Klisischel a Priesthood
A klisichel a chedaol priesthood el mobang a klou a belkul ra urerel a Rubak ma chelsel a telungalek er kau ma urelem ra Ikelesia.
Rodam er ngak, kid a mla rongesii ocholt el blel ouchais er ngii a President Russell M. Nelson. Kede mla remenges a meklou a belkul el tekoi ra Elder Christofferson me a Elder Rasband me a President Eyring. A lmuut el mo medung, a uldimukl a tekingel a President Nelson, el mo meketakl aikel kermiu, el oungerachel e olab a priesthood ra Rubak, el mo ngercheliu el mo meruul. Ak mo ngosukemiu el mo medengelii tiang, mak mo mesaod a bebil ra meklou a belkul osisechakl el kirel a priesthood el mobang.
I. Priesthood
A Melchizedek Priesthood a chedaol ngerachel el Dios a mla msa chad el mo kudmkeli a Urerel el mo uchul a diak a ulebengelel klengar el mora chad (mesa Moses 1:39). Sera 1829, a Joseph Smith ma Oliver Cowdery a ngiluu tial priesthood ra Apostol ra Osobel el Petrus, James, ma Johanes (mesa D&C 27:12). Ng chedaol e mesisiich ra rokui el klisiich el dodengei.
A kiis ra priesthood a klisiich lomtebechel e meruul a ngerachel ra priesthood. Tiang a uchul, a re Apostol ra lenguu tial Melchizedek Priesthood el msa Joseph ma Oliver, e te dirrek el milsterir a kiis el mo omtebechel e merul a ngerachel ra chelsel (mesa D&C 27:12–13). Ngdi ngdiak rokui el kiis ra priesthood a milngai er tial taem. A rokui el kiis ma klemedengei el kirel chelechal taem (mesa D&C 128:18) a mengai el derstang el taem (verse 21). A lmuut el bebil ra kiis a mlengai ra chelsel a Kirkland Temple ra euid el rak ruriul (mesa D&C 110:11–16). Aikal kiis a mlengai el mo omtebechel a ngerachel ra priesthood ra lmuut el bebil ra ureor el mlo er ngii er sel taem, el uaia techolbechlid ra revmla mad.
A Melchizedek Priesthood a diak el beskid a chetengakl ma deruchall. Ng chedaol klisiich lultuil ra klaumerang el mo meruul a urerel a Dios el kirir a Rengelekel. Ng kired el mo medengei el uase a rsechal loba priesthood a diak el “priesthood.” Ng diak el ungil a domekesiu ra “priesthood el mora redil.” Ng bai kired el “mesaod ra roba priesthood me a redil.”
II. Ureor el Mesiou
Ka me domes aikel soal a Rubak el Jesus Kristo a loruul tirkel loba priesthood er Ngii— ma ngercheled lolsobel ra rechad el kirel.
A President Joseph F. Smith a mle olisechakl: Kid a medengei el kmo a Ikelsia a kmal lungil chelderoder. A mondai a kmo aikal chelchad a diak el mui el meruul aikel ngerachel el tir olab. Sel bol mui el medengei aikel ngerachel el kirir el meruul, e tir a mo blak a rengrir el mengedmokl a ngerchelir, e seikid a urerel a Ruabk a mo mesisiich e morngii a ultutelel ma relii el mo er a beluulechad.”1
A President Smith a dirrek el mle omeklatk:
“A chetengakl el deruchall el beskid a Dios … ra ikel kakerous el obis el ngara Chedaol Preisthood, a diak lousbech malechub e domes el dui el mlukdubed er a chad; ng diak bol lomesiich ra chad malchub e lolechotel a klengarbab el chad, ng bai ngerachel elmo ra omesiou ra urerel a Mastang el ngii a dolekoi el kmo kede mesiou er ngii. …
“… Kid oureor el olsobel ra rechad, e kired el omelchesiu er tial kot el ngarbab el ngerachel el bla denguu. A leuaisei, eng kired el omelchesiu el mo odars a rokui er kid, al kirel, leng betik a rengud ra Dios, ma osebelir a rechad, ma klisichel a rengedel a Dios ra beluulechad.”2
III. Obis ra Priesthood
Chelsel a Ikelsia ra Rubak, a ikel obis ra Melchizedek Priesthood a kakerous a urerel. Ngara Doctrine and Covenants eng mesaod ra ngarbab el prist loungerachel a kakerous el teletael ra ikel rechelel a ikelesia (mesa D&C 124:134). Ng mesaod ra re elders el kirir el mo mesiou ra chelsel a Ikelsia er a Rubak (mesa D&C 124:137). Aikakid a bebil ra osisechakl el kirel aikal kakerous el ngerachel.
A ngarbab el prist a oungerachel a urerel chedaol tekoi (mesa D&C 107:10, 12). E dirrek, el aikel Joseph F. Smith a ulsisechakl, “A chad sel blal moterekokl el ngarbab el prist, e [ngii] a kirel omelchesiu el kirel … mo ungil okesiu er mederir a remeklou me a remekekerei el mo meruul osisiu, a mo uaia le sensei lokiu a llemalt lomeruul, el diak di losischeklel ng bai klou lultuil ra okesiu er ngii—el mesterir a duch a remekekerei, el mo sebechel lolngeseu ra chelsel sel basio le kiei er ngii.”3
A kuk ngerchelel a elder, a Elder Bruce R. McConkie ra Chelechad ra Teruich ma terung a ulsisechakl el kmo: “A elder a meruul a urerel a Rubak el Jesus Kristo. … Ng omtechei el meruul a urerel a Mastang … lolngeseu ra rebebil ra rechad. Ngii a oderchelel a Rubak.”4
A Elder McConkie omtok er sel uldasou el uase a chad a “kuk kmal di elder e merekong.” “A bek el elder ra Ikelesia a oba osisiu el priesthood el uaia Merredel ra Ikeelsia … ,” ngii a millekoi. “Ngera elder? Ng mengkar, ng mengkar ra recheldebechel ra Ungil Mengkar a Sib.”5
Tial klou a belkul ureor el olngeseu el mengkar ra recheldebechel ra Ungil Mengkar a Sib, a diak a klekakerous er ngii ra obis ra ngarbab el prist ma elder ra Melchizedek Priesthood. Sel bliongel ra bliongel 107 er a Doctrine and Covenants, a Rubak ouchais el kmo a ngarbab el prist ra Melchizedek Priesthood a ngarngii a llemeltel er sel deruchall le ngarngii, lokiu a dereder ra presidency, ra ikel chedaol tekoi, ma chelsel sel obis ra elder malechub a ngii dil obis ra Aaronic Priesthood (mesa D&C 107:10; dirrek el mesa bades 12).
A kot el klou a belkul osisechakl el kirir a rokui loba priesthood a osischeklel a profet Jacob ra Babier er a Mormon. Uriul er ngii ma ochellel ra Joseph ra le moterkokl el prist e sensei ra rechad, a Jacob a ulsisechakl el kmo te meruul a ngerchelir el mora Rubak, e ngiluu a ngerachel, el onger a kngterir a rechad alsekum eng dimlak el ungil losichekelterir ra tekingel a Dios (mesa Jacob 1:19).
Rodam, a ngercheled kid el oba priesthood a kmal oberaod el tekoi. A bebil ra chelechad a sebechel mo ungil a rengrir ra kuk teletael ra beluulechad ra tekoi lolekoi ma omeruul ra ikel ngerchelir. Ng di kid loba priesthood ra Dios a ngarngii a chedaol klisiched el kirel a siseball el mora kot el ngarbab el rengedel a Dios. Ngarngii a moktek ma ngercheled el blal sodii a Rubak ra uchelel a Doctrine and Covenants: Ng kired el louchai el mora beluulechad:
Ng kired louchais ra beluulechad el uase a bek el chad bo lolekoi ra ngklel a Dios el Rubak, el Osobelel a beluulechad;
Ma klaumerang bol obdois ra beluulechad;
Ma diak a ulebengelel telbilek bol mekedmokl;
Ma cherrengelel ebangkelio er ngak bol muchais lokiu a beot el teletael el mo ra beluulechad el rokir (mesa D&C 1:20–23).
Uchul e kid a kutmeklii tial chedaol ngerachel, eng kired el mo blak a rengud ra “ngercheled” ra priesthood (mesa D&C 84:33). President Harold B. Lee a milsaod ra belkul a doruul a ngercheled ra priesthood: “A chad sel nguu a priesthood, eng mo oderchelel a Rubak. Ng kirel omdasou ra ngerchelel el uaia loruul a urerel a Rubak. Tiaikid a belkul sel doruul a ngercheled ra priesthood.”6
Aleuasiei, e rodam, omko Rubak a mle olengit er kau el mo ngoseuir a tara ngelekel sechal malechub eng redil— el Ngii a mla meruul er ngii lokiu a remesiungel—e kemo rulii? A bom relii, eke meruul el oderchelel, “meruul a urerel a Rubak,” lultuil ra yaksok er Ngii el mo ngosukau?
A Presidnet Lee a ngarngii a lmuut el osischeklel ra ureled a priesthood: “Sel morreked ra magnifying glass er bebul a kmo ngerang eng rulii tial klalou el mo mal mo klou el sebechem el mesang el di olab a medam; tiaikid a magnifying glass. Chelechang, … a chad sel loruul a urerel ra priesthood—eng, rulii el mo klou me sel kot e te omdasou el uase ng kmal klou a belkul—tiaikid a teletael sel moruul a urelem er a priesthood.”7
Tiakid okesiu ra chad loba priesthood el meruul a ngerchelel er tial priesthood. Tiang a rirngesii ra Elder Jeffrey D. Erekson, el mle kldemek er a stake conference ra Idaho. Sera lengeasek el dirk mlo bechiil, el kmal milngebuul e melasm el merekui ra ulebongel el rak er ngii ra daingak, e a Jeffrey a tilbir el momerek el ngara skuul e kongei el mo oureor ra kmal ungil ureor. Sesei el klebesei ruriul ea merredel ra elders quorum a mlei ra blil. “Kau ke medengelii a klou el belkul a priesthood el kubang?” ngika el merredel er a elders quorum a uleker. A Jeffrey ra lekengei el kmo ng medengei, e ngkal merredel a dula er ngii el uase sera renges el kmo ng melatk a mo diak el ngara skuul, e a Rubak a kmal lomekringel er ngii meng diak a cheliuel a le klebesei el kirel mo mengedecheduch ra Jeffrey: “Ngak el merredel ra elders quorum er kau, a subedau el kmo ng diak mchitii a skuul. Tiaikid a klumech el mei er kau el mlara Rubak.” A Jeffrey a milemolem el ngara skuul. Betok el rak ruriul ak milsang el kmal ungil besul chad ra siobai e rirngesii louchais ra rebetok el kldibel rechad loba priesthood, “Sel [omellach] a kmal ngildechii a klengar ngak.”
A oba priesthood a meruul a ngerchelel ma urelel a priesthood, el ngarngii a “bol relii” ra klengar ra tara ngelekel a Dios.
IV. Priesthood ra chelsel a Telungalek
Melmuut ra chelchal taem, ak mla mesaod a urerel a priesthood ra Ikelesia. Chelechang ak mo mesaod ra priesthood ra chelsel a telungalek. Ak omuchel el mesaod a kiis. A osisechakl el uchul a ngerachel ra priesthood a sebechel mekedmokl ra chad el oba kiis a kmal klou a ultutelel ra Iekelsia eng ding diak el bol uaisel ngerchelel a priesthood ra chelsel a telungalek.8 A chedam el oba priesthood a bdelul a telungalek lokiu a priesthood el ngii obang. Ng diak a belkul lolai ra kengei sel lomekngeltengat ra rechad ra telungalek er ngii, miting ra chelsel a telungalek, omekngeltengat ra bechil ma rengelekel, malechub el klengeltengat ra omekungil ra rechedal a telungalek maelchub a bebil ra rechad.
Omko rechedam a mo meruul a ngerchelir ra priesthood ra rekeblirir, eng mo mesisiich a urelel a Ikelesia ra rokui el tekoi loruul. A rechedam loba Melchizedek Priesthood a kirir el oltirakl a llach meng mo ngarngii a klisichel a priesthood er tir el omekngeltengat ra rechedal a telungalek er tir. A rechedam a dirrek el kirir el melalem ra ungil deleuill ra telungalek el uchul a rechedal a telungalek a mo sorir lolengit a klengeltengat ra redemerir. A roungalek a kirir el melisiich ra klengeltengat ra priesthood ra telungalek er tir.
Rchedam, moureor el “kaukledem” ma rebechemiu, el uaikel llechukl ra chelsel a chisel a telungalek.9 E rechedam, tial techelliu el ousbech ra klisichel a priesthood, e bo moruul lokiu omengesuseu, kllou el reng, blekokeuii ma delemdemk, me a beltikelreng (mesa D&C 121:41). Tial ngarbab el llechul a usbechellel a ngerachel ra priesthood a kmal klou a belkul ra cheslel a telungalek. A President Harold B. Lee a milskid tiakid el yaksok ruriul ra bol Merredel ra Ikelsia: “Ng diak a ngodech el klisiich el mobang, el mo ngaruchei ra klisichel a priesthood, sel dubech a kerior ra telungalek, secher, malechub eng meringel el tekoi ra uldasou el kirel mekedmokl. … A ngara chelsel tial klisichel a priesthood, el ngii a klisichel a Ngarbab el Dios, a klisiich el meruul ongasireng el tekoi alsekum eng moktel ra Rubak, eng di sel uchul eng mo sebeched el ousbech er tial priesthood, eng kired el klikiid el mo ousbech er ngii. A lak bo dodengelii tial llach eng diak el sebeched el ngmai a klengeltengat sel doba tial ngarbab el priesthood.”10
Betik ra renguk el rodam er ngak, a klisichel chedaol priesthood el mobang a klou a belkul ra urelel a Rubak ma cheslel a telungalek er kemiu me a ngercheliu ra Ikelesia.
A kuchais el kirel Ngii tial priesthood a kloklel. Ngokiu a tngakireng er Ngii ma okis er a kodall, e a rokui el sechal ma redil a sebechir el muut el mo ngar e ngarngii a techellir ra diak a ulebengelel klengar. A dersta er kid a kirel mo blak a rengud e mui el meruul a ngercheled er tial klou el urelel a Dios el Diak a Ulebengelel Chedam, el ngara ngklel a Jesus Kristo, amen.