Omesodel
A ki ouchais er a klou lultutelel a lmuut el mo mengederoder er a chelechad er a Melchizedek Priesthood er kid el ngii a mo kudmokl a urerel a Rubak meng mo ungil remurt.
Ke kmal mesaul, e Brother Holmes, er a klou a belkul el klemechem.
Alii e rodam, kede meral oureng er a President Thomas S. Monson me a Elder Robert D. Hales. Meng uaisei e “kid a melemolem er a urerel a Rubak.”1.
Ak kmal mereng a saul el mora bek el chad el tir oba chedaol priesthood. Kau a msang a urungulel Osobel, el soal a rokui el chad a bo longedecheduch loba ngklel a Dios el Rubak, el Osobelel a beluulechad.”2 Ng soal a rokui el mla mechedaol el ngelekel sechal el mo omtechei er Ngii, el mengedecheduch el kirel, e meruul el kirel, e mo omekngeltengat er a rengelekel a Dios el meliuekl er a beluulechad el mora ulebengelel me a klaumerang bol dirrek el merael mo mesisiich er a [rokui] el beluu.”3
A bebil er kemiu a mesiou er a ikel beluu el Ikelesia e dimla ngarngii el mla mo betok el telecheroll. A rebebil a mesiou er a dirk mlo er ngii. Sel denguu er a rebebil ea ikelesia er kemiu a meklou. A rebebil, ea ikelesia er kemiu a mekekerei e chacheroid. Ng diak el iior er a teletael omngarngii, e a derta er kemiu a chedal a chelechad er a quorum loba chedaol ngerachel el mo mesuub e olisechakl el mo oubeltikelreng e mo mesiou er a rebebil.
Chelechal kebesengei, e a ki ouchais a klou lultutelel a lmuut el mo mengederoder er a chelechad er a Melchizedek Priesthood er kid el mo kudmokl a urerel a Rubak meng mo ungil remurt. Ngara bek el ward ea re high priest ma re elders er chelechang a mo uldak el ngara imong el elders quorum. Tial lomelodech a mengai el dochelii a klisichel me a dechal a chad el obang a priesthood el mo mesiou er a rebebil. A mo sebechir el elders a longemedaol er tir e kaukledem er tial chelechad. Ngara bek el stake, ea stake presidency a mo melemolem el bdelul a stake high priest quorum. Engdi a mo udelii tial quorum a mo ultuil er a lolab el ngerachel er a repriesthood, el bo de sodii er a uriul.
A Elder D. Todd Christofferson me a Elder Ronald A. Rasband er a Chelechad er a Teruich me a Terung el Apostol er chelechang a mo osisecheklid er a lmuut el bebil el kirel a ikal meklou a ultutelel lomelodech.
A ikal sichanger a mla ngar eungel omesuub el betok el buil. Aki omelchesiu el kired el mereched el rulii el mo ungil a teletael el dobang sel domekerreu er a rechedad e douchais el kirel odngeled er tir. Sel mo kudmeklii el mo tabesul, a kired el mo melisiich er a priesthood quorums el mo chemau a omesiou loba beltikerreng me a klaingeseu el Rubak a soal a lebora re Santo er Ngii.
Aikal lomelodech a ulekrael er a Rubak. Sel doltaut, e kede mengai el mo ungil ra urered er a ikel mla memong.
Kid a meruul er a urerel a Oba Klisiich el Dios. A Jesus a Kristo! Kid a oba ngariou el reng el mesiungel! A Dios lomekngeltengat er kemiu e rodam sel dosuub e doruul a ngercheled, ak meluluuch el ngara ngklel a Jesus Kristo, amen.