Lwelah Kuht in Oruh Orekma
Kena lowos in ahkos fah lihksreni ke kowos esam ac motko ke ma kowos puhla ke lwen luo tari ah inge.
Tamuhlwel ac tahmtahel sacohk luhk, ke kuht ahksahfye toeni wolacna se inge, nga wi kowos in sang kuloh nuh sin Leum ke kolyuck Lal ac kaiyuck moklweyuck Lal. On kac arulacna kahto ac sruhkkuhtyak. Pweng uh tiac luti kuht muhkwena, tuhsruhktuh eklac moul lasr uh!
Ke solemn assembly kuht ahkkweye Prestuhnsi Se Met sasuc. Mukul luo yohk tuhkuh in wi U luhn Mwet Sap Singucul Luo. Ac Mwet Kol Luhlahp Itngucul alkosr sasuc elos pahngyak.
Ingena sie on kuloh luhk sramsram ke ahksuwohsye sasuc lasr, mwe upac lasr, ac kunohkohn lasr in fahsr nuh met:
Lela kuht in oruh orekma luhn Leum,
Pacl se moul saflah kuht fwah eis mwe engan;
Tuyak ke sumwos us meun nuh met,
Mwe anwuk kuh sumwos.
Tiac sangeng ke lokalok tuhkuh;
Puhlaik Leum El oasr inge.
Kuht fwah tiac lohng mac mwet koluk ac fwak,
Uh Leum El muh kena pa kuht ahkos uh.1
Nga kaifwe kowos in lutlut pweng ke toeni se inge pacl puhkantwen—finne fahfahlacna—ke mahlwem ohnkohsr tok uh. Nuhnkuh yohk in sokwack ohiyacn orekma pweng inge ke ekuh in toeni luhn sucu lowos, luti lohm ke wosasuc, sramsram lowos ke sucu ac kawuck lowos, ac wi pac muhtwacta lowos yurin mwet suc tiac wi luhlahlfongi lasr. Mwet wo puhspuhs fah porongo nuh ke mwe luti pwacye ke toeni se inge ke kuht sang ke luhngse. Ac kena lowos in ahkos fah lihksreni ke kowos esam ac motko ke ma kowos puhla ke lwen luo tari ah inge.
Toeni luhlahp se inge pa muhtwacack ke pacl sasuc ke karihngihn. Leum El oraclah eklac ma yohk srihpac nuh ke ohiyac kuht karihngihn sie sin sie. Tahmtahel ac tamuhlwel—mahtuh ac fuhsr—fah kuhlwacnsap sie sin sie ke ohiyac sasuc, muhtahl. U luhn Elder fah ahkkweye in ahkinsewowoye moulin mukul, muhtwacn, ac tuhlihk srihsrihk fin facluh nohfohn. Tahmtahel ke Rilif Sosaiti fah kampare in karihngihn ke ohiyac tiac oacna sie ac luhngse, in sang pacl nuh sin muhtwacn fuhsr in we lalos ke pahng se inge.
Pweng lasr nuh ke facluh pa ma fihsrwacsr ac pwacye: kuht suli tuhlihk nuhtin God nohfohn suc moul ac misac tari kwewana in tuhkuh nuh sin Mwet Lahngo lalos, eis mwe insewowo luhn tempuhl muhtahl, eis engan ma pahtpaht, ac ahkfalye ma in eis moul ma pahtpaht.2
Sie pacl uh moul ma pahtpaht yurin God enenuh luhlahlfongi nohfohn lasr ingena nuh ke wuhlweacng ac akwuck kuht eis ke lohm sin Leum. Ke pacl se inge, na oasr tempuhl 159 orekmakihnyuck, ac kuhtuh pac ma muhsahyak. Kuht kena in us tuhkuh tempuhl in fototo nuh sin mempucr ma yohkwelihk fin Alu nohfohn. Na kuht engan in ahkkahlwemye plwacn in muhsahyak tempuhl sasuc ke acn inge: Salta, Argentina; Bengaluru, India; Managua, Nicaragua; Cagayan de Oro, Phillipines; Layton, Utah; Richmond, Virginia; ac city luhlahp muh kuh fah sulaclah fin acn Russia.
Tamuhlwel ac tahmtahel sacohk wiyuck, muhsahyak luhn tempuhl inge fah tiacna eklac moul lom, tuhsruhk pacl lom fin acn tempuhl fah pwacyena. Nga nguhnin se, nga ahkinsewowoye kowos in akihlen ma kowos kuh in tilac wi kowos in muh kuh in sang pacl yohk likina met nuh ke tempuhl. Nga ahkinsewowoye kowos ke mihslac ac luhngse yohk likina mwe ac sie kena loal in karihngihn kuhpahsr luhn sucu ma pahtpaht lowos. Nga ahkinsewowoye kowos ke luhlahlfongi yohk likina ke Leum Jisus Kraist ac kuh yohk likina in Ukwacl oacna mwet tuhma lutlut pwacye Lal.
Nga ahkinsewowoye kowos in lihksreni fahkwack luhlahlfongi lowos, oacna nga oruh ingena, tuh kuh wi orekma luhn God Kuhlwacna! Jisus El pa Kraist. Pa inge Alu Lal, ma El kol nuh ke mwet kuhlwacnsap ahkkweyeyuck Lal. Nga fahk ma inge, ke ahkkahlwemye luhk ke luhngse nuh sin kais sie suwos, ke inen muhtahl Jisus Kraist, amen.