Mwichifen resap tinanong iten emon ese mwut ngeni, usun aramas iteifouno me Jewish Holocaust chon mano.

  6. Nengeni Dallin H. Oaks, “In Wisdom and Order,” Tambuli, Dec. 1989, 18–23; D. Todd Christofferson, “The Redemption of the Dead and the Testimony of Jesus,” Liahona, Jan. 2001, 10–13; Boyd K. Packer, “Your Family History: Getting Started,” Liahona, Aug. 2003, 12–17; Thomas S. Monson, “Constant Truths for Changing Times,” Liahona, May 2005, 19–22; Henry B. Eyring, “Hearts Bound Together,” Liahona, May 2005, 77–80; M. Russell Ballard, “Faith, Family, Facts, and Fruits,” Liahona, Nov. 2007, 25–27; Russell M. Nelson, “Salvation and Exaltation,” Liahona, May 2008, 7–10; Russell M. Nelson, “Generations Linked in Love,” Liahona, May 2010, 91–94; David A. Bednar, “The Hearts of the Children Shall Turn,” Liahona, Nov. 2011, 24–27; Richard G. Scott, “The Joy of Redeeming the Dead,” Liahona, Nov. 2012, 93–95; Quentin L. Cook, “Roots and Branches,” Liahona, May 2014, 44–48; Thomas S. Monson, “Hastening the Work,” Liahona, June 2014, 4–5; Henry B. Eyring, “The Promise of Hearts Turning,” Liahona, July 2014, 4–5; David A. Bednar, “Missionary, Family History, and Temple Work,” Liahona, Oct. 2014, 14–19; Neil L. Andersen, “‘My Days’ of Temples and Technology,” Liahona, Feb. 2015, 26–33; Neil L. Andersen, “Sharing the Temple Challenge,” Family Discovery Day, Feb. 2015, LDS.org; Quentin L. Cook, “The Joy of Family History Work,” Liahona, Feb. 2016, 22–27; Gary E. Stevenson, “Where Are the Keys and Authority of the Priesthood? Liahona, May 2016, 29–32; Dieter F. Uchtdorf, “In Praise of Those Who Save,” Liahona, May 2016, 77–80; Quentin L. Cook, “See Yourself in the Temple,” Liahona, May 2016, 97–101; Dale G. Renlund, Ruth L. Renlund, and Ashley R. Renlund, “Family History and Temple Blessings,” Liahona, Feb. 2017, 34–39; Dallin H. Oaks and Kristen M. Oaks, “Connected to Eternal Families,” Family Discovery Day, Mar. 2018, LDS.org.

  7. Nengeni Doctrine and Covenants 109:15.

  8. Nengeni Doctrine and Covenants 109:21.

  9. Nengeni Boyd K. Packer, “Balm of Gilead,” Ensign, Nov. 1987, 16–18; Jeremiah 8:22; 51:8.

  10. Russell M. Nelson, “As We Go Forward Together,” Liahona, Apr. 2018, 7.

  11. Nengeni Ezekiel 40–47; Bible Dictionary, “Ezekiel.”

  12. Ezekiel 47:8–9.

  13. Nengeni Spencer W. Kimball, “Glimpses of Heaven,” Ensign, Dec. 1971, 36–37.

  14. C. S. Lewis, The Great Divorce: A Dream (2001), 69.

  15. Nengeni Isaiah 41:10.

  16. Nengeni “Mi Pochokun ewe Nongonong,” Kon mi Fel, no. 4.

  17. Russell M. Nelson and Wendy W. Nelson, “Open the Heavens through Temple and Family History Work,” Liahona, Oct. 2017, 19.

  18. Lewis, The Great Divorce, 69.