Thin ko Bing

Kammagar, Brother Holmes, ko mulwol rom nib ga’fan.

Pi Walagag, kad tawreng niged i President Thomas S. Monson nge Elder Robert D. Hales. Machane gadad ba athamgil ko muruwel rok Somoel.¹

Gube pinning e magar ko gubin e pumo’on ni bay e priesthood nib thothup rok. Gamed be thap ko Tabiyul’ rodad ni ir ba’dag ni gubin pumo’on ba non u fithingan Got fare Somoel, arragon fare Ta’athapeg ko fayleng.² Ir ba’dag gubin e fak nib pagal Rok ningar fek loen’, mar roned loen’, mar ngongoliyed ni fek loen’, mar tawa’ath niged fapi yafos ko bitir rok Got u longob e fayleng nga tomur ni mich nra gel’ nag u fithik fayleng ni polo’.³

Boech i gimed ma pigpig u Galasia ni kan yarmiy ko numngin nap’an. Boech i gimed ma pigpig ko gin ni bay fare Galasia nib be’ech. Ko boech e gidii’, fapi ward romed nib ba gaa’. Ko boech, fapi branch romed nib achigchig. Demturug rogmed, gimed gubin e chongin ko mo’olung ko priesthood ni bay chiylen med ku tharmiy ningam filed mu machib niged; t’ufiged nge pigpig gaed ngak e gidii’.

Chiney, gamad ba yoeg ningad thilyegeg e yarmiy ko pi mo’olung ko Melchizedek Priesthood rodad ninge yoeg ningad mugu’uliyed e muruwel rok Somoel nib fel’ rogon. U lan fapi ward, kan mukun gaed fapi high priests ma fapi elders u tabang ko ta’areb e mo’olung ko elder. Biney e thilyeg ra gay gaa’ gelnginraed e mo’on ko fare priesthood ni ngar pigpig niged e gidii’. gay e elders rayog ninge un fare mo’olung. U lan fapi stake, fare stake presidency ra athamgiliyed ninge gagyag nag fapi mo’olung ko stake high priests mo’olung. Machane fare rogon ni ke yarmiy e quorum ni bay ko fapi pong ko priesthood e chiney, ni ra non ngomed.

Elder D. Todd Christofferson nge Elder Ronald  A. Rasband ko fare Ulung ko fare Rigag nge La’agruw Apostle ra fil ngodad boech e pin’ey ko fare thilyeg nib ga’fan.

Pi thilyeg ney ni kan gay rogon ni bo’or e pul. Kug thamiyed nib t’uf ni ngaed faleg rogon ni ngad ayuweged fapi chonggin roded ngad yoloeyed chepin e sabathin rodad ngay. Ninge yoeg ningad rin’ed e pinn’ey nib mangil, thingar gel niged e pi mo’olung ko priesthood ngad pii’ed fanow nib fel’ mag machib niged u fithik t’ufig ma ayuw ni ba’adag Somoel ni fan Gidii’en Got Rok.

Pi thilyeg ney ni kan yi’iy nag ko Somoel. Nap’an ngad rin’ed e pin’ey, ngad muruwel gad ni tha’bi fel’ ko somm’on.

Gamad ma rrin’ e muruwel rok Got ni Gubin e Rayog Rok. Yesus i’ir en Kristus! Gadad gubin e tapigpig nib sobut’aen’ Rok! Got ra tawa’ath nagmed nap’an ngad fil’ed ngad rrin’ed e muruwel rodad, Gube meybil u fithingan Yesus Kristus, amen.