Pagpangalagad

Salamat Elder Gong ug Elder Soares sa inyong kinasingkasing nga pagpahayag sa hugot nga pagtuo. Mapasalamaton kaayo kami kaninyo ug sa inyong minahal nga mga kapikas.

Minahal nga mga kaigsoonan, makanunayon kaming nagtinguha og direksyon gikan sa Ginoo kon unsaon nato aron matabangan ang atong mga miyembro sa pagtuman sa mga sugo sa Dios, ilabi na niadtong duha ka dagkong mga sugo sa paghigugma sa Dios ug sa atong mga silingan.¹

Sulod sa mga bulan, nagtinguha kami og usa ka mas maayong paagi sa pagpangalagad sa espiritwal ug temporal nga mga panginahanglan sa atong katawhan diha sa pamaagi sa Manluluwas.

Midesisyon kami nga undangon ang “home teaching” ug “visiting teaching” sigun sa atong nahibaloan niini. Hinoon, atong ipatuman ang mas bag-o, mas balaan nga paagi sa pag-amuma ug pagpangalad sa uban. Atong tawagon kining mga paningkamot isip “pagpangalad.”

Ang epektibong mga paningkamot sa pagpangalagad makapahimo sa natural nga mga gasa sa mga sister, ug pinaagi sa walay ikatandi nga gahum sa priesthood. Kitang tanan nagkinahanglan sa maong proteksyon gikan sa maliputon nga pagdani sa kaaway.

Si Elder Jeffrey R. Holland sa Korum sa Napulog Duha ka mga Apostoles ug si Sister Jean B. Bingham, ang Kinatibuk-ang Presidente sa Relief Society, mopasabut kon unsaon pag-function karon sa gitahasan nga kaigsoonan sa priesthood ug sa gitahasan nga mga sister sa Relief Society ug sa Young Women sa pagserbisyo ug sa pagbantay sa mga miyembro sa Simbahan sa tibuok kalibutan.

Ang Unang Kapangulohan ug ang Napulog Duha nagkahiusa sa pag-endorso sa ilang mga mensahe. Mapaslamaton ug mainampoon abilhan nato kining bag-ong kapitulo sa kasaysayan sa Simbahan. Sa pangalan ni Jesukristo, amen.