Mwe Sang Sacohk sin God

Tamuhlwel ac tahmtahel, kuht wi toeni se, kainin toeni se ma kuh in konweyuckyak ke Bible uh ke mwet mahtuh Israel elos tuhkweni in puhla oasr luhn Leum ac ahkfuhlwactye mwe insewowo Lal.¹ Kuht sruikihn in muhta ke pacl se inge ke ohiyac mahtuh inge fohlohkihnyuckyak sel Mwet Pahluh Joseph Smith.² Nga kwacfe sum in suhmuhslah ke journal intum an ma kom puhla ke toeni muhtahl kom wi inge.

Inge, kuht fahk ohsun nuh sin kawuck sacohk ac mwet pahluh, Prestuhn Thomas S. Monson. Finne kuht ahsrwellah, kuht sruikihn nuh pwacye ke Leum Rl kuh in pahngon sie mwet pahluh sasuc, Prestuhn Russell M. Nelson, in karihngihn Alu Lal. Ke nahweyucklac wo ingena kuht muhtwacwacack sie pacl ke Alu uh. Mwe sang sacohk se sin God pa inge.

Ke kais sie sesr tuh ahkkweyacllah Prestuhn Nelson ah, kuht tu ekihn mwet lohoh ye muhtuhn God ac etuh lah el pa lacpoh lacyot lal Prestuhn Monson. Ke kuht sruhlwack pahosr, kuht olwelah in lohng puhsrwacl oacna ke el eis kolyuck sin Leum.

Leum El fahk:

Kuht in lohacng nuhke nohfohn kalmacn ma Prestuhn ke Alu uh kahs ac masap suc el ac fah usot nuh sesr oacna ke eis uh … ;

Tuh kahs lal kuht in eis, oacna in ma inwacluhk lac, ke muhtweng ac luhlahlfongi.³

Nga etuh mwet pahluh-prestuhn sasuc se lasr inge ke yac 60. Nga kuhlwacnsap yohrohl ke U luhn Mwet Sap Singucul Luo ke yac 33, ac nga mwet lohoh se lah poun Leumahkoellah elan mwet karihngihn mwet sap lasr se ac mwet pahluh se in karihngihn ki nuhke pristut muhtahl fin facluh. Lwelah kais sie sesr in ahksahfye in ahkkweyacllah ac mwet kahsruh lal ac ukwacltahl. Kuht oacyacpac painuhl Elder Gong ac Elder Soares oacna in mempucr ke U luhn Mwet Sap Singucul Luo.

Ke tukun moulyak lal Jisus, sie pacl kuht ahkfuhlwactye ke weekend Istuh wolacna, El sikyang nuh sin Mwet Tuhma lutlut lal ac fahk “Misla nu suwos: Oana ke Papa El supweyume, ouinge nga supwekowosla.”⁴ Akihlen ma luo inge—God El suhpwacma Wen Nahtuhl. Wen nuhtin God suhpuh mwet kuhlwacnsap Lal—kwewana mukul ac muhtwacn—in ahkfahsrye orekma Laltahl.

Kuht in tiac lut in etuh lah kais sie selos suc pahngonyuck in oruh orekma luhn Leum tiacna suwohswohs. Sramsram ke ma suhmuhslah uh ahkuhtweyac ma sikyak ke mukul ac muhtwacn suc pahngonyuck sin God in ahksahfyelah orekma yohk kunaclos—tuhlihk wo nuhtin Pahpah Lucng—pahngonyuck in kuhlwacnsap in oruh ma kunaclos ke Alu uh, kampare in oruh kuhiyaclos, tuhsruhk nohfohnna selos tiacna suwohs. Oacna nuh sesr pac.

Ke kuht akihlen muhnahs ac fototolac lasr uh, kuht ac fuhkah tahpuhk kais sie? Enenuh in oasr luhlahlfongi—pwacye, luhlahlfongi pwacye sin Leum Jisus Kraist. Luhlahlfongi ke Mwet Lahngo el mwe yohk se met ke mwe luti ac wosasuc luhn Kraist.

Yac ekahsr somlah ah, nga tuh muhtwacta ke Yen Muhtahl sac. Ke kuht ahluhkwelah sahk mustard soko, director luhn BYU Jerusalem el siyuck fin nga liye tari fihtacn mustard uh. Nga soenna oruh kuht tui. El use nga liye fihtacn mustard se. Arulacna srihklac.

Na nga esamwack mwe luti se Lal Jisus ah: “Mweyen srikla lulalfongi lowos. Pwayena nga fahk nuh suwos, lulalfongi lowos fin oana luman fiten mustard se, kowos ac ku in fahk nu sin eol soko inge, ’Fahsrot liki acn se inge nu ingo!’ na ac som. Kowos ac ku in oru kutena ma.”⁵

Fin luhlahlfongi lasr uh oacna fihtacn mustard sac, Leum El ac kahsrwekuht in mohkwelah finohl in ahktihkuclkucl ac tahfuh luo ke ma kunacsr ke kuht kuhlwacnsap nuh sin tuhlihk nuhtin God, weacng mempucr ke suc, mempucr ke Alu uh, ac elos suc soenna mempucr ke alu uh.

Tamuhlwel ac tahmtahel, moul se inge kuh in sesseslah ke luhlahlfongi, pwacr, engan, ac luhngse ke oasr luhlahlfongi srihsrihk se lasr ke Kraist—finne nuhke luhlahlfongi luhn fihtacn mustard soko.

Elder George A. Smith el esamwack in sang kahs in ahkkweye Mwet Pahluh Joseph Smith el sang nuhsel: “El fahk nuh sihk nga tiac enenuh in suhpwacrlac, finne fuhkah ma upac se ma rauniyuclac. Fin nga actui nuh ke luhf se e Nova Scotia ac Finohl Yotyot nuhkwewa tanyucwi, nga tiac enenuh in fosrngah tuhsruhk in kampare, luhlahlfongi na, ac kampare ke nuhnak wo ac nga kuh in mayak liki ma tanyucwi ah.”⁶

Kuht enenuh in esam mwe fahk lal Paul: “Oasr ku luk in oru ma nukwewa ke ku su Christ el ase nu sik.”⁷ Etuh lah sie mwe sang sacohk sin God pa ngwe.

Nuh ke mwe sang nga ahkkahlwemye ah, puhkantwen ma sahyac. Nga fahk na kuhtuh ingena—mwe sang ke lwen Sahpuht, kuhlwacnsap nuh sin mwet sahyac, ac ke mwe sang sin God me Mwet Lahngo lasr.

Kuh ke lwen Sahpuht uh sie ma wo ke alu uh ac ke lohm sesr pa engan, pwacr, ac puhla Nguhn luhn Leum ke wacngihn ma sang in tulokihn.

Puhslac mwet ingena arlac lohacng yohk in online ke muhnahtuhlos—elos lohacng na nuh ke ma nahtuhlos ke len ac fong ac muhtahlos ac insrwaclos kosrweyucklac in tiac lohng, mahmah luhn Nguhn. Kuht fin tiac shrike in tulokihnyac, kuht ac tiac kuh in lohng puhsra se ac fahk, “Kowos in tia sifil mweun, ac etu lah nga God.”⁸ Wacngihn ma koluk ke technology inge ma moklweyuck sin Leum, tuhsruhk kuht in lahlmwetmwet ke orekmakihn uh. Esam mwe sang ke lwen Sahpuht.

Mwe insewowo ke wi ipeis ke pacl in sackracmacn tiac ma pahlah se kuh in orek na ke pacl in sackracmacn. Minit 70iyacna ke wik fohn se in tui ac suk mihs, pwacr, ac engan ke moul lasr uh.

Ipeis ke sackracmacn ac ahksasucye olwelah lasr sie akucl sesr nuh sin Leum lah kuht ac esamuhl pacl nuhkwewa. Iwaclah lal sie mwe sang wo sin God me.

Kuhlwacnsap nuh sin tuhlihk nuhtin Pahpah Lucng sie puhla wo se in ukwe srihkasrak luhn Wen Sacohk Nahtuhl pa in kuhlwacnsap nuh sin sie .

Kuhtuh kuhlwacnsap uh kunweyucki—nuh sin sucu lasr uh, kunohkohn lasr ke alu uh, ac oasr u lasr ke acn kuht muhta we.

Mempucr ke alu uh—kwewana mukul ac muhtwacn—tiac enenuh in ahlohloh, elos fin ke, in orekma ke oacna sie orekma luhn government uh. Puhsrwacsr elyah ingena ac yohk srihpac nuh ke lutlut lasr uh, acn sesr uh. Yen democracy oasr we, ma kunacsr in voti mwet ma fal in kuhlwacnsap.

Puhs ma orekma kuh in kuhlwacnsap nuh kac—finne tiac kunweyucki—ac tuhkuh ke kuht lohacng nuh sin elos suc enenuh. Esam lah Jisus El luti ke lawyer sac lah kuht enenuh in luhngse God ac mwet tuhlan last oacna in mwet Samaritan sac.⁹

Kuhlwacnsap uh ikacslah winto in kahlwem ke moul ac luti luhn Kraist. El tuhkuh in kuhlwacnsuhpuh, oacna ma suhmuhslah fahk, “oana ke Wen nutin Mwet el tia tuku in tuh kulansupweyuk el, a tuh elan sie mwet kulansap, ac sang moul al in molela mwet puspis.”¹⁰

Peter el kuh in sang ahkuhtweyac se in sang ahkuhtweyac luti luhn Mwet Lahngo ke kahs oalkosr, “forfor in acn nukewa ac oru ma wo.”¹¹

Leum Jisus Kraist El pa sacohk emet ke mwe sang sin God me. Jisus El fahk, “Nga pa inkanek, ac pwaye, ac moul; wangin mwet som nu yurin Papa fin tia ke nga.”¹²

Nephi el sruokyac yohk srihpaciyacn Mwet Lahngo lasr ke el fahk, “Ac kuht sramsramkihn Kraist, kuht kaksakihn Kraist, kuht luti kacn Kraist, kuht palye ke Kraist, ac kuht sihmihs in oacna nuh ke pahluh lasr, tuh tuhlihk nahtuhsr uh in kuh in etuh lah meac pwelucng elos kuh in ngwet nuh kac tuh in iyucklac ma koluk lalos.”¹³ Kuht enenuh in eisacl Kraist elacn an infulwacn moul lasr uh ke pacl nuhkwewa ke acn nuhkwewa.

Kuht enenuh in esam lah ke srihpen Inel oasr acn nuhkwewa in kaksyakihnyuck; kuht pacptaislac ke Inel; ac kuht ahkkweyeyuck, akmuhsraiyucklac in som sili macruht la ke Inel. Kuht wi eis sackracmacn ac olwelah in esamuhl—ac Mwet Luhlahlfongi pwacye. Ahksahfye, kuht siyuckyuck ke pruhe in sackracmacn ah in “esamuhl pacl nuhkwewa.”¹⁴

Ke kuht ac ahkfahsrye Sacnri in Istuh lasr lutu uh, lwelah kuht in esam Kraist lah el kuh. El pa fal in Mwet Nuhnuhnkuh pwacye, mwet kahsruh pwacye, Mwe Molwelah ac Shepherd Wo se, Messiah, Kawuck pwacye, ac kuhtuh,kuhtuh pac sahyac. El mwe sang sacohk na pwacye se in  Pahpah tuhmwacsr.

Ke mwe luti lasr uh, oasr ma kuht nuhnkuh. Tuhsruhk, kuhtuh mukwikwi inge enenuh in orek ke luhngse luhn Alu uh. Leum el sapkihn luhlahlfongi na; tu na ke ma srihsrihnikomi kac; kahsruh suc muhnahs, sruhkwack elos suc puhtatlac, acahkkweye elos suc ikori.¹⁵

Pa inge orekma luhn Alu uh! Pa inge alu pwacye! Pa inge wosasuc pa pwacye in ahkkweye, sruhk, ahkfokokoye nguhna suc enenuh! Oruh ma inge in ahkkweyekuht kuht in muhtwacta yohrohlos ac ahkkweyeyaclos,¹⁶ lah luhlahlfongi lalos sin Pahpah inkuhsrao ac ke Iwaclah Lal Jisus Krais ac kawucki ke insiyacsr.

Lwelah tuh Leum elan kahsruh ac ahkinsewowoye mempucr lasr ke Alu fohlohkihnyuckyak lal uh. Nga pruhe tuh kuht tuhlihk nuhtin God in sesseslah ke luhngse ac kuh in liye enenuh lalos ac kuh in kahsruh tohpohklah kihsensiyuck lalos ke wosasuc uh ac ahkkapye etwacack lalos.

Nga fahkwack lah Jisus Kraist El Mwet Lahngo lasr. Ma e lutiyuck ke toeni luhlahp se lasr inge ma in kahsrwekuht sin mwet sap ac mwet pahluh lasr, ke General Authorities, ac mwet kol muhtwacn suc pa General Officers la ke Alu uh. Lwelah engan ac mihslac luhn Leum in wikowos ke inen Jisus Kraist,amen.