Muhtwacn Fuhsr ke Orekma
Muhtwacn fuhsr nuhkwewa ke Alu enenuh in puhla yohk srihpac, oasr kuhlwacnsap wo, ac puhla lah oasr kuhtuh ma wo luhn orekma se inge.
Yac se somlah ah, ke toeni luhlahp luhn pristut, Pisap Gérald Caussé el sramsram nuh sin mukul ke Alu ahkuhtweyac ke sruokyacn Aaronic ac Pristut muh pa kuhpahsr fototo in ahksahfye orekma luhn Mwet Lahngo.1Pweng sacn sie mwe insewowo yohk in kahsruh mukul fuhsr suc sruokyac Aaronic Pristut in liye lah orekma oasr yohrohlos in muhsahi tohkohsrahi luhn God fin facluh se inge. Kuhpahsr in kuhlwacnsap lalos ahkkweye Alu ac oruh sramsram loal ac olwelah insiyacn mukul fuhsr ke elos nuhnkuh lah fuhkah yohksripaciyac orekma lalos ac fuhkah wolacnaiyacn orekma kac.
Mihsenge nga ke sramsram luhk in weacng pweng sacn ke nga sramsram ke fuhkah muhtwacn fuhsr ke Alu uh, suc el oacna sie enenweyuck ac yohk srihpac in ahksahfye orekma luhn Leum ke sucu lalos an ac ke Alu Lal.
Oacna Pisap Caussé, nga muhta ke pracns srihsrihk se luhn Alu ke ma yohk ke yac fuhsr luhk, ac nga wacna siyuckyuck in ahksahfyelah orekma ac pahng ma mwet mahtuh oruh uh. Mwe srihkasrak pa, kuht ke u fuhsr kwacna kol in kahsruh oracni ac oruh mukwikwi ac orekma sacohk lasr. Kuht sihm sritacl, orwaclah u in on in orek on, ac ekihn mwet wi fohnlah ke kwewana toeni nuhkwewa. Nga pahng in ekihn mwet kol luhn on ke pracns ac kol on ke toeni luhn sackracmacn ke kais sie wik. El pa puhla wolacna se kacl tuhlihk yac 16 se in tu ye muhtuhn mwet nuh kwewa ke Sacnri ac kohlohlos ke on. Nga puhla muh nga enenuh ac etuh muh oasr ma nga kuh in sang. Mwet enenuh nga in oasr, ac luhngse puhluhn kuh se. Puhla se inge kahsruh in ahkkweye luhlahlfongi luhk ke Jisus Kraist, ac oacna el oruh kacl Pisap Caussé, el kapsra moul luhk ke kuhlwacnsap luhn wosasuc.
Kais sie mempucr enenuh lah fuhkah enenwaclos. Kais sie mwet oasr ma yohk srihpac in kahsruh ac oasr talan ac mwe sang wo lah kahsruh mokle orekma se inge in fahlac. Oasr orekma luhn mukul fuhsr ke Aaronic Pristut ahkuhtweyucki ke Doctrine and Covenant lah akihlenyuck pwacye. Sahp ac srihklac kahlwem kac nuh sin muhtwacn ke Alu, pracns lalos, ac mwet kol lalos lah ke pacl se elos pacptaislac uh, oasr olwelah ke orekma luhn muhtwacn fuhsr in “ahsor weluhlos suc ahsor; ahok, ac fah ahkenganyaclos suc enenuh in ahkenganyeyuck, ac in tu oacna mwet loh luhn God ke pacl nuh kwewa ac ke ma nuhkwewa, ac ke acn nuhkwewa ma [elos] oasr we, finne ne ke misac.”2 Oasr ma kunacn muhtwacn fuhsr in ahksahfye ke kunohkohn inge ke ward ac pracns elos kuhlwacnsap ke kuhlahs luhn prestuhnsi, ke u in kahsruh, ac ke pahng sahyac. Kwewana muhtwacn fuhsr ke Alu enenuh in puhlah wo, oasr orekma in kuhlwacnsap, ac el in puhlah kuhtuh ma wo ke kahsruh ke orekma se inge.
Ke Handbook 2, kuht lotwelah lah orekma ke ward lasr nwacnwack “orekma luhn mempucr misineri, mwe acsmakihn luhn eklac, ahkkweyelah mempucr ma suhkwac mukwikwi, tempuhl ac sramsram mahtuh luhn sucu, ac luti ke wosasuc.”3 Orekma se inge el kolyuck sin pisap luhlahlfongi lasr suc sruok ki luhn pristut ke ward lalos. Ke yac puhs nuh ingena prestuhn luhlahp luhn muhtwacn fuhsr lasr el siyuck ke kihsensiyuck se inge? “Piac sin ma eria inge ahkkahlwemyeyuck muh muhtwacn fuhsr lasr fah tiac mukwikwi kac?” Top kac pa oasr ma elos enenuh in kahsruh ke kwewana eria ke orekma se inge.
Mwe srihke pa, nga ingena sun muhtwacn fuhsr puhkantwen ke eria Las Vegas suc pahng in kuhlwacnsap ke tempuhl luhn ward ac mwet kahsruh ke sramsram mahtuh luhn sucu. Elos arulacna engan ke elos kuh in luti ac kahsruh mempucr ke ward in sokwack mwet mahtuh lalos. Yohk etuh lalos ke kampiutucr, lotwelah in orekmakihn Family Search, ac engan in akacsruhi ke etwacack sacn nuh selos sahyac. Kahlwem lah oasr fahkwack lalos ac sie kahlwem ke ma yohksrihpac in suk ke inen mwet mahtuh misac tuh akwuck enenuh in molwelah sacn in orek nuh selos in tempuhl.
Mahlwem ekahsr somlah ah, oasr ma wowo kunuck in srihke sie test yurin tuhlihk muhtwacn yac 14 luo Nga isyac kapi luo ke ma pwacye ke kahsruh luhn ward ac sang kais sie nuh sel Emma ac Maggie. Nga siyuck selos in liye ac riti plwacn sac ac liye fin oasr orekma ke kahsruh luhn ward ma elos kuh in kahsruh. Emma el liye lah sucu sasuc se el ac ilyak nuh ke ward sac, ac el fahk lah el kuh in kahsrwelos in utyak ac unpack. El nuhnkuh muh el kuh in kawuckyak nuh sin tuhlihk ke sucu sac ac ahkkahlwemye nuh selos acn ke lutlut lalos. El liye lah oasr mongo in ekuh luhn ward ma ac fah orek ac puhlakihn ohiyac puhs ma el kuh in oruh kahsruh lal kac.
Maggie el liye lah oasr mwet mahtuh puhs ke ward suc enenuh muhtwacta ac aengani. El fahk muh el luhngse in muhtwacta yurin ac in kahsruh mwet mahtuh wolacna inge. El oacyacpac puhla kuh in luti mempucr ke ward lah fuhkah ahkolah ac orekmakihn acn ke social media. Wacngihn sie ma lun plwacn inge suc ma muhtwacn fuhsr luo inge tiac kuh in kahsruh!
Kuh elos suc mempucr ke mwet kahsruh luhn ward, kuh sruok oacna sie kuhlwacnsap ke ward nuhnkuh ke ohiyac wo luhn muhtwacn fuhsr inge in kahsruh ke enenuh puhs ke ward lasr? Oasr tahk na loes ke ma sikyak ma enenuh sie mwet in kuhlwacnsap, ac kuht nuhnkuh na nuh sin mwet mahtuh ke ward an in oruh enenuh ingacn. Oacna ke mwet sruok ki luhn Aaronic Pristut el suliyuck in orekma wi pahpah tuhmwaclos ac mukul sahyac ke Melchizedek Priesthood, muhtwacn fuhsr lasr kuh in pahng in oruh kahsruh ac kuhlwacnsap nuh sin mwet enenuh kahsruh ke ward wi ninac ac tahmtahel wolacna sahyac. Elos kuh, sana, ac engan in kahsruh yohk likin na in wi alu ke lwen sacnri!
Ke kuh nuhnkuh ke ma kunac lah muhtwacn fuhsr fah finsrak in nuhnkuh kac ke pacl fototo fahsruh, kuht fah siyuck sesr mac kain in mwe srihkasrak kuh kuht in sang nuh selos ingena ma fah kahsruh ahkolah lalos in misineri se, mwet luti ke wosasuc, mwet kol luhn Alu, u srihsrihk ke alu, mwet orekma luhn tempuhl, muhtwacn kiyac, ninac, mwet kahsruh, srihkasrak, ac kawuck. Elos kuh in pwacyena muhtwacwacack ingena in ahkfohnye ma kunac puhs ingacn. Mwet fuhsr uh wacna siyuckyuck in kahsruh luti mwe luti ke kuhlahs ke lwen sacnri. Oasr ma kunacn muhtwacn fuhsr ingena in oruh kahsruh ke orekma luhn tempuhl ke akwuck kuh flaunters ke elos wi un mwet fuhsr nuh tempuhl in oruh pacptais ke mwet misac. Muhtwacn ke tuhlihk srihsrihk-matwac lasr ingena suliyuck in wi toeni in ahkolah luhn Tempuhl ac Pristut, suc fah kahsrwelos in etuh lah elos oacyacpac yohk srihpac in wi mwet kahsruh-pristut orekma. Elos etwaclah lah mukul, muhtwacn, mwet fuhsr, ac tuhlihk nuhkwewa eis mwe insewowo luhn pristut ac mwet nuhkwewa kuh in orekma luhn Leum fahsruh.
Pisap, kuht etuh lah orekma lom uh toasr, tuh sie orekma yohk lom pa in kahsruh u luhn Aaronic Pristut, Handbook 2 el sruhmuhn lah “pisap ac mwet kahsruh lal kahsruh mwet kol luhn pristut ke u in Muhtwacn Fuhsr. Elos in karihngihn ac ahkkweye kais sie muhtwacn fuhsr, fototo in orekma wi ninac pahpah ac mwet kol luhn Muhtwacn Fuhsr ke orekma inge.” Oacyacpac fahk lah “pisap ac mwet kahsruh in kwacna wo toeni luhn Muhtwacn Fuhsr, kuhlwacnsap, ac orekma.”4Kuht tarilac sin pisap suc eslah pacl in muhtwacta ke kuhlahs luhn Muhtwacn Fuhsr ac suc sang ma kunac wo nuh sin muhtwacn fuhsr in moniyuck ke orekma lalos. Kuht kuloh nuh sum ke oruh muhtwacn fuhsr lom in wi mwet oasr srihpac ke sun enenuh luhn mempucr luhn ward! Pacl wo in kuhlwacnsap ke ohiyac oasr kalmac ahkinsewowoyaclos yohk liki orekma elos oruh.
Nuh sin muhtwacn fuhsr ke Alu, matwac fuhsr lowos kuh in kahfofo ac kwacna mwe srihkasrak. Kuht akihlen lah kuhtuh suwos tikuclkucl ke inse fuhlwact, muhnahs, nuhnak yohk, ac sahp kwacna ma upac. Nuhnkuh ke mwet sahyac met liki kom nuhnkuh ke mwe elyah lom sifacna fah tiac ahkwoyelah ohiyac inge tuh kuhlwacnsap fah ahkmuhlahlahye mwe toasr lom ac ahkfihsracsrye mwe srihkasrak lom in fihsrwacsr uh. Sie ohiyac wo in ahkyohkye kuh lasr pa in ahkkahlwemye liki nuhnak ac kuhlwacnsap lasr nuh sin mwet sahyac, lah oasr orekma wo lasr in oruh.5Nga ahkkweye kowos in sralwack pouwos in flaunter ac oruh paho an in orekma ke kowos liye mwe enenuh rauni kowos lac. Ke kom ahksahfye olwelah ke orekma lom ac wi muhsahi tohkohsrahi luhn God, mwe insewowo fah kahklah nuh in moul lom ac kom fah konwacack ma loal ac sahflahiyacn mwe kahsruh luhn engan.
Tamuhlwel ac tahmtahel, muhtwacn fuhsr wiyacsr uh arulacna sun. Oasr talan, moniyuck wacngihn suhfahiac, ac kuh, ac elos kuhlwacng ac karuhnguhnwacng, Elos ke kuhlwacnsap. Elos enenuh in etuh lah elos oasr kalmac ac yoh srihpac ke orekma luhn Leum. Oacna ke mukul fuhsr ahkolah ke Aaronic Pristut nuh ke kuhlwacnsap yohk ke elos kihluckyak nuh ke Melchizedek Priesthood, muhtwacn fuhsr lasr el ahkolah in ekihn mempucr se ke u in muhtwacn luhlahp fin facluh—Rilif Sosaiti. Tuhkweni. Muhtwacn fuhsr ac mukul fuhsr kahto, fokoko, luhlahlfongi inge elos ahkolah in muhtwacn kiyac ac mukul tuhma, ac ninac ac pahpah suc fah tuhfahlah sucu wo nuh ke tohkohsrahi celestial luhn God.
Nga fahkwack lah orekma luhn Pahpah Lucng tuhmasr pa ese moul kawihl ac moul ma pahtpaht luhn Tuhlihk nahtuhl.6 Oasr orekma yohk srihpac luhn muhtwacn fuhsr sacohk lasr in kahsruh ahksahfyelah orekma yohk se inge. Ke inen Jisus Kraist, amacn.