Thogthog ko Machib

Pi walagen ni pumo’on, gab fal’falan’ ngay ni ngu non ngomed u roy u langin e re general conference ney nib ga’ fan. Kad sustain niged President Russell M. Nelson ni’ir fare bin 17th President ko Fare Galasia ku Yesus Kristus ni fan ko gidii’en Got rok’ ko Tin Tomur e Rran. Nap’an e ngiyal’ ni k’ug murwel gow u ta’abang ni gubin e rran, kug thamiy fare mich riy ni kab ko fare Thothup ni President Nelson e ir e cha’ nike pining Got ni nge waliy fare Galasia Rok’ Somoel nib riyul’.

Ma kug be micheg ni fare Somoel e ke pining Elder ..... nge Elder …… ni ngar pigpig gow ko fare Ulung ko fare Ragag nge L’agruwi Apostle. Yad ba tu’uf rog ma gube sustain nag row. Yow ra, udaken e machib nag rorow, ta’awath nag e yafos ko gidii’ u dakan e fayleng.

Re conference ney e ba ga’fan ko reb fan. President Nelson e kan thogthog nag ngak reb e wo’en nga m’on ulan fare Galasia ku Somoel nib yiram. Biney e wo’en ab mu’un e yilan ko fare quorum ko priesthood ulan fapi wards nge stakes ni nge yog ni ngad muruwliyed e pi murwel rodad ko priesthood nib mangil boech rogon. Pi murwel ney e fan ngak pi fak e Chitamangdad

Wo’en Somoel ngak fapi Gidii’en ni ngan dag e tu’ufeg e kan dag ni bo’or kanawo’en ko fapi duw ni ke chuw. Nap’an somm’on riy u Nauvoo, Profet Joseph Smith ab tu’uf ni yarmiy rogon wo’en ni ngan awyu yo’or e gidii’ nib dariy pi’nen nibe yib ngalan binaew. Aningeg e thingtuw rog ni ur med u rom—Eyrings, Bennions, Romneys, nge Smiths. Fare profet e yarmiy rogon fapi Gidii’en Somoel ni yan u rogon ko gin ni yad be par riy. U Illinois pi binaew nem e kanog e “wards” ngay.

Nap’an fapi Gidii’en Somoel e kar malekag gad, ma kan yarmiy rad u but’ ni ngar “ayuwegned yad.” Ta’areb e thingtuw rog e be sul ko mission rok ni chiney e kanoeg u Oklahoma ngay me mada’ nag reb fapi ulungi gidii’ ni yad be ayuwegned yad. Dariy gelngin row ni bachan e m’ar ma fapi ulungi gidii’ en fek row e companion rok u dakan buchi wagon rorad ni dani ga’.

Me cha’ nib ga’ ko fare ulungi gidii’ e l’og l’agruwi bpin nib fel’ yangren row ngar bow ngar pi’ey e ayuw ko fare wagon. Bag yuw, e buchi bpin ni kan tawfe nag u Switzerland, e sap ngak reb fagli missionary me runguy. Yog ni gol ni bachan fare ulungi Gidii’en Somoel. Gol buch’uw me yog ni yan u buut’ nge mada’ nga Salt Lake Valley nib mu’un facha’ ni gol nag. Kar a’adagew yow miyow mabgol. I ir e mang fare thingtuw rog Henry Eyring, me fachi pbin e thingtaw rog ni kanoeg i Maria Bommeli Eyring ngak.

Boech e duw nga tomren, nap’an ra yoeg e gidii’ rogon fani momaw’ ko fare malekag nin tay, me ga’ar, “Oh danga’, dani momaw’. Nap’an ni gamow be yan u buut’, ma ug sabathin gow nge mada’ ko gin ni ngan taw ngay ma gamow be weliy mornga’agen fare gospel rok Yesus Kristus ma kug fal’falan’ gow ni kug mada’ gow. Ri kug gum nang e ngiyal’ nem.”

Maka’aram, fare Somoel e bo’or kanawo’en ni ma dag ngak fapi Gidii’en rogon ni ngar ayuwegned rad. Chiney ma ke tawa’ath nagdad nga gelngin dad ni ngad ta’areb gad ulan fare ward nge stakes—ba ulung ni rayog ni nge murwel u ta’abang ko urngin e ulung ko ward.

Ward nibay e mthil riy, company, nge gelngin e ulung ko quorums e ba tu’uf ni ngar rin’ed l’agruwi ban’en ni nge yoeg ni nge mon’og e murwel rok Somoel ni nge yog ni fapi Gidii’en Somoel e ngar tu’ufegned yad ni woed ni yad ba tu’uf Rok. Yad ra mon’og nap’an ni fapi gidii’en Somoel e yad ra thamiy fare tu’ufeg rok Kristus nib m’on u wun’rad ko tin ni yad ba’adag ban’en. Fare scripture e ke yog e “tu’ufeg ngay … tu’ufeg rok Kristus nib machalbog” (Moroni 7:47). Ma yad ra mon’og nap’an ni fare Kan ni Thothup ere powi’iy rad ngar nanged e tin ni manang Somoel nge rogon ni ngan ayuweg e gidii’ nib tu’uf e ayuw rorad.

Bo’or yay ulan e biney e wik, chongin e Galasia e be yan u ya’an ni woed ni kan mu’i dag ngorad ko mang e ba’adag Somoel ni nge rin’, ni rogon nikan noeg e daba’. Nggog l’agruw rogon. Somm’on, ba tok ni pi’ e pagal nibe sensey ni 14 e-duw rok ulan e Aaronic Priesthood klas ni ke nangfan ko mang e priesthood nge tin nib tu’uf ni ngar rin’ed ni fan Somoel. Bin migid, be’ nibay e Melchizedek Priesthood rok, nibay e tu’ufeg ku Kristus rok, nin thogthog nag ngak ni nge pigpig ngak ba tabinaew.

Somm’on, nggu weliy e thin ko fachi pagal ni non ko mo’olung ko sacrament ni kug un ngay. Gubay u rom. Mu lemnag ko urogon nap’an ni 14 e duw rom mag motoyil nge weliy ni kamus ko pagal ni aray yangren e dabi nang fan:

“Rug ba’adag ni kug mang reb e sensey ko fare ulung u langin e ward rodad u nap’an nikuug mang 14 e duw rog. Fare sensey e kubay urngin e murwel rog ni fan e deacon nge ku buch ni kan uneg ngay nib be’ech.

“Bachan e boechi gadad ab sensey, beoch e pagal, nge gubin e gidii’ u Galasia e kan tawa’ath nag rad ni bachan fare priesthood, ere baga’fan ngodad ni ngad nanged fan boech e murwel ko sensey.

“Somm’on, Doctrine and Covenants 20:53e ga’ar, ‘Fare murwel ko sensey e nge motnag fare Galasia ni gubin ngiyal’ ma bay rorad me pi’ gelngin rad.’

“Bin migid, Doctrine nge Covenants 20:54–55 e ga’ar:

“Mag guy ni dariy e togan ulan fare galasia, ni dariy e fananikan u dakan rad, nge ban, nge nonon, nge nonon ni dani fel;

“‘Mag guy ni fare galasia rog e yad be mo’olung nga ta’abang nib pethpeth ngiyal’, ma yad gubin ma yad be rin’ e murwel rorad.’”

Maki ul’ul fachi pagal:

Fare Somoel e be yog ngodad ni murwel rodad e gathi kemus ni ngan ayuweg e Galasia machane ku’un ayuweg e gidii’ ko fare Galasia ni woed rogon nra rin’ Kristus ya iraray e Galasia Rok’. Fa’an gadad ra gay rogon ni ngad ted fan fapi motochiyel, ayuwegned gadad, min yul’yul’, min mang fagar nib mangil, min a’dag e par u ta’abang, ma fin aram e ngiyal’ ni rayog ni ngad thapagned fare Thothup magdad nang ko mang e ba’adag e Chitamangdad ni bay u Tharmiy ni ngad rin’ed. Fa’an nra dabiyog e biney, ma dabiyog ni ngad rin’ed e murwel rodad.”

Maki ul’ul nge ga’ar:

“Nap’an ni ra mel’eg fare sensey ni nge rin’ e tin nib mangil ni woed e sensey u tabinaew, fingichiy gidii’en e galasia, ma fal’eg rogon e sacrament, me pi’ ayuw u tabinaew, ma par ni’ir e gapas, me aram e be mel’eg ni be tay fan fare priesthood rok’ nge fare koling rok.

“Ngan mang reb e sensey nib mangil e gathi kemus ni ngam rin’ e tin ba’aray e murwel ko Galasia nap’an ni yibe fafal. Ke fil fare Apostle Paul, ‘Dag ngorad u rogon e thin ni ga ma yog, ngu rogon pangim, ngu rogon nib t’uf Got nge girdi’ rom, ngu rogon nib mich Kristus u wun’um, ngu rogon ni gab machalbog’ (1 Timothy 4:12).”

Ma arame ga’ar fare pumo’on ni fal’ yangren:

“Demtrug ko gin ni gadad bay riy fa n’en ni gadad be rin’, ma rayog ni ngad manged be’ nib riyul’ ko gubin yal’ nge gubin yang.”

“Gag nge papa’ rog e gamow ma machib nag fare tabinaew rok Browns.¹ Gubin ngiyal’ ni gamow ra yan ngaram, ma guba’adag ni gama nang boech salpen rad. Reb e ban’en ni ri gub’adag ni mornga’agen fare tabinaew ko Brown e, gubin ngiyal’ ma yad ba’dag ni ngar matal gad ma bo’or salpen rad ni rib mangil.

“Nap’an ni gadad ra nang e gidii’ ulan fare ward rodad ni bachan fare machib u tabinaew, mab mom ni ngan rin’ e murwel ko sensey, woed ni yibe fingichiy e gidii’ u galasia. Ayuweg e gidii’ ni ngar thamiyed ni yad bang fare gum’ing ko galasia e rayog ni nge ayuweg gubin e member ngar thamiyed fare tu’ufeg me ayuweg rad ngar feked fare sacrament.

“Tomren ni kan fingichiy e gidii’ nike yib nga galasia, sensey e ma pi’ e ayuw ni ngan fal’eg fare sacrament nifan e Modnam. Gub’adag ni guma fal’eg fare sacrament ulan e biney e ward ni bachan e gubin e gidii’ ma fol. Gubin ngiyal’ma guma tahmiy fare Thothup u nap’an ni gura fel’eg mug pi’ fare sacrament. Ba tawa’ath nifan ngog ni rayog ni ngu rin’ ni gubin e Madnam.

“Boech e pigpig ni woed ni yibe pi’ fare sacrament e ban’en nibe guy e gidii’ ma yibe pining e magar ngomad, ma boech e pigpig ni woed ni yibe fal’eg rogon fare sacrament e be buch ni dariy be’ ni be langan’ ngay. Dani ga’fan ni fa’an nra guy mad e gidii’ ni gamad be pigpig; n’en nib ga’fan e Somoel e manang ni gamad be pigpig ni fan Ngak.

“Gadad e sensey, e thingar da pi’ed gelngin e Galasia ni gubin ngiyal’, pi tafagar rodad, nge pi tabinaew nap’an ni gadad be rin’ e murwel rodad nifen e priesthood. Gubin ngiyal’ ma dani mom, fare Somoel e darma pi’ e motochiyel rok ngodad ‘e gidii’, me pag ni dabi bing wo’en [ngodaed] ni nge yog ni ngar mugu’uliyed e pin’en ni ke motochiyel nag ngoraed’ (1 Nephi 3:7).”

Ni bani nge mu’ fare pagal ko nmon, ma kug be ulul kube gin owcheg ko luwan’ nge fani pil’al e ngongol rok. Me ga’ar, “Gum nang ni gadad ra mon’og ni fa’an ni gadad ra leak [Yesus Kristus].”

Mornga’agen reb fare pigpig ko priesthood nin weliy reb e pul ulan reb fare mo’olung ko sacrament ni kug un ngay biyay. Biney ni buch, ma dani nang facha’ nibay fare Melchizedek priesthood rok ni non ni n’en nibe weliy e iraram e ran’en ni ba’adag Somoel ni ra buch me gelnag fapi ulung ko priesthood. Ba’aray e n’en ni weliy:

Ir nge companion rok ko fare ta machib u tabinaew e kan pi’ ngorow medlip e tabinaew ni ngar pigpig gow nga’. Orani yad e dubin ni ngan yan ngan guy. Nap’an nra yan fagli ta machib nga tabinaew rorad, ma dabunrad ni ngar binged e mab ngorow. Ma ran kol nag rad, me dariy be’ nibe fulweg taban e kol. Ma yow ra digey e mulwol, me dariy be’ ni be fulweg tabangin. Ere gali companion ney er dugliyew ni ngar yol gow ngorad. Tababi yol me yus nag e envelop nib mag’choel nibe athapeg ni ran fulweg lungun.

Reb fare medlupi tabinaew e be’ nib bpin ni yigo’ ir ma dariy figirngin ma darki yan ko missa nike yib u Europe. Ma bay l’agruwi bitir ni fak ni kub achig.

Tomren bukun yay ni kin gay rogon ni ngan non ngak, me thapeg ba yol. Me fulweg nib tomilang ni ir e dariy e ngiyal’ ni rayog ni nge mada’ nag fare ta machib u tabinaew. Ba’ l’agruw e murwel rok ma be un ko fare salthaw. Ma murwel rok e chiney e police officer, ma n’en ni ba’dag ni nge rin’ e nge mang reb e detective nge mu’ me sul ko nam rok me murwel u rom.

Fare ta machib u tabinaew e dariy bi’id ma kayog ni nge yan nge guy fare bpin u tabinaew rok. Maki yol ngak fare bpin. Gubin e pul ma yoloy e babyor, ma kuma pi’ e card nifan e holiday nifan gubin e bitir.

Ma dayma fulweg lungun. Machane manang fare bpin ko mini’ fare ta machib u tabinaew rok, nge rogon ni rayog ni nge kol nagrow, ma yow be par ni yow be ul’ul’ ko fapi pigpig rorow nifen e priesthood.

Boran riy me yib e yol ngak’ ni rib tomgin ko fare bpin. Ni kari tu’uf e ayuw rok. Dani nang ko mini’ e bisof rok machane manang ko mini’ e ta machib u tabinaew rok.

Ri’in e rran ngay, ma ba tu’uf ni nge chuw u Mariken nge yan ni bachan exercise ko salthaw. Ma dabiyog ni nge fek fak nge un ngak. Chitinngin, susun ni’ir e nge guy fapi bitir rok, e ke sul nga Europe ni nge guy e pumo’on rok, nibay e taflay rok.

Re bpin ney ni dariy figirngin e bay e salpiy rok ni kari mus ni ra gaman pilwon ta’areb e ticket riy ni nge pi’ fak nge yan nga Europe machane dani gaman nifen e bin nib bitir e pagal ni 12 e duw rok, Eric.² Me fith ngak e ta machib u tabinaew rok nib LDS ni fa’an nra yog ngar piri’egnew be’ ni rayog ni nge guy Eric ulan 30 e rran!

Fare ta machib u tabinaew e fulweg me ga’ar bayi gay rogon. Me fith ngak fapi tiyogang’ ko priesthood. Bisof e pi’ motwon ni rayog ni nge fith ngak fapi ulung ko ward, nib mu’un fare President ko Relief Society ngay.

Fare president ko Relief Society e peri’eg aningeg i tabinaew ko LDS nib mangil, nib mu’un e bitir ngay ni yangren Eric, ni yad ra fek ngalan e tabinaew rorad ulan ta’areb e wik. Pi pul nem, pi tabinew ney e durwi’iyed Eric, pi’ bang ni nge mol riy ndariy fan fa’an ba’achig e gin ni yad ma par riy, min fek boech ko pi gosgos ni yad ma tay nifan e tabinaew rorad, min fek nga galasia, nib mu’un ngorad ko mo’olung nifen e tabinew, nge ku buch ban’en.

Fare tabinaew ni bay e pagal riy ni yangrin Eric, yad ma fek nge un ngorad ko mo’olung ni mornga’agen e deacons nge gosgos. Nap’an ko re 30 i rran ney, Eric e un nga galasia ko gubin e Madnom.

Nap’an ni sul fare nina’ ko salthaw, Eric e ul’ul’ nge un ko galasia, ni baga’ nima un ngak reb fapi aningeg i tabinaew nib LDS fa ngak’ be’ nikar fagar gow, fa fagli cha’ ni ta machib u tabinaew nifen e nina’ rok. Taw ko ngiyal’ riy, min pi’ matwon ni nge mang deacon me pi’ fare sacrament nib bo’or yay.

Chiney e ngad sap gad ko yafos nibay nga m’on ku Eric. Dabi gin owchdad ngay ni fa’an ke mang reb e tiyugang’ ko Galasia ulan e nam ko chitinngin nap’an ni sul e tabinaew rok ngaram—gubin ni buch ni bachan Gidii’en Somoel ni murwel u ta’abang ni ngar pigpig gad u tangin pa’ fare Kan ni Thothup nge tu’ufeg u gim’rcha’anrad.

Gadad manang ni tu’ufeg e n’en ni ra fek dad ko gil’ilungun ku Got. Moroni e yoloy, “Ma fa’anra dariy e t’ufeg romed ma dabiyog ni ngam thap gaed nga lan gi’ilungun Got” (Moroni 10:21; kumguy ko Ether 12:34).

Ma kagdad manang ni tu’ufeg e tawa’ath ni kan pi’ ngodad u tomren e pi n’en ni kad rin’ed. Thingar ma “mmeybil gaed ngak’ e en Chitmangiy u polo’ i gelingin gum’ircha’med, ni nge yog ni ngam sug gead ko re adag ney, ni ke pii’ nga daken gubin e pi’in nib riyul’ ni ma leak Fak, ni Yesus Kristus” (Moroni 7:48).

Woed ni be m’ug ni gadad ma thapeg fare Kan Nthothup ku Got u nap’an ni gadad ra pigpig gad ngak boech e gidii’. Iraray fan ni bay fare priesthood rodad ni ngad pigpig gad ni fan fare Tathapeg. Nap’an ni gadad ra pigpig ngak boech e gidii’, ma gadad ra sasagal’ i lam niged gadad, ma fare Kan ni Thothup era mom i yib ngodad me ayuwegdad ko pi murwel rodad me pi’ e tawa’ath nge tu’ufeg nga dakandad.

Gube micheg ni fare Somoel e ke mu’ i tabab ko tin nga m’on ko tonom Rok’ ni fan ngodad ni ngayog ni ngad thapegned e thogthog nge tu’ufeg ulan fare pigpig ni gadad ma tay nifan e machib ko priesthood. Gube pining e magar ngak ko tu’ufeg Rok, ni ke pi’ ngodad. U dakan fithngan Yesus Kristus, amen.