Fapi Profet e ma Non u dakean Gelngin fare Kan ni Thothup

Pi walageg nib tu’uf rog, demtrug e gin ni gimed bay riy, ma gu ba adag ni nggu pining e magaer ngomed ko sustain vote romed ko fowap. Ke sobutan’ug ni nggu murwel ni pa’ e Tathapeg rodaed, ni Yesus Kristus, u dakean e fayleng. Ku thamiy ni ku boed Moses, ni tay ir ni dani mangil ma dani cheag ko non. Be yib e gapas ngog ko n’en nike yoeg Somoel ngak:

“I mini’ e pi’ l’ugun e girdi’? I mini’ e ma gagiyegnag e girdi’ nge par nike baling ara dabkiyag ni nge non, i mini’ e ke tay e girdi’ ni nge guy ban’en, ara tay nib malmit? I gag Somoel?

“Ere mman, ya bay gu ayuwegnem ngam welthin, ba bay gog ngom e n’en ni ngamog” (Exodus 4:11–12; kumguy ko verse 10).

Ma kugu ba gapas ko tu’ufeg nge ayuw nibe pi’ e ppin rog ngog. Ke mang e wo’ ko mangil. tu’ufegn, ma ke pi’ ir ngak somoel ni fan ngog nge tabinaew rog. Rugu ba adag u lan gumircha’eg, ma gub falfalen’ ko rogon nib mangil ngomaed.

Pi walageg, gube micheg ngom ni President Russell M. Nelson e profet rok Got u dakean e fayleng. Dariy bee’ ni kuguy nib gol ma ba sug ko tu’ufeg nge migid ir. Demtrug ni danug cheag ko biney e call, ma thin rok nge sap rok nib mangil napan ni pi’ e biney e murwel e na’nggin neg ngog thamiy e tu’ufeg rok fare Tathapeg. Karim magaer, o President Nelson. Gamaed be sustain nimeg ma gab tu’ufeg romaed.

Pi walageg, gathi ba falel’ ni bay e pi profet, pi’in nib tathogthog banʼen u dakean, nge pi’in nib tayiʼiy u dakean e fayleg ko tiney e rran ni gadaed bay, ni yaed be gay ni ngan nang e n’en nib m’agan’ Somoel ngay man fol riy? Ba gapas ni ngan nang ni gathi i go’ gadaed u dakean e fayleng, demtrug e pi magawon ni gadaed be yan u fithik. Pi profet ni bay e pow ko tu’ufeg rok Got ngak e Pifaak. Pi profet e yaed ma yoeg e pi micheg nge rogon Got nge Yesus Kristus ngak e gidii’ Rorow. Ku nang e biney ko tin ban’en nike buch rog.

Ragag nge meruk e duw kafram, ma ppin rog nge gag e yib e kol ngomow rok President James E. Faust, ngiyal’ nem e cha’an L’agruw e Counselor u lan fare Bin Somm’on e Presidency. Ke non ngomow ni nggu pigpig gow ni gomow e mission president nge fagar u Portugal. I yoeg ngomow ni kemus ni ri nel’ e wik e kubay um’on ni nggu tabab gow ko fare mission. Mus ni danug thamiyew ni ba fal’ rogon mow ni danug cheag gow, mu gomow feek fare pigpig. N’en ni ri gomow be magar nag e ngiyal’ ni nggu thapegew e visa nib tu’uf ni ngeyag ngomow ni nggu pigpig gow u lane binem e naam ni bachane, tin ban’en ni ki i buch ni kab kafram, ma gomow manang ni re yaen nel’ nge mada’ ko meruk e pul ni ran fal’ babyoren mow.

Ma arame fith President Faust fa’anra bay e mich romow ni ra ayuw Somoel ni nge yag ninge fal’ e visa romow nib papey. fulweg romow e “eah,” mu gomow tabab i fal’eg rogon nib tumgin. Gu fal’egnew e babyor ni fan ko visa, ma gomow feek e bitir romow, nggu wared gin ni ngan fal’eg e babyor riy nib papey. Ba ppin nib gol e mada’ nag maed u rom. Napan nibe yaliy e babyor romow me nang ko mang e nggu rrin’ew u Portugal, me fith mow, “Riyul’ ni ngarim ayuwegnew e gidii’ ko naam rom?” Mu gomow fulweg ni gu ga’ar gow, “eah” mugu weliyew ni gomow ra mithmith ni pa’ Yesus Kristus man micheg Mornga’agen nge murwel Rok u dakean e faleng. Aningeg e wik nga m’on mu gomow sul ngaram, nggu thapegew e visa romow, mu gomow taw ko mission romow u lan nel’ e wik, rogon nike yoeg fare profet rok Somoel ni nggu rrin’ew.

Pi walageg, gube micheg ni pi profet e ma non u dakean fare Kan ni Thothup. Yaed ma micheg mornga’agen Kristus nge murwel rok u dakean e fayleng. Yaed ma yoeg e tafney nge gumircha’eg Somoel ma kan pining raed ni ngar manged Pa’ man fil ngodaed e n’en ni ngarin rrin’ed ni ngad suloed ngad pired u pow’chen Got nge Faak, ni Yesus Kristus. Gadaed ba tawa’ath napan ni gadaed ra gel nag e mich rodaed ma gadaed fol ko pin’en ni yaed be fil. Napan ni yira motoyil ngoraed, me falfalen’ boech e yafas rodaed ma daki wagagey rogon, ma pin’en nbi momaw’ rodaed nge magawon e ra moem rogon ni ngu un yan u fithik, ma gadaed liyeg daed ko ayuw ni ra ayuweg daed ko pi kireb ko togopluw u lane rran rodaed.

Gube micheg ni Yesus Kristus e ba fas, ma Ir e be gagyeg nag e Galasia Rok u dakean e fayleng u dakean e pi profet, ta thogthog, nge ta yi’iy Rok. Gube micheg ni Ir e Tathapeg nge Tabiyul ko fayleng ma dakean ma rayog ni ngad thapd gaed ma gadaed falfalen’ u pow’chen Got. Ba tu’uf rog, ma gube liyoer Ngak, ma gu ba adag ni nggu laek mugu rrin’ e n’en nib m’agan’ ngay mugu boech boech Ir. Gube yoeg e pinn’ey i dakean fithngan Somoel ni Yesus Kristus rodaed nib thothup, amen.