Profet er Dios
A profet a diak ledechor er a delongelem kau ma osobel, ng dechor er a bita er kau e melutk er a real el mo e a osobel.
Ak dirrek el mengemedaol er a Elder Gerrit Gong me a Elder Ulisses el mer tial rodam er a Chelechad er a Teruich me a terung.
Sel dochotii el kmo kede oldubech er a President Russell M. Nelson el Profet er a Rubak e Merredel er a Ikelesia er a Jesus Kristo er a Uriul-klebesei el Santo, e kede mle tebedechel a chedaol e ultuil—er a blakerreng le teletael el dilubech er a mereko el tal sikang a mle chioll er a babeluades er a uchei er a beluulechad. A Rubak el Jesus Kristo, el lomtebechel er a Urerel er a, chelechal sils, e ngokiu a President Eyring, eng mlocholt a profet er Ngii, el Ngii a mla oterkeklii el merredel, er kid, a Rechedal er a telbiil, el uchul eng sebeched lochotii a uldesued loldubech er ngii e oltirakl a tekingel.
Mo er tir ke el million el chedal ikelesia el tir a dial lobengeked er chelsel a Conference Center, ng soak a bo mo dengei el kmo a delbengel a rubak a ngar er a chelsel tial delemerab er tial temel a oldubech er a President Nelson a di osisiu er kau el teloir er ngii- mui el chedaol klisiich. A ulekrael er a babeluades el kldibel er kid a diak di le ngar tial Conference Center el merekong, ng berrokel er a beluulechad el rokir—er a ikel ikelesia er a beluu er a Asia, Africa, me a North America; me a obliil er a Central me a South America me a Europe; me a ikel merkelel a beluu er a Pacific me a iuns. Tial ongdibel a ngar er a ngidil merkelel a beluulechad el omngarngii, luldimukl a di mousbech er a smartphone er kau lomes. A mlodars el chimad a dimlak el mucherangel er a rebisop, eng di ng kmal llechukl er a babeluades, lolchotel a telbiled lobengkel a Dios me a omerelled a llechukl er a chelsel a hong er a klengar.
A Rubak a melilite er profet er ngii
A melilt er a mo profet a di mekedmokl er a Rubak e merekong. Ng diak a campaign, mondai, diak a ko er a olecholt er a deruchellel, diak el blibii a rechad, diak a ko er a oumededenger, diak a rraureng, e diak a uldikel. Ngak, a dirrek, el ouchais el kmo a klisichel a babeluades a ulbengkemam el ngarsel kot el rebab el delmerab er a templo e ki moluluuch el meliuekl er a President Nelson e mlo omelchesiu er a Rubak el kilengei er ngii.
Sel omelilt er a President Nelson el mo mesiou el profet er a Dios a milkedmokl er a uchei. Aikel tekingel Rubak el mo er a Jeremiah a dirrek el mo er a President Nelson: “Uchei er a kbeskau a klengar er kau e a kngileltaum; ma uchei er chomechell e a ktiltkau, ak ngileltau el mo profet el mor a bebil er a beluu.”1 Edei el rak er a memong, e a Elder Nelson, el mle oketiu a rekil, a mle ongeua el klou el chad lobengterir a reteru er tirkel tedei el kot el meklou el chad el Apostol e mle mekesai a rekil er tir el rokui. A Rubak, el ngii a omtebechel a klengar me a kodall, a melilt er a profet er Ngii. A President Nelson, el oketiu me a edei a rekil, a kmal mesisiich a bedengel. Kede oureng me ngobengked el muut el meketeket el rak, eng di chelechang e a ki melasm el mengeroid er ngii meng diak bo lousekool a ski er a ikel kedengelengel el basio.
Me sel doldubech er a profet el mlengilt er a Dios, e bol bleketakl el kmo kid a di mengull er a Dios e merekong, el Demad er a Babeluades, me a chedal Ngelekel Sechal. Ngokiu a klungiaol, chubechub, me a krasia er a Osobeled, el Jesus Kristo, e tara klebesei e kede lmuut el soiseb er a Rengedir.2
Ngeram me ke de oltirakl er a Profet
Maluaisei, a Jesus a ulisechakl er a klou a belkul klemerang el kirel a remesiungel el Ngii a oldurokl er tir el merkid. “Ngikel ngoikemiu,” Ngii a milekoi, “a ngoikak, e ngikel nogikak a nguu ngikel ulderchak.”3
A kot el klou a belkul ngerchelel a profet er a Dios a olisechakl er kid el kirel a Osobel e omekrael er kid el mo er Ngii.
Ng kmal betok a ungil uchul e kede oltirakl er a President Russel M. Nelson. Ng dirrek el tirkel ua teletelel a beluulechad a omekedong er ngii el mellomes a rengul chad. Uasel Elder Stevenson louchais, ngii a mle toktang sera lluich me a eru rekil, el toktang er a chaidireng, e mle tara uchelel a teletael er a botk er a chaidireng.
Rebil er a rechad a kongei el kmo ngii a mellomes. Kmeed el oketiu el rak losuub el kirel a klengar me kodall, e kiei el meral, loubeltikereng e olisechakl er a rengelkel a Dios el meliuekl er a beluulechad, e ungil okesiu el teruich a rengelekel, okeim me a teuid a rengelekir a rengelekel, e dart me a teruich me a telolem a rengelekir a rengelekir a rengelekel (Tial lochur a di mereched el merael mo rebab; ngelekel a ngelekel a ngelkel a dirk milechel se er a ongedei el lureor).
Tirkel kmal ungil medengelii a dochelii el kmo a President Nelson a mla soiseb er a ringel er a klengar loba klaumerang me a blakerreng. A okeuid me a euid a rekil ngelekel redil, er a Emily, er a lemad er a kasinoma eng mlo ikrii a bechil me a reteim el mekekerei el ngelekel, e ak rirngesii el dmu el kmo. “Ngak a mle demal, e toktang, e apostol er a Rubak el Jesus Kristo, e di mlo teletael e kongei el kmo, ‘Ng diak el sel soak ng bai sel soam bol mekedmokl.’”4
Chad el ngar er a tebekebok
Meng uaisei el dechat aikal ngarbab el blekeradel, Ngeram me ke de oltirkal er a President Nelson? Ngeram me ke de oltierkal er a profet? E kede oltirakl er a President Nelson le Rubak el Jesus Kristo a mla mekedongii e tutkii el Mengkerengel el ngara tebekebok.
A Carcassonne a kmal klebokel el sellers el beluu er a France el meketeketa el beluu er a chelsel a reksi er a Europe. A metongakl el tebekebok a mekedidai lomecheliu er a beluu, el kirir a rechad el mengkar el dechor e omes a lellomes me a leklebesei el di klekar lomes er a recherarou. A mengkar sel lesa cherarou el sosieba er a beluu, e ng omekeklatk er a rechad er a beluu er a Carcassone er a kengaol el tir a diak lesang.
A profet a mengkar el ngara tebekebok, lomecheliu er kid er a chedaol kengaol el diak deues.
A Rubak a dilu er a Ezekiel el kmo, “Ak mla oterkeklau el mengkar er a blai er a Israel; a leuasiei e kau a mo remenges a tekoi [el] tuobed er a ngerek, e mo omeklatk er tir el kirek.”5
Kede blechoel mesaod er a klou el ultutelel a doltirakl er a profet, eng di ka momtab er a klou el berraod el Rubak a mla nguu el msa profet er Ngii: “Alsekum eng diak momeklatk er a chad er a mekngit … , [e] ngii el chad… a mad lobengkel a kngtil; … e ak mo ukerkeriil er kau.”6
Klou el Sioning
Kede oldubech er a President Nelson el di ngii me a doldubech er a Peter malechub eng Moses omko kede kiliei er sel taem. A Dios a dilu er a Moses el kmo, “Ak mo ngerem, e osischeklau er a ikel bo molekoi.”7 Kid a orrenges er a profet er a Rubak loba klaumerang el kmo aikel tekingel a diual mla er a ngerel a [rubak].”8
Tiang locha klsuul el klaumerang? Ng diak, ng kmal diak. Dersta er kid a mla sioning er a klemrang er a Oluut er a ebangkelio er a Jesus Kristo. Ngultuil er a soad me a lemelted, e kede uleldars a chimad er chelechal tutau, lochotii a blakereng er kid el mo oldubech er a profet er a Dios a uldesued, klaumera er kid, me a nglunguched9 e mo oltirakl a tekingel. Kid a Uriul-klebesei el Santo a ngarngii a techelled el ngmai chedaol sioning el mo medengei el kmo a okedongel a President Nelson a ngara Dios el mei. A bechik er a, Kathy, a dimla medengelii a President Nelson el kmeed el okedei el rak e diak a keril kirel a chedaol ngerchelel, e a uriul er a lemoterekokl, e ng mocha menguiu aikel rokui el cheldechedechal er a general conference er a ikal mereko el okedei me a eua el rak, e meluluuch el kirel loba dmolech el teletael el kirel a ngerchelel el profet. Ak yaksok er kemiu el kmo tial mesisiich el sioning a mei er kemiu sel moba ngariou el reng e bom klikiid losiik er ngii
Ngera uchul meng kmal blak a rengud loltirakl a tekingel a profet er kid? Tirkel rokui el blak a rengrir losiik er a diak a ulebengelel klengar, e a tekingel a profet a meskid a chedaol selbechakl er a chelsel a chatiteuokel el taem.
Kede kiei er a beluulechad el mui er a betok el tekoi. A internet, me a smrtphone, me a betok el bedengel a klekedall er a ongelaod, a rokui a olengit medomes e melasm a klisichel er kid, el rungulir me bo domechar aikal kloklir e bo doruul aikel teletelir.
A kmal betok el tekoi me a uldasou a mekletkid er a uleklatk el ngara chelsel chedaol llechukl el kmo “kede mong kede mei, lorrenges a betok el,”10 “tekoi er tiei me a tiei,”11 el betok el “blulak luldasou,” er tirkel mengiil el mo mengebelad.”12
A dotilid el mo er a Rubak el Jesus eng kired lorenges er tirkel Ngii a uldurokl el mesiungel. Oltirakl er a profet er tia beluulechad er a uldikel a uaia debleiull er a meaiu, el mekekeald el bar er a taem er a kelekolkt.
Kede kiei er a beluulechad el betok a uldasou, mondai, klautok, teletael, me a omesaod. A ker el ngera “uchul?” a deblechoel loker ngii er a betok el tekoi er a klengar kid, e uaia debecherei a klisichel a llemesed me ngomekrael a dolilt el meruul er a bek el sils.
Eng di a tekingel a Rubak a blechoel mei el diak a omesodel.13 Uchei er a omesuub el kirel telmelel a infedilty er a bechim me a rengelkem, ea Rubak a dilung, “Lak bo el melaok a rengum.”14 Engelakl er a di tal llomes—ng mekreos a rengud er tial sengk er a Chedaol Reng.
Diak el bol mechas a rengum
A ngerel a profet, el melekoi a ungil tekoi, a blechoel ngerel okedong lolengit er kid el mo mengodech, mo ouchel, e deluut el mo er a Rubak. Alsekum eng kired el mengodech, e lak domekioud er ngii. E lak bol rrau a rengmiu alsekum a tekingel a profet a omtok a merael chisel tekoi er chelechal beluulechad. Ng blechoel, el tirkel seselk a rengrir e diak loumerang a oltuub a tekingel a profet. Sel sekum e koba ngariou el reng e oltirakl a tekingel a profet er a Dios, e ak yaksok er kemiu a lmuut el dechelel a klengeltengat er a selbechakl me a budech.
Lak bol mechas a rengum alsekum a lebebil er a taem ea kuk di uldesuem a diak losisiu ngii me a osischeklel a profet er a Dios. Aika ikel taem er a omesuub, mo oba ngariou el reng, sel doluluuch. Kede omakes el bedul uchei loba klaumerang, lultuil er a Dios, el medengei el kmo cherengel a taem e ked emo ngmai a lmuut el bleketakl el chedaol tekoi er a Demad er a Babeluades. A tal profet a mesaod er sel diak a mo uaingii el sengk er a Osobel el kmo “ng moktek er a Ngalek loltirakl er a soal a Chedam.”15 Sel dotireklii a soal a Dios, eng meral tekoi, el diak el belkul a kmo kede mla mo mechitechut ng bai uchelel a chetengakl el klisiich.
A rebebil a mo melasm el omiich a tekingel a profet, el meringel lomes el kmo ngera tekoi er a ulaoch e ngera kuk di tekingel a uldesuel.
Sera 1982, eru el rak ruchei er a lemokedong el mo Genral Authority, e a Brother Russell M. Nelson a dilu el kmo, “Ng kmal diak kuker el kmo, ‘Ngera el tekoi el dung a profet a tekingel a profet e ngera diak?’ Ak di oker el kmo, ‘Ak mekerang e mo uai ngii?’” Ng millemolem el kmo, “A [uldesuek a mo] diak a kerik el kirel a tekingel a profet e bai di oltirakl.”16 Tiaikid a teletael el ngariou a rengul e chedaol chad a millilt el mo kudmeklii er a klengar ngii. Chelechang, el okedei me a elolem el rak ruriul, e ngii a profet er a Dios.
Bol klou a klaumerang er kau er Osobel.
Chelsel a klengar ngak, e ak mla metik el kmo sel kusuub a tekingel a profet er a Dios e, kerekikl, loba klou el reng, lomeklemalt er a soak lobengkel mellomes el osischeklel, e a klaumera er ngak er a Rubak el Jesus Kristo a blechoel meleketek.17 Alsekum e kede kuk melilt el mo mechei a tekingel e omdasou el kmo kede medengei a ngerang, e a klaumera er kid a mo mechitechut e mo diak el bleketakl osenged el kirel a diak a ulebengelel klengar. Ak yaksok er kemiu el kmo sel molemolem loltirakl er a profet, ea klaumerang er kau er a Osobel a mo klou
A Osobel a dilu el kmo, “A rokui el profet … a di mla sioning el kirek.”18
A profet a diak el dechor er a delongelem kau me a Osobel. Ng bai, dechor bita er kau e melutk er a rael el mora Osobel. Sel kot el klou el ngerchelel me a sengk loba profet a sel meral sioning, meral klemedengei er ngii el kmo a Jesus a Kristo. El uaia Peter, er a recheuodel, a reprofet er kid ouchais el kmo, “[Ngii a] Kristo, el Ngelekel a ngar el Chedam.”19
Chelsel a ngarmedad el taem, e sel dolbededek er a klengar er kid, e kede mo outkeu el kmo kid a mle ngar sel taem el ngar ngii a kiei el profet. Me seikid el sils, eak meluluuch el kmo bol sebeched el kmul uasei:
Ke de orrenges er ngii.
Ke de oumerang er ngii.
Ke de mesuub a tekingel loba kllouelreng me a klaumerang.
Kede meluluuch el kriel.
Ke de kaukledem lobengkel.
Ke de oba ngariou el reng e oltirakl er ngii.
Ke de betik a rengud er ngii.
Ak mecherei a chedaol sioning er ngak el kmo a Jesus a Kristo, a Osobeled e Osobel, ea President Russell M. Nelson a miltutk el profet er Ngii er tial beluulechad. Loba ngklel a Jesus Kristo, amen.